'منى في نفسها : هي البت دي اتجننت بتصحينا و بتقولنا قوموا كلو ؟'
منى مسكت دراع سما و قالتلها : هو في ايه؟
هي تيتا مالها ؟
سما : تيتا ماتت !
منى : تمام !
منى بدون اي رد فعل قامت اتوضت و صلت ركعتين الضحى و لبست الاسود اللي شكله اتكتب عليها انها تبدأ بيه السنة دي )
منى خرجت وراحت بيت عمها لإن جدتها هناك ، دخلت لقيت عماتها الاتنين بيعيطوا ، و جدتها في الاوضة
منى دخلت عند جدتها و شالت الغطاء من على وجهها و باست جدتها و غطيتها تاني
طلعت المصحف على سورة يس
و بدأ تقرأ
و وقفت عند قوله تعالى *هم و ازواجهم في ظلال على الارائك متكئون*
ف تخيلت جدتها و جدها مع بعض ف بكت ، بكت جامد و دعيتلهم و بعدها خرجت .
عامر : يعني ايه مفيش حد بيغسل دلوقتي !
المتصل: يا استاذ الظروف دلوقتي مش سامحة و حضرتك عارف ان احنا في كورونا و كده
عامر : يعني ايه
المتصل : يعني اسف ما اقدرش اساعدك .
عامر : خلاص تمام ، سلام عليكم .
صفية : يعني يا عامر مفيش حد هيبجي يغسل امي 🥺
حبيبة(اخت عامر التانيه) : لاء لازم يكون في حل ، اتصرف يا عامر شوف مين هيغسل امي
منى : انا اللي هغسل تيتا !
_____________
عند حورية
حورية ببكاء : ما لييش دعوة انا هروحلها
(و هي خارجة خبطت في حسام و هو جاي من برة)
حسام : حاسبي يا ولية ، ثانية بس انتي بتعيطي ليه !
حورية : منى صحبتي جدتها ماتت
حسام بصدمة : ايه ؟ ، لا حول ولا قوة الا بالله ، انا لله و انا اليه راجعون
حورية : انا هروحلها مش هستحمل اكتر من كده ، تلقاها دلوقتي منهارة و بتعيط ما لييش دعوة هروح يعني هروح 😭
حسام : اهدي يا حور اهدي ، و كمان ما انتش رايحة دلوقتي
حورية بدموع : حرام عليكم دي صحبتي و اختي و احنا مع بعض من و احنا صغيرين ، سيبني اروح بالله عليك 🥺
حسام : انتي شايفة نفسك عاملة ازاي !؟
هتروحي هناك تزودي تعبها و حزنها مش هتخففي عنها حاجة
حورية : بس...
حسام : ما بسش انتي هتفضلي هنا لحد اما تهدي يعني ممكن اسمحلك تروحيلها بعد يومين
حورية : خلاص تمام
حسام : تمام اهدي كده يا حوريتي و ادخلي اغسلي وشك يلا
حورية ابتسمت : حاضر
(حسام راح اوضته و اول ما دخل رمى شنطته ع المكتب و دخل اتوضى)
حسام : يارب يارب انت عالم بحالي
و عالم اني نفسي اكلمها و اهديها و اكون جمبها
بس انا مش هعمل كده عشانك انت يارب عشان ابتغي رضاك ، عشان ما يكونش حبي في معصية ف اجعله في ميزان حسناتي
يارب اني استودعتك اياها ف احفظها و كافئني بها
يارب اربط على قلبها و صبرها يارب العالمين 🤲🏻
_______
في بيت ما
......: يا بت يا حسنااااء خدي بسرعة
حسناء : نعم يا ماما في ايه ؟
الام (سهر) : هي ام عامر الدمنهوري اللي اتوفت دي تبقى جدة صحبتك
حسناء بتحاول الاستيعاب : عامر الدمنهوري ، و ام عامر الدمنهوري ؟
منى !!
سهر : ايه ده هي جدة منى ؟
حسناء : ايوة 🥺
سهر : لا إله الا الله ، انا لله و انا اليه راجعون
ربنا يصبرها يا بنتي
حسناء : يارب يا ماما يارب .
الفصل الثامن من هنا
تعليقات
إرسال تعليق