البارت الخامس
*اكتشفت نفسي في الثانويه*
و هما بيضحكوا فجأة لقيوا منى بدأت تعيط جااامد و تصرخ بهستريا
و يكأنها ما صدقت ان في حاجة تخرج صوتها عشان يعبر عن حزنها
فضلت تبكي حتى عامر جه جري مخضوض على بنته لما سمع صوتها
بجد كانت لحظة لا تحسد عليها
قعدت منى تبكي شويه ، و بعد كده بدأت تهدى ........
سالي : بقى كده ي منى تشديلي البنطلون و تجري
منى : هههه خلاص بقى ، المسامح كريم
سالي : انا مش كريم !
منى : و انا مش فاضيه 😅
سما : و انا اعمل ايه ؟
سالى : انتي تركني على جمب خاالص .
سما : لا والله
عامر : باااااااس ، ايه هي بلاعة و اتفتحت
كلهم ضحكوا على اللي حصل
- و اليوم عدا -
__________________
عند حورية
حوريه رايحة جايه في الاوضة و عمالة تقول هو انا سمعت غلط!
طب لو مش غلط ، طب هي دلوقتي عاملة ايه ؟
(دخل عليها حسام وهي عمالة تعمل كده)
حسام : خوريه
حور باشمئزاز : خو ايه يا خويا ؟
حسام ببرائة : لا لا انت يسطا باين سمعك بااظ خالص ، انا قولت حوريه ، حوريه
حور : احسب
حسام : لاء اجمعى 😌
حوريه : ونبي ما فايقالك يا اسمك ايه انت؟
حسام: ي اسمك ايه ؟
هي وصلت لكده ! ، لاء دا يبقى الموضوع كبيييير
حوريه : ايوة الموضوع كبير و مش عارفة اتصرف
حسام : في ايه يا حور قلقتيني؟
حوريه : أصل بصراحة عم منى اتوفى و انا مش عارفة اوصلها و خايفة عليها اووي
حسام باندفاع : ايه؟ ، امتى ده ، و هي عاملة ايه كويسة و لا مالها ؟
حوريه بشك : اهدى يعم مش كده ، انا كنت قاعدة في امان الله و سمعت التنبيه على اسم زي اسم عمها و كده ف انا مصدومة و مش عارفة اتصرف
حسام : طب انا هرن على بابا اشوف هو عارف ولا لاء
-حسام رن على ابوه و هو قاله ان فعلا شادي اللي هو عم منى مات و دفنوه-
حسام قفل الفون و بيقول انا لله و انا اليه راجعون
حوريه : ايه ؟ ، هو فعلا شادي اللي مات ده يبقى عم منى
حسام : ايوة
حوريه : لا حول ولا قوة الا بالله العلي العظيم ، انا لله و انا اليه راجعون
يا ترى يا منى انتي عاملة ايه دلوقتي
حسام باندفاع تاني : كفايه حرام عليكي ما تقلقينيش عليها .
حوريه : و انت تقلق عليها ليه؟
حسام متداركا ما قاله : هاه ، ولا حاجة ، ده من بابت الانسانيه بس !
حوريه : ماشي هعمل نفسي مصدقاك .
__________
صباح يوم جديد
منى قامت بدري على غير عادتها
و جهزت الفطار و صحتهم عشان يفطروا معاها،
عامر : الله ع الاكل تسلم ايدك يا مونى
منى : الله يسلمك من كل مكروه و سوء يا ابا عمير
عامر : هههه ، ابا عمير مرة واحدة كده ، احنا شكلنا رجعنا زي الاول
منى : الحمد لله.
(المهم خلصو فطار و منى لبست و قالت هروح عند بيت عمو الاه يرحمه اطمن على تيتا )
-اسراء كتنت هتعترض بس عامر شاورلها من غير ما منى تاحد بالها بمعنى ما تعارضيش
عامر : هتروحي تعملى ايه ؟
منى : انا هطمن على تيتا بس،
دا انا اديلي 3 ايام ما شوفتهاش من ساعة موت عمي
عامر : خلاص ي منى روحي و ما تعوقيش يا حبيبتي
منى : حاضر يا بابا.
منى لبست عبايه سمرا و خمار بني
راحت عند بيت عمها عشان تشوف جدتها اخبارها ايه
و اتفاجأت لما دخلت
منى : ......😨
الفصل السادس من هنا
تعليقات
إرسال تعليق