آسر:هتجوزك
ياسمين:يخربيت أمك
بصلها آسر باستغراب
آسر:انت قولتي اييه؟
ياسمين:المفجأه شديده عليا ياباشا عديها الله يخليك
آسر:قصري لسانك ده شويه بدل ماأقصهولك
ياسمين:ممكن تعيد الي انت قولته ده تاني
آسر:قولت هتجوزك اييه فيها حاجه غريبه؟
ياسمين:لا سمح الله هو انت عمرك تقول حاجه غريبه أبدا!....انت عايز تجنني
آسر:اهدي كدا وقولي انك موافقه
وقفت ياسمين وبدأت تتكلم بعصبية:موافقه علي اييه يامجنون انت ...هو انت فاكرني بجري ورا الفلوس زيك ولا بكتب المقالات دي عشان أخد منك حاجه لا فوق كدا انت لو أخر واحد ف الدنيا أنا لايمكن أبصلك أبدا
آسر بهدوء:خلصتي!.....جهزي نفسك فرحنا بكره
ياسمين:انت مبتسمعش ولا اييه بقولك مش موافقه حتي لو هتموتني مش هوافق عليك انت فاهم؟
آسر:مين قالك اني هموتك انتي لا لا أنا هموت نرجس أختك
ياسمين بصدمه:نرجس!
آسر:أه صحيح أنا نسيت أقولك إني خطفت نرجس أختك وعشان تتأكدي أخليكي تكلميها
مسك آسر تليفونه وطلب منه رقم ورد عليه واحد من رجالته
آسر:اديها التليفون....
ومد ايده بالتليفون لياسمين
آسر:امسكي
مسكت ياسمين التليفون
ياسمين:ألو
نرجس:ياسمين الحقيني أنا مش عارفه أنا فين
ياسمين:نرجس!..اهدي ياحببتي متخافيش
نرجس:متسبنيش ياياسمين
ياسمين ببكاء:مش هسيبك والله ماهسيبك
شد آسر التليفون من ايد ياسمين وقفل المكالمه
ياسمين بدموع:أرجوك بلاش نرجس دي مريضه وعندها القلب ممكن تموت فيها أرجوك
آسر:وأنا عمري ماهأذيها طول ماانتي بتسمعي الكلام أما بقي لو مسمعتيش الكلام يبقي انتي الي جنيتي عليها بإيدك..... هاااه نقول مبروك ولا البقاء لله
ياسمين ببكاء:م..موافقه
آسر:أيوه كدا ألف مبروك ياعروسه
ياسمين:انت حيواان
ابتسم آسر ببرود:هعديهالك بس عشان بكره فرحنا ماشي ياسوسو يلا أسيبك تجهزي ياروحي
مشي آسر وفضلت ياسمين تلعن فيه
ياسمين:أنا بكرهك بكرهك
_______
في اليوم التالي
جه معاد الفرج
كان في الفيلا الكبيره الي يملكها آسر
كانت فريده قاعده في غرفة من غرف الفيلا بفستانها الأبيض وهي بتبكي
جاتلها الست الحيزبونه:يلا ياعروسه
قامت ياسمين من مكانها وخرجت لقت آسر مستنيها بره الغرفه ولابس بدله سودا شيك قوي
مسك ايديها ومشي بيها لغاية ماوصلوا لجنينه الفيلا
كانت الجنينه متزينه بطريقه شيك وجميله وفيها ناس كتير ومصورين وخدم
مشي آسر وفيروز ناحية الكوشه
قعدوا شويه وبعدين اتكلم آسر
آسر بصوت واطي:انتي مالك قاعده زي الصنم كدا ليه اضحكي
ياسمين:مليش نفس
آسر:هو أنا عازمك علي الغدا !...بقولك اضحكي
قالها وهو بيخبطها في دراعها طبعا من غير ماحد ياخد باله
ياسمين بوجع:أاااه دك ضربه تاخدك
جه المأذون واتكتب الكتاب وأصبحت زوجته رسميا
آسر:هتفضلي زي الخشبه كدا كتير !
