ياسمين بفزع:انتي ياوليه ياحيزبونه مش تقوليلي انه لسه هنا أعمل اييه دلوقتي هينفخني
شكريه:مهو حضرتك مدتنيش فرصه
ياسمين :طب امشي غوري
دخلت ياسمين غرفة المكتب بخوف
ياسمين :صباااااح الخييييير
آسر:صباح الزفت علي دماغك إن شاء الله
ياسمين:ليه كدا دا أنا حتي جايه أتطمن عليك
آسر:هو أنا مش قولتلك قبل كدا تقصري لسانك ده وإلا هقصهولك!
ياسمين:جري اييه بهزر يارمضان مبتهزرش
آسر :رمضان مين
ياسمين:لا دا افيه بيتقال كدا علي بعضه
قام آسر من علي الكرسي
آسر:أنا همشي أحسن ماارتكب فيكي جنايه دلوقتي
ياسمين:استني هنا انت رايح فين وسايبني
آسر:رايح الشركه
ياسمين:خدني معاك
آسر:أخدك معايا فين هو أنا رايح الملاهي!
ياسمين:أنا زهقت م القعده هنا وانت مش عايزني أخرج لوحدي يبقي خدني معاك أنا اتخنقت طول النهار وشي ف وش الحيزبونه دي أنا مليت
آسر:ماشي اطلعي غيري هدومك وأنا مستنيكي
ياسمين بفرحه لأنها هتخرج أخيرا:ماشي
طلعت ياسمين غيرت هدومها ونزلت
ياسمين:يلا بينا
آسر:البلوزه دي ضيقه اطلعي غيريها
ياسمين:مش ضيقه ولا حاجه هي الي نظامها كدا دي موضه وبعدين انت الي جايبها
آسر:مش عجباني غيريها
ياسمين:مش مهم تعجبك انت المهم انها عجباني
آسر:اطلعي غيري البلوزه ياياسمين والا مش هتيحي معايا
ياسمين بنفاذ صبر:حاضر
طلعت ياسمين غيرت البلوزه ونزلت تاني
ياسمين:حلو كدا ولا في اي اعتراض
آسر:فين العقد الي ادتهولك
ياسمين:فوق
آسر:هو انا مش قايلك متقلعيهوش أبدا انتي مبتسمعيش الكلام ليه أه ؟!
ياسمين:خلاص بقي المره الجايه هبقي ألبسه
آسر :اطلعي هاتي العقد والبيسه
ياسميه: ماأنا لسه نازله من فوق هطلع تاني!
آسر:أيوه عشان تتعلمي بعد كدا انك تسمعي الكلام
خبطت ياسمين برجليها ف الأرض زي الأطفال
ياسمين :يوووووه بقييي
طلعت ياسمين لبست العقد ونزلت تاني
ياسمين:تعرف لو قولتلي فيه حاجه تاني ناقصه أنا هصوت وألم عليك الناس انت فاهم!
آسر:يلا بلاش غلبه اتأخرنا
_______
في شركة أسر وبالتحديد في مكتبه
كان آسر قاعد علي المكتب وقدامه ورق كتير بيبص فيه
وياسمين قاعده قدامه حاسه بملل
لغاية ماجه شاب فتح الباب من غير حتي مايخبط عليه
آسااااااارررررر
آسر:جري اييه يامتخلف انت حد يدخل كدا!
نادر :اييه ياعم جو القفش ده ع الصبح
آسر بحده:نااادر لو دخلت تاني بالطريقه دي هزعلك انت فاهم!
نادر:خلاص ياسيدي متزعلش
بص نادر لياسمين
نادر:أهلا وسهلا مين القمر
ياسمين بابتسامه :ياسمين
نادر:انتي موظفه جديد هنا؟
ياسمين:لا
نادر:يبقي القمر حد من المستثمرين
ياسمين بنفس الابتسامه:الحقيقه لأ
نادر: أمال مين حضرتك
آسر:مراتي
نادر:مين؟
آسر:اييه مبتسمعش بقولك مراتي
نادر بصوت واطي:انتي سبتي رجالة مصر كلها وجايه تتجوزي الأخ ده
آسر:بتقول اييه ياحيواااان
نادر:أ..لا ده أنا بشكرلها فيك
ضحكت ياسمين علي نادر
نادر بعفويه:ضحكتك حلوه قوي
آسر بغضب:اطلع بره يانادر
نادر:خلاص متزوقش ! امسك الملفات الي طلبتها
حط الملفات علي المكتب وقرب من آسر
نادر بصوت هادي من غير ماياسمين تسمع: وبقينا بنغير أهو
آسر:اطلع بره يامتخلف
نادر:حاضر ياعم همشي منزعلش كدا
.......عن اذن القمر
هنا مسك آسر الدباسه وحدفها ناحية نادر لكنه خرج من المكتب قبل ماتيجي فيه
آسر:عيل سئيل
كل ده ف وسط ضحكات ياسمين
ياسمين:والله نادر ده ظريف جدا
آسر باندفاع:وحياة أمك!
