انتهت سارة وجمعت اغراضها ثم خرجت من المكتب ثم الشركة باكملها وقفت امام سيارتها لاخرج المفاتيح من حقيبتها شعرت بشيء ينثر في وجهها ثم فقدت وعيها امسكها قبل ان تقع ارضا ونظر لها بشر
عصام : انا بقا هوريكي مين الواطي
حملها ووضعها في سيارته الخاصة
رأها مراد حاول اللحاق بها فركب سيارته وانطلق خلف سيارة عصام
عصام : انا حاولت معاكي كتير بس انتي رافضة انا عارف اني غلط وان من حقك تزعلي بس زعلك طول اوي انا بحبك ولازم ارجعك ليا ان مكنش بمزاجك يبقى غصب عنك
وصل اسفل بناية يستأجر شقة بها بعيدا عن بناية عائلته نزل من السيارة وقام بحمل سارة وصعد بها لاعلى رن الجرس باصبعه وهو مازال يحمل سارة ففتحت لها الخادمة دخل ووضعها على الاريكة
عصام : خلصتي كل حاجة
الخادمة : ايوا يا بيه خلقت التنضيف والاكل وكل حاجة
عصام : طب خدي دول وروحي انتي
الخادمة بفرحة : شكرا يا بيه
خرجت الخادمة واغلقت الباب نظر عصام لسارة يتأمل ملامحها وهو يلعن غباءة الذي تسبب له في فقدها فاق من تأمله على صوت خبط الباب بقوة
عصام : في ايه حد يخبط كدا
تفاجأ ببوكس في وجهه ارتد للخلف على اثرة
عصام باستفزاز : اهلا مراد باشا خير
مراد بعصبية : سارة فين
عصام : وانت بتسأل على مراتي ليه
مراد : طلقيتك هي فين انطق
عصام : لا ما انا هردها لزمتي تاني وهخليها تبطل شغل
انهال عليه مراد بالضرب : عملت فيها ايه انطق
عصام وهو يرد لها الضرب : وانت مالك ومالها دي موظفة عندك
مراد : انا شوفتك وانت بتخطفها
ظل مراد يضربة حتى انهكه وقام يبحث عن سارة فوجدها ما زالت فاقده للوعي حملها ونزل بها للاسفل وضعها في السيارة ونظر لها هل يعيدها لمنزلها من المحتمل ان يتهمه اهلها انه السبب فيما حدث لها فقرر اخذها لمنزله وبالفعل عاد بها لمنزله بسرعة ودخل وهو يحملها فشهقت والدته بخوف
سهام : ايه ده يا مراد مين دي
مراد وهو يضعها على الاريكة : هحكيلك بعدين يا ماما
سعام : طب نيمتها هنا ليه طلعها فوق قبل ابوك ما يجي
مراد : وما يجي هو انا عملا حاجة غلط انا هطلعها عشان ترتاح لحد ما تفوق من المخدر
سهام بحدة : تطلعها وتنزل حالا
مراد : هو انتي ليه بتبصيلي كدا
سهام : انا مش شاكة فيك وانت داخل عليا بواحدة متخدرة ولا دماغي بتودي وتجيب خالص انا بس عايزة افهم
مراد : واضح عالعموم حاضر هطلعها وانزل افهمك
في منزل سارة
سمية : هي سارة اتأخرت كدا ليه
عبدالله : ده اول يوم ليها في المنصب الجديد اكيد الشغل اخدها ومحستش بالوقت
سمية بقلق : ربنا يستر
عند مراد وضعها في سرير غرفته خرج واغلق الباب ونزل لاسفل
سهام : ها بقا فهمني مين دي وبتعمل ايه هنا
مراد : دي يا ماما البنت اللي حكتلك عليها امبارح
سهام : كمل
مراد : النهار ده خطيبها جه الشركة واتخانق معاها وكان عايز يرجعها بالغصب هي رفضت وقالتله ده مش مكان مناسب للكلام ده وتقدر تيجي البيت انا كنت في مكتبها وهو فكر ان في بيني وبينها حاجة وقعد يقولها انت سيبتيني عشان ده وكلام زي كدا راحت ضربته بالكف وهو حلف لايعلمها الادب ولما خرجت كان يخطفها و انا شوفته وهو بيخدرها فلحقتها منه
