_______________________________________________________
وقفنا المرة اللي فاتت لما منه جات تدخل الفيلا ظهر حد
زين:ايه يا منه اللي موقفك برة كده
منه:زين حرام عليك رعبتني لا ولا حاجه انا اصلا كنت داخله
زين:اومال فين عم عبدو السواق
منه:لأ أصل مش هو اللي وصلني
زين:مش هو اللي وصلك اومال مين
منه:ده واحد زميلي تعالى ندخل بس وهحكيلك على كل حاجه
زين:ماشي يلا ندخل
زين ومنه دخلوا الفيلا وكل واحد طلع على أوضته وغير لبسه ونزلوا يقعدوا في الجنينه
زين:ها يا ستي مين ده اللي وصلك
منه حكت لزين كل حاجه قالهالها ادم وان هو معجب بيها وان هو اللي وصلها
زين:************
_______________________________________________________
عند نور وفريدة راحوا على شقة نور
نور:بصي يا ستي انا هدخل اجيب ملفات للشركه عايزاها وهجيب لبس ليا
فريده:طب احنا هنروح بكرة الكليه ولا اي
نور:تقريبا احنا مش عندنا محاضرات بكرة مهمه فبلاش نروح ونبقى ناخد المحاضرة من اي حد
فريدة:ماشي بس هاتي بردو اي محاضرة نزاكرها من اللي احنا محضرنهاش
نور:ماشي
دخلت نور تجيب الحاجات اللي هتحتجها بكرة كلها ..وراحوا على بيت فريدة
_______________________________________________________
عند زين ومنه
زين:طب وانتي ادتيلوا الرقم وللا اي
منه:ايوة ادتهولوا وهو قال انه هيكلم بابا
زين:ماشي يا حبيبتي اطلعي انتي نامي شويه ولما الغدا يجهز يبقى حد يصحيكي
منه:ماشي انا هطلع انا بقى
طلعت منه اوضتها تنام بس قعدت تفكر في ادم وابتسمت وبعد مده من التفكير نامت
عند زين قعد شويه على موبايله وفاجاه جه على بالوا صورة نور ففتح الفيس بوك بتاعه وقعد يبحث على اسمها لحد مالاقاه وشاف أنها حاطه صورتها على الاكونت بتاعها فاتضايق بس مش عارف من اي فتح الصورة بتاعتها وقعد يدقق في ملامحها قد اي جميله
نسيبه بقى يقعد يحب فيها 😂ونروح مكان تاني
_______________________________________________________
عند سيلين قاعده بتتكلم هي وباباها
سيلين:والله كنت هتقفش في آخر ثانيه يا بابي
عزت:طب هنعمل اي بقى يا سيلين عايزين خطه تانيه
سيلين:استنى عليا بس بخطط لحاجه كده ولو ظبطط هقولهالك
عزت:بس بسرعه يا سيلي ومش عايز اي غلطه عشان زين صعب جدا
سيلين:متقلقش يا بابي كله هيبقى تمام
عزت:مانتي قولتي كده بردو المرة اللي فاتت وبردو غلطتي
سيلين:متخفش يا بابي ان شاءالله المرادي هتنجح
عزت:ماشي يا حبيبتي
سيلين:طب انا هطلع اخد شاور والبس عشان عندي سهرة
عزت:ماشي معاكي فلوس
سيلين:لا عايزة لما انزل هاخد
عزت:ماشي يا حبيبت قلبي
طلعت سيلين فوق عشان تجهز للسهرة وعزت قاعد تحت بيفكر و ناوي لزين على شر
_______________________________________________________
عند نور وفريدة راحوا على شقة فريدة وبيخبطوا على الباب بصوت عالي فتحتلهم هبه
هبه:في اي يا بت انتي وهي بتخبطوا جامد لي
فريدة:عادي يا ماما فيها اي
نور:اي يا هوبا مش هندخل وللا اي
هبه:ادخلوا ياختي انتي وهي وانتي يا بت يا نور مجتيش امبارح ليه مع فريدة
نور:والله يا هوبا كنت تعبانه خالص وعايزة انام فقولت اروح على طول بقى
هبه:منا قولتلك يا بنتي تيجي انتي تقعدي معانا
نور:والله ببقى مستريحه في البيت اكتر وكده وبعدين منا بنطلكم كل يومين هنا اهو وجايه ابات كمان النهاردة
هبه:طب يلا ادخلي انتي وهي غيروا لحد ماحضر الاكل
فريدة:من امتى الدلع ده يا ست ماما
هبه:خلاص ادخلوا اعملوا لنفسكم انتوا الاكل انا الحق عليا اني كنت عايزة اريحكم
نور:لا وعلى اي هو في حد اتكلم اصلا انا هدخل اغير
دخلوا الاتنين وكل واحده غيرت لبسها ولبست بيجامه مريحه
هبه:يا نور يا فريدة يلا الاكل جهز
نور:جايين اهو
فريدة:الله ايه الريحه الجامده دي يا ست الكل
هبه:دي اقل حاجه عندي يا حبيبتي ويلا بلاش كلام وكلوا
نور:تسلم ايدك يا هوبا والله الاكل طعمه جميل
هبه:على اي يا نونو دي حاجه بسيطه
خلصوا اكل وشالوه
فريدة:نور انتي اللي عليكي هتعمليلنا الشاي عما انا اعمل المواعين
نور:ماشي يا حبيبتي
فريدة:ماشي يا حبيبتي ده اللي ربنا قدرك عليه مش المفروض تقوليلي انا اللي هعمل المواعين والشاي وانتي تقعدي
نور:انا يا بنتي اعمل كده
خلصوا المواعين وعملوا الشاي وشربوه وقعدوا يتفرجوا على التليفزيون شويه.........بعد حوالي ساعتين نور وفريدة وهبه لسه قاعدين على التليفزيون
هبه:قومي يا بنتي انتي وهي شوفوا لو هتزاكروا حاجه
فريدة:ايوة حاضر يلا يا نور نقوم نزاكر وتشوفي لو وراكي اي ملف تراجعيه في الشركه
هبه:هو انتوا رايحين بكرة الكليه مع الشركه
نور:لأ هنروح الشركه بس ونبقى ناخد المحاضرات من اي حد
هبه:ربنا يوفقكم ياحبايبي
نور وفريدة:يارب
دخلوا الاتنين الاوضه وقعدوا يزاكروا شويه ويخلصوا الشغل اللي وراهم تبع الشركه .....بعد ساعه
نور:أخيرا خلصت مش قادره هبقى اكمل يوم تاني
فريدة:وانا بردو تعبت اوي
نور:فريدة فاكره البنت اللي كنا مقابلينها أخت مستر زين
فريدة:ااه مالها
نور:مش احنا كنا واخدين رقمها متيجي نكلمها ونتعرف على بعض
فريدة:ماشي هاتي موبايلي من جانبك كده
نور جابت الموبايل لفريده واتصلوا على منه
فريدة :الو السلام عليكم
منه:
تعليقات
إرسال تعليق