آسر بغضب وبصوت هز الشركه كلها:ياااااسمين ...
ياسمين بفزع:هولاااكو
قرب عليهم آسر
آسر:سبتي المكتب ليه هو أنا مش قولتلك متتحركيش من هناك
ياسمين:اتخنقت فخرجت اتفرج علي الشركه
آسر:أممم طيب مش تعرفينا
عادل:أنا عادل محفوظ شغال هنا ياأسر بيه
آسر:أاااه وتعرف مراتي منين
عادل بصدمه:م..مراتك !
آسر:أه ماهي ياسمين تبقي مراتي هي مقلتلكش ولا اييه
عادل:صحيح الكلام ده
ياسمين بحرج: أيوه
عادل بحرج:أنا أسف عن اذنكوا
مشي عادل ومسك آسر ياسمين من دراعها وراح بيها ناحية المكتب
ياسمين:اييه المسكه دي انت قافش حرامي! سيبني مينفعش كدا الموظفين بيبصوا علينا
طبعا آسر مااهتمش بكلامها وكمل طريقه لغاية المكتب
_____
في المكتب
آسر بغضب:ممكن أعرف ايه الي انتي بتعمليه ده؟
ياسمين:هو أنا عملت اييه
آسر بغضب:كل ده ومش عاااارفه عملتي ايييه
ياسمين:كل الحكايه اني قابلت واحد زميلي من أيام الدراسه واتكلمت معاه شويه محصلش حاجه لكل ده
آسر:البيه بيقولك بحبك وانتي تقوليلي محصلششششش حااااجه
ياسمين:هو انت سمعت!...بص هو كان معجب بيا زمان يعني ده زماان دلوقتي الوضع اختلف هو خطب وأنا اتجوزت سيادتك
آسر:ولما هو خطب جاي يعترفلك بحبه لييه
ياسمين:معرفش بقي اسأله
آسر:وأسأله ليه منا أرفده أسهل
ياسمين:لا لا استني مترفدوش
آسر:خايفه عليه
ياسمين:أكيد طبعا
بصلها آسر بغضب
ياسمين بسرعه:الحكايه كلها أنه ملوش ذنب أنا الي مقلتلوش اني اتجوزت هو مغلطش أنا الي غلطانه
آسر:للدرجه دي بتحبيه
ياسمين:أنا ولا بحبه ولا بكرهه الفكره كلها اني مش عايزه حد يتظلم بسببي وبعدين انت مالك بتتصرف كدا وكأنك بتغير عليا لأ متعيش الدور ده لأنه مش لايق عليك
آسر:أعيش الدور!...ماشي ياياسمين ماشي
سابها أسر وقعد علي مكتبه يتابع شغله
فضلت ياسمين قاعده لفتره طويله لغاية مازهقت وهو حس بده
فتح درج المكتب وطلع منه تليفون وحطه قدامها
آسر:امسكي
ياسمين بفرحه:تليفووووووني حبيبي والله وحشتني قوي
بصلها باستنكار ومردش
فتحت ياسمين التليفون
ياسمين وهي بتكلم نفسها:كل دي أرقام حاولت تتصل بيها ده أنا مهمه بقي وأنا معرفش
فتحت ياسمين النت وبدأت تقلب في صفحتها ع الفيس
طبعا لقت كمية شتايم رهيبه لأنها صحفيه كانت بتكتب عن الفاسدين في البلد وفي الأخر راحت اتجوزت واحد منهم دي كانت وجهة نظرهم
حست بحزن شديد
ياسمين بصوت عالي عشان تشجع نفسها:لااااا ياسمين انتي قويه متخليش حد يحبطك أبدا
بصلها آسر باستنكار ورجع بص في الورق من تاني
آسر في نفسه:مجنونه
فتحت ياسمين الشات الي بينها وبين صحبتها رباب
رباب :افتحي تليفونك ياجزمه مش عارفه أوصلك
وطبعا رسايل كتييير فطلبتها ياسمين
رباب:انتييييي فيييين ياحيوووووااااانه
كان صوتها عالي لدرجة ان آسر سمعها
ياسمين:دي صحبتي بتهزقني عادي يعني بتحصل.... انتي ياجزمه بتصرخي ليه طبلة ودني اتخرمت
رباب:برن عليكي بقالي كتير وبعتلك كمية رسايل رهيبه مبترديش ليه يازفته
ياسمين:مشاغل
رباب:مشاغل اييه يافاشله انتي هو حد يعرفك غيري
ياسمين:أصلي اتجوزت
رباب:منا عرفت من الجرايد ياندله كدا تتجوزي ومتقوليليش
ياسمين:معلشي الموضوع جيه بسرعه
رباب:لينا قاعده مع بعض عشان تحكيلي الي حصلك بس مش دلوقتي بعدين المهم أنا فرحي بكره لازم تيجي
ياسمين:اييه ده بكره بكره علي طول كدا؟
رباب:أيوه ياختي ماانتي لو كنتي بتردي ع الزفت بتاعك كان زمانك عرفتي
ياسمين:ألف مبروك ياروحي وربنا يكون فعون عريسك
رباب:ليه يابت ده أنا قمر
ياسمين:قمر بالستر ياختي
رباب:أنا هبعتلك رساله فيها عنوان القاعه اوعي متجيش
ياسمين:لا ان شاء الله هاجي
رباب:طيب سلام بقي عشان ورايا حاجات كتير بعملها
ياسمين:سلام ياحببتي
قفلت ياسمين مع رباب وبصت لآسر
آسر :بتبصيلي كدا ليه
ياسمين:بكره فرح رباب صحبتي وأنا عايزه أروح
آسر:لا
ياسمين بصوت عالي:هو ايييه الي لاااا
آسر:وطي صوتك احنا ف الشركه
ياسمين:مهو أنا هروح يعني هروح مليش دعوه شوفلك حل
آسر:خلاص روحي بس هتروحي لوحدك أنا ورايا شغل كتير وطبعا هيبقي معاكي السواق وحد من الحرس كالعاده
ياسمين:مين الي قالك أصلا ان أنا عايزاك تيجي!
