المأذون : راجعوا نفسكوا ان ابغض الحلال عند الله الطلاق
عصام : ارجوكي انا لسه باقي عليكي اسمحيلي اتجوز واحدة تانية وتفضلي على ذمتي
سارة : انا قلتها مرة وهقولها تاني انا مش هقبل بضرة
عصام بعصبية : بس انا راجل ومن حقي اخلف
سارة ببرود : احنا اتكلمنا في الموضوع ده قبل كدا
عصام : كمل الاجراءات يا شخينا
المأذون: ارمي عليها يمين الطلاق
عصام : انتي طالق
نظرت سارة ارضا بحزن على سنين عمرها وحبها الضائع كم تمنت لو يتراجع عن قراره ان يخبرها انه يريدها هي فقط وانه يكتفي بها عن العالم
المأذن : لا حول ولا قوة الا بالله كدا خلصنا كل حاجة لما القسيمة تتسجل هبعت ليكوا
احمد ( اخو سارة ) : تمام يلا بينا يا سارو عشان محضرلك حتت فسحة هتبسطك اوي
سارة : ماشي بس كنت عايزة عصام في كلمه على انفراد
عصام : آه طبعا اتفضلي
عبدالله ( والد سارة ) : يا ترى عايزاه في ايه
احمد : مش عارف يمكن في حاجة مهمه
عبدالله بحزن لحال ابنته : منه لله كسر نفسها
احمد : طلع واطي خيب ظني فيه
عبد الله : بدل ما يكون سندها في الفترة الصعبة دي كان اول واحد يكسرها
احمد : هي مش واحدها احنا كلنا حواليها وربنا يعوضها بالاحسن منه
عبدالله : يارب ...بس حلوه فكرة الفسحة دي هتساعدها تتخطى المرحلة دي
احمد : فكرتني اكلم ماما عشان تجهز
عبدالله : طب كلمها
عند سارة
عصام بصدمة : انتي بتقولي ايه ؟!!
سارة : اللي سمعته
عصام : ازاي انا مش قادر اصدق
سارة : الورق ده يثبت كلامي وتقدر تتأكد بنفسك
ذهبت سارة وتركته تحت تأثير الصدمة
عصام بذهول : معقولة ...الكلام ده لو صح تبقى مصبية
سارة : بابا انا خلصت
عبدالله بحنان ابوي : انتي كويسة
سارة وهي تنظر لعصام بتشفي : جدااااا
احمد : انا كلمت ماما قولتلها تجهز وهنعدي عليها
سارة : اعمل حسابك هتعزميني على ايس كريم
احمد : يا سلام تحت امرك
سارة : اتفقنا يلا بينا
سبقتهم سارة للسيارة
احمد بصوت منخفض لوالده : هو في ايه هي مبسوطة كدا ازاي
عبدالله : مش عارف ربنا يستر
سارة : ما يلا بقا عشان نلحق نتفسح
احمد : ماشي جاي
ركب احمد بالامام وبجواره والده وركبت سارة بالخلف وتذكرت اليوم الذي كانت تعتبره افضل يوم في حياتها
كانت سارة داخلة المدرج وتفاجأت بالورد ينهل عليها وتصفيق حار ووجدت عصام زميلها وحب حياتها راكعاً على قدميه وبيده خاتم خطبة جميل
عصام : تتجوزيني
سارة بصدمة : ده بجد
عصام : بحبك ...تتجوزيني ؟
سارة بخجل : كلم بابا الاول
عصام : يعني موافقة
هزت رأسها بخجل ليصيح عصام بفرحة ويعلو صوت التصفيق والتصفير لتهرب هي من فرط خجلها تمت خطبتهم وكانت مدتها سنة حتى ينهوا دراستهم ثم تزوجت لثلاث سنوات لم ترزق فيهم باطفال ابداً ولكنها لم تيأس ابداً الى ذلك اليوم الذي علمت به انها لن تنجب ابداً بكت وناحت ولعنت حظها قررت ابلاغ عصام وتوقعت منه ان يدعمها ولكنها فوجئت به بطلب منها الموافقة ان يتزوج من اخرى
فاقت من شرودها عند توقف السيارة
