_______________________________________________________
وقفنا المرة اللي فاتت لما نور وفريدة وهما بيكلموا منه وردت عليهم
فريدة: السلام عليكم ورحمة الله وبركاته منه معايا
منه:وعليكم السلام ورحمة الله وبركاته ايوة انا منه مين حضرتك
فريدة:انا فريده اللي قابلتك في الشركه
منه:ااه ازيك يا فريدة اسفه مكنتش لسه سجلت الرقم
فريدة:ولا يهمك يا حبيبتي انا اتصلت عليكي عشان نتعرف على بعض وكده
منه:ماشي طب هي فين نور تعرفي تدخليها في المكالمة
فريدة:نور اصلا جنبي اهي
منه:بجد هي كانت بايته عندك وللا اي
فريدة:لا مكنتش بايته بس هتبات النهارده
نور:ازيك يا منون عامله اي
منه:انا الحمدلله كويسه يلا مين اللي يبدأ يتكلم انا وللا انتوا
فريدة:هبدأ انا
منه:ماشي يلا
فريدة:بصي يا ستي انا اسمي فريدة محمود عندي 22 سنه وفي آخر سنه كلية السُن وعايشه مع والدتي ووالدي متوفي ونور صاحبتي من الطفوله وكنت بشتغل في محل وبعدين اشتغلت في شركة مستر زين بس سكرتارية مستر أدهم بس كده يا ستي
منه:اي ده بجد انتي عندك 22 سنه بس باين عليكي انك اصغر من كده بس إزاي 22 سنه وانتي في آخر سنه في الكليه على ما اعتقد ان اللي بيكونوا آخر سنه بيكون عنده 21
فريدة: ايوة فعلا علشان انا كنت داخله ابتدائي كبيرة سنه وحتى نور زيي بردو انا كنت متعرفه عليها وانا في سنه أولى وكان حلمنا واحنا صغيرين ندخل كلية السُن والحمد لله دخلناها
منه:ااه فهمت وانتي يا نور
نور:انا بقى نور مصطفى عندي بردو 22 سنه في كلية السُن والدي ووالدتي متوفيين في حادث السنه اللي فاتت وفريدة ومامتها هما كل حياتي بس عايشه في شقه لوحدي بس باجي هنا كتير ابات وكده وكنت بردو شغاله في محل ورد واشتغلت سكرتارية مستر زين دي كلها حكايتي احكي انتي بقى
منه:انا منه توفيق عندي 18 سنه في سنه أولى كلية السُن والدتي متوفيه من وانا صغيرة وعايشه مع والدي واخويا زين وجدتي بحب اللغات جدا والترجمة وكده دي كل حكايتي
فريدة:يبقى كده احنا خلاص بقينا صحاب انتي مخطوبة يا منه
منه:لأ بس متقدملي عريس وهيكلم بابا ويشوف معاه معاد ولو حصل نصيب انتوا هتبقوا معايا وللا اي
فريدة:اكيد يا حبيبتي
نور:ايوة طبعا يا منون
منه:وانتوا بقى في حد مخطوب حد بيحب كده يعني
فريدة افتكرت ادهم اول ما منه قالت كده وابتسمت ونور لاحظتها وعرفت أنها افتكرت ادهم عشان لاحظت نظراتهم الاتنين لبعض
منه:اي يا بنتي انتي وهي روحتوا فين
نور:موجودين اهو يا ستي لا انا مش بحب بس شكل الأخت اللي جنبي بتحب ههههه
فريدة ضربتها بكوعها في بطنها:بحب اي يا بنتي انا مش بحب حد
منه:قولي يا بت يا نور هي بتحب مين
نور:اقول يا فريدة
فريدة:يا بنتي انا مش بحب حد في اي
نور:على بابا بردو طب يا منه فريدة بتحب ادهم وبصت لفريدة وطلعتلها لسانها
منه:انتي بتتكلمي جد يا نور وللا بتهرجي
نور:لا والله بتكلم جد والاتنين نظراتهم فضحاهم اصلا
منه:اتكلمي يا بت يا فريدة
فريدة:يا ستي مش حب ده اعجاب بس
منه:إعجاب بس بردو
فريدة بتوتر:ايوة اعجاب بس وقفلوا بقى على الكلام ده ويلا نتكلم على اي حاجه تانيه
نور:توهي ياختي توهي هعرف بردو يعني هعرف
وقعدوا يتكلموا في مواضيع كتير بعد كده قفلوا واتفقوا على حاجه
_______________________________________________________
عند ادهم كان قاعد في فيلته وماسك موبايله وبيتصل على زين
ادهم:الو يا زين
زين:ايوة يا بني مجتش لي
ادهم:والله مكنتش قادر خالص ونمت شوية و بعدين صحيت المهم كنت عايزك في حاجه
زين:حاجة اي
ادهم:كنت عايز رقم والدة فريدة عشان عايز اتقدملها
زين:والدتها طب لي متتصلش على والدها
ادهم:انا عرفت ان والدها متوفي ومش عندها اخوات
زين:ااه فهمت طب بس انا هعمل مكالمه كده وهجبلك رقم والدتها بس هي اسمها فريدة اي بالكامل
ادهم:اسمها فريدة محمود حجازي
زين:تمام بص الرقم اول ما اعرفه هتصل عليك واديهولك
ادهم:تسلم يا زين
زين:على لي يا بني يلا سلام
ادهم:سلام
قفل زين مع ادهم وأجرى مكالمه لشخص ما
زين:عايز اعرف رقم والدة البنت دي فريدة**********
الشخص:حاضر يا زين باشا ساعتين بالكتير والرقم يكون عند حضرتك
زين:ماشي سلام
_______________________________________________________
عند نور وفريدة خلصوا مكالمه مع منه وناموا عشان وراهم شركه بكرة
_______________________________________________________
بعد ساعتين
عند ادهم قاعد مستني زين يتصل عليه وفي نفس اللحظه اتصل عليه زين
زين:ايوة يا ادهم خد الرقم اهو*******0100
ادهم:تسلم يا صاحبي كنت عارف انك هتعرف تجبها
زين:اومال يا بني انت متعرفش انا مين انا زين المنشاوي
ادهم:تبًّا يا اخي لتواضعك
زين:اقول يا ادهم اقفل
ادهم:خلاص يا بني براحه انا هكلم والدتها بكرة ان شاء الله واخد ميعاد معاها
زين:ماشي يا اخويا رينا يوفقك
ادهم:يارب
قفلوا مع بعض وكل واحد نام للاستعداد بيوم جديد
تعليقات
إرسال تعليق