منى و هي خارجة
عامر : منى يا بنتي
منى لفت وشها و بصيتله
عامر : رايحة فين؟
منى بصوت بيحارب عشان يخرج: مروحة
عامر : طب ما تروحيش لوحدك ، استني خالك عمر هيوصلك
عمر : يلا يا منى اوصلك ، انا كده كده مروح.
منى ما اتكلمتش و مشيت معاه
خالها عمر احترم سكوتها و ما رضيش يكلمها لأنه عارف انها مصدومة
منى بتكلم نفسها بسخريه : دا انا حتى ما عيطش!
للدرجة دي انا ما عنديش دم؟
لاء تبقى وضحت!
انا كده اتجننت! (وضحكت بسخريه)
طب دا انا كده لازم اتعالج!
قطع كلامها مع نفسها خالها عمر و هو بيقول
عمر: يلا يا منى ادخلى و سلميلي على مامتك
منى بتميل بمعنى تمام
منى دخلت البيت و طلعت على اوضتها من غير ما تكلم اي حد؛
صلت العشاء و نامت
بعد فترة يعني حوالى الفجر
عامر وصل البيت وسأل اسراء
عامر: ما شوفتيش منى يا اسراء؟
اسراء : شوفتها بس كان شكلها مش مظبوط!
عامر بحزن : تعرفي ان منى اغمى عليها هناك عند بيت عمها؟
اسراء بصدمة : منى!
عامر: انا كمان مستغرب دي اول مرة يغمى عليها ، انا خايف عليها اووي
اسراء: طب تعال نطلع نشوفها و نطمن عليها.
طلعوا عند منى و اتفاجأوا انها كانت نايمة على المصلية فى وضع الجنين.
عامر : منى يا منى قومي يا حبيبتي
منى بفزع قامت و بصيتلهم .
عامر: قومي يا حبيبتي نامي ع السرير
منى قامت و نامت بدون اي رد
-بعد اما عمر و اسراء خرجوا
عامر: اسراء ، بنتك مش طبيعية انا خايف عليها ، هي ما كانتش كده
اسراء : و انا كمان خايفة عليها ، دي عمرها ما زعلت بالطريقة دي!
عامر بحزن: يارب ماليش غيرك
فاللهم اني ادعوك بدعوة امنا أم سلمة *اللهم أجرنا في مصيبتنا و أخلفنا خيرا منها*.
اسراء : اللهم آمين.
و عدى اليوم و دفنوا شادي
و منى نايمة و محدش صحاها.
قامت هي بنفسها و اتوضت و صلت الظهر و قعدت شويه باصة للا شيء ، و بعدها العصر اذن و صليته
جت امها و اخوتها و حاولوا يكلموها بس هي مش بترد!
سالى : اي يا منى محدش سمع صوتك الجميل ده من امبارح
منى :.....
سالى : معقووووولة اللى انا شايفاه ده ؟
سما : ايه يا سالى في ايه؟
سالى : لا لا مش معقول !
سما : جرى ايه يا بت ما تقولى في ايه؟
سالى : منى بحالها مش بتتكلم ! ، ده يوم المنى يا ولاد
منى ابتسمت
سما : و انا اقول البيت هادي و جميل و رايق ازاي ، اتاري البت منى مش مصدعانا برغيها .
سالى : اقولك نكتة بايخة يا بت سما ؟
سما : قولى
سالى : مرة واحد ضحك بين سنانه
سما : يعني اعمل ايه دلوقتي
سالى : اضحكي؟
سما : هاهاهاهاي ، عجبك دلوقتي !
سالى : اه 😅
طب استني اقولك نكتة تانيه
سما : لا كفاية شبعت
(ده كله و منى مستمعة و مرة تتفاعل بالابتسام و مرة لاء)
سالى : لاء هقولك ، "مره واحد وقع ع السلم وراح لدكتور العظام فكتبله على مرهم و قاله ادهنه مكان ما وقعت ، فراح الراجل مسك انبوبة المرهم و فضاها مكان ما وقع و قعد يدهن فيها" ، هههههههههههه
سما: انا لسه ما ضحكتش على فكرة !
سالي : طب و انا مالى ، انتي واحدة ما عندهاش حسن تذوق للنكت اعملها ايه 😂
سما : نينينيني دمك خفيف
سالي : طب خدي دي
*مرة واحد دخل على اربع بيصلوا فقال السلام عليكم ورحمة الله و بركاته
فالاول قاله وعليكم السلام ، و التاني قاله ما تردش عليه و انت بتصلي ، و التالت قال صلاتكم انتو الاتنين باطلة ، و الرابع رفع ايده للسما و قال الحمد لله اني ما اتكلمتش 😂😂😂😂😂😂
سما: يخرم بيت ام خفة دمك يا شيخة 😒😒😅
سالى : ده اللي عندي 😝😌
(سالى و سما ملاحظين ان منى بدأت تستجيب بالابتسام او بالاشارة)
سما : طب فاكرة لما كنا بنصيف ، منى كانت بتعمل فيكي ايه؟😅
-منى بتبتسم و تهز بمعنى لاء
سالي بتركيز : لاء مش فاكرة.
سما بتبص لمنى: اقول؟
-منى بتبتسم و تهز بلااء
سما ل سالى : كانت بتشدلك البنطلون و تطلع تجري😂😂😂
(انا نفسي كنت بعمل كده 😂😂 ، بس بصراحة مكنتش بقدر اشده لحد برة البحر عشان عييب 😌😅😅 ، اما جوة البحر ف عادي 😂😂😂
و انا ايه اللي دخلني بيهم اصلا نرجع للرواية 😅)
منى ضحكت غصب عنها
و سالى : اه يا كلااب يا اللي كنتوا بتقطرسوني 😅
سما عمالة تضحك و تقولها قلبك ابيض يا كبيير و بعدين احنا كنا لسه صغنطتين😅
و فجأة ............
تعليقات
إرسال تعليق