*عهد صحيت من النوم قامت اتوضت وصلت وحضرت الفطار
جمال :صباح الخير علي اجمل عهد
عهد : صباح النور والجمال علي احلي بابا في الدنيا وباسته من خده
جمال : هي فين وعد
عهد : رايحه اصحيها ياحبيبي
*راحت عهد تصحي وعد دخلت الاوضه
__قامت بفتح الشبابيك
عهد راحت عند ودن وعد وقالت : توووووت
وعد صحيت مخضوضه : يالهووووي عليكي ياعهد حرام عليكي انتي اتعديتي مني ولا ايه
عههد بضحك : شكلي كده وبعدين انتي عاملاها فيا من كام يوم قولت اردهالك وبعدين يلا قومي اتوضي وصلي وانا وبابا هنستناكي علي السفره
وعد : ماشي
__علي السفره
جمال : ايه ياعهد ورقك كله جاهز علشان يوم التقديم نبقي جاهزين ومافيش حاجه تعطلنا
عهد : كل حاجه جاهزة يابابا ناقص بس الصور انا ووعد وف اي يوم نطلع نتصور
جمال : تمام ياحبيبتي ربنا معاكم يارب
عهد : يارب ياحبيبي
وعد : صباح الخير ياجيمي وباسته من خده
جمال باابتسامه : صباح الخير ياحبيبه يابابا
يلا انا نازل الشغل خلو بالكم من نفسكم عاوزين حاجه من بره
عهد : عاوزينك بخير يابابا
وعد : حيلك حيلك اكيد يعني يابابا عاوزينك بخير بس كمان عايزة اندومي
جمااال : مش هتبطلي القرف ده هيوديكي ف داهيه
وعد : بحبه ان شااللله يوديني اي مكان بحبه وهفضل احبه
عهد بضحك : سيبك منها يابابا هتتاخر علي شغلك
جمال بضحك : عند حق يا عهد
لا اله الا الله
عهد ووعد : سيدنا محمد رسول الله
مع السلامه
*ذهب جمال الي عمله
وعد بزعل : حمزة ياعهد
عهد بخوف لان عهد بتعتبر حمزة اخوها : ماله حمزة ياوعد
وعد : امبارح كسفته وحكتلها اللي حصل
عهد : غلط اللي قولتيه ده انتي لازم تعتذري
وعد : وهو ده اللي هعمله انا هنزل الحقه قبل مايروح الشغل
عهد : تمام ربنا معاكي
وعد : يارب
* بالاسفل في منزل الاستاذ محمود
حمزة : انا ماشي عايزين حاجه
جميله : عايزينك بخير ياحبيبي
محمود : خلي بالك من نفسك ياحمزة ربنا معاك
حمزة : يارب مع السلامه واخد المسدس بتاعه وخرج
* عند السلم
__وعد نزلت حمزة شافها كان هيمشي
وعد : حمزة يا حمزة استني
حمزة ببرود : نعم عايزة حاجه
وعد : حمزة انت بتكلمني كده ليه
حمزة : علشان انا ماليش دعوة بيكي وبحياتك مش هو ده اللي كنتي عايزة توصليله امبارح ياوعد
وعد ببكاء : لا مش هو ده اللي عايزه اوصله ياحمزة
انا اسفه ياحمزة
حمزة :وهيفيد باايه الاسف
وعد : حرام عليك انت بتعمل كده ليه
حمزة وقلبه رق بس مرضيش يبين : ايوة وبعدين عايزة ايه انا معايا شغل
وعد : عايزاك تسامحني انا مش هستحمل انك تفضل زعلان مني وبكيت بشدة
حمزة بحب : انا مش زعلان منك ياوعد انتي بنتي في حد يقدر يزعل من بنته
وعد تمسح دموعها وبفرحه : بجد ياحمزة يعني مش زعلان مني
حمزة : لا يامجنونه مش زعلان
*بص حمزة في ساعته: شوفتي انتي عملتي ايه
وعد بخضه : والله ماعملت حاجه
حمزة : اخرتيني علي الشغل ياهانم
وعد بضحك : انا اسفه يافندم تقدر تروح شغلك ياحضرة الظابط ربنا معاك يارب ياحمزة
حمزة : يارب
وعد : لا اله الا الله
حمزة : سيدنا محمد رسول الله
*ومشي حمزة الشغل ورجعت وعد شقتهم
وعد دخلت الشقه ونادت بصوت عالي : عهد ياعهد
عهد : ايوة يامجنونه مالك
وعد : انا فرحانه اوي
عهد بضحك : اكيد صالحتي حمزة
وعد : ايوة وقالي انو مكانش زعلان مني
عهد : طيب الحمد لله ربنا يفرحك دايما يارووحي
وعد : يارب ولك بالمثل يارب ياعهد
عهد : صح ياوعد عايزين نتصور انا وانتي علشان ماعندناش صور للجامعه علشان التقديم
وعد : وهي تشرب النسكافيه تمام شوفي امتي ونروح
عهد : ايه رايك علي الساعه 5 المغرب كده
وعد : طيب رني علي حنان شوفي كده هتقول ايه ع الميعاد
عهد : اوكيشن هرن عليها
تعليقات
إرسال تعليق