#لقاءغريب
فى شقه من شقق مدينه القاهر
استيقظ رجل فى سن ال٤٠ من عمره وادى فرضه ودخل يصحى بناته، دخل اوضه ليان
امجد:ليان حبيبتى اصحى يالا هتتأخري على الشركه
ليان بنوم:صباح الخير ي بابا
امجد:صباح الورد على عيونك ي قمر
ليان وهى بتقوم :ايوا بقى على الروقان
امجد:يالا ي حبيبتى قومى ،وانا هروح اصحى ام لسان طويل😹😹
ليان بضحك:متقولش قدامها كدا احسن تزعل😹
امجد:هقول ايه ربنا يهديها، خرج
*************************************
فى اوضه لين
دخل امجد لاقى لين صاحيه وبتصلي،فااستنى على ما خلصت
لين وهى بتقوم:صباح الخير ي بابا
امجد:صباح. الورد ي قلبي
لين بهزار:دا من امتى دا ي بوب
امجد وهو بضربها على دماغها :طول عمري ي جزمه مع انك مغلبانى بس ربنا يعلم انك حته من قلبي
ليان بضحك وهى بتدخل :بتخونى ي بوب ومع مين مع اختى لالا قلبي الصغير لا يتحمل
لين :ايه ي بت بطلى النفسنه دى شويه 😹😹
امجد:لين كلمى اختك بإ حترام مهما كان دى اكبر منك
ليان:لاي بابا كبيره ايه مليش انا فى الجو الكئيب دا انا بحبها تهزر معايا اصلا
لين بضحك:حبيبي ي ابو صلاح 😹😹
امجد:انا مش هخلص منكوا يالا روحوا اجهزوا على مااشوف البت ورده جهزت الفطار ولا لسه، خرج
لين بضحك:يالا ي بت من غير مطرود علشان البس
ليان :طالعه ي ختى من غير ما تزوقى ،خرجت
***********************************
فى الصاله
ليان خرجت لامجد:هى لين لسه مخلصتش
امجد:دا على اساس انك متعرفيش اختك بتتاكد من مظهرها ١٠٠مره قبل ما تخرج
ليان:انا هموت من الجوع وهتأخر بالمنظر دا
لين جت :براحه شويه ايه بقولك ي ليان افرد شعري ولا لمه ولا ارفعه
ليان :اصوت ولا اجيب ناس تصوت كل دا ولسه مخلصتيش افرديه ي ختى بيبقي حلو وهو سايب
امجد بغيظ :دا انتوا اللى سايبين خلصونى عاوز افطر علشان اروح الجامعه هتأخر
لين قعدت :اهو ي بوب يالا نفطر انا كدا جهزت
وقعدوا يفطروا لحد ما خلصوا
ورده :تحبوا حاجه تانيه
امجد:لا ي بنتى احنا كده خلصنا تسلم ايدك
لين:هجيب شنطتى واجى،جريت
ليان :يارب على التأخير
لين رجعت :اومال هما راحو فين ي ورده
ورده :نزلوا يستنوكى تحت
لين :تمام ولسه هتمشي
ورده :استاذه لين ممكن لما ترجعى اتكلم معاكى شويه
لين بإبتسامه :من غير استاذه بس ،خلاص تمام هرجع بدري عشانك
ورده:ربنا يسترك وميشمتش فيكى حد ويفرح قلبك
لين بإبتسامه: حبيبتى ي ورده ،يالا باي ونزلت
**************************************
نزلت لين لاقت ابوها مشي وركبت مع ليان وارحت كل واحد لشركه
عند لين
دخلت لين الشركه تحت نظرات اعجاب البعض وحقد الاخرين ولكن هى لا يهمها فهى واثقه من نفسها ، دخلت لمكتبها وجت السكرتيره :انسه لين دى اوراق التصاميم الجديده مدام مها قالتلى ابعتهالك عشان الموافقه والتعديلات
لين بجديه:تمام فى حاجه تانيه
السكرتيره :عند حضرتك اجتماع مع مدام مها بعد نص ساعه وعندك اجتماع مع المصممين الساعه ١١وعندك اجتماع مع الفوتوجرافرز الساعه ١٢ونص وكدا خلاص
لين:تمام ممكن تعمليلي حصر لاخر الصيحات والعروض واللى نزلت ومطلوب منك تسليمه بكره انشاء الله
السكرتيره :طب ماانا ممكن اخلصهم النهارده
لين:لا اشتغلى على مهلك اليوم النهارده متعب وانا مش مستعجله عليهم فبلاش اضغط عليكي
