يوسف :يادي النيله اي اللي جابنا هنا المول تاني
آيات :انتوا جيتوا هنا من غيري انت وعمر
يوسف : انزلي انزلي اما نشوف اخوكي جابنا هنا لي
عمر: انزلي يلا ي ملك
ملك :احنا مروحناش البيت لي
عمر :هنشترتي شويه هدوم ونروح
ملك :لمين
عمر؛ اكيد مش ليا انا ويوسف مفيش عندنا اكتر م الهدوم.. هجبلك انتي ي ملك
ملك بفرحه :بجد هتجبلي هدوم وراحت حضناه وهيا فرحانه... عمر للحظه كان مستغرب من طريقتها اللي زي الأطفال وبعدين راح حضنها هو كمان
.. قاطع اللحظه دي يوسف وهوا بيخبط على ازاز العربيه
يوسف بضحك : انزل ي عم النحنوح انزل دا احنا ف الشارع
ملك بسرعه بعدت عن عمر وقالت انا اسفه انا مكنش قاصدي بجد
عمر :مفيش واحده تعتذر لما تحضن جوزها ي ملك
وبسرعه عمر فتح باب العربيه وخبط يوسف حتت خبطه
يوسف : ارجلي اه با ابن ال
عمر :عشان متبقاش تتدخل ف اللي ملكش فيه ي خفيف
يوسف :ماشي ي عم بس والله ما هسيب حقي وهاخده بطريقتي
عمر بضحك :أعلى ما ف خيلك اركبه يلا ي ملك
نزولوا كلهم ملك وآيات وعمر ويوسف ودخلوا المول
-عمر : بقولك ي ملك خدي آيات معاكي وروحي شوفي كل الهدوم اللي انتي عايزاها هاتيها.. وأنا ويوسف هنروح الكافيه نشرب حاجه على ما تخلصوا
ملك :تمام يلا ي آيات
- ملك وآيات راحوا يشوفوا الهدوم وجابوا حاجات كتير
ملك:كدا خلاص مفضلش حاجه تاني جبت كل اللي انا محتجاه وجبت هدوم المدرسه كمان يلا
آيات : لا استنى فاضل حاجات مجبنهاش
ملك :بيتهألي جبنا كل حاجه
- آيات : طب روحي انتي شوفي عمر وانا هروح أجيب
ملك :تجيبي اي مش فاهمه حاجه
آيات : روحي انتي بس نادي لعمر وانا هحصلكم على بره
ملك : طيب
- ملك : يلا ي عمر
عمر فين آيات
ملك :قالتي اجي. انا ديلك وهيا هتحصلنا
يوسف :اخيرا خلصتوا ي اختي ي عشر ساعات بتجيبوا هدوم حرام عليكم انا جعان وجوزك مش راضي يأكلني
عمر : أخرس يلا..... جبتي كل اللي انتي عايزاه ي ملك
ملك :اه
عمر :طب يلا نحاسب
آيات :انا جيت خد حاسب على دول كمان معاك ي عمر
عمر : طيب روحوا انتم استنوني ف العربيه واد ي زفت خدهم وديهم
يوسف : قدامي انت وهيا ي أخرت صبري
-عمر حاسب وراح ليهم وروحوا كلهم
$_______$
وصلوا البيت
-ملك:طب أنا هطلع اطلع الهدوم دي فوق
عمر :طب خدويني معاكي عشان عايزه اغير واخاد شاور
يوسف : ماشيه معاك ي عم
عمر : ي ابني انا جبت أخرى منك... يلا ي ملك
آيات : طب انا هروح لماما اشوف العشا اخباره اي
عمر :اه والنبي لحسن هموت م الجوع
..........
