وقفنا البارت الى فات على حازم وهو بيقول الخطه لسيف ونورين.
حازم: انهارده جهزوا نفسكم وهنبدأ تنفيذ بكره
سيف ونورين: تمام يفندم
حازم: تقدروا تمشوا
خرج سيف ونورين. نورين: انا اسفه على الى حصل امبارح
سيف: عادي ولا يهمك انا كمان اسف
نورين بضحك: يعنى صافي يالبن
سيف: حليب يا قشطة
ترن ترن ترن
نورين لسيف: عن أذنك هرد على الفون
سيف: اتفضلى
بترد نورين على الفون: الو
ـ انتى فين ي زفته بقالى ساعة قاعده مستنيه حضرتك.
(مريم صاحبه نورين 22 سنة بنت جميله بشرتها خمرى وعيونها بنى سافرت امريكا وهى صغيره ولسه راجعه من اسبوعين وهنتعرف عليها اكتر بعدين)
نورين: مسافه السكه وهكون عندك ابعتيلى اللوكيشن
مريم: ماشي بس متتأخريش
نورين: حاضر سلام
بتركب نورين عربيتها وبتروح اللوكيشن الى مريم بعتته بتوصل نورين وبيكون المكان عباره عن كافيه بيطل على البحر بتدخل وبتدور على مريم لغايت م بتشوفها وبتروح تقعد على الكرسى قدامها
مريم: اخيرا وصلتى مش هتبطلى عادة التأخير الى عندك دى
نورين: ان شاءلله هغيرها بس فى الاحلام
مريم بغيظ: رخمه
نورين: هههههه عارفه
مريم: كويس انك عارفه نفسك
وفضلو يتكلموا كتير ويهزروا.....................
ــــــــــــــــــــــــــــــــــــــــــــــــــــ
عند سيف
كان سيف فى الجيم بيتدرب وجيه طارق
طارق: مساء الخير ي نجم بتعمل ايه
سيف: انت شايف ايه
طارق: شايفك بتعلب نيهاهاها
سيف: ي رخامت امك ي اخى
طارق: لا كده عيب اووى هقولها واللهى وهى تتصرف معاك
سيف: احم طبعا والدتك دى مفيش منها اتنين دى ست الكل
طارق بضحك: هههههه احم حاجه الثبات على الرأى
سيف: بقولك ايه متيجى نتنافس ونشوف مين هيكسب
طارق: ولأنى واثق ان انا الكسبان بس هنافسك اهم حاجه جبر الخواطر برضو
سيف: اما نشوف
وفضلوا يتدربوا وينافسوا بعض
(After 2 hours)
طارق بتعب: حرام عليك ي اخى انا تعبت
سيف: من اولها كده لسه بدرى
طارق: بدرى ايه يعم ده عدى ساعتين المهم انا جوعت تعالى نروح ناكل انا امى عامله شوية محشى انما ايه تأكل صوابعك وراهم
سيف: شكرا يعم روح انت انا مش جعان
طارق: واللهى مينفعش لازم تيجى معايا انا حلفت
سيف: خلاص يعم هاجى وامرى لله
بيركب سيف وطارق العربيه وبيمشوا.
