فى نهار تانى يوم من رحلتهم استيقظ فهد على صوت رنة تليفونة ففتح عيونة بضيق لاقى تليفونة بيرن ولين نايمة على دراعة فمش هيعرف يقوم فااستلقى على ضهرة واتكلم
فهد بنوم:نعم ياليث
ليث بضحك :طب قول صباح الخير الاول
فهد بنوم وهمس :عاوز اية ياليث
ليث بضحك :طب بتتكلم بشويش كدة لية
فهد بغيظ :لين نايمة اخلص عاوز اية
ليث بهزار :اللة يسهلوا ياعم شكلك مقضيها طول الليل طب قلى سبع ولاضبع 😂😂
فهد بسخرية :لية ياخويا انت مفكرنى زيك من اول يوم وانت معلم البت ومش عاتقها ولاعاتق نفسك وبعدين خليك فى حالك انت بتتصل لية
ليث بضحك :اللة اكبر فى عينك بطل الغيرة دى عندك مراتك المفروض تعيشوا احسن ايامكوا مع بعض بزمتكوا اللى يشوفكوا يقول ان انتوا لسة عرسان جداد يابنى اخلقوا ذكريات مع بعض
فهد وهو مسلط نظرة على لين:ماانا قررت اعمل كدة
ليث:احسن قرار عموما صحيها بقى واجهزوا انا حجزت حمام سباحة
فهد :طب اصبروا اما نفطر الاول
ليث :متقلقش انا مظبط كل حاجه حتى الهدوم والفطار كل حاجه جاهزة اجهزوا بس لان عزيز وليان عندى فى الاوضة خلصوا بسرعة بقى
فهد :حاضر ،وقفل ،وابتدا فى تقبيل لين على وجهة وشفتيها وعنقها
لين بنوم :بطل ازعاج يافهد سيبنى انام
فهد بإبتسامة :بطلى نوم دى ايامنا المفروض نعيشهاقومى بقى خلينا نخرج
لين شدتة ونامت على كتفة :لما انام يافهد
فهد فاجأها بحملة لها :خلاص اغرق بقى
لين بصريخ :لا والنبى يافهد نزلنى بطل الرخامة دى
فهد بضحك على شكلها:خلاص اهدى هنزلك بس تجهزى بقى بسرعة
لين :حاضر نزلنى بقى
فهد وهو يقبل وجنتها :حاضر ،صباح الخير ياقلب الفهد
لين بإبتسامة :شكل اللقب دا عجبك
فهد بحب:اوى ،ويالا بقى بدل مانفضل هنا طول اليوم ،خرج
بعد فترة جهزوا الاتنين وراحوا لاوضة ليث
ليث :ادخلوا اتأخرتوا كدة لية
فهد :لا مش مهم نادلهم يالا عشان منتأخرش
ليث :طيب ،دخل
فهد بهمس ل لين :حبيبتى زى القمر النهاردة
لين بإحراج :وانت كمان قمور ،واسكت بقى
فهد قعد يضحك على شكلها وفى نفس الوقت خرجوا لاقوة بيضحك فإستغربوا
عزيز :غريبة الفهد بيضحك
ليث بخبث :بركاتك يالين
فهد بجدية :طب يالا ياخفيف منك لية ،واخد ايد لين ونزلوا اما الباقي فضلوا يبوصوا لبعض بإستغراب ومشيوا وراهم لحد وصولهم لقاعة السباحة
ليث :دلوقتي احنا وصلنا فية حمام جواة مجموعة حمامات تقدروا يابنات تدخلوا وفية لبس جوة ياريت يتلبس لو هتنزلوا الماية تمام
روح :طيب ياليث ودخلت هى والبنات
فى الحمام روح وليان مسكوا لين
روح بفضول :ها احكيلنا
لين بضحك :احكى اية
ليان بخبث :سر الضحكة دى يالا بقى خليكى جدعة
لين بضحك :طيب دا انتوا فضوليين وحكتلهم على كل اللى حصل امبارح
روح بصدمة :اخويا عمل كدة
لين :انتى لية محسسانى انو اخوكى هولاكو
روح :يعنى بس اول مرة اعرف انو بيحبك اوى كدة
ليان بفضول :ازاى يعنى
روح :اصل فهد طول عمروا جامد وكدة عمروا ماسمح لحد انو يشوفوا ضعيف بس انو يبين ل لين ضعفة كدة معناها انها حاجه جامدة عندة
لين بإبتسامة :ومن غير تفسيراتك العميقة دى انا واثقة فى الحب اللى بشوفوا فى عيونة
