لين . :لية لما شفتك بتتخانق وسمعت صوت ضرب نار قلبى وجعنى وكنت هموت واطمن عليك..لية حسيت انو روحى اتسحبت منى ،وابتدت تمشى ايديها على شعرة وهو نايم وهى سرحانة
فهدد حس بإيديها فرفع نفسة عنها لاقاها صاحية و سرحانة فقبل وجنتيها
فهد بنوم :صباح الخير يالين
لين:صباح النور يافهد
فهد وهو يحتضنها:انتى كويسة ،لسة تعبانة
لين بضيق :لا يافهد كويسة ،وزقتة من عليها :ابعد كدة
فهد بغضب :فى اية يالين ماتصطبحى ولاانتى عوزاها نكد من بداية اليوم
لين بزعل :انت مستغل يافهد استغليت تعبى عشان تقرب منى
فهد بغضب :انتى بتهزرى صح مين فينا اللى عندوا شيزوفرنيا اوقات احس بقربك اوقات عندية واوقات باردة واوقات عصبية واوقات حنينة ،وشد على دراعها جامد :قوليلى انتى مين فيهم طالما بتعاملينى ببرود لية امبارح كنتى خايفة عليا واغمى عليكى وال بتقولى عندى شيزوفرنيا انا جمبك ولاحاجة ،وزقها ومشى
لين لنفسها :ماهو انا مستحيل اسلمك قلبى وتكسروا او تستغل حبى ليك وللاسف مطلعش اعجاب زى ماكنت مفكرة لانى كنت هموت من فكرة انو يجرالك حاجه فى خناقة امبارح ،وراحت تجهز نفسها
************************************
عند ليان
كان عزيز صاحى وساند على ايدة وباصص على ليان
ليان فتحت عيونها لاقت عزيز على الحال دا فإبتسمت :صباح الخير
عزيز :صباح الورد ياوردتى
ليان بهزار :على فكرة انا كدة هاخد على الدلع دا
عزيز بضحك :ياستى من حق وردتى تدلع وطول ماانا عايش انا اللى هدلعها
ليان بإبتسامة :ربنا يخليك ليا ياعزيز
عزيز :ويخليكى ليا ياوردتى ،بس انا عاوز من الدعاوى دى كتير
ليان :انت تؤمور احنا عندنا كام زيزو ،بس صاحى بدرى لية
عزيز بضحك:حلوة زيزو دى ،وبعدين انا منمتش طول الليل صاحى بتفرج عليكى ياوردتى
ليان بصدمة :بجد طب لية كدة
عزيز باس جبينها :مش مصدق انك جمبى والبنت اللى طول عمرى بتمناها فى حضنى دلوقتي
ليان بفرحة :انت طيب اوى وشكل كانت اعمالى كويسة عشان كدة ربنا وعدنى بيك
عزيز :انتى وردتى الحلوة بس تعرفى انو انا اعرفك من لما كنت فى الجامعة يعنى من ٤سنين
ليان بإستغراب :ازاى وانا اول مرة اشوفك امبارح
عزيز بضحك :انتى شكلك عندك زهايمر ،افتكرى كويس ،وانا هقوم البس عشان كده شكلى هتأخر
ليان برجاء :لا قولى ياعزيز الاول بجد مش فاكرة
عزيز بإبتسامة :طب هروح شغلى ولما ارجع احكيلك يمكن تكونى افتكرتينى
ليان :طب قوم البس عشان مش تتأخر
عزيز :حاضر ياوردتى ،قام يجهز نفسه
************************************
عند روح وليث
ليث بهزار:روحي بطلى تبوصيلى بقى اتكسفت
روح بإعجاب :ماانت اللى حلو اعملك اية
ليث وهو يدغدغها :انت اللى حلو ياسكر ياعسل انتى
بقولك اية ابعدى عنى لاحسن انا اصلا بتحجج عشان منزلش الشغل
روح بمشاكسة :يرضيك روحك حبيبتك تبعد عنك
ليث وهو بيشدها لية:حبيبتي ياروح بجد مش مصدق انك واخيرا بقيتى مراتى
