*اكتشفت نفسي في الثانويه*
صلي على النبي و تبسم 🎶 دا النبي تبسم و تبسم🎶
دا النبي تبسم اللهم صلي عليه..
....: ايوة يا سعديه بترني ليه ؟
حوريه : على فكرة انا اسمي حوريه مش سعديه 🙄
.....: سعديه حوريه الاتنين شبه بعض و على وزن بعض!
حوريه : طب اتلمي يا منى و لمي الدور بدل ما المك
منى : مالك يا حور حاساكي مش مظبوطة؟
حوريه: مضايقة اووي و خايفة اووي من السنة دي يا منى و كمان احنا لحد دلوقتي مش عارفين هنروح دروس عند مين و كمان مصاريف الدروس كام و كمان عاتله هم ابويا و هيصرف عليا منين؟
منى : حيلك حيلك ايه جو المسكنة دي ، ابويا معرفش هيصرف عليا منين بلابلابلا
ايش حال لو كان ابوكي مدير مدرسه!
ده انا انتي عيله مستفزة 😒
حورية: ههههههه يعني مش لازم اعيش الدور هههه .
منى : عيشي على قدك انا عندي مرارة واحدة هههه .
المهم بصي احنا نتوكل على الله في موضوع الدروس ده و زي ما تيجي تيجي
حورية: ونعم بالله
بس بقولك هتروحي عند استاذ ياسين ولا استاذ محمود؟
منى: مش عارفة ، بس بفكر اروح عند استاذ محمود لان استاذ يس برة الحي و انا مش هخرج بره
حوريه : انا مش فاهمه ايه مانع خروجك برة
منى: عادي عل فكرة دي حريه سخصية، و انا بالنسبة ليا عادي
حوريه: سخصية ؟ ، تمام براحتك بس انا احتمال آخد عند مستر ياسين
منى : براحتك يا رورو ،المهم بقولك ، هنعمل ايه في موضوع الرياضة هنكمل عند استاذ صابر ولا نروح عند استاذ حسن؟
حوريه : مش عارفة ؟ ، انا عايزة اكمل و ف نفس الوقت خايفه ما يهتمش بينا و كمان ما يعملناش امتحانات على طول او ما نحلش اسئلة كتيير
و بيقولوا ان الرياضة محتاجة حل كتيير و امتحانات كتيير ، استاذ صابر بيعتمد على الفهم.
منى : انا سالت اختي مرة قالتلي استاذ حسن كويس و بيفهم الطلاب و حلو
حوريه : انتي متأكده ؟
منى : اه ان شاء الله 🤍
حورية: تسلمي يا غاليتي
منى : الله يسلمك و يسلم قلبك
و يلا سلام عشان ما تخربيش بيتي
حوريه: هخربلك بيتك دا اللي هو ازاي 🤨
منى : اصل ابويا ناوي يطشلقني ان شافني ماسكة الفون ، او بكلم حد من ساعتين كده ولا حاجة😅
حوريه: يعني طرد بس بطريقة محترمة
ماشي 🙄
منى: اه طرد بطريقه محترمه ياسعديه يا اوزعة انتي .
حورية: ااااااه أشد في شعري 😡
مني: لأ لأ ماتعمليش كده في نفسك ياحبيبتي أنتي لسه صغيره
حورية: اقفلي يامني اقفلي انا هقوم انام احسنلي
مني: استني بس ما تتعصبيش (تيت تيت تيت)
بنت اللذين قفلت في وشي ههههههه ما كنتش اعرف اني مستفزة كده 😌 ،
اقوم انام بقى😪
تاني يوم الصبح او بمعنى اصح يعتبر الظهر😅
هوووووب نلاقي كوباية الماية اتكبت على الحلوة منى !
منى: يالهووي يماااا انا بموت .
الام: دا انا هنط في بطنك كاتك مو ، قومي كاتك ضربة
منى : جرى ايه ي ايسو ، في حد يصحى اولاده كده
اسراء : مش انا عملت كده؟
منى : اه
اسراء : يبقى فيه ، و ان ما قومتيش دلوقتي هتلاق..
منى مقاطعة لها : هتلاقي الشبشب في وشك.
