عمد عمر خلص الحصص اللي كانت عليه وراح قعد ف مكتبه وقعد يفتكر الحلم اللي حلم بيه ويفكر ف ملك..
كان بيحلم بإن ملك ف مكان ما شبه الصحرا كدا وبتنادي وتقول ي عمر.. ي عمر ساعدني انت الوحيد اللي تقدر تساعدني وكانت ماده ايدها لي، وعمر كان واقف مش قادر يستوعب هوا ازاي جه ف المكان دا واي اللي جاب ملك هنا لحد ملقى ذئاب كتير طلعوا فجاءه ورايحين ناحيه ملك وهيا مش باصلهم... كل دا وهيا باصه عليه بس ومازالت بتقول ي عمر ساعدني ي عمر انت الوحيد اللي بتقدر تساعدني وفجاءه ذئب كبير هجم على ملك وف اللحظه دي عمر صحي م الحلم على أذان الفجر وطبعا مكنش قادر يفسر اي سبب الحلم دا.......
المهم فاق عمر من شروده وقعد يحاول يربط الأحداث... وان اكيد لما شاف ملك ف طريقه دي مكنتش مجرد صدفه، واهتمامه بملك وفضوله ف انه يعرف معلومات عنها دا اكيد مش من فراغ و أن هوا حلم أن ملك بتستنجد بيه وخصوصا ف اليوم اللي ساب مريم فيه... قعد يقول لنفسه أن دا مش من فراغ وحس اني دي كلها إشارات وان القدر حط ملك ف طريقه.... كل دا وهوا قاعد يفكر مع نفسه وقال انا منكرش اني معجب بيها بس هل هيا هتوافق عليا... بعد كدا قال لنفسه خلاص لقيتها وعرفت هعمل اي.....
نروح عند ملك اللي خلصت مدرستها وروحت وكالعاده بدأت ف روتينها الممل اللي زهقت منه.......
تسريع الأحداث.....
عدي يومين بالظبط وملك صحيت على أذان الفجر وبعد كدا صلت الفجر وزاكرت شويه وخلصت شغل البيت وجه معاد الفطار وطبعا هيا كانت محضراه لبست هدوم المدرسه وحطت ليهم الفطار على السفره وخلصوا فطارهم... وابوها راح على شعغله، وملك شالت الفطار وبعدين جه معاد المدرسه جايه تمشي عفاف نادت عليها
عفاف: اعملي ف حسابك ف عريس جايلك النهارده
ملك بعصبيه :مش موافقه انا قولتلكم لو انطبقت السما على الأرض مش هتجَوز أحمد يعني مش هتجوزه
عفاف وهيا بتشخط فيها : انتي تطولي تتجوزي أحمد دانتي وش فقر وعلى العموم ي أختي مش أحمد اللي متقدملك دا واحد تاني وابوكي موافق عليه وإداله معاد النهارده الساعه ٧ وخلي ف علمك أن العريس داخل دماغ ابوكي لأنه ابن صاحب الشركه اللي ابوكي شغال فيها فلو نطقتي كلمه لاء دي قدام ابوكي انسى بقى كله الضرب اللي خدتيه زمان وهتشوفي ضرب ابوكي على حق ربنا لأن ابوكي أدى الراجل كلمه وانا مليش دعوه مع اني كان نفسي اجوزك أحمد واستفاد من وراكي دهب بس نقول اي بقى المشكله انه داخل دماغ ابوكي
ملك وهيا بتحاول تستوعب كلام عفاف : وانا اي مليش رأي ولا اي... ع العموم اعملوا اللي تعملوه مش فارقه كتير هيا موته ولا أكتر.. وسابتها وراحت المدرسه
........
ف المدرسه
ساره : يعني برده مش هتقوليلي فيكي اي ي ملك...
ملك : ي ساره مفيش
ساره : لاء فيه ي ملك انا عارفاكي كويس عفاف عملتلك حاجه تاني
ملك: ي ريتها كانت عفاف اهو الواحد متوقع منها اي حاجه بس المشكله ي ساره ف ابويا اللي مش قادره أفهمه ومش عارفه عايزه مني اي جايبلي عريس واداله معاد النهارده حتى مكلفش نفسه يقوله وعفاف هيا اللي قالتي وطبعا مقهوره انها معرفتش تجوزني للصايع ابن اخوها
انا تعبت اوي ي ساره تعبت ومش عارفه الدنيا دي عايزه مني اي... وارتمت ف حضن ساره من العياط...
ساره : طب علشان خاطري بطلي عياط وان شاء الله خير.. خلاص بقى ي ملك سبيها لله
ملك : ونعم بالله حاضر ي ساره يلا عشان منتاخرش ع الحصه الاولى
ساره : طب اضحكي الأول عشان خاطري الدنيا مش مستاهله دموعك دي ي ملك اضحكي بقى ي بت
ملك وهيا بتحاول تتغلب على الزعل وتضحك عشان ساره: كده ي ستي اديني ضحكت اهو يلا بقى
ساره: احلى ضحكه ف العالم ربنا ميحرمني منها.. يلا ي كوكي
طلعوا فصلهم وكانت لسه المس مادخلتش وخدوا حصتهم.. ملك طبعا ولا كأنها موجوده ف الحصه عقلها عمال يودي ويجيب وعلى دي الحاله لحد ما يومهم الدراسي خلص
.......
تسريع الأحداث.....
ملك روحت بيتها وغيرت هدومها وع المغرب كدا عفاف قالتها البسي لك حاجه عدله كدا ولما ابوكي ينده عليكي ابقي اطلعي
ملك وهيا بتحاول متبينش لعفاف انها معيطه : حاضر
-ملك فضلت متحاره تلبس اي وبعدين لبست دريس جميل لونه اسود وعليه خمار اوف وايت وكوتش ابيض هيا كانت جميله فعلا وطبعا محطتش مكيب خالص.. لأن هيا اصلا مبتحبش الحاجات دي وبتقول أن الواحد بطبيعته اجمل وطبعا هيا ملامحها ملامح طفله كدا ف نفسها فكانت فعلا تجنن ❤️
ابوها نده عليها وطبعا هيا خدت صنيه العصير دخلت ومبصتش ع العريس لأنها كانت محرجه جامد وقعدت وفضلت بصه ف الارض
ابوها وهوا بيبص لعفاف: يلا ي عفاف نسيب العرسان مع بعضهم شويه
عفاف وهيا بتحاول تتظاهر بإنها سعيده : دا انت تؤمر ي ابو ملك يلا نطلع ونسيبهم يتعرفوا على بعضهم....
وخرجوا هما الاتنين وكل دا وملك برده باصه ف الارض
العريس : ها هتفضلي باصه للسجاده كتير ي عروسه ولا اي؟
ملك وهيا بتحاول تستوعب هيا سمعت الصوت دا فين قبل كدا ورفعت وشها وجت تبصله وبعدين
قالت بصدمه: اي دا انت؟......
تعليقات
إرسال تعليق