روح باستة :انا بحبك
ليث :وانا اتخطيت مراحل الحب و العشق من زمان
روح بهزار :طب روح شغلك بقى عشان انام بسببك منمتش من امبارح بسبب قلة ادبك😂😂
ليث بضحك :طب ماانا منمتش من امبارح ورايح شغلى ،وبعدين قلة ادبى ماكنت عاجباكى 😉
روح بخجل :كفايه بقى ياليث ،وبعدين هتتأخر
ليث وهو يحتضنها :روحى لسة بتتكسفى منى انا حبيبك اللى اتولدتى على ايدة واللى فضلتى طول عمرك تحبية وهو يحبك لانك بمعنى اصح طفلتى الحلوة ،واكمل مازحا :وانا كدة مكتبى هيتخرب وهتأخر ،سلام ياروحى
************************************
فى الصالة كان الجد وولادة وسماح واميمة كانوا صاحيين وبيفطروا مع بعض
الجد :اطلعى ابعتى للولاد ياسماح خلينا نفطر مع بعض
سماح :ليث وعزيز لسة خارجين قبل ماتصحى ياعمى وفهد صحى الصبح بدرى وكان بيتخانق مع نفسة وخرج بس كان باين علية مضايق
الجد بهزار :واية الجديد في فهد منو طول عمروا بيخانق نفسة ويصحى قرفان ،ولنفسة(شكل مفيش امل معقولة اكون غلطت لما اختارت لين لفهد)
اميمة بحزن:بجد ياعمى انا زهقت من عصبيتة دى نفسى يعيش حياتة وافرح بولادة بس على طول مقضيها خناق مع البت الغلبانة
امجد بضحك :اوعى تكونى بتتكلمى عن بنتى ياام روح لين مش غلبانة خالص
اميمة :واللة ياابو لين انتوا اللى مش فهمينها البت حنينة وجدعة وتتحب علطول
امجد بضحك :شكلها ضحكت عليكى ،بس كعموم لين دى قلبى على الرغم من حبى ل ليان الا ان لو لين انجرحت ببقى هموت عشانها ،هى كانت مقربة لولدتها اكتر
سماح :الصراحة تتقال لين وليان احسن من بعض بس مش عارفه ليه واخدين على لين فكرة انها صعبة
الجد :لين مش صعبة ولا حاجة هى بس محتاجه حد يحتويها واة امجد قال انها كانت قريبة من والدتها فعشان كدة امجد مش عارف يتعامل معاها ،عشان كدة ياسماح انتى واميمة مش عاوزكوا حموات ل٣بنات عاوزكوا امهات
اميمة :واللة ياعمى من غير ماتقول انا من اول ماشوفت لين وانا اعتبرتها زيها زى روح
سماح :متقلقش ياعمى روح وليان فى عنيا
الجد بإبتسامة :ودا عشمى فيكوا
زيدان :الاصحيح ياامجد مراتك ماتت امتى
امجد بحزن :ماتت من سنة ونص فى حادثة
طة :ربنا يرحمها اكيد زعلت عليها اوى انت والبنات
امجد بتنهيدة :اكيد وخاصة انو لين كانت معاها فى الحادثة وكنت هخسرها هيا كمان ،ومن بعد الحادثة لين وليان بياخدوا اجازات ويروحوا يقعدوا مع جدتهم
الجد :مجبتش مراتك وولادك لية ياامجد وجيتوا من زمان
امجد :مكنتش حابب افتح فى الماضي وخاصة انو نسرين مراتى كانت بتغير اوى وورثت دا للين فمكانوش هيرتاحوا فى مكان حاسينة لوحدة تانية
الجد :امممم عموما مش انا اللى هحاسبك ربنا هو اللى هيحاسبك لانك معدلتش بين مراتاتك الاتنين
امجد :خلاص بقى ياابوى انت عارف انو نسرين كانت ومازالت فى قلبى وبلاش الكلام دا قدام البنات ليان عاقلة ممكن تفهم اما لين غيرتها وحشة.
