ملك وهيا بتحاول تستوعب هيا سمعت الصوت دا فين قبل كدا ورفعت وشها وجت تبصله وبعدين
قالت بصدمه: اي دا انت؟...... استاذ عمر هوا حضرتك العريس
عمر بضحك : انتي خليتي فيها استاذ بقى .. ايوا ي ستي انا العريس اي رأيك بقى
ملك : بصراحه مش عارفه اقول اي بس تقريبا كانوا بيقولوا ان حضرت خاطب مش كدا
عمر : ولو انا خاطب هاجي عندكم لي بقى ها... انا ي ستي فركشت لأن محلصش نصيب وتقدري تقولي أنك انتي نصيبي ها قولتي اي؟
ملك عقلها قد يكون شُل عن التفكير :...
عمر : يبقى على خيرت الله... ياعمي. ياعمي
ابوها: نقول مبروك ي ابني ولا اي
عمر : وهنجيب الشربات كمان
ابو ملك بصلها لاقاها ساكته قال لنفسه أدام مش بتعترض يبقى مواقفه.. وبعدين قال : على خيرت الله ي ابني... ما تسمعينا زرغوطه ي عفاف
عفاف بخبث : كان نفسي والله بس مبعرفش
عمر : خلاص مش لازم يعني زغاريط المهم ياعمي انا عايز احدد معاد الفرح
ابوها : ومستعجل لي ي ابني ما تاخدوا وقتكم براحتكم
عمر: ماانا زي ما فهمت حضرتك ي عمي اني معنديش وقت ومستعجل
ابوها : ايوه ي ابني بس..
عمر : ما بسش.. الفرح الخميس الجاي
ابوها : اي دا يعني بعد يومين؟! طب آخره شويه ي ابني
عمر : صدقني ي عمي دا كده وقته المناسب
ابوها : طيب ي ابني اللي تشوفه
عمر : طيب هستأذن انا عشان برده اظبط اموري وكدا واحنا زي ما اتفقنا وكل اللي انت طلبته انا مواقف عليه
ابوها : طيب ي ابني على خيرت الله
عمر : طيب انا همشي بقى سلام ي عروسه
.............
كل دا وملك مصدومه وحاسه انها بتحلم وان دا مش حقيقه وما تكلمتش وتعابير وشها بتبين قد اي هيا مندهشه من اللي حصل
أبوها اتكلم وقالها مبروك ي ملك ي بنتي ربنا يتملك علي خير فاضلك يومين بس ف البيت وهتمشي وتبسبينا ي ملك يااه ي ملك انا مش مصدقك هتسبينا بجد (هوا برده ي جدعان اب ومهما كانوا قاسين معانا اكيد هما من جواهم بيحبونا بس ضغوطات حياتهم بتأثر عليهم وهيا اللي بتخلينا نشوفهم قاسين معانا بس هما ف الاول وف الأخر أهلنا ولازم نبرر ليهم كل حاجه لازم نستحمهلم لو طلعوا زهقهم فينا لازم نكون مدركين قد اي الاب بيتعب عشان ولاده واي كم المعاناه اللي بيمر بيها عشان ولاده ❤️) المهم نرجع بقى لروايتنا
ملك فرحت من قلبها لمجرد انها سمعت من ابوها كلام حلو وبدون تفكير راحت عليه وحضنته جامد بكل قوته وقالتله : وانت كمان والله ي بابا انا مش متخيله اني همشي واسيبك انا بحبك اوي ي بابا
ابوها : دي سنه الحياه ي بنتي اي بنت مسيرها تسيب بيتها وتكمل حياتها ف بيت جوزها.. قال كدا وهوا كان بيكلمها باهتمام وكان حاضنها برده.. ودي اول مره تحصل من بعد ما عفاف دخلت البيت.... طبعا ي جدعان عفاف ماكانتش وافقه كانت ف البلكونه مبهوره بعربيه عمر 😂 ملناش دعوه بيها كويس اصلا انها ما كانتش موجوده كانت قطعت عليهم اللحظه
ملك طلعت من حضن ابوها وقالتله : بس انا مش عايزه اتجوز ي بابا انا عايزه اكمل تعليمي
ابوها : ي ملك سواء كملتي أو لا كدا كدا البت مسيرها تتجوز وتقعد ف البيت
ملك بس ي بابا انا عايزه...