احمد : السلام عليكم
سمية ( والدة سارة ) : وعليكم السلام اتأخرتوا ليه
احمد : الطريق كان زحمة والله
سارة : اركبي يا ماما وبعدين اتكلمي عايزين نلحق نتفسح حلو
نظرت لها سمية بتعجب فقد توقعت انها ستجدها منهارة : ركبت اهو يا اختي يكش بس مش اول ما نوصل تقولي عايزة اروح
سارة : لا ده بقالي من زمان مخرجتش وهلف البلد كلها النهار ده
سمية : لما نشوف
بدأوا فسحتهم وبالفعل ذهبوا لاكثر من مكان برغبة من سارة فقد كانت تحاول تجاوز محنتها ومدراة حزنها والكل فهم ذلك بل وساعدوها ايضا بعد مدة طويلة جداً عادوا للمنزل منهكين
سمية : انا هلكانه انا هدخل اخد دوش وانام
عبدالله : خديني معاكي انا كمان عندي شغل الصبح
دخل عبدالله وسمية لغرفتهم
سارة : انا هروح اعمل مجين نسكافية واجيلك نقعد في البلكونة سوا ولا عايز تنام
احمد : لا اعملي هستناكي هناك
سارة: اشطا
ذهبت للمطبخ وذهب احمد للبلكونة
احمد في نفسه : محدش فاهمك قدي يا سارة
سارة : احلى نسكافية لابو احميد
احمد : تسلم ايدك
سارة : اي خدمة
نظروا للشارع بشرود
احمد : انتي ليه عملتي كدا
سارة بتعجب : عملت ايه ؟!!
احمد : انا عارف كل حاجة على فكرة
سارة بتوتر : عارف ...عارف ايه
احمد : الشيء اللي وترك دلوقتي
سارة : قصدك ايه
احمد : انا قريت الورق اللي نستيه الصبح وطلبتي مني اجيبه
سارة بصدمة : ازاي ومتى
احمد : اقولك ازاي
فلاش باك
سارة باستعجال : احمد يلا بابا واقف تحت
احمد : انزلي انتي وانا جاي
سارة : ماشي
نزلت سارة لتجد والدها بانتظارها في السيارة
عبدالله : فين احمد
سارة : جاي ورايا
عبدالله : جيبتي البطاقة بتاعتك وكل حاجة
سارة : دقيقة اتأكد
عبدالله : اتأكدي
سارة : تصدق فعلاً نسيت ورق مهم
عبدالله : ورق ايه
سارة بتكتم : ورق كنت سايباه مع ماما
عبدالله : طب كلمي احمد يجيبة وهو نازل
احمد : انا جيت اهو عايزين ايه
سارة : نسيت ورق مهم مع ماما هطلع اجيبة
احمد : خلاص خليكي انا هروح اجيبة
سارة : ماشي
عبدالله : الف مرة اقول تتأكدوا قبل ما تنزلوا
سارة : معلش بقا نسيت
احمد : ماما ...ماما
سمية من الداخل : احمد يعني رجعت
احمد : سارة قالت انها نسيت ورق معاكي
سمية : دقيقة اجيبهلك
احمد : قولي فين هو وانا هجيبة
سمية : في درج الكومودينو المقفول بالمفتاح اللي هناك ده
احمد : ماشي
اخذ احمد المفتاح وفتح الدرج واخرج الاوراق واغلق الدرج مرة اخرى
احمد : ماما انا اخدت الورق اهو ونازل
سمية : مع السلامة
احمد : الله يسلمك ...آآآآآآه
اصتدم بالكرسي ووقعت منه الاوراق جلس ارضاً جمعهم ولفت انتباهه ورقة جعلته يقرأ كل الاوراق
احمد بصدمة : يا نهار مش فايت
سمية : احمد انت لسه هنا مش قولت نازل
احمد : نازل اهو الورق بس وقع مني
عودة للحاضر
سارة بخوف : يعني عرفت كل حاجة
احمد : عرفت بس عايز اسمع منك
سارة : انا هحكيلك بس توعدني انك متقولش لحد
احمد : اوعدك مش هقول لحد
سارة : الحكاية انه .....
تعليقات
إرسال تعليق