رجع البنات وقعدوا كلهم على تربيزه السفره وابتدوا يتكلموا مع بعض وهما بياكلوا
لين بإبتسامه :البيت منور بيكوا يا جماعه
الجد:منور بيكوا يا بتى ، وبس شكلك بكاشه زى ماابوكى بيقول
لين بتمثيل :ينفع كده مسوء سمعتى دايما
امجد:دى ي بابا مصيبه حياتى عملالى مشاكل طول عمرها
زيدان: ليه كده دا باين عليها طيوبه خالص
لين بإبتسامه :حبيبي ي عمو واخيرا لاقيت حد ينصفنى
امجد بضحك:اه ي زيدان انا نسيت اقولك ان البت دى واخده كتير من طباعك
الجد بضحك :يعنى كان عندنا نسخه واحده دلوقتى بقوا
اتنين
ورده جت عليهم:لين سكرتيره استاذ هادى اتصلت وقالتلى
ابلغك بميعادك
لين وهى بتقوم:انا خلاص اصلا خلصت
امجد بضيق:لين خلصي اكلك الاول ،مينفعش كده
لين :معلش ي بابا انا واخده الميعاد بقالى شهر ونص لانه محترف وجدوله مشغوله ،انا اسفه يا جماعه فعلا بس انا مشغوله الفتره دى شويه
طه:عادى يا بنتى دا شغل ،اتفضلى احنا اصلا هنخلص ونروح البلد
لين بزعل:يعنى هتروحوا خلاص
الجد:اه احنا كده هنتأخر على الرجوع اكيد هنتقابل كتير مجتش على مره دى
لين بإبتسامه :اكيد طبعا ولو انتوا مجيتوش ،انا اللى اجيلك مخصوص تعويض عن النهارده
الجد:ان شاء الله دلوقتى روحى شوفى،وراكى ايه
لين: تمام توصلوا بالسلامه ،وخرجت
امجد بضيق:متزعلوش منها بس هى شغلها فى المرتبه الاولى فى حياتها
زيدان :لا مفيش زعل ولا حاجه ،ربنا يوفقها
الجد:هى بتشتغل ايه
ليان:هى مصممه ازياء شغاله فى شركه انترناشونا للملابس
الجد:وانتى يابتى شغاله بردوا ولا ايه
ليان:مترجمه لغات بشتغل فى شركه ومواقع خارجيه
امجد بضيق:حياتهم الاتنين عباره عن شغل وسفر
الجد بغموض:ربنا يهدى ،وبهمس :هاتلى صورتين للبنات عشان ولاد اخوك يشوفوهم
امجد بهمس:حاضر
ليان:الحمد لله ،تحبوا تشربوا ايه بقي
الجد :لا يابتى تشكري احنا يدوبك نلحق نعاود البلد
امجد:طب ماتباتوا هنا ياابوي
الجد:لا ماينفعش نسيب البيت وخاصه وفى فتره المشاكل دى
امجد:ان شاء الله تنحل على خير
الجد:يال يا طه انت وزيدان خلونا نعاود البلد
فى غصون فتره قصيره كانوا جهزوا ونزلوا بعد ماودعوا الكل
************************************
فى البلد بعد رجوع فهد وليث
اميمه : اعملكوا الوكل يا ولادى
فهد :لا الحمد لله اكلنا بره ،اومال فين روح
اميمه :روح قاعده قدام التليفزيون جوه بتتفرج على الناس اللى بتمشي والناس بتصورهم
ليث بغيظ:قصدك رجعت تتفرج على الزباله دول تانى ،اروح اجبها من شعرها يعنى
فهد بعصبيه خفيفه:فى ايه ياليث هوايه وبتتفرج عليها بطل تشد عليها هى لسه مش على ذمتك
ليث:انا مش عارف هى ايه اللى عاجبها فى عروض الازياء دى
فهد بهدوء :هوايه عندها وعشان اعرفك يوم لما الاقى اختى بتغلط هقتلها ومش هستني رايك
ليث:ابقي فكر كده هى صحيح غايظانى بس مااستغناش عنها
اميمه:ربنا يفرح قلبك يا حبيبي ،براحه عليها شويه
ليث انتى تؤمري ،امال امك فين
اميمه بضحك:امك قاعده جمب روح وعزيز معاهم بيتفرجوا على التليفزيون
ليث:طب الاحقها مين امى ولا من روح
فهد بضحك:انت اللى تاعب حالك تعال ندخلهم
دخلوا الكل لاقوا روح وسماح مندمجين وعزيز قاعد يلعب فى تليفونه
ليث بزعيق :افشتكوا بتعملوا ايه
سماح بخضه :يالا يا جزمه كده تخضنا
ليث:اعملكوا ايه ماانتوا مندمجين اوى كانت الاول ست روح دلوقتى بقيتي انتى كمان ياامى
عزيز بهزار:والله انا قولتلكوا البت روح متنفعش غير ليا احنا الاتنين دمنا خفيف مش زيك ياليث
ليث بعصبيه: عزيز انا معحبش الهزار دا
سماح وروح :بس بقي خلونا نسمع
فهد بضحك:بتسمعوا ايه
روح بشغف:دى مسابقه لعرض ازياء بين اقوى ٦منافسين واللى هيكسب هينزل موديل تصميمه فى مصر وبره مصر وطبعا الحاجات دى ماركه متقسمه ل١٠ موديلات ٢من كل نوع وطبعا النماذج دى تجريبيه يعنى مش كل الموديلات
فهد بدهشه :ايه الشغف دا اول مره اعرف حبك كبير للحاجات دى
روح:عادى يا فهد اهى هوايه ،اسكت بقي عشان المتسابق التانى هيطلع بتصاميمه
سماح:الملكه هتطلع يابت يا روح
روح:لا النهارده تقريبا لا