ليان وروح بهزار :تيرارا واية كمان
لين :يالا ياباردة منك ليها ،بت ياروح اية لبس الضفادع اللى جوزك جايبة دا
روح بغيظ :متفكرنيش دا عشان مش هنبقى لوحدنا هما اة بيثقوا فى بعض بس عندهم غيرة تهد جبال
ليان مكملة :وعشان كدة ليث ربط على الهدوم دى وعزيز اتفق معاة انهم ينزلوا بتشيرتات عشان ميبقاش فية احراج
لين :طب خلاص البسوا انتوا انا كدة كدة مش هنزل
ليان :لا البسى انتى كمان محدش ضامن الظروف عشان هدومك متتبلش وانتى معاكيش غيرها
روح :وانتى مش هتنزلى لية فى حد يقول لا للعوم
لين :انا مبعرفش اعوم ،يالا بقى عشان زمانهم خلصوا ،خرجوا كلهم
عزيز :تعالوا بقى افطروا وبعدين ننزل براحتنا
لين بهزار :بس انا شايفة ان الفطار فية كل اللى نحبة
عزيز بضحك :ياستى انت تؤموروا عشان متقولوش حارمينكوا من حاجه
فهد بغيرة :طب تعال افطر يازفت
عزيز بخبث :غيور انت دا اختى الصغيرة يافهود
لين بإبتسامة :طب يالا لاحسن واقعة من الجوع ،وابتدوا ياكلوا تحت ضحكاتهم وهزارهم
روح بحماس :يالا بقى ننزل الماية
ليان :انا كمان هموت وانزل الماية بقالى كتير معومتش
ليث :خلاص يالا ،انتى كمان يالين يالا
لين:انا بخاف ومبحبش السباحة فخد فهد واستمتعوا
فهد :اية خد فهد دى انا مش هنزل من غيرك
ليث :بس كدة مش هنستمتع طب مقولتيش لية يالين ونلغى الفكرة دى
لين :ونلغيها لية انت مش شايف روح وليان وعزيز مستمتعين ازاى لدرجة انهم سابوك ونزلوا وانا هستمتع وانا بتفرج عليكوا وانت يافهد بجد هزعل لانى مكتفاك انزل استمتع معاهم
فهد :طب وانتى
لين بمرح :هقعد على الحافة وانزل رجلى فى الماية وكدة كأنى معاكوا
ليث بغيرة :طب يالا احسن عزيز واخد الجو
عزيز بصوت عالي :سامعك ياغيور خلصوا بقى وانزلوا
ليث نزل وفهد شال لين ونزلها بالعافية
لين وهى تتمسك برقبة فهد:لا يافهد انا بخاف
ليان بتشجيع :ايوا كدة يافهد هيا مش هينفع معاها الا كدة
لين بصريخ :اخرسى ياجزمة ،نزلونى
فهد بضحك :ودنى يخربيتك ،وبعدين اهوة ونزلها
لين وهى بتتشعلق فى رقبتة :لالا متسبنيش يافهد هغرق وهموت وهخلى روحى تمرمطك
الكل انفجروا فى الضحك عليها وفهد فضل ماسكها
لين بغيظ :واللة لاوريكوا انتوا كمان اطلع بس من هنا فهد امسكنى عدل بدل مااغرق
عزيز بضحك :لابجد مش قادر يابنتى اتهدى ماهو الواد ماسكك اهو فكى ايدك من على رقابتة هيتخنق منك ويموت فى ايدك
لين بشراسة :بعد الشر عنة ان شاء الله اللى يكرهوة
ليث وعزيز بصفير :اللة يسهلوا يافهود
فهد بإبتسامة :بطلوا قر دا انا وهيا خناقتنا اكتر من صلحنا وبهمس ل لين :بحبك ياقمرى
ليث بصدق:لامتقلقش مش هنقر لانوا بنتمتالك الخير
فهد بإبتسامة :طب هنعمل اية دلوقتي
عزيز بضحك :ياعم نزل بس اللى متشعلقة فى رقابتك دى هتموت مخنوق لين انتى مكلبشة فية كدا لية ،
فهد بحب :سيبها هيا لما هتتعود هتسيب رقبتى
ليان :خلونا نتسابق
روح :لاخلونا نلعب بالكرة
ليث:خلينا نتسابق الاول ياروح لحد مالين تاخد على الماية ونلعب بالكرة
الكل :طيب ،وابتدوا يتسابقوا ويضحكوا مع بعض وسابوا فهد ولين