قاطعها ابوها: ملك كدا كدا مسيرك تنجوزي ف خديها من قصيرها بقى وجهزي نفسك دا هما يومين بس.. ولو احتاجتي حاجه اطلبي من عفاف وهيا هتساعدك دا هما يومين بس
ملك : حاضر ي بابا اللي تشوفه عن اذنك
دخلت ملك اوضتها ومسكت صوره امها وفضلت تكلمها وتعيط.... كانت بتقولها : كان نفسي ي ماما تبقى جنبي وكان نفسي اخد رأيك ف كل تفصيله بس مكنتش عايزه الأمور تمشي كدا بس انا مضطره اعمل اللي بابا بيقول عليه.. انتي عارفه ي ماما أن بابا النهارده كلمني بطريقه حلوه طب انتي عارفه انا كنت فرحانه اوي وكان نفسي مطلعش من حضنه وأفضل حضناه كدا على طول. وحشتيني اوي ي ماما... وراحت ف النوم من كتر العياط وهيا حضنه صوره امها....
_________________$
تاني يوم صحيت وخلصت كل اللي وراها كالمعتاد وبعد ما خلصوا الفطار راحت ع المدرسه...
ف المدرسه..
ساره : بت ي ملك ما حكتليش اي اللي حصل انبارح ي بت
ملك : اسكتي ي بت ي ساره مش هتصدقي العريس طلع مين
ساره بضحك: واحد عجوز ف الستينات كدا صح😂
ملك : انا فكرت كدا اول لما عفاف قالتي أن ف عريس وكدا قولت هيبعوني وبيقبضوا تمنى بس محصلش كدا ساره : اومال حصل اي
ملك : طلع ي اختي شاب ف العشرينات واسمه استاذ عمر ومدرس جيولوجيا
ساره : ودا اللي وقعه ف طريقك ي اختي.. أي دا استنى انتي قولتي اسمه عمر وأستاذ جيولوجيا بت ي ملك اوعي يكون قصدك عمر اللي هوا عندنا ف المدرسه دا الأستاذ المغرور اوعي
ملك : لا اطمني ي اختي ه.
ساره : الله يطمنك
ملك : استنى اكمل الجمله هوا بعينه بغباوته بشكله العكر ي اختي
ساره : ملك متهزريش ف الحاجات دي
ملك : وههزر معاكي لي ي اختي استاذ عمر اللي عندنا ف المدرسه بتاع الجيولوجيا هوا اللي اتقدملي اتهدي بقى وانبطي
ساره : لا قارده أصدق ولا قادره استوعب طب وانتي وافقتي
ملك : ابويا موافق عليه
ساره : طب وانتي؟
ملك : اكيد مش هكسر لا ابويا كلمه ي ساره يعني
ساره : دا جواز ي هبله مش طقم ولا أكله ولا اي حاجه عشان ابوكي بيفرضه عليكي وانتي توافقي كدا عادي
ملك : خلاص ي ساره انا مستسلمه لقدري و مقتنعه دايما إن رب الخير لا يأتي الا بالخير واكيد جوازي من الاستاذ عمر دا فيه خير ليا
ساره : شوفتي اديكي بتقولي استاذ واصلا فرق السن بينكم يجي ست سبع سنين كدا مش هيبقى ف تفاهم بينكم
ملك : ي ستي. وبعدين دي الحاجه اللي لفتت نظرك بس
ساره : اصلا الحوار كله مش ع بعضه كدا مش ظابط اي إللي يخلي عمر دا يتقدملك اصلا
ملك :دي حاجه محيراني برده بس تفتكري لي ي بت ي ساره
ساره : مهوا بالعقل كدا اكيد مش معجب بيكي
ملك: ي رافع من معنوياتي دايما
ساره : مش قصدي بت انتي تتحبي وكل حاجه دا انتي قمر ي بت بس هوا لحق يحبك ف الكام يوم دول اكيد لا. ف سبب تاني ولازم نعرفه يملك. يكون ي بت ملك عايز ينتقم لما هزقتيه وشمتيه وقليتي منه بس هوا شخص عاقل اكيد مش بيفكر بالطريقه دي ف حاجه لازم نعرفها..