سهام : ومرجعتهاش بيتها ليه
مراد : وافرض اهلها فكروا اني عملت فيها حاجة وحصلت مشكلة
سهام : اممم هي شافت طليقها وهو بيخدرها
مراد : متهألي لا
سهام : وافرض فاقت وفكرت ان انت اللي خطفتها
مراد : اكيد لا وانا هخطفها ليه
كارم : السلام عليكم
مراد : عليكم السلام
سهام : حمدلله عالسلامة
كارم : الله يسلمك ....مالكم
مراد : احكي انتي يا ماما انا طالع اخد دوش
سهام : خد هنا طالع فين والبنت اللي في اوضتك دي
كارم : بنت مين
مراد : انا عايز اخد دوش واغير هدومي
سهام : روح خد شور في اوضتنا وانا هخلي سعاد تجيبلك لبس هناك
مراد : ماشي بعد اذنكوا
كارم : بنت مين دي اللي فوق
قصت له سهام ما حدث مع سارة وما فعله مراد
كارم بفخر : راجل يا مراد والله
في منزل سارة
سمية بقلق : لا كدا كتير دي معاده تخلص اربعة الساعة داخلة على سبعة ومجتش
عبدالله : فعلا اتأخرت اووي انا بدأت اقلق عليها وبرن عليها مش بترد
احمد : هنزل اروحلها الشركة
عبدالله : ماشي لو عرفت حاجة طمنا
احمد : ان شاء الله افضلوا رنوا عليها يمكن ترد
تحمم مراد وابدل ملابسه ونزل للاسفل فوجد علاء في انتظاره
علاء نعيما
مراد : الله ينعم عليك عامل ايه
علاء : الحمد لله روحتلك الشركة قالوا انك روحت
مراد : اه دي حصلت كوارث اسكت
سعاد : يا ست هانم تليفون الانسة اللي فوق مش مبطل رن من بدري
سهام : اكيد اهلها
مراد : عليكم انتي وطمنيهم
سهام بخوف : ربنا يستر
كارم : انتي خايفة كدا ليههاتي اكلمهم انا
سهام : لا هما لما يلاقوا صوت ست هيطمنوا شوية
كارم : طب ردي قبل ما يفصل
علاء : هو في ايه ومين دي
مراد: ما هي ذي الكوارث اللي كنت ليه هحكيلك عنها
سهام : الو سلام عليكم
عبدالله : عليكم السلام ده تليفون بنتي هي فين
سهام : بنت حضرتك في واحد كان عايز يخطفها وابني لحقها وجابها على البيت ممكن تيجي حضرتك تتطمن عليها
اخذ كارم منها الهاتف : الو يا ريت تشرفنا حضرتك في عنوان ****** تطمن على بنت حضرتك
عبدالله : طب عايز اكلمها
كارم : هي فاقده الوعي حاليا مش هتقدر تكلمك
عبدالله : انا جاي حالا
كارم : تشرفنا مع السلامة
سمية : في ايه يا عبدالله وانت رايح فين
عبدالله : في واحد كان عايز يخطف سارة بس واحد ابن حلال شافها ولحقها وخدها على بيته هروح اجيبها
سمية : وافرض طلع كمين وعايزين يستدرجوك هناك ويعملوا فيك حاجة
عبدالله : وافرض طلع عندهم حق والبنت عندهم
سمية : طب خد احمد معاك
عبدالله : هكلمهواخليه يحصلني على هناك
سمية : جيب العواقب سليمة يا رب
خرج عبدالله من المنزل وحمل معه سلاح كان قد اشتراه مؤخرا وقام بترخيصه واخفاه في المنزل للزوم ثم هاتف احمد وابلغة بالعنوان وطلب منه اللحاق به
في منزل مراد بعد ان قص ما حدث لعلاء
علاء بتفكير : وافرض فعلا ما كنتش شافت طليقها وهو بيخدرها اول حاجة هتفكر فيها لما تفوق هتكون انك انت الخاطف
وقد كان ما قاله اذ بسارة تصرخ من اعلى الدرج
سارة بصدمة : انت
مراد بلهفه : انت فوقتي اخيرا
سارة : اومال كنت عايزيني افضل نايمة انت ازاي يا استاذ يا محترم تخدرني بالطريقة دي انت اتجننت
علاء : يا مدام افهمي بس هو ...