فهد بحنان ل لين :واثقة فيا يالين
لين :اة بس متقوليش سيبى ايدك
فهد :طب حاولى ،انا لايمكن اسيبك
لين شالت ايديها من على رقبتة ولاحظت ان فهد محاوطها وساندها على صدرة
فهد :شفتى بقى انك مش مضطرة تمسكينى لانى عمرى ماهسيبك
لين بإبتسامة :انت فهدى الحلو
فهد بإبتسامة :طب بلاش بقى الكلام دا بدل مانتمسك اداب هنا اخواتى واطيين ويسلمونى تسليم اهالى
لين بضحك :وروح وليان مش احسن منهم دول فضيحة ،وابتدوا يتكلموا هى وفهد مع مشاكسات فهد الجريئة التى لم تعهدها منة وحبة الظاهر وبعد فترة انضم لهم باقى الشباب وقضوا كل يومهم فى السباحة
***********************************
اما عند امجد فقد اعتزل غرفتة وذكرياتة القديمة تداهمة ولذلك تذكر اخر كلامة مع اهلة
فلاش بااااااك
امجد خرج من غرفة هدى بعصبية لاقى العائلة قاعدة فرمى قدامهم دفتر مذاكرات هدى
امجد بعصبية :للدرجادى بتكرهونى وبتفضلوها
الجد :عصبيتك بتدل انك عرفت
امجد :اة عرفت عرفت انكوا مخبين عليا معملتوش حساب انو لازم اعرف
طة :طب اهدى بس ياامجد وانا هفهمك
امجد بحسرة: تفهمنى اية تفهمنى ان ابنى شايفك انت ابوة وانى مجرد عم لية ولاتفهمنى انتوا لية خبيتوا عليا ولاتفهمنى انكوا زى العادة حبين تظلمونى بجد انا مش عارف انتوا بتعملوا معايا كدة لية كل دا عشان محبتهاش
الجد بعصبية :ولما انت اخترت اللى بتحبها لية معدلتش بنهم لية فرقت لية حسستها دايما انها ملهاش اى مكانة فى قلبك
امجد :يعنى غلطتى انو صارحتها انى مستحيل احبها لية بتعاقبونى كدة انتوا عارفين ان مراتى هيا اللى كانت فى قلبى طول عمرها
الجد بتنهيدة :عاوزنى اعمل اية دلوقتي
امجد بسخرية :لا ولا حاجه عاوزنى انو اعرف انى ليا ابن بقى بطولى وميعرفش عنى حاجه واسكت صح
الجد بعصبية :اتكلم عدل ياامجد انت نسيت نفسك
امجد بحزن :مش كفاية فرقتنى عن حبيبتى زمان محطتش فى بالك انك بتفرقنى انا وابنى عشان خاطر الست هانم خليتنى اعيش فى ذنبها طول عمرى
الجد :هيا خلتنى اوعدها قبل ما تموت مكنش ينفع اقولك
امجد :طب وانت يازيدان محطتش نفسك مكانى ولاانت ياطة محستش بالذنب وانت بتخطف ابنى وتسجلوا على اسمك طب ابوكوا عمروا ماحس بيا انتوا محستوش بأخوكوا بجد انا مش مسامحكوا على القهر اللى بتعيشوهولى ،وخرج لاوضتة
باااااااااااك
امجد لنفسة :بجد مش عارف اقول عليكى اية ياهدى بس ربنا يسامحك على اللى بعيشوا بسببك
الجد خبط على الباب ودخل :ممكن ادخل
امجد :ماانت دخلت يابابا
الجد وهو بيقعد جمبة :على فكرة ماتغيرتش نفس طباعك الصغيرة تحبس نفسك وتتمنع عن الاكل
امجد بضيق :حتى طباعك انت كمان ماتغيرتش علطول بتجرح قلبى
الجد بحزن :حقك عليا انا عارف انو جيت عليك كتير بس انت عارف انا كنت بحب هدى بنت عمك ازاى وان انا اللى مربيها كنت بتمنهالك دايما
امجد :بس قلبى كان بيتمنى غيرها
الجد :انسى اللى فات ياامجد وبلاش تفتح جروح قديمة وان كان على ليث ف أنا كنت ناوى اكلمة عشان لااظلمة ولااظلمك بس متنساش انة طة وسماح هما اللى ربوة يعنى مش هيستغنى عنهم وانت غلط فى اخوك لما قولتلوا خطفت ابنى وسجلتوا على اسمك