بصتله ياسمين باستغراب شديد
آسر بحرج:احم...أ..أنا ورايا اجتماع خليكي هنا
وسابها آسر ومشي
(نادر الصياد٣٠ سنه شريك آسر في الشركه وشغال معاه )
______
فضلت ياسمين قاعده في مكتب آسر شويه لغاية مازهقت وقررت انها تخرج بره تتفرج ع الشركه وكدا
خرجت ياسمين من المكتب وبدأت تمر علي المكاتب بهدوء كدا من غير ماحد يلاحظها هم أساسا كانوا مشغولين جدا لغاية ما وصلت لمكتب عليه بنتين كانوا بيتكلموا عن آسر فوقفت تسمعهم
بنت١:بصراحه آسر بيه ده قمر قوي
بنت ٢:يااااه لو بس يبصلي
بنت١:انتي اتجننتي بقي آسر الراوي هيبص لواحده زيك
بنت٢:وميبصليش ليه مهو متجوز واحده مستواها زينا
بنت١:هموت وأعرف وقعته ازاي دي
بنت٢:دي أكيد عقربه الي تعرف توقع واحد زي آسر ده وتتجوزه
بنت١:عندك حق
قاطعتهم ياسمين:أنا أسفه اني بقطع حديثكم الشيق ده بس في سؤال بيلح عليا هو انتوا مفيش وراكوا شغل!
بنت١:انتي مين؟
ياسمين:ايه ده هو أنا معرفتكوش بنفسي!..أنا أسفه جدا مع حضرتكوا العقربه شخصيا...
بنت ٢:نعم!
ياسمين:أنا مرات آسر بيه ...هااه عرفتوني
اتصدموا البنتين
بنت١:ا..احنا مكناش نقصد والله
ياسمين:منا عارفه انكوا متقصدوش عشان كدا مش هقول لآسر عليكوا عارفين ليه لأني مبحبش أقطع عيش حد بس ياريت بعد كدا تهتموا بشغلكوا وتبطلوا نم علي الناس
بنت٢:حاضر يافندم احنا أسفين
سابتهم ياسمين ومشت لقت الكافتيريا بتاعت الشركه قدامها فراحت هناك وطلبت قهوه
خلص الاجتماع ورجع آسر علي مكتبه ملقاش ياسمين فبدأ يدور عليها
ياسمين!...ياسمين مختار مش كدا
بصت ياسمين ناحية مصدر الصوت
ياسمين:عادل محفوظ!...ازيك
عادل:ياسو فينك يابنتي من زمان اختفيتي كدا
ياسمين:أنا برده الي اختفيت ولا انت
عادل:تعرفي اني كنت بفكر فيكي النهارده
ياسمين:بجد!
عادل:أه بجد واديني شوفتك أهو قوليلي عامله ايه ف الدنيا
ياسمين:الحمد لله هو انت بتشتغل هنا؟
عادل:ايوه وانتي بتعملي ايه هنا أكيد اتعينتي هنا
ابتسمت ياسمين ومصححتش المعلومه لعادل
(عادل محفوظ كان زميل ياسمين أيام الثانويه)
عادل:أنا فرحان انك هتبقي معانا وهشوفك كل يوم
غيرت ياسمين الموضوع:انت اتجوزت ولا لسه؟
عادل:لا بس خاطب
ياسمين:وفرحك امتي بقي
عادل:لسه محددناش أنا أصلا كنت بفكر أفسخ الخطوبه
ياسمين:ليه بس
عادل:مفيش فيها حاجه منك
حست ياسمين بحرج وبعدين ردت
ياسمين:أكيد طبعا لأنها مش أنا كل واحد فينا ليه صفات غير التاني انت بس جرب تفهمها وهتحبها
عادل بحب:ازاي وأنا عمري ماحبيت حد غيرك ياسمين أنا مقدرتش أنساكي حتي بعد السنين دي كلها أنا لسه بحبك.....
آسر بغضب وبصوت هز الشركه كلها:ياااااسمين...
تعليقات
إرسال تعليق