سيف :واحشني يا كبير عامل ايه ياض
ياسين :ياض بئا في واحد لسه جاي من برا طازه يقول ياض بيئه انت اوي
سيف :علق واتريق براحتك بقولك انا واقع جوع يا عم انت اخلص وروحني عايز اكل
ياسين :مفجوع طول عمرك وبعدين مش في اكل في الطياره ماكلتش ليه يا رخم
سيف :كلت بس ده كان تصبيره بدل ما اكل دراع إلى جنبي
ياسين :هههههه طب يلا،،،،، ملك يا ملوك انتي فين يا قلبي
ملك :انا هنا يا عم انت بطل زيطه
سيف :بسم الله ماشاء الله كبرتي يا ملوك وبقيتي عروسه زي القمر
ملك بكسوف شديد :شكرا لحضرتك يا ابيه
سيف :هههههه ابيه وحضرتك يا بت ده انا سيبك بتقولي سيفو بتكسفي مني يا لوكا
ياسين :بقولك ياض ملكش دعوه بالبت الله مهي لازم تتكسف منك يا شحط انت،، بعدها أسماء خرجت وياسين كان هيولع فيها لأنه منبه عليها متخرجش غير لما ينادي
أسماء :احم حمد الله على سلامه حضرتك يا استاذ سيف معلش يا ملك تيجي معايا علشان في حاجات كتير مش عارفها
سيف :استنى بس مش اتعرف بالقمر ابو عيون خضر ده الأول وبعدين اي استاذ وحضرتك دي انتي قولي سيفو علطول
ياسين أداه بالكوع في بطنه:أسماء مراتي وهبقي اشرحلك ازاي وفين بس المهم انك تعرف انها مراتي تمام
سيف بوجع :ايدك تقيله اوي الله يكون في عونك يا سوسو
ياسين لسه هيضر به تاني سيف جرى /سيف :مخلاص بئا يا عم انت هبقي اقول مدام أسماء حلو كدا
ياسين :يبقى احسن،،،، بعدها أكلوا سوا وياسين حكي لسيف الظروف إلى اتجوز فيها أسماء واكيد جده مش لازم يعرف حاجه
سيف دخل اوضه ملك بيتسحب لقيها قاعده وبتقرا في روايه ومندمجه اوي
سيف :وحشتيني يا لوكه وحشتيني اوي
ملك خافت ورجعت لورا انت بتعمل اي هنا سيف اطلع برا بدل ما اصرخ وانادي ياسين وبعدين انت عايز مني اي تاني انت مش بني آدم اصلا،، بس مكنش بيسمع وبيقرب عليها اكتر
ملك :انا بكرهك يا سيف بكرهك، وهنا وقف وسكت وأسماء كانت داخله من ورا تضربه وتفضح الدنيا بس استغربت أن ملك لما قالت بكرهك لسيف سابها وخرج /أسماء :كده اكيد في حاجه غلط اكيد
تعليقات
إرسال تعليق