السكرتيره بإبتسامه:تمام عن اذنك
لين وهى بتبص على التصاميم : اتفضلى
السكرتيره خرجت لمكتبها واحده من اللى شغالين معاها
:يالهوي على غرورها خنيقه اوى
السكرتيره :بالعكس دي حبابه ومش مغروره خالص
:انتى مشوفتيش بتشخط وتنطر ازاى
السكرتيره :ماهو لازم تشخط وتنطرعلشان الشغل عمرك شوفتيها بتزعق لحد من غير سبب
:وانتى محموقالها ليه بلا نيله ،ومشيت
السكرتيره:ربنا يهديكى وتشيلي انسه لين من دماغك
*************************************
فى مكان تانى فى احد مناطق الصعيد داخل قسم الشرطه
فهد بعصبيه :انطق قتلتها ليه
المجرم :كنت رايح علشان اسرق البيت فهى طلعت فى وشى وكانت هتصرخ فقتلتها
فهد:سجل انه فى يوم /.......الموافق/.......الساعه/........قد تم اخد اقوال المتهم وهى كالاتى وسيتم حبسه على ذمه التحقيق ،امضي على اقوالك يالا
فهد:ي عسكري تعالى خد المتهم
بعد مالكل خرج دخل ليث على فهد
فهد:غربيه ايه جابك
ليث:طب قول ازيك حتى
فهد بنرفزه :اخلص ي ليث انا مش فاضي ورايا اشغال
ليث:هنعمل ايه فى المصيبه اللى احنا فيها
فهد :هو مش جدك لاقي الحل انا عن نفسي هسلمك اختى لانى واثق فيك
ليث :ي عم سيبك من روح انت انى شاريها من زمان وكنت مستنى تخلص تعليمها ،انا قصدى على البنتين التانيين
فهد بضيق :مش عارف جدك وابوي وعمى سافروا مصر النهارده علشان يكبموا عمك ومستنين رايه
ليث:طب افرض البنات رفضوا
فهد:هما مجبورين معندهومش الا خيارين ليتحوزونا ليتجوزوا ولاد الشرقاوى والله اعلم
ليث :بس ازاى هيقدروا يعيشوا هنا انا سمعت انهم كانوا متربين بره مصر
فهد:معرفش المهم تنحل المشكله اللى احنا فيها وميروحش فيها عزيز
ليث بغصب:يستاهل وعزيز اتصرف صح واحد وبيبص لروح بت عمخ ومرات اخوه المستقبليه يبقي اكيد لازم يموت
فهد:كان ممكن تتحل بطريقه تانيه غير انوا يقتلوا عموما ربنا يسهل ،امشي بقي خلينا اشوف شغلي
ليث:ماشي ي خويا انا كمان مشغول سلام ،خرج
************************************
فى بيت امجد رن جرس وراحت ورده تفتح ولاقت قدامها ناس بجلاليب وباين عليهم انهم مش من هنا
ورده:حضراتكوا عاوزين حاجه
زيدان:هى دي شقه امجد نعمان الشريف
ورده بإستغراب :اه مين حضراتكوا
الجد:احنا اهله ،دخلينا تعبنا من المشوار
ورده :اسفه بس ايه اللى يثبتلي انكوا اهله
الجد:يعنى معتصدقناش
ورده:العفوبس استاذ امجد سايبلي بيته امانه ومينفعش ادخل اي حد كده
الجد بإعجاب:هو دا الصح ي بنتي ،وريها ي طه بطاقتك
طه وهو بيديلها البطاقه:اهى اطن كدا اتاكدتى
الجد:هو امجد هيتأخر
ورده :لازمانه على وصول النهارده بيرجع بدري عن العاده ،تحبوا تشربوا ايه
زيدا :قهوه لو سمحتي بس زياده
ورده وهى بتدخلهم :اه طبعا اتفضلوا واتفضل بطاقتك
ورده:تمام وراحت تعملهم القهوه وكلمت امجد تبلغه بوجودهم وهو قالها ترحب بوجودهم لحد ماتيجى
***********************************
عندليان فى الشركه
كانت ليان فى اجتماع مع وفد ايطالى كانت كانت طبعا المترجمه وقضت يومها فى الاجتماعات والترجمه
***********************************
بعد فتره رجع امجد البيت وسلم على ابوه واخواته
امجد:وحشتني اوى يا بوي
الجد بتنهيده :وانت كمان كنت مستنيك انت ومراتك وعيالك بس طبعا عندك اشتغل وخلاك تقاطع ابوك
