منى دخلت وقالت :السلام عليكم ورحمة الله و بركاته ، ازيك يا مرات عمو
مرات عمها (آلاء) : الله يسلمك يا منى
منى : عامله ايه
آلاء بحزن دفين: عايشين الحمد لله
منى : ربنا يصبرنا على فراقه
آلاء : يارب🤲🏻
منى بتسائل و شيء من الخوف : هي تيتا فين؟
آلاء : جدتك راحت المستشفى
منى : ايه !
ازاي ده و انتو ما قولتوش ليه
الاء : اهدي يا منى ، جدتك كويسة هي بس تعبت شويه و راحت المستشفى
منى : انا عايزة اروحلها حالا ، فين المستشفى دي
آلاء : اهدي الاول ، هما في مستشفى *******
-منى عرفت العنوان و جريت على المستشفى و بلغت والدها بس هو كان عرف و حاول يقنعها ما تجيش بس هي رفضت
وصلت المستشفى و راحت عند جدتها و اول ما شافتها
منى بدموع : تيتا انتي عاملة ايه 🥺
الجدة بتحاول تخرج الكلام بالعافيه : بخير يا منى الحمد لله
منى : بقى كده تقلقيني عليكي 🥺
الجدة : انا كويسة يا قلبي
^منى حضنت جدتها و هي راقدة على السرير ^
عامر : يلا يا منى عشان نروح
منى : لاء انا هفضل هنا مع تيتا
عامر : بس كده ما ينفعش ، عمتك هتبات معاها
منى : لاء انا هبقى مع تيتا و انا اللي هبيت
(عامر ساب بنته عند جدتها لإنه عارف انها متعلقة بيها جدا و كانت مش بتسيبها ابدا)
عامر : تمام يا منى خليكي بس كل يوم تروحي البيت تغيري و تشوفي مامتك و تيجي
منى : بإذن الله .
-الكل خرج من المستشفى و مفيش غير منى
الجدة : عارفة نفسي في ايه؟
منى : في ايه
الجدة : في كوباية شاي من اللي بتعمليها مع شوية خناق من اللي كنا بنتخانقهم دول .
منى عينيها هتدمع : و انتي تعرفي انا نفسي في ايه
الجدة : في ايه
منى : نفسي تفضلي معايا و كمان تكوني معايا و تعيشي لحد اما اتجوز و تشيلي عيالي🥺
الجدة ابتسمت بتعب : ياااااه ، هو انتي عايزاني اعيش ده كله
منى : بعد الشر عليكي
الجدة : الموت مش شر يا حبيبتي ، انتي نسيتي ان *كل نفس ذائقة الموت*
منى : ما نسيتش يا تيتا بس هو لما بييجي عند حد قريبنا بيبقى صعب اووي ، و صدمة كبيرة اووي 🥺
الجدة : حبيبتي اذكرك بقول النبي صلى الله عليه وسلم *انما الصبر عند الصدمة الاولى*
يعني انتي مش اول واحدة يموتلها عزيز ، و كمان انتي برضه هتموتى ووالدك هيموت و مامتك و انا و كلنا هنموت
بس اهم حاجة لما حد فينا يموت يبقى ادعيله يا منى ، الدعاء ده هيكون عملى اللي هيستمر بعد موتي
منى بدموع : حاضر يا تيتا حاضر هدعيلك و بدعيلك 🥺
الجدة : حبيبة قلبي انتي بدعيلك ربنا يوفقك و يديكي اللي نفسك فيه و يوقفلك ولاد الحلال 🤲🏻
منى : اللهم آمين
....
(عدى اسبوع على ابطالنا و جه اليوم اللي هتبدأ فيه منى جديدة)
منى كانت جمب جدتها لما عمتها جات
العمة (صفية) : منى ، يا منى فوقي
منى : نعم يا عمتو
صفية : قومي اتوضي و صلي الظهر يلا
منى : حاضر يا عمتو
-قامت اتوضت و صلت و دعت ان ربنا يريح جدتها من التعب اللي هي فيه-
صفية : حرما .
منى : جمعا ان شاء الله .
~عامر جه و دخل سلم على اخته و باس على ايد مامته اللي نايمه ع السرير ، و كمان سالي كانت معاه و برضه سلمت على جدتها و على عمتها
عامر : مش يلا بقى يا منى ، انا سيبتك براحتك طول الاسبوع اللي فات مش هينفع تفضلي هنا كتير ، لازم تروحي معايا تغيري تاخدي شاور اي حاجة
صفية : ابوكي معاه حق يا منى ، قومي روحي يا حبيبتي و انا و سالي قاعدين اهو جمب جدتك
منى : خلاص ماشي ، هسلم على تيتا و آجيلكم
منى دخلت عند الجدة و شافت حالها بقى عامل ازاي و بكت
منى : هتوحشيني
الجدة ابتسمت : و انتي يا منينة هتوحشيني
منى : بإذن الله هجيلك
الجدة : ان شاء الله
*منى باست ايد جدتها و حضنتها و مشيت*
اول ما روحوا
منى طلعت الاوضة بتاعتها و غيرت هدومها و اخدت شاور و نامت
بعدها صحيت بالليل اتعشت معاهم و قامت تاني نامت
_في الصباح ، تحديدا الساعة 6
سما بتوتر و صدمة : منى يا منى ، قومي كلي خدي دي كليها
سما لمحمد : قوم كل ، خد دي
منى حاسة ان في حاجة غلط قلبها مش مستريح
راحت ماسكة سما من دراعها و قالتلها : هو في ايه ؟ ، تيتا مالها 🥺
سما : ...........
 : الله يسلمك يا منى منى : عامله ايه آلاء بحزن دفين: عا…){kind=link}
تعليقات
إرسال تعليق