رواية الاب المجهول الفصل الثاني

 

تعديل: هغير اسم الروايه من #حياه الى #الاب_المجهول 

قبل يوم من بدايه حياه جديد ومرحله جديده لحياه واسامه وهى المرحله الثانويه كانوا يجلسون سويا فى الخارج 

حياه بفرحه: أنا مبسوطه اوى يا أسامه اننا هنروح بكره المدرسه الثانوى حاسه انى كبرت كده 

مضحك عليها بخفه: مهما كبرتى هتفضلى قزعه برده وهفضل احميكى من العيال الرخمه 

: والله انت كنت من العيال الى بترخم عليا بس سبحان الله الدنيا اتقلبت وبقيت البيست فريند بتاعى 

رفع ياقه تيشرته بمرح: علشان انا مختلف بس 

: بلاش تكبر يا اخويا 

نظر لها اسامه: مامتك مستوعبه انك كبرتى وكده 

: لا طبعا ما انت عارفها قاعده تعيط بتقولى بكره تروحى الجامعه وتتجوزى وتحبى وتتشغلى عنى وعياط بقا كتير 

: معلش هى موقفها صعب شويه انتى عارفه من ساعه موت باباكى وهى كده 

هزت حياه راسها بحزن: ايوه 

سكتوا قليلا ثم قاطعها: انتى ناويه ترتبطى 

: أرتبط بمين 

: مش تامر صاحبنا كان عارض عليكى الموضوع وكده اصلا هو رخم 

: ااه ما انا مش موافقه اصلا 

: أحسن مش بطيقه اصلا 

نظرت له بحزن: يعنى مش عايزنى اكلمه علشان مش بطيقه بس 

: ايوه 

نظرت إلى الأرض بحزن وخيبه أمل كبيره من صراحته كانت تود أن يعترف لها بحبها الان ولكنها استجمعت قوتها يكفى تضيع وقت الى الان يجب أن تخبره حتى اذا كان يجب أن يقوم هو باول خطوه ولكن ما باليد حيله 

رفعت رأسها بتوتر : اسامه انا كنت عايزه اقولك على حاجه 

: قولى فى اييه 

: هو يعنى الصراحه ..

: كملى يا حياه مالك 

: اسامه انا بحبك ايوه ومعجبه بيك مش عارفه امتا بس من اول ما بدأنا نقرب من بعض وبقيت صاحبى وكده وفى مشاعر ليك 

: أ..أنا مش عارف أقول اييه 

نظرت إلى الأرض بحزن : أنا أسفه يا أسامه بس متخليش صدقاتنا تتأثر بكلامى دا حتى لو رفضتنى بس خلينا اصحاب 

مسك يديها بحب: حياه انا كمان معجب بيكى وبحبك انا كان نفسى اخد الخطوه دى الاول بس كنت خايف من رد فعلك 

: بجد يعنى انت بتحبنى يا أسامه 

: اوى يا حيااتى 

ابتسمت بفرحه: عااا انا فرحانه اوى يعنى احنا هنروح بكره المدرسه سوا صح 

: طبعا هنروح سوا هعدى عليكى بكره الساعه ٧ الصبح ونروح سوا يا حبيبتى 

نظرت إلى الأرض بخجل  : خلاص بقا اييه الاحراج دا 

.............

فى صباح اليوم التانى 

كانت تقف أمام المرأاه بحماس: النهارده اول يوم فى الثانويه وكمان اول يوم مع اسامه كمرتبطين يااااه حاسه انى بحلم 

: حيااه يا حيااه 

: ايوه يا ماما نازله اهو 

نزلت حياه من الدرج بزيها الرسمى الجذاب عليها وشعرها الاسود المفرود وعيونها الزمرديه التى تلمع من الفرحه والحماس 

قبلت خد امها بحب: صباح النور يا احلى مامى فى الدنيا 

: اييه الجمال دا كبرتى يا حياه 

: كبرت اييه بس انا لسه فى الثانوى يا ماما يلا انا همشى بقا علشان اتأخرت واسامه اكيد واقف بره

: طيب استنى اصورك صوره انتى واسامه طيب 

زمجرت حياه بغيظ: ماما هو احنا اطفال احنا كبرنا يلا بااى 

خرجت حياه مسرعه الى الخارج ووقف بانتظاره ولكن لم يأتى نفخت فى ضيق: اووف يا اسامه هو دا يوم تتاخر فيه اعمل انا اييه دلوقتى انا همشى وخلاص انا كده هتأخر فى اول يوم ليا ماشى يا أسامه لما اشوفك بس 

اتجهت حياه الى المدرسه بضيق من ذهابها بدونه كانت تخطط فى مخيلتها العديد من الخطط لهم سويا اليوم كانت تسير شارده فى المدرسه فهو لم يأتي الى المدرسه ولم يحضر الحصص حتى خبطت فى إحدى الفتيات 

: أسفه جدا ليكى 

اومات حياه برأسها : لا عادى مفيش حاجه شكلك متلغبطه بتدورى على حاجه 

تحدثت الفتاه: لا بس انا اول سنه وكده فتايهه 

ضحكت حياه بخفه: وانا كمان اول سنه زمايل يعنى قوليلى اسمك اييه 

: سمر 

: تشرفنا يا سمر 

: انتى واقفه لوحدك ولا معاكى حد من اصحابك 

هزت حياه راسها بحزن : لا كنت هاجى مع اسامه صاحبى بس مجاش النهارده 

: اهاا باين عليكى زعلانه انه مجاش انتوا بتحبوا بعض 

ابتسمت حياه بحب: ايوه جدا احنا أصحاب الطفوله وكده 

: ربنا يهنيكم لبعض 

: يارب 

رفعت سمر نظرها بصدمه : واااو وأئل أحمد هنا يا جماالو 

عقدت حياه حاجبيها بتساؤل: مين وائل دا 

نظرت خلفها وجدت شاب وسيم لدرجه معقوله بعضلات وتقف فتاه بجانبه 

نظرت حياه الى سمر باستغراب : مين دا ؟

سمر بحماس: دا يا ستى اشهر ولد فى المدرسه فى ٣ ثانوى حاجه كده قمر اوى سمعت عنه قبل ما ادخل 

: أممم واكيد الى جانبه دى حبيبته صح 

: دى يا ستى سوزان مفكره أن وائل حبيبها وكده وعايشه الدور بس هو اصلا كل يوم مع واحده 

حياه بلامبالاه: أنا شايفه انه عادى يعنى 

فتحت سمر فمها بصدمه: عادى دا قمور اوى 

هزت كتفيها ببرود: معجبنيش الصراحه 

سمر بصدمه  : الحقى دا بيبص علينا ....دا جاى علينا يا حياه 

اتجه إليهم وائل بابتسامه وسيمه لحياه: ام عيون ساحره 

نظرت له ببرود: افندم 

ضحك معها بخفه: قفوشه عموما نورتى المدرسه يا ام عيون جميله سلاام 

ثم تركهم وغادر 

مسكت سمر يد حياه بحماس : اوووه يا لهووى كان واقف هنا صح 

ضحكت عليها حياه بخفه : يلا يا سمر نمشى على الحصه انتى اتهبلتى خااالص ....

وصلت حياه بعد المدرسه الى أمام منزل اسامه الذى يقابلهم نظرت حولها باستغراب: اومال فين عربياتهم وحاجتهم الى بره 

جاءت  والدتها من خلفها بحزن : اسامه هو وأهله سافروا برا البلد امبارح الفجر 

حياه بصدمه: إيييييه ؟؟؟؟ 

الفصل الثالث من هنا