امجد بتعب:انا تعبان اوى قولت خلاص قلبى هيرتاح طلع مكتوبلى التعب والبعد دايما
الجد :خير قوم بقى عشان نتعشى مع بعض وسيب الموضوع دا لما الولاد يرجعوا من السفر
امجد :حاضر ،ونزل مع ابوة لاقى الكل قاعد على السفرة مستنينهم فراح قبل رأس طة :حقك عليا ياطة بس كنت متنرفز
طة بزعل:انت اللى حقك عليا يااخويا كان المفروض احس بيك وموافقش على اللى حصل
امجد:اللى حصل حصل ياطة سيب الموضوع للايام
وبعد فترة خلصوا اكل وراحوا قعدوا مع بعض شوية
وبعدها طلع كل واحد لاوضتة للنوم
************************************
اما عند الشباب فكان كل يومهم فى صالة السباحة لحد ماتعبوا وغيروا هدومهم وطلعوا لاوضهم للنوم
*********"*************************
وهكذا عدت الايام على الشباب بين الفسح والخروج والتسوق وكان كل يوم بيعدى على فهد ولين بيقربوا لبعض اكتر وهكذا باقى الشباب وكانت العائلة دائمة الاطمئنان علية وبعد ماقضوا فترة الاجازة الخاصة بهم رجعوا للبلد قبل اليوم المحدد لمفاجئة العائلة
***********************************
فى البلد
رجعوا الشباب والكل اتفاجئ بيهم وكان الجو كلة ضحك وهزار لحد ما الجد اخد ليث وطة وسماح المكتب لانة حس انوا ظلم امجد كل السنين اللى فاتت دى فقرر انو يفاتح ليث علطول
فى المكتب
ليث بهزار:ماهو اكيد موحشتكوش للدرجادى البت روح هتيجوا تخنقكوا عشان خدتونى منها
الجد :ليث بطل هزار انا عاوزك فى موضوع مهم
ليث بقلق :خير ياجدى
الجد بص ل طة وسماح وبعدها حكالة كل حاجه
ليث اتصدم وسكت فسماح وطة قلقوا علية
طة :ليث انت كويس
ليث بجمود: وحتى لو هيا قالتلكوا تعملوا فيا كدة تنفذوا انتوا مظلمتهوش هو بس لا ظلمتونى انا كمان لما خبيتوا عليا ياريتكوا ماكنتوا قولتولى ،خرج جرى على برة ووقف قدام امجد
ليث بسخرية :انت ولاحاجة بالنسبالى فاهم
لين بغضب :اتكلم باحترام مع بابا ياليث انت ناسى انو عمك
ليث بسخرية :لاوانتى الصادقة ابويا وانتوا اخواتى ،انا بس عاوز اسألة سؤال انت جرحتها لما حبيت واحدة غيرهاوهى جرحتك ببعدى عنك استفدتوا اية بقى من كل دا
لين :انت كداب الكلام دا مش صح بابا مكنش فى حياتة غير ست واحدة وهى ماما
امجد بغضب :لين اتكلمى مع اخوكى الكبير عدل
لين بصدمة :يعنى كلاموا صح وانت كنت بتخون ماما
امجد :لين بطلى غباء مامتة كانت مراتى قبل مااتجوز مامتك
ليث بسخرية :يعنى كنت بتخون امى انا
امجد :ليث الموضوع مش كده واظن جدك وعمك حاكولك
ليث:انى عم واللة مابقى معروف مين الاب من مين العم
امجد :افهمنى ياليث انا لسة عارف مبقاليش كام يوم
ليث :متتوقعش منى انى اقبلك على الاقل سيبها للوقت ،يالا ياروح واخدها وطلعوا اوضتهم
فهد وهو يتخلى عن صمتة :يالا احنا كمان يالين ،اخدها وطلعوا لاوضتهم
وعزيز عمل نفس النظام والكل طلع لاوضتة ليرتاحوا من اليوم الصعب دا
************************************
الفصل العشرون