بصلها بغيظ ومردش
______
تاني يوم جهزت ياسمين نفسها وراحت فرح رباب
أول ماياسمين وصلت جرت عليها رباب وحضنتها
كان عادل معزوم ف الفرح
راحتله ياسمين واتكلمت معاه واعتذرتله عن الي حصل وحاولت تقنعه انه يدي فرصه لخطيبته يمكن يحبها
______
انتهي الفرح
ودعت ياسمين رباب وعريسها وركبت عربيتها واتحركوا في طريق العوده للفيلا
_____
في شركة آسر كانوا لسه مجتمعين لإن الشغل كان كتير
مكنش آسر مركز خالص في الاجتماع كان كل تفكيره مع ياسمين الي مكنتش بترد علي تليفونها حتي السواق والحارس مش بيردوا
فضل آسر يرن عليهم لغاية مالسواق أخيرا رد عليه
آسر بعصبيه شديده:انت ياغبي مبتردش علي التليفون لييه
السواق : الحقنا يا آسر بيه الست ياسمين اتخطفت!
آسر بصوت هز الشركه كلها:وانتوااااا كنتوااااا فين يابهاااااايم
خرج آسر من غرفة الاجتماعات وهو مصدوم في وسط ذهول كل الموجودين
نادر:ايه الي حصل ياآسر آسر
نادر بسرعه:احنا آسفين ياجماعه الاجتماع اتلغي
وسابهم ومشي
فتح آسر تليفونه وعرف مكان ياسمين من خلال العقد الي هي لابساه والي فيه جهاز تتبع
ركب عربيته بسرعه واتجه ناحية الموقع الي ظاهر قدامه في التليفون
حاول نادر يلحقه عشان يفهم ايه الي حصل لكنه معرفش
_____
في عربية آسر كان بيسوق العربيه وهو متوتر جدا حاسس برعب وخوف أول مره ف حياته يحس بيهم
رن تليفونه برقم خاص (مش ظاهر رقم التليفون)
آسر:ألو
المتصل:آسر باشا أهلا بيك
آسر:انت مين؟
المتصل بسخريه:أنا الي خطفت مراتك وهقتلها بس انت قول يارب
آسر:انت عارف لو حصلها حاجه مش هيكفيني فيك عمرك كله
المتصل :بتهددني حتي وانت في الوضع ده طول عمرك مغرور يا ابن الراوي
آسر:انت مين يلا
المتصل:أنا واحد خرج من حبسته عشان يحبسك مكانه عرفتني؟
آسر:لو عايز تنتقم مني تعالي راجل لراجل ومتدخلش الستات في الموضوع
المتصل بضحك:بصراحه أنا متفاجيء إن آسر الراوي بجبروته خايف علي واحده ست للدرجه دي ... هستناك يااااي
آسر:ألو ألو....ياابن ال....
_____
وصل آسر للمكان الي ظاهر في تليفونه لقي بيت مهجور قدامه أرض كبيره فاضيه
فضل يدور كتير لكنه مقدرش يوصل ليها
رن تليفونه مره تانيه
المتصل:كنت عارف انك هتوصل بس ياتري بقي هتعرف تلاقيها قبل مايفوت الأوان ولا لأ
آسر:مراتي فين انطق
المتصل:مراتك هنا انت بس اتعب نفسك شويه يمكن تلاقي جثتها
آسر :ا..انت قتلتهااا
المتصل:والله لو قدرت توصلها ممكن تنقذ حياتها شد حيلك بقي
قفل في وشه مره تانيه وفضل آسر يدور لكنه موصلش لحاجه برده
آسر بصراخ:يعني ايييييه
رن تليفونه مره تانيه
المتصل:مطلعتش ذكي زي ماكنت فاكر
آسر بعصبيه شديد:مراااااتي فييييين اتكلللللم
المتصل:بصراحه صعبت عليا عشان كدا هساعدك
((مراتك مع الأموااات بجسمها لكن روحها لسه مع الأحياء ولو ملحقتهاش في الوقت المناسب يبقي تترحم عليها أحسن))
بتهيألي كدا وضحت يلا باااي بقي
وقفل السكه وهو بيضحك بااستفزاز
آسر:معنااااه اييييه الكلااااام ده معناااه اييه
مقدرش يفهم معني الكلام وفضل يدور ويدور لغاية ما......
تعليقات
إرسال تعليق