ياسمين بصراخ:أااااااه
اتنفض آسر من علي السرير
آسر بخضه:اييه في اييه
جرت ياسمين عليه ومسكت فيه
ياسمين:فااااااااار فيه فااااااار
آسر:كل ده عشان فار!
ياسمين:أيوه طبعا أنا بترعب منهم ازاي تبقي فيلا طويله عريضه كدا وفيها خدم كتير ويبقي فيها فار ....ايييه هتفضل واقف كدا
آسر:عايزاني أعملك اييه
ياسمين:اتفضل موته
فضل آسر واقف مبيتحركش
ياسمين:مااتحركتش ليه
آسر:اتحرك ازاي وانتي قافشه فيا زي الي ماسك حرامي غسيل كدا؟
سابته ياسمين وهي محرجه
طبعا آسر خاض معركه داميه مع الفار لغاية ماقدر انه يموته ف النهايه طبعا كانت ياسمين واقفه علي الكنبه وهي مرعوبه
آسر وهو بينهج:اتفضلي ياستي أدي البعبع الي كان مخوفك
ياسمين بخوف من منظر الفار الميت:ا..ارميه ارميه بره بقي
رمي آسر الفار بره من البلكونه ودخل غسل ايده
آسر:يلا اتفضلي نامي ع السرير وأنا هنام ع الكنبه امشي!
ياسمين:ايه ده انت طلعت محترم أهو!
آسر:تصدقي ان أنا غلطان
ياسمين:لا لا وعلي ايه متشكرين ياسيدي
اتجه كل واحد لمكانه عشان ينام
______
فتحت ياسمين عنيها علي صوت حد بيخبط علي الباب لقت نفسها في الغرفه لوحدها
ياسمين:ادخل
دخلت الست الي ياسمين مش بتطيقها
الست:آسر بيه بيبلغ حضرتك ان الفطار جاهز
ياسمين:إنزلي قوليله أنا مش عايزه أفطر
مشت الست وبعد شويه رجعت تاني
الست:آسر بيه بيقول لحضرتك انزلي بالزوق أحسنلك بدل مايطلع يجيبك بالجزمه
ياسمين :بالجزمه! طيب... أنا نزلاله
نزلت ياسمين وهي متعصبه
ياسمين:هي مين دي الي تجيبها بالجزمه انت فاكراني اييه خدامه عندك!
آسر ببرود:اقعدي افطري
ياسمين:مش عايزه أطفح
شدها آسر من دراعها وقعدها بالعافيه
آسر:كلي يلا!
كلت ياسمين وهي متغاظه
آسر:براحه علي نفسك ودانك هتطلع نار كمان شويه من كتر الغيظ
ياسمين:أنا عايزه أتطمن علي نرجس
آسر:متقلقيش هي كويسه
ياسمين:المفروض اني أثق فيك بالكلمتين دول!
آسر:أيوه طبعا
ياسمين:ليه ان شاء الله
آسر:لأني جوزك مثلا!
ياسمين:أنا بتكلم بجد علي فكره
آسر:ماشي ياستي هطمنك عليها
طلب أسر رقم الراجل بتاعه وخلاه يدي التليفون لنرجس عشان تكلم ياسمين
ياسمين: نرجس حبيبتي عامله اييه
نرجس:أنا كويسه خالص الناس هنا بيعاملوني كويس بس انتي وحشاني قوي عايزه أشوفك
ياسمين بدموع :قريب ياحببتي قريب ان شاء الله المهم انتي خلي بالك من نفسك وخدي الدوا بتاعك ماشي ياحببتي
نرجس:حاضر
انهت ياسمين المكالمه مع أختها لإنها مكنتش قادره تتكلم أكتر من كدا بسبب دموعها الي كانت خنقاها
ادت التليفون لآسر وسابته وطلعت
____
فضلت ياسمين في غرفتها ماخرجتش منها لغاية مالظلام حل
صوت خبط ع الباب
ياسمين :ادخل
دخل آسر
آسر:قومي البسي يلا عشان هنخرج
ياسمين:نخرج نروح فين
آسر:هتعرفي لما تقومي يلا ولا عايزه تفضلي محبوسه هنا
ياسمين:لا طبعا محبوسه ايه ده أنا اتحنطت من القعده دي ....هقوم ألبس
خرج آسر وقامت ياسمين تدور علي حاجه تلبسها
نقت فستان لونه أسود وجزمه سودا وشنطه سودا
خبط آسر علي الباب وأذنتله بالدخول
ياسمين بعفويه:هاااه ايه رأيك
آسر:هو ليه كله اسود انتي رايحه عزا!