انقضىت عدة شهور فى ضيق على الكل بسبب عدم تقبل ليث لما حدث واتى صباح يوم جديد محملا معة بعض النسمات الجديدة
فى غرفة فهد
استيقظت لين بصريخ ففهد خرج جرى من الحمام
فهد بقلق:مالك ياقلبى فى حاجه وجعاكى
لين حطا ايديها على قلبها وفجأة اترمت فى حضنة وقعدت تعيط
فهد بقلق :مالك يالين ماهو مش معقول كل دا عشان ليث انا عارف انك من يوم ماجيتى وانتى بتعزى ليث زى اخوكى لكان اية اللى حصل
لين بدموع :كابوس يافهد
فهد مهدئا :خلاص ياحبيبتى انا معاكى اهو ،وبهزار:شكل الحيوان ليث بيدعى عليكى عشان طولة لسانك اللى علطول معاة
لين مكنتش فايقة لهزارة كان قلبها مقبوض وبتفكر فى الكابوس
فهد حس بيها:خلاص بقى ياقلبى حلمتى بإية
لين بدموع :مينفعش اقولك عشان ميتحققش
فهد بحنان :خلاص اهدى انا جمبك وانتى فى حضنى اهو مفيش حاجه تقدر تمسك ،وبهزار:قولى بقى انك كنتى عوزانى احضنك عشان كده بتتحججى
لين :بحس بتحسن وانت حاضنى كدة اوعى تسيبنى
فهد :ماقدرش يالا فوقى كدة عشان ننزل نفطر
لين بعدت عنة:طيب ،ودخلت الحمام تجهز وكان الكابوس اللى حلمت بية شاغلها وبعد فترة نزلوا
************************************
فى المطبخ كانت اميمة وسماح وليان بيحضروا الفطار فدخلت عليهم لين
لين :صباح الخير ياجماعة
اميمة :صباح الورد يالينو وشك اصفر كدة لية يابنتى
لين بإرهاق :اصلى مانمتش كويس الليل كلة كوابيس
سماح :خلاص اهدى يابنتى خير اعملك عصير
لين :تسلمى ياطنط انا هعملوا انا
سماح :بس انتى تعبانة
لين بإبتسامة :انا زى القردة اهو ،مالك يابت ياليان ساكتة لية
ليان بتنهيدة :عادى يالين كويسة اهو
لين:لامش كويسة انتى محبطة كدة لية
اميمة بتلقائية :زعلانة عشان موضوع الحمل يالين مستعجلة وموسوسة فى الموضوع دا ولما قالت لعزيز انهم يروحوا لدكتور نكد عليها
سماح:شيلى ياليان الافكار السودة من دماغك انتوا مامرش على جوازكوا الا تقريبا ٤شهور وفى ناس بتتأخر فى الحمل
اميمة :وعندك روح ولين اهم معاكوا الاطفال رزق ياليان ودا فى ايدين ربنا فمتنكديش على نفسك وعلى جوزك
ليان بدموع :واللة انا عارفة وراضية باللى ربنا كتبهولى بس خلو عزيز يجى معايا عند دكتور وعلى الاقل نطمن
روح دخلت بصريخ :باركولى ياجدعان انا حامل وهبقى مامى وعندى نونو صغير
الكل بص ل ليان وبصوا لروح والكل فى نفس الوقت :الف مبروك ياروح يجى بالسلامة يارب
روح بسعادة :اللة يبارك فيكوا ياجماعة ،مالك ياليان
ليان بهدوء مصطنع:عادى ياروح بس شدة شوية مع عزيز
روح :عادى ياليان متتأثريش كدة هيا اول مرة تتخانقوا مع بعض ومبيعديش الليل الا اما اتصالحوا
لين مغيرة الموضوع : طب يالا بقى لانى واقعة من الجوع
روح بهزار:يابت بطلى فجاعة انا اللى محتاجة غذاء
لين بهزار :اتلمى يابت ياروح بدل مااروح اقول لفهدى، روح بخبث:بقينا نقول فهدى من غير عقد
اميمة بضحك :قولى اللة اكبر انتى هتحسدى ابنى ومراتة
روح بتمثيل :دا على اساس انو انا بنت البطة السودة
سماح بضحك :سيبك منهم يابت ياروح خليها هيا مع مرات ابنها وانا مع بناتى الحلوين
روح وهى تحتضن سماح :حبيبتى ياسموحة
