سارة : هقولك كل حاجة بس توعدني انك متقولش لحد
احمد : اوعدك مش هقول لحد
سارة: الحكاية بدأت من بعد الجواز بسنة لما بدأت اتضايق من تأخر الحمل كنت بزن على عصام كتير عشان اكشف وهو ديما يقولي انا مش مستعجل وعدت تاني سنة وتالت سنة وكل ما اقله اروح للدكتور يقولي انا اساسا مكنتش عايز اخلف غير بعد خمس سنين واهي جت من عند ربنا بس كان نفسي احمل وابقى ام فضلت ازن عليه لحد ما وافق اني اكشف عشان اتطمن بشرط ان لو كل حاجة طلعت سليمة استنى سنتين من غير حمل وافقت بكدا وقولت ابقى اقنعه بعدين روحنا كشفنا و عملنا تحاليل يوم النتيجة انا مقدرتش استنى لما يرجع من الشغل ونروح للدكتور سوا ورحت انا من غير ما اقله
فلاش باك
سارة : السلام عليكم
الدكتور : عليكم السلام اتفضلي يا مدام سارة
سارة : شكرا ...ها يا دكتور طمني نتيجة التحليل طلعت
الدكتور : طلعت من شوية وشفتها
سارة بتوتر: ها وايه السبب
الدكتور : انا اسف بس جوز حضرتك عنده عقم
سارة بصدمة : ايه
الدكتور: انا راجعت التحاليل اكتر من مرة واتأكدت بنفسي
سارة بتماسك : طب في علاج
الدكتور : املنا في ربنا كبير
سارة : ونعم بالله بس عايزة اعرف في امل بنسبة كام
الدكتور باسف : نسبة ضعيفة
صمتت سارة لوهلة : ممكن اطلب من حضرتك طلب
الدكتور : اتفضلي
سارة : جوزي هيجي كمان ساعة ممكن ميعرفش اني جيت
الدكتور : تمام وانا هنبه على الممرضة برة
سارة : في حاجة تانية
الدكتور : اؤمري
سارة : حضرتك تقوله انه حصل عطل في المعمل وان النتيجة هتتأخر
الدكتور بتساؤل : ليه
سارة : حضرتك هتغير التحاليل وتقوله ان انا اللي مش بخلف وانه سليم معندوش حاجة
الدكتور : طب وانتي ليه تقولي على نفسك انتي ممكن تتطلقي وتتجوزي تاني وتخلفي
سارة : لا طبعا انا بحبه مستحيل اتجوز غيره ولو عرف انه مش بيخلف نفسه هتتكسر وهيتعب نفسياً وهيفضل عايش وهو حاسس بالنقص
الدكتور : انا مقدر مشاعرك بس هو ممكن يطلقك او يتجوز عليكي
سارة : انا واثقه في حبه ليا مستحيل يعمل كدا
الدكتور بتفكير : تمام انا هعمل كدا
سارة : شكرا جدا معلش اخدت من وقتك كتير
الدكتور : لا ولا يهمك
عودة للحاضر
سارة : وفعلا عمل كدا وعصام في الاول كان بيقول انا مكتفي بيكي ومش عايز اطفال بس فجأة بقا نفسه في طفل وبعد ما كان مش عايز يخلف قبل خمس سنين بقا عايز يتجوز عليا عشان عايز اطفال
احمد : معقول كنتي بتحبيه للدرجة دي
سارة : واكتر من كدا
احمد : طب كنتي عرفيه انه هو اللي مش بيخلف يمكن مكنتوش وصلتوا لكدا
سارة : كان نفسي يكتفي بيا زي ما انا اكتفيت بيه
احمد : ربنا نجدك منه واكيد كاتبلك الخير مع حد غيره
سارة بشرود : معتقدش اني ممكن احب غيره
احمد : سبيها للايام وشوفي ربنا كاتبلك ايه
سارة : ماشي
احمد : حلو النسكافيه
سارة : بالف هنا هروح انام انا بقا تصبح على خير
احمد : وانتي من اهله
مر الليل سريعا وحل الصباح واجتمعت عائلة سارة للفطور سويا
سارة : بابا
عبدالله : نعم
سارة : انا عايزة اشتغل
عبدالله : ليه
سارة : ايه هو اللي ليه انا دلوقتي فاضية ومتخرجة من هندسة ديكور بتقدير امتياز مع مرتبة الشرف واي شركة ديكور تقبل بيا