ياسمين:انا بحب الأسود ملكش دعوه يلا بينا بقي
آسر :ثانيه واحده لسه حاجه ناقصه
ياسمين:اييه تاني؟
آسر: ده
كان ماسك ف ايده عقد
آسر:البسيه
مسكته ياسمين من ايده ولبسته
آسر:العقد ده متقلعهوش نهائي مفهوم!
ياسمين باستنكار:ليه هو عقد الأميره ديانا وأنا معرفش!
آسر :بلاش تريقه....ويلا بينا
______
في مطعم علي النيل
ياسمين :وااااو المكان هنا تحفه
آسر:أنا عارف انك بتحبي النيل عشان كدا جبتك هنا
ياسمين:وعرفت منين بقي
آسر:أنا أعرف عنك كل حاجه بتحبي اييه بتكرهي اييه مين أهلك جيرانك أصحابك وزمايلك في الشغل حتي زوقك في اللبس كل حاجه
ياسمين:وانت تعرف عني تفاصيل حياتي ليه؟
آسر:الست الي تبقي مراتي لازم أعرف عنها كل حاجه انتي بقي تعرفي عني اييه؟!
ياسمين:أعرف عنك انك بني أدم قاسي قلبك حجر تدوس علي أي حد في سبيل مصلحتك تدمر أي حد يفكر إنه يقف قصادك ويعارضك تدوس علي أقرب الناس ليك لو وقفوا في طريقك مش هو دا آسر الراوي ولا أنا غلطانه
آسر:للدرجه دي أنا واطي ف نظرك
ياسمين:لا الصراحه واطي دي قليله عليك
مردش آسر علي كلام ياسمين وهي حست بانتصار كبير انها قدرت تواجهه بالكلام ده
آسر:يلا نمشي
مشيوا الاتنين وروحوا علي البيت
______
في اليوم التالي
كانت ياسمين نازله علي السلم
فشافت جرمين وهي بتودع آسر
جرمين:متنساش معادنا بكره
آسر بابتسامه:أكيد طبعا
مشت جرمين
ياسمين:عايزه ايه دي
آسر:عازمانا بكره أنا وانتي علي حفلة عيد ميلادها
ياسمين:وانت هتروح؟
آسر:لا طبعا هو أنا فاضيلها
ياسمين بعناد:بس أنا عايزه أروح
آسر:هتروحي مع مين بقي اذا كنت أنا مش هروح
ياسمين: هروح مع نفسي ملكش دعوه
آسر: ماشي ياياسمين انتي حره روحي بس هيكون في سواق وحد من الحرس معاكي
______
في مساء اليوم التالي استعدت ياسمين وراحت الاحتفال
طبعا السواق والحارس كانوا منتظرين بره الفيلا الي فيها الحفله وياسمين دخلت لوحدها
جرمين:أهي جت بس باين عليها لوحدها أنا مش شايفه آسر معاها
صديقتها:أحسن خلينا نمرمطها شويه
جرمين:بقولك ايه أنا عايزاها تخرج من هنا مذلوله
صديقتها:متقلقيش
اقتربت ياسمين من جرمين وسلمت عليها وادتها هديه كانت جبتها ليها ف الطريق
جرمين باستفزاز:هو فين آسر مجاش معاكي ليه أصله وحشني قوي
ياسمين بهدوء:هو بيعتذرلك جدا أصله مشغول شويه
صديقة جرمين بسخريه:مشغول ولا مكسوف يجي معاكي
ياسمين:وهيتكسف من اييه
صديقة جرمين:منك طبعا واحده زيك لاهي من مركزه ولا من مستواه أكيد هتعره
ياسمين:لو كان بيفكر بالطريقه دي مكنش اتجوزني
جرمين:اييه ده هو انتي فاكره انه اتجوزك عشان بيحبك والكلام ده لا ياماما فوقي ده انتي لعبه بيتسلي بيها يومين وبعدين هيرميها
ياسمين:من الواضح اني غلطت لما جيت هنا عن اذنكوا
جات ياسمين تمشي فشدتها جرمين
جرمين:لا تمشي اييه ده الحفله لسه مبدأتش
ومسكت كوباية العصير من إيد صحبتها ورشتها كلها في وش ياسمين
ضحك كل الموجودين ومحدش فكر انه يدافع عنها فحست ياسمين بالإهانه وعنيها دمعت لكن جرمين مااكتفتش بكده دي جابت كوبايه تانيه ولسه هترش بيها ياسمين
آسر بصوت عالي:جرميييييييين!......
تعليقات
إرسال تعليق