سماح :تعالى ياليان واحتضنتها وبهمس:فكى بقى يالولو محدش عارف اية اللى مكتوب
روح بضحك :اخويا عامل معاكى اية يابت يالين
لين بضحك :هو فية زى فهدى لاحلاوة ولاجمال فهد ولاقلب فهد ولاعسل فهد هو اة بيعفرتنى احيانا بس عموما فهد حاجه كدة متتوصفش
روح بضحك:تيرارا دا اية سر السعادة دى ياختى مع ان فهد اخويا بس بصراحة مايتطقش
لين بضحك :ايوا اللة يسهلوا باالليث عموما مفيش فعلا زى فهد انتى بس غيرانة لانى خدتوا منك
روح بهزار :اللى خدتوا القارعة تاخدوا ام الشعور
لين وهى بتشيل الاطباق عشان تطلعها :ماشى ياقارعة ،خرجت وفجأة حست بحد بيشدها لية
فهد بخبث:مااحنا حلوين اهو وبتعاكسينى قدام الكل لكان الكلام دا مابيتقلش قدامى لية
لين بصدمة :انت هنا من امتى
فهد بحب :من لما كنتى بتتكلمى عليا ،كنت جاى ابارك للواطية اللى جوة،اطمن عليكى بس سمعت كلامك واتجننت بية
لين برومانسية :بس دا مش كلام يافهد دا حبى
فهد وهو يقبل لين من وجنتاها برومانسية:حبيبتي انتى قلب الفهد بحبك اوى يامجننانى
روح بمقاطعة :اخلصوا ياعم الحبيبة خلونا نفطر انا محتاجة غذاء
لين خجلت وبعدت فهد اما فهد كان مازال محاوطها
فهد برخامة :عاوزة اية يارخمة
روح بخبث :اللى انت بتعملوا دا يتعمل فى اوضتكوا مش قدام الشعب المصري
فهد بضحك :وانتى مالك ياباردة واهو ،وفجأة خطف قبلة من ثغرها ،وكمل:ياك نخلينا فى حالنا شوية بقى مراتى وحريين مع بعض
روح بضحك :تصدق البت دى خليتك تنحرف يافهد بس انا فعلا مبسوطالكوا اوى
فهد بص على لين لاقى ووجهها احمر بدرجة غير طبيعية
فهد لروح:يخربيتك البت هتتخنق من كتر الاحراج،اية يالينو المفروض اتعودتى
لين ضربت فهد فى كتفة :انت واختك قليليين ادب ،ومشيت
فهد وروح انفجروا فى الضحك ف فهد بصلها بحنان:مبروك ياروحى مش مصدق ان دلوعتى الصغيرة هتبقى مامى
روح وهى تحتضنة:اللة يبارك فيك ياحبيبى وعقبالك انت ولين
فهد بسعادة :يسمع منك ربنا ،يالا روحى اقعدى بقى وبطلى تنطيط ،اخدها وراحوا للعائلة على السفرة،واخدها وخرجوا قعدوا على السفرة وكانت لين بترص الاطباق على السفرة
الجد بفرحة :مش هتباركى ل ليث يابنتى اكيد عرفتى
لين بهدوء:ماانا لو عارفه انو هيقبلها منى اكيد كنت باركتلة لكن هيقلبها معايا خناقة وانا مش قادرة اتخانق
ليث بغيظ :لية شايفانى بشاكل دبان وشى ،وراح وقف قصادها
طة بجدية :ليث مهما كان اختك والصغيرة بلاش اللى انت بتعملوا دا
ليث وهو يحتضن لين فجأة :وانا قررت انو هفتح معاهم صفحة جديدة بعيدة عن المشاكل القديمة
لين بإبتسامة وهى تربت على ظهره :الف مبروك ياليث يتربى فى عزك
ليث :عقبالك ياقمرى
روح بغيظ:لما هيا قمرك انا اية يالا
ليث بعد عن لين :شكل هيتولع فينا النهاردة
لين وهى بتبص على فهد :شكلها كدة
فى نفس الوقت جت ستات العائلة بباقى الفطار وقعدوا كلهم على السفرة والكل فرحان بالحفيد الجديد للعائلة اما ليان كانت مضايقة وقعدت تكلم نفسها ان عمرها ماحست بالغيرة من حد لية دلوقتي حسا انها مش فرحنالها ومضايقة منها ،وفاقت على صوت امجد
امجد :ليان ياحبيبتى مابتاكليش لية