عبدالله : خلاص اللي يريحك اعمليه
سارة : الشركة اللي انا اتدربت فيها شوفت اعلان ليها من شوية في الجنرال انهم طالبين مهندسين حديثي التخرج هقدم فيها
عبدالله : انا اول مرة اشوف شركة تطلب حديثي التخرج
سارة : من باب دعم الشباب وكدا ها قولت ايه
عبدالله واضح انك مرتبه كل حاجة فخلاص هقول ايه اللي يريحك
سارة : والله ابدا انا اخدت قرار الشغل باليل والصبح شوفت الاعلان
سمية : خلاص يا حبيبتي شوفي عايزة تقدمي متى وقدمي
سارة بحماس: هقدم النهارده طبعا
احمد : الحمد لله شبعت هنزل انا بقا يا بابا
عبدالله : هتقدر تيجي توصل اختك
احمد : لا والله النهارده مشغول اوي لو تخليها بكرة اوصلها
سارة : لا عايزة اقدم النهارده عشان لو لقوا حد مناسب النهارده مش هتقبل
احمد : طب اعمل ايه والله مشغول
سارة : خلاص انا هروح واحدي
عبدالله : بس تخلي بالك من نفسك
سارة : ماشي
احمد : امشي انا سلام عليكم
الكل : عليكم السلام
انتهوا من تناول الافطار وجمعت سارة اوراقها اللازمة وارتدت ملابسها عبارة عن جيبة طويلة سوداء وبلوزة بيضاء وطرحة سوداء ذات ورود صغيرة بيضاء دخلت الشركة
سارة : لو سمحتي انا جاية بخصوص الاعلان ده
الموظفة : الدور الرابع الانترفيو هناك
سارة : شكرا
الموظفة: العفو
ركبت سارة الاسانسير ودخل معاها شاب ثلاثيني وسيم
الشاب : السلام عليكم
سارة : عليكم السلام
الشاب : جايه تقدمي على الوظيفة
سارة : آه
الشاب : وانا كمان اسمي طارق
سارة : اهلا وسهلا
طارق : وبعدين
سارة بعدم فهم : وبعدين ايه مش فاهمة
طارق : قولت اسمي قولتي اهلا وسهلا المفروض تقولي اسمك بعديها
سارة : سارة اسمي سارة
طارق : متخرجة جديد
سارة بامتعاض : آه
طارق : ويا ترى ....وصلنا
انقذها توقف الاسانسير من اسئلته المستمرة
طارق : بالتوفيق
سارة : شكرا
ذهبت سارة لتجلس في ركن الفتيات وجلس طارق مع الشباب
بدأت المقابلات وكان يدخل للمقابلة حسب اسبقية الحضور فدخلت سارة اولا فسئلت بعض الاسئلة التي تبين مدى خبرتها في مجال الديكور واجابت عنها ببراعة
المدير : واضح انك فاهمة مجالك كويس
سارة : بحاول اقرأ كتب على قد ما اقدر
المدير : كويس تقدري تروحي وهنكلمك
سارة : شكرا
خرجت سارة ودخل بعدها طارق
طارق : عملتي ايه طمنيني
نظرت له سارة بتعجب هل يعرفها ليطمئن عليها : الحمد لله
تركته وذهبت وهي تستعجب لامر هذا الشاب عادت لمنزلها لتجد عصام في انتظارها ويبدوا عليه حزن شديد
سارة : السلام عليكم
الجميع : عليكم السلام
عبدالله : تعالي يا سارة جوزك جة وعايز يتكلم معاكي
سارة : قصدك طليقي يا بابا
عبدالله : اقعدي معاه وشوفيه عايز ايه يلا يا ام احمد
سمية : يلا ( بصوت خافت ) اقعدي معاه يمكن المياة ترجع لمجاريها
سارة : ان شاء الله
جلست سارة معه لتمر فترة من الوقت دون اي حديث فقط ينظر عصام ارضاً بحزن ةسارة تنتظر منه الكلام
سارة بملل : طالما مش هتتكلم جيت ليه
نظر لها عصام بأسى : ليه عملتي كدا ليه خبيتي عليا اني مبخلفش
سارة : مكنتش عايزاك.تحس بالنقص او تنك عاجز
ابتسم بحزن : وليه قولتيلي
