سارة : مالك يا احمد مش على بعضك ليه
احمد بتوتر : ها لا ابدا مفيش حاجة
عبدالله : بقولك يا سارة ايه رأيك في رحمة بنت عم عصام
سارة : حلو ومحترمة ليه
عبدالله: احمد اخوكي عايز يخطبها
سارة بصدمة : نعععم انت ملقتش غير دي احمد
احمد بارتباك : انا ...
عبدالله بحزم : اخوكي بيحبها من زمان وكان في نيته يخطبها بس اللي حصل معاكي خرب كل حاجة
سمية : هو بيحبها بس قال مستحيل اخطبها غير لما انتي توافقي
وقفت سارة بشموخ : وانا مش موافقة
وقف الجميع بصدمة
سمية بصدمة : هتكسري قلب اخوكي ...اخوكي الوحيد يا سارة
عبدالله : انتي اتجننتي
احمد بحزن : خلاص يا جماعة محدش يضغط عليها من حقها ترفض دي مهما كانت اخت طليقها ...بعد اذنكوا
ولى ظهره وتجمعت الدموع في عينيه على حبه الضائع فالمعادلة صعبة اخته من ناحية وحبيبته من الناحيه الاخرى ولكنه راضٍ عن قراره فهو لن يخسر اخته الوحيدة
سارة : انا مكملتش كلامي
عبدالله بعصبية : مفيش كلام يتقال واضح اني دلعتك
سارة : ما هو مستحيل هحضر الفرح من غير فستان جديد
احمد بلهفة : قصدك ايه
سارة : انا مش موافقه الا لو اشترتلي فستان جديد
احمد بفرحة : ده اشتريلك محل الفساتين كله
سارة : لا هو فستان واحد كفاية انت داخل على جواز وعايز مصاريف كتير
خلعت سمية حذائها : يا بنت ال*** وقعتي قلبي
ركضت سارة من امامها : الله مش لازم اضمن حقي
عبدالله وهو يركض خلفها ايضا : جاك كسر حوقك تعالي يا بنت هنا
سارة بخوف وهي تركض في الشقة : الحقني يا احمد اهلك هيموتني ومش هتلحق تعمل فرح
احمد بشماته : احسن تستاهلي
سارة وهي تركض خلفة بينما جلس عبدالله وسمية بتعب : اه يا واطي وربنا ما انا سيباك
سمية : قلبي وقع في رجلي
عبدالله : والله وانا خفت اتحط في اختيار بين ولادي
سمية : الحمد لله ولادنا متربيين على حب بعض من صغرهم
عبدالله : الحمد لله ربنا يديمها عليهم نعمة
امسكت سارة باحمد ولكنه هو من ضربها على مؤخرة راسها : عشان تعملي مقالب تاني
سارة بتاوة : ااااه يا بني لسه عامله معاك جميل عمرك ما تنساه
احمد : بس يا بت قال جميل قال روحي يلا اعمليلي شاي
سارة : وانا مالي روح خلي ست رحمة تعملك
احمد : لما تيجي هتعمل روحي بس اعملي انتي دلوقتي
سارة : ماليش دعوة
احمد بتحذير : اعملي احسنلك
سارة : لا
احمد : يا ماما سارة اهي مسكتها
سارة بخوف : اااه يسطا هعملك خلاص امك لو مسكتني هتعمل مني بطاطس محمرة.