امجد بحزن :خفت لحسن تطردنى زى ما حصل زمان
زيدان:ايه لازمتوا جو الحزن دا ما هو رجعنا اتلمينا من تانى
امجد:فعلا ملهوش لازمه نفتح فى القديم ،بس بجدنورتونى وانبسطت بوجودكوا
الجد:امجد اسمه الكلمتين اللى هقولهم عشان نلحق نعاود البلد
امجد:خير ياابوى
الجد وحكاله مشكلتهم وازاى شيخ البلد انو ينهى طار العائلتين والحل اللى اتفقوا عليه
امجد بعصبيه :لا طبعا مستحيل اضحى ببناتى
طه :اقعد بس اسمع الكلام للأخر
امجد :اسمع ايه انو بناتى يتحملوا حاجات ملهومش ذنب فيها
الجد بعصبيه: ما قولنا اهدى بقيانا قولتلك قرارهم بس فى حل انو بناتك يتجوزوا ولاد اعمامهم ويتلغي الشرط
امجد:انا اسف يابوي بس مش هقدر ارمى بناتى لا لدول ولا لدول
طه :اخص عليك ياامجد مين قال هترميهم دول بناتنا وولاد اعمامهم اكتر ناس هيحافظوا عليهم انت مش واثق فى تربيتنا لاولادنا ولاايه
امجد:لا العفو ي طه انا مقصدش وهما اكيد من ظهر رجاله بس افهمونى انا بناتى معودهم على الحريه وعمري ماحبستهم فى اطار العادات
زيدان:هنعمل ايه يعنى ياخوي دا واضع واتفرض علينا وعليهم
الجد :اسمع ياامجد انا قولتلك الحلين اختار بس متنساش زمان لما عمتك اتحطت فى نفس الموقف ورفضت اتقتلت يعنى مفيش مجال للرفض
امجدبضيق :خلاص انا هختار ولاد اعمامهم على الاقل هكون واثق ومطمئن منهم
زيدان:طب والبنات
امجد:انا هقنعهم ، ولاد اعمامهم مستحيل يأذوهم انما التانين مينضمنوش
الجد:ان شاء الله خير ،الجواز هينكتب اهنيه بعيد عن مشاكل الصعيد ،بس بلغ بناتك فى الاول
امجد:ان شاء الله ، فى الوقت دا ر جعت ليان
ليان:السلام عليكم
:وعليكم السلام ورحمه الله وبركاته
ليان بإستغراب:مين دول ي بابا
امجد:دول اهلى ي ليان تعالى سلمى
ليان بغباء:اهلك مين
امجد:ليان مش وقت غباء تعالى سلمى
ليان سلمت على الكل بهدوء واستغراب
لين بضحك دخلت :بابا انا جعانه
امجد بضحك :تعالى ي مصيبه حياتى 😹😹
لين بخجل :كده تحرجنى ي بابا قدام الضيوف
امجد:من امتى الكسوف دا ،تعالى سلمى
لين سلمت على الكل
امجد:احب اعرفكوا بناتى ليان ولين ودول اهلى ي بنات ابويا واخواتى
البنات :اهلا وسهلا
الجد:اهلا بيكوا ي بنات
لين:بابا انا جعانه
امجد بضيق:ارحمينى بتاكلى وياريته بيبان الا اللى بيشوفك بيقولوا واكلين اكلك
لين بتمثيل :اخص عليك باصص لى في الاكل ،يرضيك كدا ي جدو
الجد بضحك:لاطبعا ميرضنيش تعالى عندى وانا اكلك كل اللى تعوزيه
لين بغباء:اجى فين
الجد :قصدى عندنا فى الصعيد مش حبا تيجى عندنا ولا ايه
لين:لا طبعا ان شاء الله اجى دا كفايه وجودك فى المكان طبعا
امجدبضحك:دي بكاشه العائله وام لسانين ،يالا روحوا غيروا هدمكوا واغسلوا ايديكوا وتعالوا عشان الاكل
لين:انا هخرج تانى فهغسل ايدى بس
ودخلوا البنات يغسلوا ايديهم
الجد:حبابه اوى لين على عكس ليان
امجد:لا ليان حبابه بس لين اجتماعيه وجريئه اما ليان هاديه وخجوله
زيدان:ربنا يخليهوملك ،وتفرح بيهم
امجد:يارب ،ابوي خلى لين تتزوج اكتر واحد شخصيته قويه لان لين جريئه وعنيده عاوزه حد يقدر عليها ويحكمها على عكس ليان
الجد :لا حظت خلاص فاتحهم فى الموضوع وملكش دعوه بالباقي
امجد:خلاص تمام يالا اتفضلوا على الغداء
تعليقات
إرسال تعليق