سارة : عشان لما تتجوز واحدة تانية متحسساكش بالنقص
عصام بدموع : للدرجة دي كنت اعمى ومش شايف حبك ليا
اكتفت سارة بالصمت
عصام : انا دلوقتي بس عرفت قيمتك انا عارف ان اي كلمة اسف مش هتغفرلي اللي عملته ارجوكي سامحيني انا كنت غبي لما فكرت اطلقك
سارة بدموع : عارف انا كنت مستعدة اني اعيش معاك العمر كله من غير اولاد انا كنت عايزاك انت وبس كان نفسي انت كمان تعمل كدا يوم ما قولت انك عايز تتجوز عليا كان اسوء يوم في حياتي كلها كسرت كل حاجة حلوه جوايا كل الذكريات الحلوه اللي كانت بينا انت دمرتها
جلس عصام ارضاً امامها وامسك يدها وقال ببكاء: انا جايلك كلي ندم وحسرة انا جايلك وانا مكسور مذلول يكفيكي شر كسرة الراجل لما يحس انه عاجز شعور اتمنى عمرك ما تعيشيه انا عارف انه مش من حقي اطلب نرجع لبعض بس انا عشمان انك تحققيلي امنيتي ارجعيلي واوعدك اني اعوضك عن كل حاجة عملتها وعن كل دمعة نزلت من عينك بسببي
رق قلبها لهيئته المنكسرة ولما لا وهو حبيبها حبها الاول
سارة بدموع : ارجوك قوم من الارض مينفعش كدا
وقف عصام ومسح دموعه : انا مش هضغط عليكي ومتفهم اي قرار تاخديه في انتظار ردك سلام
غطت سارة وجهها بيديها واجهشت في البكاء
سمية بخوف : اسم الله عليكي يا بنتي مالك يا قلب امك
احمد بعصبية : عملك ايه اتكلمي
عبدالله : اهدى يا احمد خلينا نفهم في ايه
سارة : عايزنا نرجع يا بابا بعد ما كسر قلبي عايزنا نرجع طب ارجعله ازاي وانا كل ابص في عينه افتكر لما رمى عليا يمين الطلاق اعيش معاه تاني ازاي قولولي
احتضنتها سمية بحنان : اهدي يا حبيبتي اللي انتي عايزاه هنعمله
عبدالله : انا مش هجبرك على حاجة فكري كويس وخدي قرارك وبلغيني بيه
مسحت سارة دموعها وقامت : ماشي بعد اذنكوا
سمية بحزن : يا عيني عليكي يا بنتي حظك قليل في الدنيا
عبدالله : لا حول ولا قوة إلا بالله
احمد : وبعدين يا بابا هنعمل ايه
عبدالله : العمل عمل ربنا لما نشوف هتقرر ايه
دخلت سارة لغرفتها وظلت تبكي لمدة طويلة الى ان هدئت تماما ثم قامت توضئت وصلت الفروض ثم صلت استخارة هل تعود لعصام ام لا
تمددت في فراشها وظلت تفكر ان غطت في النوم
في اليوم التالي استيقظ الجميع ما عدا سارة التي تأخرت قليلا ولكنها اسيقظت بسبب صوت هاتفها
سارة بنعاس : صباح الخير
المتصل : صباح النور مع حضرتك علي عمر من شركة ***** لهندسة الديكور
سارة بانتباه : اهلا وسهلا
علي : بكلم حضرتك عشان ابلغك انك اتقبلتي في الشركة تقدري تستلمي الشغل من بكرة
سارة بفرحة : بجد شكرا لحضرتك
علي : العفو مع ااسلامة
سارة : سلام
قامت بنشاط واغتسلت ثم خرجت لتجد والدها يشرب الشاي مع والدتها في البلكونة
سارة : صباح الخير
عبدالله : صباح النور شكلك مبسوطة
سارة : جدا
سمية بفرحة : خير
سارة: الشركة كلمتني وقالوا اني اتقبلت واقدر استلم الشغل من بكرة
سمية باحباط فقد توقعت انها قررنوالعودة لزوجها : ها آه ااف مبروك يا حبيبتي
سارة : الله يبارك فيكي
عبدالله : وقررتي ايه بخصوص عصام
سارة وقد اختفت فرحتها : قررت اني ****
تعليقات
إرسال تعليق