ملك : انتي قلبتي ع المفتش كرمبو كدا لي 😂
ساره: وليكي نفس تضحكي ي تافهه بقى انا عماله افكر ف تبرير للي حصل وانتي ولا فارقه معاكي غوري ي به
ملك : يعني اعمل اي دلوقتي.. وبعدين انا مشفتهوش النهارده ي بت ساره هوا غايب ولا
ساره : لازم يغيب مش عريس ي اختي
ملك: اه صحيح ... انتي عارفه الفرح امتى
ساره : اشجيني امتى ي اختي
ملك : بكرا مش بكرا الخميس
ساره : بتهزري.. طب اي هتلحقي تظبطي امورك وكدا
ملك:والله ي بنتي ما انا عارفه
ساره : طيب شكلنا بكرا هنغيب من المدرسه وهجيلك من بدري... اشطا
ملك : اشطا... يلا سلام هتستناكي بكرا
......
ملك روحت وفضلت تفكر... هوا اللي انا فيه دا بجد هوا فعلا هتجوز بكرا طب ازاي ف حاجات كتير اوي المفروض اعملها طب ع الاقل كان يحدد الفرح بعد شهر أو حاجه.... قاطع تفكيرها رنة فونها...
ملك اي دا دا رقم غريب هرد مش هخسر حاجه : الو
عمر : ازيك ي ملك
ملك: ازي حضرتك.. بس هوا حضرتك جبت رقمي منين؟
عمر : هغلب يعني.. جبته من جروب الدفعه ي ستي
ملك : اه.. جروب الدفعه
عمر : بقولك هبعتلك كام صوره دلوقتي لكام فستان اختاري منهم بقى اللى يعجبك
ملك : مش مستهاهله والله تكلف نفسك مش لازم يعني فستان
عمر : هوا اي اللي مش لازم فستان لا طبعا لازم تلبسي فستان وتفرحي وبعدين هوا بيتلبس مره واحده ف العمر بس...ولو مش عارفه تختاري نختاروا سوا
ملك: عندي فكره حلوه اختاروا انت على ذوقك وانا متأكده انه هيطلع حلو
عمر : مع اني مش عارف هعرف اعمل كدا ولا لاء بس تمام هختاروا انا.. وصحيح نسيت اقولك الميكب ارتست هتجيلك بكرا انا اتفقت معاها
ملك : ملهاش لازمه على فكره انا حلوه من غير اي مكياج واصلا مش محتاجه الحاجات دي
عمر: ي واثق انت ي جامد... احممم اقصد يعني ان دي مره واحده ف العمر ي ملك وكدا يعني
ملك : طيب اللي تشوفه ي مستر.... تصبح على خير
عمر وهوا متعصب من الكلمه وانتي من اهل الخير ي ملك
................
تاني يوم ملك صحيت وصلت الفجر وروقت البيت وكانت بتقول.. شكلها هتقي آخر مره اروقك فيها...البيت هيوحشني واوضتي هتوحشني وسريري كمان هيوحشني على الرغم من اني اتبهدلت هنا كتير بس زكرياتي الجميله مع ماما هنا هتفضل دايما دايما محفوره ف قلبي وعقلي.....
خلصت اللي وراها وكدا وبعدين رنت ع ساره عشان تيجي وبعد فتره كدا جت....
