يزن لنفسه: أكيد كان عايز يسرق الخزنه...
....: ربطناه في المخزن يا بيه
يزن بصرامه: الغلطه دي لو إتكررت تاني هقتلكو كلكم فاهمين
.... برعب: فاهمين يا بيه
" عند لمار"
طلعت من الفله بسرعه بعد ما عرفت إن دا مش أمير
لمار للسواق: إرجع بسرعه
السواق: حاضر
رجعت لمار البيت وأول ما وصلت سهي جريت عليها
سهي بقلق: كنتي فين يا لمار
لمار: شهاب فين
سهي: شهاب راح يدَّور عليكي
لمار: راح يدوَّر عليا فين
سهي: هحكيلك
Flash back
لمار طلعت من البيت بسرعه راح شهاب يجيب مفتاح العربيه بتاعته
شهاب بضيق: أوووووف فين المفتاح دا كمان
سهي: إهدي يا شهاب
شهاب: أهدي إيه لمار مجنونه وممكن تعمل أي حاجه
سهي: طب دوَّر علي المفتاح بالراحه وهتلاقيه
شهاب: أهو لقيته
سهي: طب هتدوّر عليها فين
شهاب: أكيد هتكون قريبه من هنا
سهي: أنا هاجي معاك
شهاب: لا
سهي: أنا مش هفضل هنا لوحدي
شهاب: سهي إرحميني مش وقتك
لفت سهي وإدَّت ضهرها لشهاب وقالت
سهي بسرعه: لأ يا شهاب وقتي.. أنا ممكن يغمي عليا وأنا هنا لوحدي وبعدين أنا في مكان غريب دا أنا لسه مش عارفه مكان المطبخ ولا مكان أوضتي ولا مكان أوضتك ولا حتي أوضة لمار.. أنا ممكن أتوه هنا وبعدين كل حاجه هنا غامضه.. ممكن حد من الخدم اللي هنا يخطفني وإنت تقعد تدوَّر عليا ولما توصل تلاقيني إتضربت طلقه ف تاخدني علي المستشفي والدكتور يقولك حالتها خطيره ومحتاجه دم وزمرة دمها نادره وإنت تقوله لو حصل ليها حاجه هنسفك من علي وش الأوضه.. وتتبرعلي إنت بالدم والدكتور يقولك ماتت تدخل تشوفني وتقعد تعيط وتنزل دمعه منك علي خدي ف أصحي والدكتوؤ يقولك دي معجزه من عند ربنا... وإحنا في إستغناء عن الحوار دا كله ف الأفضل نختصر الموضوع
لفت وشها تشوفه لقته مشي
سهي: والله يا شهاب.. ماشي
back
سهي: لما يرجع بقا أنا هعرفه إزاي يمشي ويسبني واقفه بتكلم كدا
لمار: دا لو كان وقف كان صدَّع
سهي: كلكم مش بتحبوني أنا عارفه هو جابني هنا عشان يضحك عليا ويعمل نفسه بيحبني وأنا لإني طيبه أصدَّقه ويهيني بقا و....
مكملتش كلامها لقت لمار حطت إديها علي بقَّها
لمار: خلاص مش عايزه أعرف
رنت لمار علي شهاب
لمار: إنت فينيا شهاب
شهاب: عند أمير.. فكَّرتك هتيجي هنا بس أمير قالي إنك مجيتيش.. إنتي فين
لمار: أنا في البيت إرجع بسرعه
شهاب: في حاجه يا لمار
لمار بكذب: سهي أغمي عليها يا شهاب
شهاب: إييييييه!!!
لمار: تعالي بسرعه
شهاب: جاي
فصلت لمار مع شهاب
"عند ضحي"
كانت عماله تشتغل في البيت لإن يزن وعيلته معزومين عندهم النهارده
ضحي: طنط أحلام
أحلام: نعم يا روحي
ضحي: الأكل خلص.. فاضل العصير
أحلام: طيب إرتاحي شويه وأنا هنضف البيت وأعمله
ضحي: لأ أنا هعمله نضفي إنتي البيت
أحلام بقلق: إنتي شغاله من بدري يا ضحي إرتاحي شويه
ضحي: لأ من متقلقيش أنا كويسه
قاطع كلامهم صوت حد بيقول
_دودو
ضحي: عم فتحي
عم فتحي: الجيره مطمرتش فيكو
ضحي بضحك: ليه بس يا عم فتحي
عم فتحي: يعني أنا متعزمش علي كتب كتاب ساره
ضحي: يعني أنا اللي حضرته
عم فتحي: أومال مين اللي حضر إن شاء الله
ضحي: إقعد بس كده أعملك كباية شاي وأحكيلك
عم فتحي: ماشي
ضحي عملت الشاي وإدته لعم فتحي وحكتله كل اللي حصل
عم فتحي: تصدقي بالله
ضحي: لا إله إلا الله
عم فتحي: البت ساره وحشتني
_والله وحشتنا كلنا يا حاج فتحي
بصو لمصدر الصوت وكان سامح
ضحي: تعالي إقعد يا بابا
سامح حضن عم فتحي وقعد
عم فتحي: البيت ملهوش صوت من غيرها
سامح: اه
عم فتحي: فاكر آخر مره كنت أما جاي عندكم فيها
سامح: هي دي تتنسي
Flash back
عم فتحي: إزيك يا سامح عامل إيه
سامح: الحمد لله بخير وإنت
عم فتحي: الحمد لله
ساره: إيه يا فتحي هو أنا كيس جوافه قاعد ولا إيه
سامح: عيب يا ساره
ضحي: هي دي تعرف عيب
ساره: خلاص يا جماعه العيب في الجيب والجيب مخروم
فجأه دخل إبراهيم(إبن فتحي وهو شاب من سن ضحي طوله وسط وشعره بني)
إبراهيم: إيه يا بابا هي القعده هنا حلوه ولا إيه
عم فتحي: أوي أوي
إبراهيم: أومال فين ساره
سامح: أهي
إبراهيم: اممم.. مخدتش بالي أصل هي قصيره ولو حطتها في الصفايه هتنزل..