ف الاوضه عند ملك وعمر
- ملك فضلت تطلع الهدوم وتطبقها ف الدولاب وكانت فرحانه انها بقى عندها هدوم كتير
وبعدين جت تطلع الهدوم اللي آيات جايباها اتخضت وقالت بصوت اي قله الادب دي
-عمر كان ساعتها طالع م الحمام بعد م أو خاد شاور وسمعها وهيا بتقول كدا
عمر وهوا رايح ناحيتها : اي ف اي
ملك بخضه :ها... لا مفيش مفيش
عمر : وشك شكله مخطوف كدا ف اي... .أي اللي خضك ف شنطه الهدوم ولسه رايح يمسكها ملك شدتها منه وقالت مفيش عمر بيشدها ف اي انتي مخبيه اي وهوا يشد وهيا تشدوم الهدوم اللي فيها وقعت ع الارض... ملك حطت ايدها على وشها من الكسفه وبصت الناحيه التانيه
عمر وهوا بيضحك عليها : انت عمله كل الحوار دا عشان دول... وبعدين مش انتي اللي جايباهم
ملك : والله ما انا... انا اشتريت الدريسات و
الخمار بس وآيات قالتي روحي لعمر علي ما اجيب حاجه نسيتها وبعدين هيا جابتهَم انا مقولتاهاش حاجه
عمر وهوا بيضحك على طريقتها : مصدقك خلاص لمى يلا الحاجات دي وتعالى وتعالى ننزل عشان نتعشي
ملك : حاضر
$_____________$
نزلوا واتعشوا وملك طول ما هما قاعدين عماله تستحلف لآيات وبتصبلها وآيات مش واخده بالها وبعد ماخلصوا عمر طلع ينام وملك وآيات كانوا بيساعدوا فاطمه ف لم السفره
ملك : روحي انتي ي ماما وانا وآيات هنكمل المواعين
فاطمه :طيب ي ولاد ربنا معاكو اروح اصلي العشا وانام انا بقى
ملك :تصبحي ع خير
فاطمه :وانتي من اهله ي حبيبتي
ملك بعصبيه : اي بقى اللى انتى اشتريه دا بقى ي آيات الزفت انتي
آيات وهيا بتحاول تعمل نفسها من بنها : قصدك اي
ملك : بت انتي الهدوم اللي انتي وزعتيني عشان تجبيها
آيات بضحك : اه ... قولت بقى ف نفسي اطلع اصيله واجيب حاجه تدلعي اخويا بيها
ملك بعصبيه : اه ما انا هدلع بس هدلعك انتي عارفه ازاي
آيات : ازاي
ملك : هسيبك تغسلي كل المواعين دي لوحدك وتشطبي المطبخ سلام سابتها وطلعت جرى
آيات: اه ي ندله ملك متعمليش فيا كدا المواعين كتير حرام عليكي
ملك بضحك: خليي المواعين تدلعك ي عمري
$_______$
-طلعت ملك وسابت ايات مع المواعين ودخلت الاوضه ملقتش عمر سمعت صوت ميه عرفت انه ف الحمام، دخلت تغير ولبست ترينج بنص كم رصاصي ومسكت فونها وطلعت البلكونه وقالت اما ارن على ساره الكلب اللي نسيتني دي خالص
-ملك :الو
ساره : ملوكه ليكي وحشه وحشتيني ي ندله يلا استغنيتي عني بسهوله اه مهو. كل من لقى بديل استغني ماشي ي هانم مهو الاهتمام مبتطلبش
ملك : اهدي علي على نفسك شويه اي بلعه راديو وبعدين انت حافظه مش فاهمه مين اللي ندله فينا انا ولا انتي
ساره :انت طبعا
ملك : ي شيخه انا مش قولتلك تعالى ي بت وقضي اليوم معايا وبعتلك العنوان ع الواتساب
ساره :انتي بتكلمي بجد طب كلمتيني امتى انا حرفيا مش فاكره
ملك : الصبح ي اختي قبل صلاة الجمعه
ساره :اه قولي كدا انا كنت ف الوقت دا نايمه والفون جنبي تلاقيني رديت وانا نايمه ف صحيت مش فاكره ولما صحيت امي خدت مني الفون عشان اروق البيت كله وملحقتش اشوف الرساله وأديتهولي لما انتي رنيتي.. المهم طمنيني انت عامله اي
ملك؛ تمام... تعالي بكرا اقعدي معايا و نقعد نتكلم ونفضفض
ساره : اوكي هخلص الدروس إللي ورايا كلها واجيلك