ساره : صباح الجمال على احلى عروسه ف الدنيا
ملك : صباح الانوار عليكي ي عسل وحشتيني من امبارح للنهارده... اي دا اللي انتي شايلاه معاكي دا
ساره : دا تقريبا ي ستي الفستان بتاعك كان حد جايبه وقابلني ع السلم وانا خدته منه لما قولتله اني صحبت وكدا
ملك : طب تعالى بسرعه نتفرج عليه ونشوف بقى زوق عمر عامل ازاي..دخلوا اوضة ملك
ساره : واو اي الجمدان دا ي بنتي لا لا ء دا فوق الروعه
ملك : فعلا دا شكله جميل جدا وسيمبل ف نفسه شكله حلو اوي
ساره : طلع زوقه جامد بجد
ملك :يعني لو زوقه مش جامد كان اختارني مثلا
ساره : ف دي عندك حق ي لوكه.... بقولك اي ادخلي خدي شاور كدا وبعدين تعالى نقيس الفستان عليكي ومتتاخريش عليا بالله لحسن عفاف تتطلعي وانا بخاف منها صراحه
ملك بضحك : حاضر ي اختي.. وبعدين متخافيش هلحقك قبل ما تاكلك
بعد شويه كدا طلعت ملك ... وراحت تجرب الفستان وكان اي اكنه متفصل عليها
ساره بانبهار : اي دا انا عمري ما شفت قمر بيطلع بالنهار اي الجمال دا كله ي ملك انا خايفه عليكي لغفاف تديكي عين
عفاف بغضب : سمعت حد بيقول عفاف ...
ساره : سلام قول من رب رحيم
عفاف: اي ي اختي شفتي عفريت
ملك وهيا بتحاول تكتم ضحكتها: احمم.. هيا متقصدش ي مرات ابويا مش. كدا ي ساره ولا اي
ساره : اوماال دا انتي حبيبي ي خالتو عفاف
عفاف : ماشي ي اختي.... وبعدين تعالى هنا ي بت ي ملك انتي جبتي الفستان دا منين... ها
ملك : دا عمر هوا اللي بعته
عفاف : اه قولتي لي عمر هوا اللي بعته بس دا شكله غالي اوي وحلو كمان دا يطلعله بكام دا
ساره : ولا غالي ولا بتاع دا يطلعله ب ألفين تلاته مش غالي ولا حاجه
عفاف : ما يبنش عليه يعني أنه رخيص .. بس ماشي ع العموم ي ملك خلصي بدري قبل ما عريسك يوصل عشان هنكتب الكتاب وتروحي معاه انجزي كدا قبل العصر عشان زمانهم على وصول
ملك : حاضر أن شاء الله هكون خلصت قبل يجوا... قاطعهم صوت جرس الباب
ساره؛ طب انا هروح افتح انا
بعد شويه.. ساره : اي دا ي ملك هوا انتي اتفقتي مع ميكب ارتست ولا اي
ملك : دا عمر هوا اللي اصر
ساره : طيب
الميكب ارتست واسمها أميره : اي دا العروسه لبست الفستان قبل ماتحط الميكب مستعجله اوي كدا على لبس الفستان
ملك: كان نفسي اجربه اوي
اميره : بس بصراحه شكله يجنن عليكي يهبل
ملك : تسلمي لي.. انا بصراحه مكنتش عايزه احط ميكب بس يلا اعمل اي بقى بس هيا مره ف العمر علي رأيهم
اميره؛ بصراحه انتي مش محتاجه بس هحاول احط لك ميكب خفيف كدا
ملك طب تمام
.....