ساره: إتأدب ومتخلنيش أعلمك الأدب بنفسي
إبراهيم: والله
ساره طلعتله لسانها
ضح: إدخلي إعملي عصير يا ساره
ساره: مش بعرف
سابتهم ساره ونزلت من البيت وإبراهيم نزل يغلس عليها وبدأ يضايقها وطلع يجري وهي تجري وراه لحد ما دخل البيت ودخلت وراه لقت بندقيه مسكتها
إبراهيم: سيبي البندقيه يا مجنونه
ساره: في أحلامك
طلع يجري علي بره وهي تجري وراه وإستخبي وراء أتوبيس فضلت ساره تضرب نار علي الأوتوبيس لحد ما الناس إتلمت وصاحب الأوتوبيس جه.. طلع إبراهيم وقال لسامح علي كل حاجه ونزلو تحت كلهم
صاحب الأتوبيس بزعيق: إنتي واحده مجنونه إيه اللي عملتيه دا.. أنا عايز حق التصليحات اللي هصلحها دا كلها
ساره: أنا آسفه
صاحب الأتوبيس: أعمل بيها إيه آسفه دي
ساره: لا دا إنت لسانك طويل بقا
مسكت ساره البندقيه و صوبتها ناحيته
صاحب الأتوبيس بخوف: إنتي هتعملي إيه يا مجنونه
ساره: هوديك للأوتوبيس بتاعك طالما إنت عايز فلوس
صاحب الأتوبيس بخوف: لأ مش عايز فلوس خالص
ساره: بس إنت من شويه كنت بتقول إنك عايز حق التصليحات اللي هتصلحها مش كده
صاحب الأتوبيس: ك. كنت بهزر معاكي والله
ساره: ماشي
سابته ساره وطلعت فوق
Back
عم فتحي: الراجل كان ساكن هنا جديد وبعد اللي حصل مشي علطول
ضحي: كانت عامله صوت للبيت
سامح: خلاص يا جماعه أهي هتيجي النهارده
عم فتحي: والله
ضحي: هتيجي هي وجوزها وأهل جوزها
عم فتحي: طب إبقي خليها تجيلي عشان أشوفها
ضحي: هتقولك أنا مش بروح عند حد اللي عايزني يجيلي
عم فتحي: وماله أجيلها.. هي أي حد بردو دي ساره
"عند شهاب"
وصل الفله ودخل لقا لمار وسهي قاعدين
شهاب: مش كنتي بتقولي سهي أغمي عليها يا لمار
لمار: إهدي بس يا شهاب
لمار حكت لشهاب كل اللي شافته لنا راحت عند أمير
شهاب لنفسه بصدمه: يلاهوي.. دا أنا قولتله علي الرقم السري بتاع الخزنه.. لازم أقول ليزن
شهاب رن علي يزن
يزن: ألو
شهاب: ألو
يزن: الخزنه كانت هتتسرق النهارده
شهاب: إمتي
يزن: الساعه***
شهاب قال ليزن علي موضوع أمير
يزن بصدمه: نععععععععم!!؟
"عند روان وجاسر"
روان: جسوري
جاسر: قلبه
روان: يلا إرجع بقا عشان مها متشكش فيك
جاسر: أنا لو عليا أفضل معاكي
روان: وأنا.. يلا بقا
لبس جاسر و وصل روان وراح الفله
"عند ساره وأدهم"
ساره: دومي
أدهم:قلبه
ساره: أنا لبست إلبس إنت كمان يلا
أدهم: حاضر يا روحي
دخل أدهم خد شاور وطلع لبس الهدوم اللي ساره إختارتها
أدهم: مش عارف إنتي ليه دايما بتختاريلي جواكيت جينز وقمصان وتشيرتات رغم إن أنا لبسي كله بِدَل
ساره: بيبقا شكلهم حلو عليك
أدهم: طب يلا ننزل..
ونزلو تحت
مصطفي: يزن فين يا أدهم
أدهم: عنده شغل.. هيخلصو وييجي ورانا
مصطفي: ماشي
ساميه: أنا مش متطمنه يا أدهم
أدهم: إهدي يا ماما هو شغل في الشركه
ساميه بعدم إقتناع: ماشي
ركبت العربيه وأدهم ساق و وهما في الطريق حد جه قصاد العربيه فجأه.. أدهم نزل يشوف مين وساره نزلت وراه
ساره بصدمه:إنت
الراجل بصدمه أكبر: ساره!!!!
تعليقات
إرسال تعليق