زيدان مهدئا الموقف:خلاص اللى حصل حصل بلاش
نفتح فى القديم المهم دلوقتي انو رجعنا اتجمعنا
الجد :على رايك ملهوش لازمة الكلام
************************************
عند البنات
روح نامت بعد مامشى ليث ،وليان كانت فى اوضتها بتبعت ايميلات للشركة عندها ،اما لين كانت بتتمشى فى الجنينة لاقت مرجيحة فقعدت عليها وسرحت في حياتها مع فهد ،امجد بعد ماخلص فطار خرج هو ابوة الجنينة لاقوها قاعدة وباين على وشها الزعل
امجد لابوة :شكل اللى خايف منة حصل ،لين حساسة ومش هتمشى فى دور الزوجة
الجد بغموض :متهيألك احنا مخلوقين عشان ناخد ادوار فى الحياة بس على ماتتعود
امجد :انا رايحلها
الجد مسكة:لا انا اللى هروحلها سيبنا مع بعض ،وراحلها
الجد بإبتسامة :الجميل سرحان فى اي،ممكن اقعد جمبك
لين بإبتسامة :اتفضل ياجدو
الجد وهو بيقعد جمبها :اتلهيت عنك ونسيت اسألك عاملة اية مرتاحة هنا
لين :عاوز الصراحة انا مش مبسوطة حسا ان دا مش مكانى ولاحياتى
الجد :طب ماتقولى بصراحة ان فهد مزعلك
لين بحزن :للاسف انا اللى مزعلاة ويمكن جرحاة
الجد :ياة للدرجادى
لين :بجد مش عارفه حسا ان دا مش العالم بتاعى
الجد :لين بتحبى فهد
لين بتسرع:لا طبعا ياجدو انا لسة عرفاة امبارح
الجد بضحك :كدابة بتحبية بس خايفة يجرحك
لين بصتلة بصدمة فكمل :انا مش عبيط انى اصدق الكلمتين الهبل بتوعك دول انا ياما اتعلمت
لين وهى تحتضنة :بجد تعبانة ياجدو مش عارفه من نفسى ولا من فهد ولا من الموقف ولا من حياتى
الجد :بطل هبل الواد بيحبك وباين فى عينية هو اة تقيل فى نفسة بس حبك من اول نظرة زى ماانتى حبتية اول ماشوفتية
لين:متهيألك ياجدو هو مضطر على وجودى فى حياتة
الجد بخبث :يعنى موافقة على النص التانى من كلامى انك بتحبية ،عموما الاول اعترفى بينك وبين نفسك انك بتحبية ووقتها كل حاجه هتتحل ،وشغلك سهل انك تتابعية من هنا وتروحى فى الحاجات المضطرة،ومش عاوز اشوف الحزينة اللى قدامى دى عاوز اشوف القوية اللى سمعت عنها وحافظى على فهد متضيعهوش من ايدك
لين :حاضر ياجدو هحاول
فهد :ربنا يهديلكوا الحال ياولادى وفى نفسة (اصبر عليا يافهد اما وريتك هتضيع البت من غباؤك ومفيش حاجه هتقربة منها غير الغيرة)
************************************
بعد مرور وقت طويل رجع الشباب للبيت وقضوا اليوم فى ضحك وهزار وقرر فهد انو يتجاهل لين على كلامها اللى سمعتهولوا وفعلا نفذ وعدت الايام ومر على وجود لين وليان فى البلد ٣اسابيع فى هدوء وسلام بين روح وليث مع غيرتة الشديدة ومرواحة لمكتبة ونزول روح الكلية تحت توصيات ليث ،اما عند ليان وعزيز كانوا ابتدوا يقربوا من بعض وليان بقت توثق فى عزيز وبتحب وجودة جمبها وطبعا عزيز كان بيروح شغلة ويرجع يقضى وقتة مع ليان وقضى الايام فى انة يسعدها فى كل الاوقات ،اما عند لين فكان فهد قرر تجاهلها وقضوا طول الفترة اللى فاتت فى تجاهل لبعض