احمد : ما كان من الاول
سارة : اسفين يا صلاح
مر اليوم في مرح وحل الصباح استيقظت سارة مبكرا وجهزت نفسها للخروج للعمل وارتدت دريس طويل من اللون الزهري وطرحة بيضاء وكذلك كوتشي وشنطة باللون الابيض
سارة : ماما انا نازلة
سمية : خلي بالك من نفسك
خرجت سارة ركبت تاكسي ونزلت امام الشركة
سارة : السلام عليكم انا سارة جاتلي مكالمة امبارح اني اتقبلت في الشغل هنا
الموظفة : اهلا وسهلا عندي خبر بكدا تقدري حضرتك تطلعي للدور التالت مكتبك هناك
سارة : شكرا
سارة في نفسها : مكتب شكلها هتلعب ولا ايه
بس بسس
التفت سارة للخلف لتري مصدر الصوت ما كان سوا طارق
سارة بضيق : اصبحنا واصبح الملك لله
طارق : صباح الخير
سارة : صباح النور
طارق : انتي اتعينتي هنا
سارة : اه الحمد لله
طارق : ده كدا زمايل بقا انا كمان اتعينت
سارة : مبروك
ركبت الاسانسير ظنا منها انها تخلصت منه لتجده يركب معها
طارق : يا رب الشغل هنا يكون كويس تعرفي اني اتعلمت برة اخدت الجامعة في المانيا فبقول ممكن يكون صعب عليا الشغل هنا
سارة بملل : ومشتغلتش هناك ليه
طارق : اشتغل هناك ازاي لازم اشتغل هنا وافيد بلدي
سارة في نفسها : احمد زويل الواد عايز يفيد بلده
طارق : عارفة يا سارو
سارة : سارووو؟!!
طارق : تسمحيلي اقولك سارو
سارة : لو سمحت انا سارة وانت طارق ويا ريت نكون مجرد زمايل شغل بس ممكن ؟
طارق : ممكن طبعا انا اسف
فتح الاسانسير لتخرج سارة اولا ثم يخرج طارق دخلت لترى ان مكتبها في غرفة كبيرة يشاركها فيها ثلاثة اصدقاء منهم طارق جلست هي على المكتب الموضوع اسمها عليه وجلس طارق على المكتب المجاور لها كان على المكتب الاخر بنت تدعى رنيم وولد يدعى مالك على المكتب الرابع بدأ كلا يعمل على الملفات الموضوعة مسبقا على مكتبه
طارق : صباح الخير انا طارق زميلكوا هنا
مالك :اهلا وسهلا وانا مالك
رنيم : وانا رنيم
طارق اهلا وسهلا ان شاء الله الشغل هنا يكون ممتع
سارة : وانا سارة
مالك ورنيم : اهلا وسهلا
بعد ساعة
طلرق : انا صدعت انا هطلب قهوة اطلب لحد معايا
مالك : يا ريت
رنيم : كاشي
طارق : وانتي يا انسة سارة
سارة برفعة حاحببصوت منخفض : انسة .....لا شكرع هشرب في البريك
مر اليوم عادي جدا ولكنه متعب لسارة بما انه اول يوم شغل عادت للمنزل منهكة
سارة : ماما انا جيت
سمية : حمدلله ع السلامة عملتي ايه النهارده
سارة : كان يوم متعب اوووي
سمية : ربنا يقويكي يا قلبي هو عشان اول يوم بس لكن بعد كدا هتتعودي
سارة : يا مسهل اومال بابا واحمد فين
سمية : احمد نزل يشتري طقم جديد عشان هنروح لرحمة النهارده نطلب ايدها
سارة : بسرعة كدا
سمية : احمد مستعجل
سارة: بيحبها اوي كدا
سمية : بيقول انه بيحبها
سارة : ربنا يهنيه
سمية : يا رب وعقبالك يا بنتي
سارة : لا انسي انا مستحيل اتجوز تاني
سمية بضربة على صدرها : يا مصيبتي ده انتي لسه في عز شبابك
سارة : خلاص انا خدت نصيبي
سمية بحزم : لا بقولك ايه مفيش الكلام ده انا هسيبك مدة كدا تفوقي من جوازتك الاولي وبعدين هدورلك على عريس
سارة : ربنا يسهل اومال بابا فين
سمية : خرج يقعد مع اصحابه عالقهوة
سارة : ماشي انا هقوم ارتاح شوية واجي اساعدك في العشا
سمية : ماشي