ملك :تمام يلا تصبحي ع خير وسلميلي على طنط صباح
ساره :وانتي من اهله ي لوكه.. الله يسلمك هسلملك عليها .. سلام
ملك :سلام ... وبعدين ملك قفلت ودخلت لاقت عمر قاعد ع اللاب توب
ملك :هو انت مش هتنام
عمر :ف مذكره كدا كنت عايزه اخلصها الأول عشان اطبعها هخلصها وانام
ملك : طب انا هنام تصبح على خير
عمر : وانتي من اهله
-ملك راحت نامت وعمر بعد شويه خلص و راح نام هوا كمان
&------------&
يوم جديد على أبطالنا عمر صحي قبل ملك ونزل يجري شويه، ملك صحيت ملقتش عمر جنبها. غسلت وشها واتوضت وصلت وغيرت هدومها لدريس بينك هادي ورقيق كدا وخمار ونزلت تحضر الفطار مع رحمه
- عمر خلص جرى وطلع خاد شاور ونزل وفطروا وخلصوا كلهم... وكل واحد راح يشوف اللي وراه وآيات وملك راحوا الجنينه وقعدوا يتمشوا شويه فيها، ساره رنت على ملك وقالتها اناا على البوابه تيجي تدخلها وبالفعل ملك راحت ليها ودخلتها وعرفتها على آيات وقعدوا مع بعض قعده حلوه وكانوا بيهزور ويضحكوا
آيات :طب اسبكم انا بقى واروح اشوف مذاكرتي
ملك : طيب ي دكتور ربنا معاك ي بطل
آيات : سلام ي حب
ساره :طمنيني ي ملك عامله اي وحياتك عامله اي ومسترعمر عامل معاكي اي
ملك : محترم معايا والله ي ساره وبيعاملني احسن معامله دا اشترالي هدوم كتير امبارح واخدني كمان اجيب اللي انا عايزاه بجد دا شخص محترم اوي ي ساره
سارم: شفتي بقى ي ملك عوض ربنا جميل ازاي
ملك :فعلا ي ساره عوض ربنا جميل جدا عمري ماكنت اتخيل اني هسيب عفاف وابعد عن كل المعاناه دي الحمدلله بجد الحمدلله حمدا كثيرا طيبا مباركا فيه ملئ السموات والأرض وما بينهما.... قومي ي ساره قومي افرجك ع الهدوم اللي عمر جبهالي
ساره : يلا
-دخلوا وملك فرحتها اوي ع الهدوم وكانت فرحانه بيهم وهيا بتفرجها ، ساره كمان فرحانه علي فرح ملك ومبسوطه انها رجعت شافت ضحكتها تاني.... قعدوا مع بعض مده جامد وكانوا مبسوطين جدا
ساره : يلهوي ي ملك دا قربت تليل دانا امي هتنفختي سلام.. يلا اشوفك بكره ف المدرسه
ملك : طب استنى وانا هخلي عمر يوصلك لما يجي
ساره : لا مش مستاهله انا هروح انا
ملك :طب استنى اوصلك
ساره : ادخلي ي ملك بالترنج بتاعك دا ادخلي انا عارفه السكه
-ساره ماشيه وكانت مستعجله وعماله تكلم نفسها تقول ي اما هتاخد مني الفون ي هتدبسني ف ترويق البيت تاني... وهيا ماشيه خبطت ف يوسف اللي كان راجع من الشركه
ساره : انا اسفه والله مكنش قصدي بس انا مستعجله
يوسف : لا عادي ولا يهمك ي جميل وبيبصلها نظرات مش ولا بد كدا
ساره وهيا بتبصله بقرف : اي الأشكال دي بيجبوها منين وسابته ونزلت
-بينما هوا فضل واقف ف مكانه وفضل شارد ف شكل عنيها وملامحها اللي أعجب بيها من اول نظره، مع انه بيشوف بنات كتير وكلهم بيتمنوا منه نظره بس ... قال لنفسه دي هزقتني ومشيت انا هعرف اخد حقي منها كويس دا انا يوسف الرفاعي هيا فاكره نفسها مين ..... وبعدين قال كانت نازله من عند مين دي. ي اما آيات ي اما ملك بس اكيد مش آيات انا عارف أصحاب آيات كلهم اكيد دي تبع ملك... يلا بكره الصبح هبقي اسأل ملك... وانا عارف شغلي معاها كويس اوي