كانت لين مضايقة من التجاهل دا وابتدت تفكر انهم مستحيل يقربوا من بعض ،وابتدت تتابع شغلها مع ياسو ومها من البيت اما فهد كانت لين وحشاة بدرجة مش طبيعية على الرغم من انة دايما كان بيستغل نومها عشان يفضل جمبها واتأكد من ان مشاعرة اتخطت الحب بس مع كدة كان كلام لين اخر مرة جارح كرامتة وطبعا انتقل وبقى ينام على الكنبة ومقضى جزء كبير من يومة فى الشغل والجزء التانى كان بيقضية مع عائلتة وطبعا العائلة كانت مبسوطة من تحسن علاقات روح وليث وليان وعزيز وطبعا كانوا مضايقيين من علاقة فهد ولين وامجد حس انو ظلمها ليان ناجحة فى علاقتها مع عزيز اما العكس مع لين ومع تغير الاحوال سعى الجد انو يخلى فهد يعترف بحبة
************************************
فى يوم جديد من الايام
استيقظ فهد على صوت فى الاوضة فقام لاقى الصوت جى من ناحية لين كانت بتخرف فهد كان هيتجاهلها بس قلبوا مطوعهوش فراح ناحيتها لاقاها بتتكلم فى نومها ووشها كلة ماية
فهد بقلق :لين قومى مالك ،ولما ملاقاش رد حط ايدة على جبينها لاقى عندها حرارة
فهد بضيق :مهملة الجو ابتدى يهوى وهيا مخففة وراح شايلها واخدها تحت الدش عشان الحرارة تقل
:اعمل فيكى وفى عنادك اية مجننانى ،وادى هدومى اتبلت هيا كمان
لين بتعب وارهاق :فهد متسبنيش
فهد بحنان:مقدرش اسيبك اصلا
لين وهى بتخرف اثر الحرارة :انا بكرهك يافهد لانك خلتنى احبك وبعدت عنى
فهد بهدوء :اهدى بس كدة ومتتحركيش كتير غرقتينى
لين :انا بحبك يافهدى بس مش هسامحك على بعدك عنى ،نامت على كتفة
فهد شالها وحطها على السرير :دلوقتي حرارتها ابتدت تنزل بس المشكلة دلوقتي فى هدومها المبلولة دى ودلوقتى الساعة ٣يعنى مستحيل يكون حد صاحى ،وبعد تفكير طلعلها هدوم وطفى الانوار وغيرلها هدومها وغطاها واشعل النور مرة تانية
فهد وهو قاعد جمبها وبيفكر فى كلامها :معقولة اللى كانت بتخرف فية دا كان صح ولو صح لية كل مااقرب منك تبعدينى ،لية غاوية تتعبنى ،بس مع كدة لازم اتأكد ،ونام جمبها وشدها لية فحس بلين وهى بتمسك فية عشان كده اصر انة يتأكد من مشاعرها ناحيتة ،ومن كتر تفكيرة راح فى النوم
************************************
الفصل 14
فى الصباح
استيقظ فهد ليشعر بثقل فوقة ليراها وهى تحتضن صدرة بيديها الصغيرة بالنسبة الية ليبتسم واخيرا هيا بين احضانة بعد فترة طويلة ليرفعها قليلا لينحنى يقبل وجنتها المحمرة من النوم ويشم رائحتها الممزوجة برائحتة ليشعر بها تتحرك ليتصنع النوم ببراعة تشعر بأحد يقبلها لتفتح عينيها لترى نفسها على صدر فهد لتتذكر ماحدث لتخجل فرفعت
رأسها لترى وجة فهد امامها لتمرر احد اصابعها على عينية ثم انفة بعدها تمرر اصبعها على شفتية لتتجرأ وتقبل شفتية ثم وجنتية هامسة بكلمة "وحشتنى" تفاجئ فهد من جرأتها الغير معهودة معه وبهمسها لة ولكنة تصنع النوم ببراعة حتى يرى ماستفعلة معة ولكنة استغرب عندما شعر بها وهى تقوم من علية فانتظر وقت قصير حتى تجهزت لين وخرجت