بدأت ملك تحط الميكب وساره واقفه مبسوطه وبعد فتره كدا يعني ع المغرب كدا ساره كانت لبست الفستان اللي كانت جايباه معاها وملك كانت خلصت وكانوا شكلهم يجنن الصراحه
ساره : ملك تعالى تصور كام صوره بمناسبه انك هتودعي العزوبيه بقى وكدا
ملك : يلا ي سو
وبدؤا بتصوروا وبعد شويه عمر وصل
وبدؤا يكتبوا ف الكتاب.... ابو ملك نادلها عشان تمضي
ملك : ساره انا خايفه اطلع ي ساره
ساره : يلا ي بت بلاش هبل اطلعي أمضى وخلينا نفرح يلا.. وانا همسكلك الفستان اهو
ومشيوا ودخلوا عند الريسبشن الاوضه اللي ابوها وعمر والماذون والشهود فيها ودخلت
عمر لما رفع وشه وشافها قال : اوبا اي الجمال دا كله لا لا انا مش قادر تعالى أمضى بسرعه يلا
ملك ومضت وبعد كدا المأذون قال الجمله المشهوره "بارك الله لكما وبارك عليكما وجمع بينكم في خير"
ساره راحت ناحية ملك وحضنتها جامد وهيا فرحانه جدا وقالتها؛ مبروك ليكي ي قلبي فرحانه ليكي اوي
ملك؛ الله يبارك ي فيكي ي ساره عقبال م افرح بيكي ي بت
عمر : مبروك
ملك؛ الله يبارك فيك
عمر : طب مش يلا بقى ولا اي انا مش قادر استنى صراحه
ملك : طب ما تسبني شويه كمان لو سمحت
عمر : انتي المفروض دلوقتي تكوني ف بيتك ي ملك يلا
ملك: حاضر ثواني بس كدا هعمل حاجه وراحت حضنت ابوها جامد وقالت : هتوحشني اوي ي بابا اوعي تنساني ي بابا
ابوها : انا اقدر انساكي ي ملك انتي كمان هتوحشني اوي.. يلا عشان جوزك مستني
عمر : ها مش يلا بقى ولا اي
ملك طب آخر حاجه هجيب حاجه بس واجي
عمر: شكلنا مش هنخلص النهارده روحي ي ملك ومتتاخريش
ملك راحت وجابت بوكس كبير كدا وبعدين طلعت وقالت لعمر يلا
عمر؛ اي دا
ملك : دي زكرياتي
عمر : طب هاتي عنك وخليكي ف فستانك اللي مش عارفه تمشي فيه دا
ساره : يلا وانا همسك الفستان معاكي لحد ما توصلي للعربيه
نزلوا تحت وبعدين ملك دخلت قعدت ورا وساره ساعتها تدخل الفستان جوه العربيه أصله كان كبير اوي
عمر: اركبي معانا ي ساره نوصلك ف طريقنا
ساره : لاء عشان تبقوا براحتكوا بقا وكدا
عمر : براحتنا اي اركبي ي هبله اركبي
ساره ركبت جنب ملك وعمر ساق العربيه وملك فضلت ماسكه ايد ساره وخايفه جدا وساره عماله تبصلها بنظرات وبتحاول تطمنها بعد شويه عمر يلا ي ساره بتكم اهو يلا انزلي.. ساره جايه تنزل بس وقفها ملك اللي كانت ماسكه ايدها جامد وعيناها مليانه بالدموع ملك : هتمشي وتسبيني
ساره : متقليقيش ي ملك كله هبيقي تمام
عمر : اي ي ملك انتي خايفه من أي انا هاكلك مثلا يلا ساره عشان الوقت اتأخر
نزلت ساره ومشيت وسابت ملك اللي فضلت تعيط وبعدين فكرت هوا ازاي عمر عرف بيت ساره من غير مهيأ تقوله ساكنه فين؟! يمكن قالته وانا اللي ما خدتش بالي ولا حاجه...
وعمر كمل سواقه... وكان حاسس ان قلبه بيوجعه عشان ملك كانت بتعيط... عمر فضل انه يسكت وبعد شويه العربيه وقفت قدام بيت أقل مايقال عنه أنه قصر كان بيت شكله يهبل ...... (وازاي ما يهبلش وهوا بيت عيلة الرفاعي صاحبت أكبر شكله استيراد وتصدير ف الشرق الأوسط)
عمر : يلا ي ملك انزلي
ملك:.....
عمر : ملك..
تعليقات
إرسال تعليق