ياسمين:عايز اييه الهي تنشك ف قلبك يابعيد
آسر:لمي لسانك أحسنلك...وقومي يلا عشان نرقص
ياسمين:لا أنا مش برقص أنا عندي خشونه ف الركب اتفضل انت
آسر:قومي يازفته
ياسمين:حاضر يازفت
قامت ياسمين ترقص مع آسر
كانوا بيرقصوا وياسمين مكنتش باصه في وشه خالص كانت باصه في الأرض
آسر: هو انتي بترقصي مع زومبي!...بصيلي كدا الناس تفتكر انك مش راضيه عن الجوازه
ياسمين:لا لاسمح الله ازاي بس ده أنا لا قدر الله واقعه فغرامك ودايبه ف هواك مين الي يقدر يقول غير كدا
آسر:بطلي تريقه وابتسمي
ياسمين:حاضر أهو....
انتهت الرقصه ورجعوا قعدوا تاني
وبدأ الناس يسلموا عليهم
لغاية ماجات واحده لابسه فستان أحمر ضيق وحاطه طن مكياج علي وشها
جرمين:ألف ألف مبروك ياأسر
أسر:الله يبارك فيكي عقبلك
جرمين :ايه ياأسر بقي تتجوز بسرعه كدا من غير حتي ماتقولنا
آسر:معلشي بقي ظروف
جرمين:علي العموم ربنا يسعدك يابيبي
بصلها أسر بهدوء ومردش
جرمين:باي
مشت جرمين الي تجاهلت ياسمين خالص دي حتي مسلمتش عليها
ياسمين:مين الأخت
آسر:دي جرمين شريكتي ف الشغل
ياسمين:شريكتك بس؟
آسر:أيوه بس
ياسمين:واضح جدا بأمارة يابيبي
آسر:ايه انتي بتغيري ولا اييه
ياسمين باستنكار:أنا؟!..بقي ياراجل في حد ف الدنيا يغير من عقربه وعلي مين علي قرد!
بصلها وهو بيكز علي سنانه بغضب
أخيرا انتهي الفرح وطلع آسر وياسمين علي غرفة آسر
آسر:بصي انتي هتنامي علي الكنبه دي وأنا هنام علي السرير
ياسمين:لا طبعا أنا مش موافقه علي الكلام ده
آسر :ايه عايزه تنامي جمبي!!!!
ياسمين:أكيد لا طبعا شوفلي قوضه تانيه أنام فيها لوحدي
آسر:والخادمين ف الفيلا يقولوا اييه مستحيل انتي مكانك ع الكنبه دي روحي اترزعي هناك
ياسمين:طب أنا عايزه هدوم ولا هنام بالفستان ده
آسر:عندك في الدولاب
راحت ياسمين ناحية الدولاب وفتحته لقت فيه هدوم ستاتي كتير
ياسمين بخبث:بتاعت مين الهدوم دي كلها ياأسر بيه
آسر:الهدوم دي كلها جديده يامتخلفه
ياسمين:أنا متخلفه يا..يا...أشتمك بإيه مش لاقيه شتيمه مناسبه ليك يلا روح الهي ربنا ياخدك
خدت بيجامه من الدولاب ودخلت الحمام غيرت هدومها وراحت نامت علي الكنبه وبالمثل عمل آسر خد بيجامه من الدولاب ودخل الحمام غير ه ورجع نام علي السرير
حاولت ياسمين انها تنام علي الكنبه لكنها معرفتش فملقتش غير انها تنام علي الأرض
ياسمين وهي بتبص لآسر الي كان نايم أو نقول عامل نفسه نايم:نااام نامت عليك حيطه يابعيد
نامت ياسمين علي الأرض وغمضت عنيها لكن الموضوع كان صعب بالنسبه ليها الأرض مش مريحه بس هي معندهاش حل تاني
وبعد دقايق
ياسمين بصراخ:أاااااااااااه
آسر:..........
تعليقات
إرسال تعليق