فهد وهو بيقوم :يالهوى على الجنان اللى انا فية منين بتقول انها بتحبنى وبشوف حبها لدرجة انها بتستغل نومى عشان تقرب منى ومنين بتبعد عنى وبحس بجفاها من ناحيتى ،انا عاوز بس اتأكد من اللى فى دماغى وساعتها انا اللى هربيكى على حبى اما دلوقتي مينفعش اقرب منك والا هترفضى حبى ،وبعد وصلة كلامة مع نفسة اتنهد وابتدا يجهز نفسة ونزل
***********************************
اما عند ليان
ففتحت عينيها وهى تتئاءب بكسل وارهاق ووجدت نفسها مكبلة بأحضان عزيز حيث كان يعتليها دافنا راسة فى عنقها محيطا اياها بذراعية وكأنها ستهرب منة فإبتسمت بخجل عندما تذكرت ليلتهم الاولى وكيف اصبحت زوجتة وحبيبتة فنظرت الى ملامحة الوسيمة بإمعان رفعت اصابعها تسير بخفة اعلى ملامحة ويدها تعبث بخصلاتة الناعمة هبطت بشفتيها تقبل وجنتية جبينة بخفة حتى لا يستيقظ ولكن قد فات الاوان...فتح عينية قائلا بنوم ومكر
:حلو مش كدة
ابعدت رأسها بخجل ليرتفع بجسدة قليلا يعدل من خصلاتة هامسا
:بحبك ياوردتى ومتتخيليش دلوقتي فرحتى ازاى انك بتثقى فيا وبتحبينى
ليان بإبتسامة :محدش يستاهل قلبى غيرك يازيزو وان كان على الثقة فاانا واثقة فيك من اول لان انت عمرك ماجبرتينى على حاجه انت نصيبى الحلو
عزيز بخبث :طب ماتيجى اكملك باقى حدوتة امبارح
ليان وهى تضربة فى كتفة :توء توء هتتأخر والمفروض ننزل
عزيز بإبتسامة :ماانا مش عاوزك تطلعى من حضنى
ليان :انا عمرى ما اطلع منة لانوا بيتى اللى بلاقى الامان والحنية ،قبلت جبينة :يالا هتتأخر
عزيز :حاضر ياحبيبتى بس هتعوضينى عن دلوقتي
ليان بضحك :انت تؤمور ياحبيبى بس قوم دلوقتي هتتأخر على شغلك
عزيز بهزار:حاضر اهو من غير ماتزوقى ،وقاموا يجهزوا نفسهم
************************************
فى نفس الوقت عند روح
ليث وهو بيدور على ملفات :معلش ياروحى هتعبك هاتيلى قميص البسوا
تأفافت وهى تلقى عنها الغطاء بغضب متجهه الى الدولاب
ليراقب حركتها بتلك القطعة التى تصل لركبتها والتى اظهرت فتنتها وجمالها فكان يتأملها بإبتسامة
سارت امامة وهى متجاهلاة تنفذ ماطلبة منها لتشهق حين جذبها الى صدرة محيطا خصرها يهمس امام شفتيها ويدة اخرى تسير على ذراعها ببطئ
ليث :مش المكالمة كانت قدامك ياروحى..ممكن افهم زعلانة لية
روح بغضب :ياليث انا تعبت من الجامعة للبيت ومن البيت للجامعة لابخرج ولابتفسح وانت عودتنى انك هتخرجنى النهاردة وهيكون اليوم ليا لوحدى
زفر انفاسة بهدوء :معلش ياروحى اجليها لبكرة انتى عارفه يعنى قواضى وادلة يعنى فى ثانية ممكن تطير رقاب
لم تجيبة ونكست رأسها واغلقت عينيها على وجهها ملامح الاستياء والحزن تأملها للحظات ليشدد على احتضانها جذبا اياها لصدرة :وبعدين بقى فكى التكشيرة دى انتى عارفه انو مش حابب ابعد عنك ولااسيبك زعلانة كدة بس لازم امشى ووعد منى هسلم كل شغلى النهاردة وهاخد اسبوع اجازة وهاخدك ونسافر شعر عسل