ليان بهدوء :باكل يابابا بس حسا انو مليش نفس عشان كده مش باكل اوى
امجد :ممكن تكونى خدتى برد من تغيير الجو ولاحاجة
ليان :يمكن ،انا هطلع ارتاح شوية وهبقى كويسة ،عن اذنكم ،وطلعت
سماح بضيق:قاعد لية ياعزيز
عزيز بضيق:اقوم امشى يعنى ياماما
طة بضيق:لا ياروح امك قصدها اطلع اطمن على مراتك
عزيز :انتوا علطول ماهزقنى كدة ،طلع ل ليان
فهد :انا هروح بقى شغلى يالا سلام ،وكان هيخرج لولا ان لين خرجت وراة
فهد بسخرية :تصدقى كنت مفكرك مش جاية
لين بحب:متبقاش بارد يافهد دا اخويا
فهد وهو يشدها لية بتملك :حتى لو ابوكى ميقربش منك كدة انتى ليا انا بس
لين بإبتسامة :خلى بالك من نفسك يافهدى
فهد بضحك :انتى كدة بتثبتينى يعنى
لين قبلت شفتية وجريت على جوا
فهد بصدمةوضحك:هى اللى عملتوا دا بجد ولا هزار ،وبعدين راح لشغلة
وطبعا زيدان وطة راحوا شغلهم اما امجد ففى الفترة اللى فاتت نقل ورقة للكلية اللى بيشتغل فيها عزيز عشان يشتغل معاة اما ليث فبقى مكتبة من اشهر مكاتب المحماة فى البلد ووظف محاميين معاة فى المكتب عشان كدة غالبية الوقت بيقضية مع روح
لين دخلت لسماح واميمة واستغربت لما ملاقتش حد :اية دا امال الكل راح فين
سماح :الكل راح على شغلة وليث اخد روح وطلعوا اوضتهم
اميمة بزعل :مش المفروض نطلع نشوف عزيز وليان احسن يتخانقوا وتتعقد الدنيا اكتر
سماح بزعل:واللة ماعارفة بس هو مش كدة نبقى بندخل فى مشاكلهم الخاصة
لين :لا احنا بنحاول نوقفها افرضى اتخانقوا وجرحوا فى بعض فلازم تطلعولهم
اميمة :طب يالا وانتى كمان تعالى معانا ،وطلعوا خبطوا الباب وعزيز فتح وعلى وشة الضيق فدخلت اميمة وسماح ل ليان اللى بتعيط
لين وهى واقفة على الباب:والله ياعزيز انا مش حبا اتدخل فى مشاكلكوا بس ماما ومامتك شدونى معاهم
عزيز بتنهيدة :ادخلى يالين انتى زى اختى الصغيرة ادخلى ،دخلها وقفل الباب
ليان بدموع :قوليلوا ياماما يجى معايا للدكتور هو مش عاوز يسمع كلامي
عزيز بضيق وهو بيشاور على لين :ليان هيا مش دى اختك ومتجوزة معاكى وهيا كمان لسة محملتش واهى هادية اهى ومش معناة انها مش مهتمة بالموضوع دا لامهتمة بس مش حبا تعيش جوزها فى نكد ليل ونهار
ليان بدموع :قول بقى كدة انك مابقتش طايقنى ومش عاوزنى اخلف منك
عزيز بغضب:انا ماشى قبل مااتغابى عليكى ونخسر بعض ،خرج ورزع الباب وراة
سماح :لين بسرعة الحقية ماتخلهوش يسوق كدة
لين خرجت وراء عزيز :عزيز انت يابنى استنى كدة
لين وقفت قدامة :استنى بقى ياعزيز خلينا نتكلم شويه
عزيز بضيق :سيبينى شوية يالين وانا لما اهدى هرجع
لين :خلاص بقى تعالى نقعد هنا فى الجنينة ،وشدتة وقعدوا قصاد بعض
عزيز بضيق :ينفع اللى اختك بتعملوا دا منكدة عليا وعلى نفسها
لين :طب ممكن اعرف انت لية مش عاوز تروح معاها للدكتور على الاقل تريحها وترتاح
عزيز :خليكى ذكية يالين انا راضي باللى ربنا قاسمة بس انتى عارفه لو فية عيب سواء منى اومنها حياتنا هتتقلب جحيم هيا هتفضل حاسة بالنقص وانا بردوا