دخلت سارة غرفتها وجلست على سريرها بحزن لما وصلت اليه لقد كانت منذ مدة قصيرة يحسدها الناس على سعادتها مع زوجها وها هي الان مطلقة قامت بتثاقل ابدلت ملابسها وتوضأت وصلت ومسكت الاسكتش الخاص بها وبدأت في الرسم او بمعنى اصح التصميم فقد كانت بارعة في تصميم قطع الاساس والتحف بعد مدة نظرت في ساعتها ثم قامت لتساعد والدتها
سمية : انتي صحيتي
سارة : ما نمتش اساسا
سمية : ليه مش قولتي هترتاحي
سارة : مش متعودة انام في الوقت ده
سمية : طب تعالي اعملي معايا العشا
سارة : ماشي ...بابا رجع واحمد
سمية : اه رجعوا واحمد كان يفرجك عالطقم الجديد بس قولتله نايمة مرضيش يصحيكي
سارة : هبقى اشوفه لما يلبسه
سمية : هتقعدي واحدك
سارة : اقعد واحدي ليه
سمية : ما احنا هنروح مع اخوكي
سارة : ما انا هاجي معاكوا
سمية : لا طبعا عايزة الجيران يقولوا انك جاية مع اهلك تترجيه يرجعك
سارة : لا هيقولوا جاية مع اخوها يخطب
سمية : بردوا لا مش هتروحي
سارة : ماما ده اخويا الوحيد ولازم اكون معاه في زي ده
سمية : سارة عصام هيكون هناك واكيد هتتقابلوا
سارة بلا مبالاة : وانا اعمل ايه
سمية : بلاش اللي بتفكري فيه عشان خاطري عصام مش هيندم لما يشوفك مش مهتمة وانك كملتي عادي انتي اللي قلبك هيوجعك على حب حياتك
سارة : هو بيوجعني فعلا بس كدا كدا لازم هنتقابل اصل هنبقى نسايب فنتقابل دلوقتي احسن من بعدين
سمية : يا بنتي اسمعي الكلام واقعدي
سارة : خلاص انا خدت قراري مش هسيب احمد واحده مهما يحصل
سمية بقلق : ربنا يستر
سارة : هروح اجهز السفرة
خرجت سارة ومسحت دموعها واخذت نفس عميق زفرته مرة واحدة وبدأت في تجهيز السفرة
سارةبصوت مرتفع : احماااااااد
احمد : في ايه سرعتيني
سارة : فين الطقم الجديد
احمد : مش هتشوفيه
سارة : ماشي ما اهي الاخوات اجازة
احمد : آه
سارة : طب يلا نادي بابا عشان الاكل وحسابنا بعدين
احمد : ماشي
تناولوا طعامهم ثم ذهب كلا لغرفته ليجهز للذهاب لخطبة رحمة خرجت سارة اولا ثم احمد
سارة بصفير : اوباا لا بطل في الطقم الجديد
احمد بغرور : دي اقل حاجة عندي
سارة : تبا لتواضعك
لتشعر بكف يهوي على رقبتها
عبدالله : ايه الالفاظ السوقية اللي بتقوليها دي وبتصفري كمان
سارة باحراج : يلهوي عالكسفة يا حازم حازم
عبدالله : انتي اللي بتجيبي الكسفة لنفسك
سارة : خلاص يا بابا اسفة
عبدالله : بلاش الكلام ده تاني
سارة : تحت امرك
سمية : يلا عشان منتأخرش على الناس
عبدالله : يلا
خرجوا ثم اتجهوا لمنزل عائلة عصام وبيت رحمة دخلوا واستقبلهم والد رحمة
محمد : اهلا وسهلا اتفضلوا
عبدالله : يزيد فضلك طبعا مش محتاجين تعريف ده احنا كنا اهل
محمد بحزن : والله زعلت لما عرفت اللي حصل لسارة ربنا يعوضها هو عصام كدا طول عمرة لازم يضيع اي حاجة حلوه
عبدالله : ده نصيب المهم احنا جايين النهارده نطلب ايد رحمة بنتك لاحمد ابني
محمد : وانا ليا الشرف اني اجوزها لاحمد ده انا اعرفه من سنين شب محترم مفيش زيه اليوم دول
سارة بصوت منخفض : احمد انت بقيت محترم ومفيش زيك
احمد بمزاح : سبحان مغير الاحوال اول مرة اعرف والله عني كدا
محمد : اخوها وصل اهو
+ معلش اتأخرت عليكوا
سارة بصدمة : انت
+ انتي ؟!!!!
تعليقات
إرسال تعليق