روح بفرحة :بجد ياليث وعد
ليث بإبتسامة :وعد ياقلب وروح ليث ،ممكن بقى دلوقتي تساعدينى البس عشان الحق افطر قبل ماامشى
روح بإبتسامة :حاضر ياليثى ،وابتدت تساعدة فى اللبس وجهزت هيا كمان ونزلوا
***********************************
فى المطبخ كانت سماح واميمة بيحضروا الفطار فدخلت عليهم لين:صباح الفل ياحلوين
اميمة :صباح الورد على عيونك ياست البنات
لين بإبتسامة :حبيبتي ياماما
سماح بغضب مصطنع :وانا مش حبيبتك ولااية ياست لين
لين:لا طبعا حبيبتي احنا عندنا كام سوسو
سماح بضحك :يالا يابكاشة تعالى ساعدينى
لين بهزار :هو لازملا يعنى ماانتوا عارفين انى فاشلة فى شغل البيت
اميمة بحنان اموى :لازم ياحبيبتى تتعلمى احنا مش هندوملك لازم تعتمدى على نفسك
سماح مكملة :افرضى انك اتحطيتى فى موقف وانك لوحدك معاكيش حد لازم تقدرى تكفى نفسك
لين بصدق:ربنا يخليكوا ليا ويديكوا طولة العمر
اميمة :ويخليكى لينا ياست البنات ،يالا بقى ماتتهربيش
لين بضحك :حاضر ياباشا
وقضوا وقت تحضير الفطار فى ضحك وهزار وانضمت ليهم ليان وروح اما الرجال كانوا قاعدين على السفرة مستنين الاكل ولما خلصت الستات ابتدت البنات تحطة وابتدا الكل يفطر مع بعض
ليث :اة صحيح ياجماعة انا هاخد روح وهنسافر اسبوع نقضى شهر العسل
الجد :تصدق يابنى خير ماعملت هتروحوا فين
ليث :هنروح شرم الشيخ
عزيز بهزار:بقى ياواطى تظبط نفسك وتسيبنا
ليث :واللة يابنى انا كنت لسة هحجز النهاردة احجزلك معايا ونسافر بالعربيات بكرة
عزيز :يبقى كتر خيرك خلاص شوف انت الاوتيل واحجزلى انا وانتى
طة :طب وشغلك ياعزيز
عزيز :عادى يابابا ممكن اخلى حد من الدكاترة يشيل الايام بتاعتى بس ليان بقالها فترة مخرجتش فتبقى فرصة انو نغير جو مع بعض
الجد لنفسة :ماتنطق يابأف قول اى حاجه خلى البت تحس انو معاها راجل عاوز يبسطها(طبعا الكلام على فهد😂😂)
امجد بإبتسامة :ربنا يخليكوا لبعض وتفضل تبسطها كدة علطول
لين لاول مرة تحس نفسها قليلة مع انها كانت دايما فوق ومكانش حد يتجرأ يقلل منها وقالت لنفسها (ياريتك ياماما مكنتيش سبتيلى الحرية يمكن لو كنت زى ليان كنت حسيت بنفس السعادة اللى باينة على وشها) ليث لاحظ ان الكل مركز معاة الا لين بتاكل بلا مبالاة والضيق مرسوم على وشها
ليث بكدب :مابلاش تسافر انت ولين لوحدك يافهد ماتيجى معانا واهو ننبسط مع بعض احسن ماتكونوا لوحدكوا
فهد كان مصدوم من كلام ليث بس بعدها لعن غباءوة :اكيد لين زعلت اى بنت فى مكانها اكيد هتزعل ازاى مأخدتش بالى
لين بسخرية :لا شكرا ياليث انا مش هروح معاكوا ولامع فهد فاستمتعوا انتوا ومتشلوش همى
ليث :لية يابنتى هننبسط كلنا مع بعض
لين :معلش ياليث سيبنى على راحتى انا مش حبا اسافر اى مكان
