عمر بصدمه : اي اللي عمل فيكي كدا ومال دراعك، د انا سايبك امبارح وكنتي سليمه.. أي اللي حصل؟!
ملك : انا.... وقعت امبارح وانا مروحه
عمر باندهاش : وقعتي؟ وقعه تعمل فيكي كدا ...
ملك: اه مانا وقعت من على سلم المدرسه وانا كنت نازله .... ( وكان باين عليها انها بتكدب)
عمر :أه قوليلي... سلم المدرسه
ساره :على فكره دي بتكدب دي.. قاطعتها ملك بسرعه اي ساره مين دي اللي بتكدب ركزي كدا
عمر : شكلك انت وهيا عاملين عمله ودبين خناقه جامده بعد المدرسه، الظاهر ان انتم متعودين على المشاكل وازاعاج الناس.. وانا اللي كنت ناوي اعتزرلك وحسيت اني اهانتك بس طلعت غلطان... ولسه جاي يديها ضهره ويمشي ملك قالته بعد ما حست انه بيهنها : متحكمش على حد انت معشتش ظروفه.. عمر لف وبصلها ومن غير تفكير قال انا اسف وبعدها سابها ومشى ووقف ف اول الفصل ... قعد يقول لنفسه ف اي ي عمر انت متأثر بيها لي انت عمرك ما بتعتذر لحد، وبعدها بسرعه قال: لا لاء ي عمر متصعبش عليك انت مقرر انك تاخد حقك منها لانها هزقتك جامد ف أعقل كدا
عمر ما خلص تفكير : يلا نبدأ حصتنا ي شباب هنكمل باقي الدرس الأول اللي بدأناه الحصه اللي فاتت هنبدأ ب......
عمر : بكدا تكون حصتنا خلصت الحصه الجايه هسأل ف اللي شرحته تمام
عمر وهو خارج ي ساره مش ساره برده عايزك دقيقه بره،
وأستاذن من مدرس الحصه اللي بعده انه عايز الطالبه دي ف حاجه
ساره : انا هروح ي بت ي ملك اشوفه عايز اي
ملك :تمام
ساره: نعم ي مستر هوا ف حاجه! انا عملت حاجه؟!
عمر : حيلك حيلك ... معملتيش حاجه، كنت عايز بس أسألك على حاجه بس جاوبي بصراحه تمام؟
ساره : اتفضل اسأل وأنا اكيد هقول الصراحه هكدب لي يعني
عمر : هيا ملك اقصد صحبتك يعني وقعت من على سلم المدرسه بجد ولا اتخانقتوا مع حد بعد المدرسه؟
ساره : ولا دا ولا دا هي كدبت على حضرتك ي مستر
عمر : امال اي اللي حصل
ساره: بصراحه كدا عفاف مرات ابوها هيا السبب هيا اس المشاكل اللي ف حياة ملك كلها
عمر باستغراب : ازاي يعني
ساره : بص ي مستر هيا غايه وهوايه عندها انها تضايق ملك حاطها نقرها من نقر ملك ف كل حاجه وحاجات تانيه كتير يعني
عمر زعل على ملك جامد وبعدين قال لساره : طيب ي ساره روحي انتي الحقي حصتك
ساره : تمام
عمر لنفسه :قلبه انت مالك ي عمر مهتم بيها لي، عقله ولا ومهتم ولا حاجه كل الحكايه بس اني كان عندي فضول اعرف اللي حصل معاها مش اكتر.
ساره راحت الفصل ودخلت قعدت جنب ملك،
ملك سألتها : كان عايزك لي؟
ساره خافت تقولها انها قالتله ع موضوع عفاف خصوصا أن ملك مش بتحب حد يعرف حاجه عنها وعن معامله عفاف ليها فقالتلها : دا كان بيسألني إذا كنت فهمت الدرس ولا لاء
ملك :لي هوا مفيش غيرك ف الفصل؟!
ساره : ما هوا قالي انه حس من نظرتي اني مش فاهمه وانا فعلا مكنتش فاهمه
ملك : طيب ي اختي ..... ركزي بقى عشان متبقيش مش فاهمه جيولوجيا وعربي
................
نوصف بقى عمر عشان متكلمناش عنه
( عمر الرفاعي 24 سنه، مدرس جيولوجيا ، هوا طويل مش قوي يعني بس طوله حلو، عنده عضلات عيونه عسلي، شكله جذاب ووسيم بمعنى الكلمه، مغرور جدا زي ما ملك قالت عنه، بس هوا حاسس احساس غريب ناحية ملك هوا شخصيا مش قادر يوصفه مع انه خاطب على فكره،اه خاطب مريم بنت عمه وهنتكلم عليها بعدين، بس هوا لا بيكره مريم ولا بيحبها بس خطبها عشان ابوه وعمه قرين فاتحتهم من وهما عيال وكفايه كدا عليهم)
نتكلم عن ملك...
( ملك ١٨ سنه وف تالته ثانوي زي ما احنا عارفين، هيا طويله بس أقصر من عمر بكتيرر فهوا شايفها طفله ف نفسها، خصوصا أن عندها برائه زي إلاطفال بالظبط ودي اكتر حاجه كانت جذابه ف شخصيها)
خلصوا المدرسه وهما مروحين كانوا بالتحديد قدام بوابه المدرسه
ملك لقت اللي مسك ايدها فجاءه وقالها تعالى اما اوصلك...... (مكنش عمر ي جدعان 😂) دا كان أحمد الصايع ابن اخو عفاف ..
أحمد وهوا بيمسك ايدها جامد : ما تيجي اوصلك ي ملك بدل ماتمشي
ملك : لو سمحت ي أحمد امشي وسبني ف حالي ومش عايزه مشاكل
ولو ما مشتش هيحصل اي ي جميل
هيحصل كدا قالها عمر وهوا بيديله بالبوكس ف وشه....
......
Stop
_اولا اسفه بجد ع التأخير بس انا فعلا مضغوطه جامد، وعارفه ان البارت دا قصير بس متعوضه أن شاء الله ، تانيا ي جدعان انا اصلا كنت بفكر أوقف الروايه نظرا لأن الريأكت قليل ع الروايه، والريأكت بيدل ع رأيكم ف الروايه وخصوصا ان دي اول مره اكتب..... ف رأيكم يهمني بجد وهيفرق معايا
تعليقات
إرسال تعليق