ـــــــــــــــــــــــــــــــــــــــــــــــــــــــــــــــ
عند نورين اتمشت هى ومريم على البحر وفضلوا يتكلموا عن حياتهم ومريم حكت لنورين عن حياتها فى امريكا وكانت عايشه ازاى وانها خلاص رجعت مصر وهتستقر فيها ونورين فرحت ان صحبتها الوحيدة هتفضل جمبها علطول ونورين عزمت على مريم انها تعيش معاها فى الفيلا بدل ما تعيش لوحدها وبعد اصرار من نورين وافقت مريم وبعدها راحوا الفيلا عند نورين وكانت فيلا كبيره وشكلها خرافى وفيها جنينه كبيره وبيسين. دخلت مريم ونورين
سعديه: اهلا ي هانم تحبى احضرلك الغدا
نورين: لا شكرا احنا اتغدينا بره، جهزى اوضه ل مريم
سعديه: حاضر ي هانم اى اوامر تانيه
نورين: بابا رجع من الشغل
سعديه: لسه
نورين: طيب خلاص روحي انتى شوفى شغلك
سعديه: حاضر عن أذنك
نورين لمريم: تعالى نقعد فى الجنينه
مريم: ماشي
ــــــــــــــــــــــــــــــــــــــــــــــــــــــــــــ
عند سيف
وصل سيف وطارق لبيت طارق واستقبلتهم سعاد(ام طارق) واتغدوا وسيف شكر سعاد على الاكل وفضل قاعد معاهم ل بليل وبعدها استأذن وراح بيته
ــــــــــــــــــــــــــــــ
عند نورين وصل احمد من الشغل ورحب جداا بمريم ومريم شكرته واتعشوا واتكلموا شويه وبعدها كل واحد طلع اوضته
……………………………………
تانى يوم
صحت نورين واخدت دش ولبست بلوزه حمراء على بنطلون بوى فريند وخرجت من اوضتها وفى نفس الوقت خرجت مريم وكانت لابسه فستان ازرق قصير وسايبه شعرها. نورين: اووبا ايه القمر ده
مريم بابتسامة: شكرا
نورين: العفو ي قلبى تعالى نفطر يلاا عشان عندى شغل
مريم: يلاا ننزل
ـــــــــــــــــــــــــــــــــــــــــــــــــــــــــــــــ
عند سيف
صحى سيف واخد دش ولبس تيشرت رصاصى على بنطلون اسود وراح المطبخ عمل سندوتشات وفطر وبعدها ركب عربيه وراح الشغل
ـــــــــــــــــــــــــــــــــــــــــــــــ
فى مبنى المخابرات
بيوصل سيف ونورين وبيتجهوا لمكتب حازم
طق طق طق
حازم: ادخل.. بيدخل سيف ونورين
نورين وسيف: صباح الخير يفندم
حازم: صباح النور، جاهزين؟
نورين وسيف: جاهزين
حازم: نتوكل على الله
بيخرج سيف ونورين وبيتوجهوا لتنفيذ المهمه
(After 3 hours)
فى مكان ما
بيقف سيف وملك قدام فيلا كبيره
الحارس: انتو مين
سيف: احنا جايين نشتغل هنا
الحارس: تمام ادخلوا
بيدخل سيف ونورين الفيلا بيلاقوا واحد قاعد على كرسى بس ضهره ليهم
سيف: حسن بيه
بيلف حسن بالكرسى وهو بيلعب فى الفون
حسن: هاا بسررعه عشان مش فاضى
(حسن السيوفى صاحب اكبر شركات سياحة فى مصر)
سيف: حضرتك نزلت اعلان لوظيفة
حسن: ايوه عايز مدرب رياضه يدربنى فى البيت
سيف: حضرتك انا مدرب رياضة
حسن بيبص ل سيف وبعدها بص لنورين: مين دى
سيف: دى اختى وهتشتغل هنا خدامة
حسن: اه ماشى هى هتبدأ شغل الوقتى وانت هتبدأ من بكره، اسمك ايه صحيح؟
سيف: محمد اسمى محمد
بعدها سابهم حسن ومشى.(اكيد مش فاهمين حاجه تعالوا وانا افهمكم)
flash back
حازم: دى بطاقات مزوره ليكم، انت ي سيف اسمك محمد وهتبقى مدرب رياضه ونورين اختك واسمها ملك وهتشتغل خدامه فى فيلا حسن. هى هتجمع معلومات وتدور على اى اوراق تودى حسن حبل المشنقة وهتقولك عليها لما تروح بيت حسن عشان تدربه.
back
بيخرج سيف من الفيلا وبيمشى شويه وبعدها بيدخل عماره قريبه من الفيلا وبيطلع شقه فى الدور الخامس بيدخل ويقرب من الشباك بيكون فى كاميرا مراقبه بيراقب من خلالها معظم الفيلا
ــــــــــــــــــــــــــــــــــــــــــــــــــــــــــــ
عند نورين
سوسن: انتى الشغاله الجديده
نورين: ايوه
سوسن: اسمك ايه
نورين: اسمى ملك
سوسن: طيب تعالى معايا على المطبخ
ملك (نورين): حاضر
سوسن: خدى القهوه دى طلعيها فوق تانى اوضه على ايدك اليمين
ملك: حاضر. وخدت القهوه وطلعت فتحت الباب
ملك: اعاااااااا…………
البارت الثالث من هنا
تعليقات
إرسال تعليق