الام ممسكه بالشبشب الاصيل : الله ينور عليكي
(طبعا متخيلين منظر منى و هي قلبت صاروخ ع المطبخ😂)
منى : يااربي انا مش عارفه هو انا كنت خدامة البيت ، طب والله لو خدامة هيعاملوها احسن من كده
اسراء: بتقولى حاجة ؟
منى : لااا خالص دا انا بسبح ربنا ، سبحان الله ، سبحان الله .
اسراء : طب سبحي على قدك .
نسيب دول يناقروا في بعض😅
نروح للنشيطة حوريه 💪🏻
صاحيه من الساعة 7 بتروق الشقة و تظبطها و خلصت كل ده و كمان فطرت و قاعدة ماسكة الفون
وصلتها رساله و كان محتواها
*اللي ناوي يروح عند مستر ياسين و مستر علاء ف الحجز هيبدأ من بكرة*
حوريه : يوووه هو انا كل اما احاول انسى الاقيكي ورايا ورايا يا سنة زفت انتي .
....: ههههه بتكلمي نفسك ليه يا مجنونة انتي !
حوريه : ابعد عني يا حسام الساعة دي الله يخليك
حسام :ليه بس يا سعديه
حوريه : هو انا مكتوب على ام وشي سعديه انا حوريه حوريه.
حسام: خلاص خلاص يا سعديه ، ههههه
حوريه : اشد في شعري
انا خلاص تعبت هعيط والله
حسام : ايه يا حوريه انتي مالك كده؟
حوريه : خايفه اوووي يا حسام السنة دي غير اي سنة
حسام : يا شيخة كاتك نيلة انا افتكرت البيت ولع شعرك اتحرق هههههه ،
"ايه ده ، اني ارى الدخان يخرج من اذنيكي يا اختاة" ههههههه
حوريه : ملعون ابو دمك يا شيخ بقووولك خااايفة مخنوقة هبدأ دروس كمان اسبوع و دي تااالتة ثانوي عارف يعني ايه تاااالتة ثانوي
حسام : هههههههه كل ده
يا بنتي والله دي سنة عاديه خااالص و بكرة تقوليلي انت معاك حق يا سحس
حوريه : طبعا بتقول كده بثقة عشان انت واحد دحيح و بقيت ضكتور بقى
حسام : ههههههه ضكتور ! ، طب بالذمة انتي كنتي بتشوفيني بذاكر ؟
حوريه : بصراحة لاء ، و ده بقى اللي هيجنن امي
حسام : بكره تعرفي
حوريه : طب يلا امش بقى عشان هكلم حبي
حسام : يا خاينة يا زبالة يا اللي بتعرفي عليا رجالة .
حوريه : يا شيخ ابو ام الدراما اللي انت فيها دي ، دا انا هكلم البت منى ، و هقولها انك بتقول عليها راجل !
حسام بشرود و بيكلم نفسه: يا ترى انتي عامله ايه يا منى ؟
حوريه : يا حس .
حسام :هاه ..... بتقولى منى ، طب يبقى سلميلي عليها هههههههه
حوريه : يا خفيف يلا يابا هيش يلا،
هنرش مية .
حسام : ماشي ، لما بس تخلصي من السنة دي هنفخك.
(سابها و مشي و حوريه مسكت الفون و رنت على منى)
-و الحوار كالآتي
منى : ازيك يا حب اخبارك؟
حوريه: انتي ليه بتحسسيني اني خطيبك هههه
منى : بعود نفسي ، لعلني اخرج من هذه السنة ب قرة عيني المصون ههههههه
حوريه : طيب ياختي المهم انا كنت هقولك اني حجزت دروس عند مستر ياسين و مستر علاء
للكيمياء و الاحياء
منى : يعني برضه مصممة تخرجي برة الحي يا بنتي كده هتضيعي وقت .
حوريه : مالكيش انتي دعوة
منى : ماشي يا حوريه عموما انا مش هخرج برة و كمان برده حسناء مش هتطلع بره الحي بتاعنا .
حوريه:........
منى باستغراب : حوريه؟ ، يا حور؟
(و مفيش رد)
منى : يا بنتي ردي
حوريه :............
منى : يا حور ايه اللي حصلك 🥺
........
.......
تعليقات
إرسال تعليق