الجد :لا يالين هتروحى احجزلهم ياليث معاكوا ومش عاوز نقاش ،وكملوا اكلهم وبعدهاالشباب راحو على شغلهم اما وزيدان وطة راحو على اشغالهم والجد وامجد وسماح واميمة والبنات كانوا قاعدين مع بعض كانوا الكل بيتكلم اما لين كانت تعابير اللامبالاة مرسومة على وشها وكانت بتشترك فى الكلام نادرا
امجد بتنهيدة :مالك يالين عوايدك متغيرة بقيتى هادية زيادة عن اللازم نادرا على مابتتكلمى بقيتى انطوائية فيكى اية
لين بغضب ظهر فجأة :وانت من امتى مهتم من ساعة ماجينا لاتعرف عنى حاجه ولاحتى سألتنى مبسوطة ولالا كل اللى هممكوا ليان ليان انما لين تولع حتى اختى اللى مكنش بيفوت يوم الااما تطمن علياانشغلت بإستاذ عزيز ومبقتش شايفة غيرة بجد بقيت بكرهكوا انتوا دمرتوا حياتى المثالية بجد انا زهقت وقرفت ،وسابتهم ومشيت
امجد لما سمع كلامها حس بوجع كان مفكرة لين متفهمة حبة ل ليان وخاصة انو شخصية ليان ضعيفة بس عمروا مافكر ان لين بتغير من اختها وانو حول علاقتهم لكرة هو عارف ان كل اللى قالتة لين كلام فى عصبيتها وانها بتحبهم جدا بس زعل من نفسة انو اتجاهل مشاعر لين
اما ليان فندمت لانها فعلا اهملت اختها من ساعة ماجم البلد كانت عارفة بعلاقتها السيئة مع فهد بس مع كدة ماحاولتش ولا مرة تتكلم معاها حتى لاحظت طباعها اللى ابتدت تختلف ،فقامت راحت اوضتها تحت مشاعرها المختلفة
الجد مهدئا امجد:متزعلش ياامجد يمكن نفسيتها تعبانة شوية واكيد متقصدش كلامها
امجد بحزن:عارف يابابا عارف عن اذنكوا ،مشى اوضتة
الجد :مبتقربيش لية لمرات اخوكى ياروح
روح بزعل :واللة ياجدو انشغلت فى الكلية والسكاشن ومع ليث وبرجع هلكانة ومش شايفة قدامى
الجد :ربنا يعينك يابنتى ويفرح قلبكوا كلكوا
روح بزعل :يارب ياجدو عن اذنكوا ،راحت للجامعة بتاعتها
اميمة بزعل :بجد بندم انو اختارنالها فهد ،للاسف انا عارفة ابنى مبيعرفش يحب ولا يكون حنين
الجد بغموض :لا الغلط منى وانا هصلحوا
سماح بقلق :هتصلحوا ازاى ياعمى
الجد بغضب :لافهد يتعدل يإما هطلقها منة
سماح :لامتقولش كدة ياعمى فهد طيب هى بس شغلانتة مأثرة علية ومخلياة قاسى
الجد :انا اخدت قرارى ياسماح ومش هتراجع عنة ليفصل طباعة فى شغلة وحياتة الخاصة لاما يطلقها انا مش هستنى لما تعمل فى نفسها حاجه وانا بنفسى هرجعها للعالم تبعها ،لما فهد يجى ابعتهولى ،مشى
اميمة بزعل :بجد لو فهد خسر البت دى هيندم طول عمروا
سماح :ربنا يهديلهم الحال
اميمة :يارب ،وراحوا الاتنين يجهزوا الغدا
************************************
اما عند الشباب
عزيز راح الجامعة وابتدا يدخل محاضرة ورا التانية
وقضى نص النهار ورجع البيت
ليث راح المكتب بتاعة وخلص شغلة وسلم الملفات اللى معاة للسكرتير واخد اسبوع اجازة وبعد ما خلص شغلة راح لفهد وفى طريقة لية روح كلمتة وحكتلوا اللى حصل
فهد دخل مكتبة وابتدا يخلص فى شغلة وانقضى اكتر من نص النهار لحد ما ليث رحلو
تعليقات
إرسال تعليق