لين :صراحة مش عارفه اقولك اية بس الست لما بتلاقى تجاهل فى الموضوع دا شيطانها بيصورلها حلين لاما حبيبها بطل يحبها وانها مجرد نزوة فى حياتة لاما بيخونها وناوى يسيبها فمتخلهاش تحط احتمال من دول فى دماغها
عزيز:بس انا بحبها يالين ومستحيل اعمل حاجه شىبة دى
لين:لاكان حافظ عليها ومتخليهاش فى يوم تشك في حبك ليها روح معاها عند الدكتور وبعد الشر لو فية حاجه هتقدروا تتعاملوا مع بعض بدل ماانتوا سايبينها عايمة كدة لامعروفلها بداية ولانهاية وممكن يكون دا كلة اوهام فى دماغكوا ويطلع التأخير دا عادي ومش شرط يكون فية مشكلة
عزيز :انتى معاكى حق على الاقل مدلهاش فرصة انوا اسيبها لشيطانها بجد يابخت فهد بيكى
فهد وهو بيقعد على الكرسى :بطل قر يالا احنا خناقتنا اكتر من تصافينا
عزيز بضحك :ياعم انا مش هحسدك يعنى ،وانت رجعت لية
فهد :اتصلوا بيا من المكتب وقالولى انو مفيش شغل كتير النهاردة فقررت ارجع اقعد مع لينو
عزيز بضحك :اللة يسهلوا ياعم ،بجد مبسوط ليكوا اوى ولين اة لسانها متبرى منها بس غلبانة
لين بضيق مصطنع :انا هنا ياعزيز فروح شوف وراك اية بدل مااخلى ليان تطلع شياطينها
عزيز بخوف مصطنع :لا ياختى هيا مطلعاهم من غير حاجه اما اقوم اصالحها ،وسابهم ومشى
فهد بتعب :وانا هطلع انام شوية لانى مصدع
لين بدلال :مش عاوز مساج
فهد بضحك :شكلك رايقة النهاردة
لين :توء كنت بهزر معاك
فهد بخبث :لاواللة كلمتك ماتنزل الارض وفجأة شالها وطلعوا لاوضتهم
************************************
اما عند ليان وعزيز
كانت سماح واميمة لسة قاعدين مع ليان وعزيز دخل عليهم
عزيز بهزار :انتوا لسة مشغلين واصلة النكد
سماح بجدية :بطل هزار ياعزيز
عزيز وهو يحتضن ليان:حقك عليا ياوردتى بكرة نروح مع بعض لدكتور
ليان بصدمة :يعنى انت موافق
عزيز بتنهيدة :انا بريحك ياليان مش عاوز اشوفك مكشرة وطالما انتى حبا تروحى نروح مع بعض
اميمة بحنان :ربنا يهديلكوا الحال يابنى وبطل تزعل لولو منك
عزيز بعد عنها :لا خلاص حرمت ومفيش زعل بنا
سماح :ربنا يهديكوا امال فين لين هيا مش كانت نازلة وراك
عزيز بخبث :الفهد اخدها😂😂
اميمة بضحك :هو رجع ،شكلنا ياسماح هنعمل الغدا لوحدنا
سماح:شكلنا كدة يالا،خرجوا
عزيز بخبث :لسة زعلانة يالولو
ليان :لا يازيزو طول ماانت جمبى مااقدرش ازعل
عزيز بخبث:بس انا مصالحتكيش بضمير تعالى ياوردتى...
************************************
فى مكان اخر
جابر عرفات :انا عاوز اعرف ياجدى انت لحد دلوقتي سايب عائلة الشرقاوى لية
سليم عرفات بخبث:ومين قالك انو هسيبهم خلصت خلاص فترة البعد دلوقتي جية وقت الانتقام
جابر :وانت هتعمل اية ياجدى
سليم :انا مكلف واحد يراقبهم ويجبلى كل تحركاتهم ووقت ما يكونوا مع بعض هنضرب ضربتنا
جابر :اللى هيا
سليم :هنخلص من شباب عائلة الشرقاوى جدهم بيعتمد عليهم والعائلة كلها هتنكسر بعد موتهم
جابر بخبث:طب وحفيداتهم
سليم بضحك :رجالتهم وهنخلص منهم اما بالنسبالهم فإنتوا احرار فيهم
جابر بضحك :اذاكان كدة ماشى طل حاجه هتتحل بعد موت شباب عائلة الشرقاوى
تعليقات
إرسال تعليق