آسر:جرمييييين ....
اتنفضت جرمين من صوته
قرب عليهم آسر واتطمن علي ياسمين الأول
آسر:انتي كويسه!
كانت دموعها نازله علي خدها ومنطقتش
آسر لجرمين:من هنا ورايح مش عايز أشوف وشك خالص ولو بالصدفه والشراكه الي بينا اعتبريها انتهت ولولا انك واحده ست قسما بالله أنا كنت ربيتك علي الي عملتيه ده
ومسك كوباية العصير من ايديها ورشها فوشها زي ماعملت مع ياسمين وخدها ومشيوا
______
في العربيه
كانت ياسمين دموعها نازله بصمت
آسر:ممكن كفايه عياط بقي
ياسمين: أنا مش بعيط علي فكره
آسر:والدموع الي علي خدك دي اييه
ياسمين:.......
لا رد
فضلوا ماشين لغاية ماآسر وقف بالعربيه
ياسمين:وقفت ليه
آسر:أنا عارف انك بتحبي تقعدي هنا لما تكوني زعلانه عشان كدا وقفت
بصتله ياسمين باستغراب انه عارفه أدق تفاصيل حياتها لكنها معلقتش ونزلت م العربيه
قعدت علي الاستراحه الي قصاد النيل وفضلت بصاله كأنها بتشتكيله همها
بعد شويه نزل آسر من العربيه وراح قعد جمبها
آسر:ياسمين أنا كنت عايز أعتذرلك علي الي حصل النهارده
(دي أول مره آسر يتأسف فيها لحد)
ياسمين:بتتأسف علي اييه ماانت زيك زيهم متفرقش عنهم حاجه كلكم بتتعاملوا مع الي زينا علي انهم عبيد عندكوا مش قادرين تستوعبوا ان كلنا بشر ومفيش فرق بين غني وفقير بس هنعمل اييه بقي الطمع وكتر الفلوس يعملوا أكتر من كدا
فضل آسر باصص قدامه للنيل ومردش علي كلامها
ياسمين :أنا عايزه أمشي
بصلها آسر بصه مفهمتهاش لكنه قام من مكانه ومشي ناحية العربيه وياسمين وراه
ركبوا العربيه واتجهوا ناحية فيلا آسر
________
عدت الأيام
وياسمين قاعده في الفيلا لوحدها مبتخرجش منها لأن آسر مانع انها تخرج وكمان مش معاها تليفون تتكلم منه أو تفتح نت من عليه وآسر مشغول علي طول نادرا مابيجي الفيلا بسبب شغله
كانت قاعده في الجنينه لغاية ماالست الحريزبونه جات
الست بصوت عالي:ياااااست هااااانم
ياسمين بخضه:أعوذ بالله من الشيطان الرجيم...اييه خضتيني
الست:الباشا بعت لحضرتك دول
حطت الست شنطه كبيره علي الترابيزه الي قدام ياسمين
الست:تأمريني بحاجه تانيه
ياسمين:لا شكرا...صحيح انتي اسمك اييه
الست بصوت عالي:شكررررييييه
ياسمين:خلاص .... يارتني ماسألتك
مشت الست وفتحت ياسمين الشنطه لقت فيها روايات كتيييرررر
ياسمين في نفسها:وكمان عارف اني بحب الروايات ....علي العموم كتر خيره أهي أي حاجه تسليني بدل الملل ده
كانت الروايات دي هي التسليه الوحيده لياسمين
كانت بتقرأ فيهم علي طول
________
أنهي آسر شراكته مع جرمين وعملها تخارج من الشركه وادالها حقها وحذرها من إنها تجي ناحيته هو أو مراته تاني
______
في مساء أحد الأيام
كان آسر سايق عربيته في طريقه للفيلا
واليوم ده مكنش معاه حراس
اعترضت طريقه عربيه كبيره وخرج منها ٣ رجاله وفي اديهم عصيان
بدأ ا يخبطوا بالعصيان علي عربية آسر وهو جواها لأنهم مقدروش يفتحوا العربيه
استغرق الأمر دقايق لغاية ماتمكن آسر انه يمسك المسدس ويضرب عليهم نار
أول ماسمعوا صوت ضرب النار هربوا
بالنسبه لآسر فااتعور في دماغه جامد وكان بينزف ومع ذلك وصل بالعربيه لغاية فيلته وده كان صعب عليه جدا
نزل من العربيه وهو مش قادر ومش شايف قدامه
_____
كانت ياسمين في الجنينه بتقرأ روايه من روايتها
وفجأه لقت آسر قدامها وهو بينزف وقع الكتاب من ايديها وهي مصدومه
آسر خلاص مكنش قادر وكان لسه هيقع سندته ياسمين
ياسمين بخضه:انت كويس!يا ناس ياإلي هنا
آسر : متندهيش لحد ..ط..طلعيني قوضتي من سكات
ياسمين:طيب حاضر ....حتي وانت بالمنظر ده بتدي أوامر
طبعا آسر كان سامعها لكنه مكنش قادر يرد عليها
ساعدته ياسمين وطلعته علي قوضته بصعوبه شديده
ياسمين :ثانيه واحده هجبلك حاجه أطهرلك بيها الجروح دي
جابت ياسمين شنطة الاسعافات الأوليه
بدأت ياسمين في تطهير الجروح وآسر بيتألم ولكن في صمت لأنه عمره مااتعود يظهر ألمه لحد
وياسمين لاحظت ده
لكنها استمرت في التطهير وف مره ضغطت علي الجرح جامد فمسك إيديها بغضب
ياسمين:أسفه أسفه
ساب ايديها وبص للناحية التانيه
بعد دقايق
ياسمين:أنا كدا خلصت
بصلها آسر ومردش
ياسمين:مفيش شكرا مفيش كلمه حلوه طيب إنت إييه ياأخي
آسر:بتبرطمي بتقولي اييه؟
ياسمين:مبقولش حاجه اتخمد
مردش عليها ونام
فضلت ياسمين جمبه طول الليل عشان تتطمن عليه
______
في الصباح
صحي أسر من نومه لقي ياسمين قاعده علي الأرض وسانده راسها علي السرير
بصلها وهو بيبتسم وبعدين قام شالها ونيمها علي السرير وغطاها طبعا كان هيقع بيها لأنه لسه دايخ (😂😂 )
آسر:يخربيتك بتاكلي اييه!...
فضل باصصلها شويه وبعدين سابها ونزل
____
صحت ياسمين ملقتش حد في الغرفه فنزلت تحت
ياسمين بصوت عالي :شكررريييه انتي ياوليييييه
شكريه:أيوه ياست هانم
ياسمين:الزفت الي اسمه آسر غار مش كدا؟...
آسر من غرفة المكتب:لأ الزفت لسه مغارش
(😅😅)
ياسمين :............
تعليقات
إرسال تعليق