عمر : يلا ي ملك انزلي
ملك:.....
عمر بعصبيه : ها تفضلي ف العربيه كتير
ملك : هوا احنا هنسكن هنا
عمر : اه هنسكن هنا.. ممكن تنزلي يلا وبلاش اسئله كتير
عمر نزل وفتح باب العربيه لملك ومد ايده ليها وهيا مسكت ايده عشان تعرف تقوم لأن الفستان كان كبير قوي ومش عارفه تتحرك منه ودي اول مره تمسك ايده حست بشعور غريب فسحبت ايدها من ايده مره واحده
عمر : ف اي بنتي هو انا هاكلك
ملك : ها
عمر ها اي اخلصي هاتي ايدك عشان اعرف اطلعك من ام العربيه دي ولا عايزه تفضلي كتير .. لو عايزه تفضلي براحتك سلام
ملك : ي عم انت مصدقتك تعالى شدني وبعدين انت اللي جايب الفستان كبير اصلا
عمر : ماكان ما الأول يلا هاتي ايدك وبعدين شدها وطلعت م العربيه، مشيوا والفستان كان عمال يكعبلها وهيا بتحاول ترفعه وبعدين مره واحده كانت هتقع على وشها بس عمر لحقها
عمر : مش تخلي بالك مش عارفه تمشي ف الفستان قوليلي وانا اشيلك مش المفروض أن العريس بيشل عروسته برده وراح غمز*لها
ملك : ها. تشيلني لا لاء انا هعرف امشي متخافش
عمر : براحتك بس انا ف انا الخدمه يعني لو عوزتي حاجه
ملك : لا مش هعوز... قصدي متشكره.. افتح بقى الباب وبعدين دا كله باب اي باب قصر
عمر : هتدخلي دلوقتي بنفسك وتشوفي بيت عائله الرفاعي وهتحكمي بنفسك إذا كان قصر أو لاء.. يلا ادخلي برجلك اليمن.. مش هما بيقولوا كدا برده
ملك : على ما اظن اه
دخلوا وبعدين عمر لف يقفل الباب وبعد لف تاني لقى ايوه قدامه
عمر لنفسه : كملت.. اهو دا اللي كان ناقص ازيك ي بابا
ابوه واسمه محمود : شرفت ي بيه جاي ف انصاص الليالي.. ومين اللي معاك دي كمان
عمر بعصبيه : مراتي
ابوه : بتقولها كدا بكل بجاحه مراتك.. انت مش عارف ان انا وعمك حددنا كتب كتابك على مريم بعد اسبوع..
ملك سمعت كدا وحست انها هتنهار م العياط وقالت لنفسها لما هوا هتيجوز اتجوزني لي.. ومسكت دموعها بالعافيه
عمر : دا اللي هوا ازاي يعني تحددوا معاد كتب كتابي هو انا عيل صغير ولا حاجه
محمود : دا اللي عندي.... وبعدين لما تروح تتجوز من غير حتى ماترجع لا ابوك تبقى عيل وياريت جوازتك جوازه عدله دانت متتجوز حتت عيله والله اعلم جايبها منين ووراها اي
عمر بعصبيه : بابا لو سمحت انت دلوقتي بتغلط ف مراتي وانا ماسك نفسي بالعافيه وما زلت بتكلم بأدب
محمود : تعالى خدلك المين يا واد تعالى مهوا دا اللي ناقص
عمر وهوا على آخره يلا ي ملك وشدها من ايدها وطلعوا ع السلم
محمود : انا لسه مخلصتش كلامي ي ولد
عمر : بس انا خلصته .... واللي عندك اعمله وسابه وطلع هوا وملك وكل دا وهوا ماسك ايدها وبعدين سابها وفتح باب الاوضه
عمر : ادخلي
- ملك دخلت وعمر قفل الباب وملك فضلت واقفه جنب الباب.. وعمر دخل وقلع جاكيت البدله وراماه بكل عصبيه ع السرير وراح قعد ع الكنبه، ملك اتخضت جامد وبرده فضلت واقفه مكانها وعماله تفكر هوا لي اتجوزها طلما هيتحوز مريم دي
عمر بعد ما قعد لقاها لسه واقفه، اي هتفضلي عندك كدا كتير... ملك مردتش.. عمر قام من مكانه وهوا متعصب وراح وقف قدامها: انا مش بكلمك ولا مش مالي عينك
ملك بعياط وخوف منه ف نفس الوقه : ن ع م ( نعم)
عمر : هوا اي اللي نعم هوا مش المفروض فرحنا كان النهارده ودلوقتي دخلتنا ولا انتي اي رأيك ي عروسه
ملك بعدم فهم : يعني اي؟!
عمر : اقولك انا.....
تعليقات
إرسال تعليق