(عايشه حالة حب معاك وخداني وصعب انها تتكرر تاني وبعيشها لو انت بعيد أو قدامي),
كانت سايقه عربيتها والسماعات في ودانها بتدندن مع الأغنيه لغاية مااتفجأت بعربيه سودا سدت عليها الطريق
خرجت من العربيه وهي بتزعق
_انت ياحيوان مش تفتح حد يقف كدا!
نزل اتنين رجاله من العربيه رجاله من الي هم عضلات بقي وكدا واتجهوا ناحية عربيتها
قالت بخوف
- ايه ياخوانا انتوا خدتوا الموضوع جد كدا ليه أنا كنت بهزر يعني مش قصدي أشتم والله
فضلوا ماشين ناحيتها برده فقررت تهرب لكنهم مسكوها وخدروها بمنديل فيه مخدر وحطوها ف العربيه السودا ومشيوا
(نتعرف بقي بالأخت المخطوفه ربنا يكون في عونها
ياسمين مختار ٢٧ سنه بنت متوسطة الجمال شعرها أسود كيرلي عيونها عسلي بتشتغل صحفيه في جريده معروفه)
______
فاقت وهي مخضوضه بعد ما حد رش عليها مايه ساقعه
ياسمين:بغرق الحقووونييي
بصت حواليها لقت نفسها في مكان فخم جدا
وفي واحده ست واقفه قدامها
ياسمين :اييه ده أنا فيين؟
الست:الباشا مستنيكي
ياسمين:دا مش رد السؤال انتي السلوك عندك ملمسه ولا اييه بقولك أنا فين
الست بزعيق:يلااااااا
اتخضت ياسمين من صوتها وقامت علي طول عشان تشوف مين الباشا ده
ياسمين:حاضر انتي اييه بالعه مكرفون!
______
كانت الست ماشيه وياسمين وراها
فضلوا ماشين شويه لغاية ماوصلوا لمكان فيه سفره طويله ف أولها شخص علي كرسي واضح كدا انه ده الباشا وبيتعشي
الست:الأمانه ياباشا
الباشا:تمام روحي انتي
مشت الست من غير ولا كلمه
ياسمين:يلا وانتي شبه الست أطاطا كدا يا حيزبونه!
الباشا:اهلا ياأنسه ياسمين
بصت ياسمين للشخص الي قاعد وحاولت تدقق في ملامحه من الواضح انه شاب شكله كدا في أوائل التلاتينات من عمره شعره أسود قمحاوي البشره وطبعا واضح من المكان ده إنه غني جدا
الباشا:اييه هتفضلي بصالي كدا كتير
ياسمين بحرج:ا..احم..انت مين وخاطفني لييه؟
الباشا:طب اقعدي الأول كلي وبعدين نتكلم
ياسمين:أكل اييه وزفت اييه هو انت عازم بنت خالتك ده انت خاطفني !
الباشا بعصبيه وهو بيخبط بايده علي السفره :اقعدددددي
ياسمين بخوف:أنا بقول كدا برده .....هو إنتوا كلكوا هنا صوتكوا عالي كدا انتوا كدا هيجيلكوا طرش
الباشا:اتفضلي كلي
ياسمين :انت متأكد انك خاطفني!..أنا حاسه اني فبرنامج الكاميرا الخفيه ولا يكونش ده رامز جلال وانتوا بتشتغلوني!
الباشا:هو انتي متعرفيش تسمعي الكلام من سكات خالص
ياسمين:أيوه ماهو الي بيحصل ده مش طبيعي حضرتك انت خاطفني مستوعب الكلمه ولا اييه
الباشا:علي فكره أنا معنديش مانع أعذبك لغاية ماروحك تطلع أنا حتي ممكن أدفنك وانتي صاحيه ده لو تحبي يعني
بلعت ياسمين ريقها بصعوبه
ياسمين:تصدق الأكل شكله حلو أنا جعانه فعلا
بدأت ياسمين تاكل
ياسمين:اوعي تكون بتغفلني وحاطط سم ف الأكل هخاصمك جدا أه أنا بقولك أهو عشان تبقي عارف أنا صحيح هبقي في عداد الموتي بس برده هخاصمك انت حر
خلصت ياسمين أكل
الباشا:كلتي ؟
ياسمين:أيوه كلت تحب أقوم أغسل سناني وأشرب اللبن بالمره
الباشا بعصبيه:احنا هنهزر!
خافت ياسمين ومااتكلمتش
(نعرفكوا علي الباشا الي هو البطل بتاعنا آسر الراوي ٣٤ سنه رجل أعمال )
ياسمين:ممكن بقي تقولي انت مين وجايبني هنا ليه؟
آسر:غريبه دي ازاي متعرفيش الراجل الي انتي نازل شتيمه فيه في كل مقال بتكتبيه
ياسمين:انت كدا مجاوبتش علي سؤالي أصل أنا لساني طويل حبتين وبشتم في أي حد ممكن بقي تقولي انت أنهي حد فيهم
آسر:أنا آسر الراوي
ابتلعت ياسمين ريقها بصعوبه
ياسمين:صلاة النبي والله وروحتي بلاش ياسوسو
آسر:عرفتيني مش كدا؟
ياسمين: عرفت ياأخويا ويارتني ماعرفت...طب بعد الفضايح الي عملتهالك بمقالاتي الي كتبتها عنك هتموتني مش كدا؟
آسر:مين قالك كدا لا طبعا أنا مش هموتك
ياسمين:يبقي هتعذبني صح أكيد هتعذبني بصراحه هيبقي عندك حق أنا لو مكانك كنت عملت مني بطاطس محمره
آسر:لا مش هعذبك
ياسمين:أمال هتعمل اييه
آسر:هتجوزك........
, كانت سايقه عربيتها والسماعات في ودانها بتدندن مع الأغنيه …){kind=link}
تعليقات
إرسال تعليق