سارة : هو ايه ها كل ده عشان مش بحترمه في الشركة واحترمه ليه هو اكبر مني مثلا
علاء : ابدا والله هو بس كان ...
سارة : كان ايه كان يخطفني عشان يوريني انه يقدر يعمل اي حاجة انت اكيد شريكة
علاء : هااار اسود انا ماليش دعوة هو اللي خطفك
مراد : يا واطي
علاء : ده خطف يا عم
سارة : اهو اعترف عليك
كارم : يا بنتي افهمي
سارة : قول انت يا عمو شكلك محترم مش زيهم
كارم بضحك : ماشي هو شاف طليقك وهو بيخدرك ولحقك منه وجابك على هنا
سارة : يا عصام الكلب وربنا ماشي
سهام : مراد ابني محترم وميقبلش يشوف حاجة زي كدا ويسكت ده غير انه مستحيل يخطف حد
سارة باستهزاء بصوت منخفض : وقلبه قلب خصاية
سمعها مراد : يا بنت اتلمي
سارة : بت انا تبتك
مراد : احنا هنا مش في الشركة كلمه كمان اقسم بالله هربيمي
سارة : ولاااا انا متربية غصب عنك
مراد بصدمة : ولاا انا يتقلي ولااا
سارة : وطي صوتك بس عشان مصدعة
مراد بعصبية : انا في بيتي واعمل اللي عايزة
سارة : مش ملاحظ انك متملك شوية في الشركة تقولي شركتي وهنا تقولي بيتي
مراد بنفاذ صبر وصوت مرتفع : صبرني يارب
سارة : مش قولت وطي صوتك مصدعةةةةة
مراد : مش بيت ابوكي هو مصدعة روحي اقعدي في تانية
كارم : مراد ايه اللي بتقوله ده
مراد : ايه اللي انا بقوله !!! واللي هي بتقوله ده عادي
علاء : مراد بقولك ايه تعالى برة عايزك في موضوع
مراد : يالا لاحسن الجو هنا بقا خنيق
كارم بضحك بعد ان ذهب مراد : انا مش عارف مالك وماله
سهام : ده حتى طيب وغلبان
سارة : هو مفيش بيني وبينه حاجة شخصية بس انا مش بحب احس ان حد له كلمه عليا واني لازم احترمة انا احترمة لو اكبر مني او اعلم مني لكن هو مجرد مديري واحنا الاتنين متخرجين من نفس الكلية ده غير اني مش محتاجة للشغل مثلا عشان اخاف منه يرفدني
سهام : بس لا بردوا هو راجل وانتي ست لازم تحترميه
سارة : سوري يا طنط بس انا بحب اعصبه
عبدالله : سارة
سارة بلهفه : بابا حضرتك جيت هنا ازاي
عبدالله : : الاستاذ كارم كلمني وقالي انك عندهم وان حد حاول يخطفك
مراد الذي دخل خلفه : متقلقش يا عمي ملحقش يعملها حاجة
عبدالله : كتر خيرك يا ابني مش عارف لولاك كان عمل فيها ايه
سارة : شوفت اهو عصام اللي كنت عايزيني ارجعله كان يخطفني
عبد الله : انا هربيه
كارم : اتفضل اقعد يا استاذ عبدالله واقف ليه
عبدالله : متشكر جدا يا استاذ كارم انكوا استضفتوا بنتي عندكوا لولا وجود ابنك كان ممكن يأذيها ربنا يباركلك فيه
كارم : اي حد مكانه كان عمل كدا ....العشاء يا ام مراد
عبدالله : لا والله كتر خيرك لازم ارجع عشان مامتها خايفة عليها
كارم : طب اتعشى معانا يا راجل وامشي
عبدالله : مش هينفع والله عشات اخوها كمان جاي لازم يطمنوا عليها بعد اذنكوا
كارم : اتفضل
اهو يا باشا هو ده اللي جالي البيت واتهجم عليا وضربني
: كان ذلك صوت عصام الذي احضر الشرطة لمنزل مراد
الضابط : انت مراد كارم
مراد : ايوا انا
الضابط : معايا امر بالقبض عليك هاتوه
تعليقات
إرسال تعليق