- ملك قعدت على فونها شويه وبعدين قامت وصلت العشاء وكل دا وعمر لسه مجاش قالت لنفسها انا مش قادره استناه اكتر من كدا انا هنام عشان ورايا مدرسه الصبح، نامت ملك وبعد نص ساعه بالظبط كان جه عمر... ولاقاها نايمه.. غير هدومه وطلع غطاها ونام جنبها
$__________$
-تاني يوم صحيت ملك قبل عمر دخلت خادت شاور ولبست لبس المدرسه
وبعدين لقت عمر صحي
ملك : صباح الخير
عمر : صباح النور...... أي لابسه كدا وراحه من بردي على فين
ملك : ورايا مدرسه اي انت نسيت ولا
عمر : لا منستش ولا حاجه بس صاحي مش مركز بس
ملك : طب اي انت مش هتقوم تغير ونفطر ونروح سوا َلا اي دا انت المفروض علينا النهارده حصتين
عمر : لا انا هاخد اجازه النهارده .... وعايز اقولك حاجه مهمه ي ملك مش عايز اي حد م المدرسه يعرف ان احنا اتحوزنا تمام
ملك للحظه زعلت وقالت لنفسها هوا محروج بقولهم اني مراته يعني
-عمر : لا ي ملك مش محروج اقولهم انك مراتي ولا حاجه الفكره بس ف اني مش عايزه اي
حد من زميلك يقولك كلام ملهوش لازمه ومش عايز اي مشاكل تحصلك انت ف تالته ثانوي مش عايزك تركزي غير على مستقبلك ودراستك وتخليكي ورا أهدافك.... إنما احنا اكيد هنعلن جوازنا بس ف الوقت المناسب
ملك : هوا انتي سمعتني ازاي انا كنت بكلم نفسي
عمر : عشان عارف طريقك تفكيرك ي ملك ويلا روحي افطري وانا نازل وراكي اهو... وصحيح خلى السواق إللي بيوصل آيات يوصلك
-ملك نزلت وفطرت وبعدين راحت مع آيات والسواق وصلها لحد المدرسه وكانت زعلانه أن عمر مجاش معاها
ساره : صباح الخير.... ايوه ي عم محدش قدك ناس تيجي بعربيه وناس تيجي ماشيه على كعوب رجليها
ملك بضحَك : ي سو ما انا ياما مشيت على كعوب رجلي ارتاح شويه بقى
ساره : اه عندك حق.. اومال مستر عمر فين مشفتهوش يعني
ملك بحزن : و اخد النهارده اجازه ي اختي تقريبا رايح مشوار مع واحد صاحبه
ساره : هيهي يعني اول حصتين احتياطي
ملك : هوا دا كل اللي همك ي اختي
ساره : لا طبعا زعلانه عشان انتي زعلانه هوا انا مش باين عليا ولا اي
ملك : يلا ي ساره نطلع الفصل عشان جبت أخرى منك ي ساره
- ملك كانت قاعده طول اليوم زهقانه ومزاجها مش رايق وبتفكر ف عمر...
خلصوا اليوم الدراسي وهما مروحين
ساره : انتي هتروحي ازاي
ملك :هستني السواق هوا قدامه شويه ويوصل انا لسه مكلمهاه
ساره : كنت عايزه أفضل واقفه معاكي ع مايجي بس ورايا درس ي لوكه مش عايزه اتاخر يدوب الحقه
ملك : ماشي ي قلبي روحي انتي وابقى كلميني بالليل سلام
- ملك كانت واقفه ع البوابه مستنيه السواق فجاءه ظهر قدامها أحمد
ملك : انت اي اللي جابك هنا وعايز مني اي تاني امشي واسيبلك الدنيا كلها
أحمد : اسمعني بس انا عارف اني غلط ف حقك بس انا جاي دلوقتي عشان حاجه تانيه عمتي عفاف كلمتني وقالتي أن ابوكي تعبان اوي وحالته صعبه جدا وقالتي اجي اشوفك جيتي المدرسه ولا لاء لأنها مش عارفه توصلك .... لأن ابوكي طلب انه يشوفك
ملك يعياط هستيري : طب هوا عامل اي دلوقتي طب لوسمحت ي أحمد وديني ليه بسرعه
احمد : ماشي يلا بس يارب نلحقه لأن حالته صعبه جدا ملك مشيت معاه... وبعد لحظات اول لما بعدوا عن عيون الناس أحمد باصلها ورش ف وشها مخدر وشالها وبعدين دخلها جوه ف العربيه وقال وعيناه مليانه شر مش قولتلك انتي بتاعتي ي ملك بتاعتي وبس...
الفصل الخامس عشر من هنا
تعليقات
إرسال تعليق