ليث :مين الملكه دى
روح:دى ملكه الازياء درست فى فرنسا وكل الشركات بتتمنى
وجودها معاهم ايام لما كانت طالبه هزمت ٢من اشهر مصممين الازياء وبعدها قضتها سفر حول العالم قضت ٤شهور متنقله بين الصين واليابان وكوريا واتعلمت اساسيات الازياء واتعلمت فنون القتال واخذت بطولات كتير وبعدها استقرت فى لبنان فتره قصيره لحدمافى الاخر نزلت عاشتفى مصر واشغلت فى شركه انترناشونال لصاحبتها
فهد بضحك:دا كله اي يا بنتى خفى شويه ، دا اانا اخوكى اهوه ومتعرفيش دا كله
سماح بإعجاب :بصراحه بنوته شياكه وجمال وقوه دا فى مره حاول واحد يتطاول عليها مسخرته فى نص الحفله ومااهتمتش بحد
ليث بسخريه :للدرجادى
روح :واكتر بصراحه جريئه جدا ومبتخافش من حد ومرحه الاقصي حدود
ليث بغيظ:لاتكونى حبا تبقي شبهها
روح:ياريت مكرهش طموحه وشجاعه وناجحه فى حياتها
ليث ببرود:كل دا ملهوش لازمه الست ملهاش الابيتها وجوزها وعيالها واللى بتتكلمى عليها دى شغلها ناجح بس واضح من كلامك ان حياتها الخاصه فاشله
سماح:اسكت بقي ياليث خلينا نسمع وانتى متروديش عليه
الكل سكت وتابعوا الحدث لحد ماجيه ميعاد اعلان الفائز وكانت شركه مها وطلب المذيع من المسئولين انهم يطلعوا للمنصه وطلعت ياسو ولين
المذيع:دلوقتى احب اهنيكى على فوزكوا
ياسو:شكرا جدا وطبعا مقدرش انكر دا مجهود لين
المذيع:طبعا منقدرش ننسي المبدعه كل سنه بتبهرينا بتصاميم جديده صراحه مش عارف اقولك ايه
لين بإبتسامه :ولا حاجه صراحه دا مش مجهودى بس انا معايا ١٤من المصممين تبع الشركه وكلنا متعاونين مع بعض
المذيع:حابب اسألك سؤال انتى حياتك العلميه فوق مممتازه
اما حياتك الخاصه هاديه الى حدا ما معقول مفيش ارتباط ياسو فاجأتنا بارتباطها ولا ايه ياياسو
ياسو:عادى صراحه انا ارتبطت بشكل مفاجئ وطبعا اعلنت
المذيع:وانتى يالين مفيش حب جديد
لين بهزار:وهو كان فى قديم ،عموما لا انا حياتى الخاصه هاديه. وصراحه انا بأمن انو قدري مكتوب فمش هيحصل
لا زياده ولانقصان فيها فمش مستعجله 😹😹😹
المذيع:تمام ،احب اقولكوا مبروك وابهرونا بتصاميمكوا الجديده ،وكده هننهى البرنامج
وخلص البرنامج
فهد :من دورك دول يا روح صح
روح:اه بس كانوا بيجمعوا السنتين فى سنه عشان كده خلصوه دراسه بدري
عزيز: صراحه قمامير بس ياسو دى تحسيها من لبسها انها واخده حريتها زياده عن اللزوم
ليث بسخريه:دا على اساس انو التانيه احسن
عزيز:لا حرام عليك التانيه لبسها غير الاولى دى كأنها مش لابسه حاجه
ليث: والله دول ناس فاضيه لا ليهم حاكم ولا رابط وفضلوا يتكلموا مع بعض وبعدها كل واحد طلع اوضته
******************************
فى العربيه قبل وصول الصعيد بمسافه قصيره
زيدان :مالك ياابوى ساكت ليه
الجد بتنهيده:هقول ايه انا اللى خفت منه لاقيته
طه:قصدك يعنى عشان طبيعه عيش البنات
الجد:كل حاجه يا طه لبسهم عيشتهم شغلهم كل حاجه البنات
مطبعا نفس طباع امهم الاجنبيه واخوك واضح ان مديهم حريه زياده عن اللازم
زيدان:يمكن ياابوي بس بلاش نظلمهم البنات مشفناش منهم اي تصرف وحش
الجد بتنهيده:بس مش هيعرفوا يتعودوا على طباعنا وعيشتنا
طه:يمكن الصغيره هى اللى كده اما الكبيره هاديه فهتتعود بسرعه
الجد: اهو انا مش خايف الامن لين وكلام اخوك انها جريئه ولسانها متبري منها محتاجه واحد طاقته واسعه عشان يتحملها وفى نفس الوقت يشد عليها
زيدان:فهد هيكون الانسب ليه ياابوي
الجد:فهد شديد وطباعه صعبه اه بيتحمل بس طباعه صعبه ، وعزيز مش هينفع لانه لين وبيحب الضحك فمش هيقدر عليها كنت هقول ليث هو الوسط بينهم بس عارف انه بيحب روح فبجد محتار
طه:انا شايف ياابوي ان فهد الانسب لان عزيز مش هينفع هتستهيفوا اما فهد هيقدر يوقفها عند حدها
الجد:وانت اي رايك يا زيدان
زيدان:انا كمان نفس الراي فهد هيكون الانسب
الجد:خلاص وانا موافق على رايكوا ،اما اشوف راي ولادكوا ، يالا خلونا ننزل وصلنا والسواق سابنا نتكلم ونزل
طه وزيدان :حاضر ونزلوا من العربيه ودخلوا البيت
تعليقات
إرسال تعليق