فى اوضه لين
دخل الجد لاقى لين بتعيط قعد جمبها
الجد بعقل:ممكن اعرف بتعيطى ليه دلوقتى
لين بدموع:لا مش اول مره تحصل من بعد موت ماما وهو مبيستحملنيش
الجد بعقل :طب نتكلم بعقل مش انتى اللى نرفزتيه ولاهو اتنرفز على الفاضي
لين بزعل:انا مش حبا حد يجبرنى على حاجه انا عارفه انو تعباه بس ميرمنيش كده
الجد:بقي هو هيرميكى احنا مش وحشين كده وهرجع اقولك زى مااقولتلهم انا حفيداتى اهم من ولادى واحفادى الشباب وبعدين فهد مش وحش طباعه صعبه بس هيحافظ عليكى اكتر من ابوكى كمان
لين بزعل:ولاميحافظش مش فارقه كتير ان كان ابويا مش مستحملنى هيجي هو اللى يستحمل
الجد:لا انا كده ازعل منك انا مشفتكيش غير مرتين ومع كده ابوكى لما بيتكلم عليكي عيونه بتلمع نفس اللمعان اللى كان لوالدتك الله يرحمها
لين بفضول: انت ليه كنت رافضها وليه قبلتنا احنا
الجد:خليها بعدين ايامنا مع بعض كتيره ابقي احكيلك فى
وقت تانى يالا قومى اغسلى وشك وغيري هدومك
لين بدموع :انا خايفه😢عمري ما خفت كده
الجد بإبتسامه :عيب عليكى لما يبقي وراكى رجاله وتخافي وبعدين وعد منى انو هيجى يوم وتقولى ان اللى حصل دا احسن حاجه فى حياتى
لين باسته من خده:بجد شكرا ريحتنى
الجد بضحك:شكلك يابت عاوزه فهد يطخنى عيارين 😂😂دا غيور جدا
لين بلامبالاه :ميقدرش انت خلاص بقيت حبيبي يعنى ملهوش فيه
الجد ولين قعدوا يضحكوا وفى الوقت دا كان فهد داخل الحمام قصاد اوضه لين فسمعهم
***************************************
وفى نفس الوقت فى اوضه ليان
روح:ليان اصحى بقي
ليان بنوم:بطلى ازعاج يالين
روح برخامه:بصى انا مش لين انا روح فقومى بقي بدل مااصحكى بطريقتى
ليان فتحت عنيها وقامت بفزع:انتى مين
روح بإبتسامه: واخيرا صحيتى انا روح بنت عمك
ليان بصدمه😳:هاااا
روح :بصي الموضوع طويل فقومى كده وانا هشرحلك واحده واحده...... وبعدين بصت على الهدايا اللى فى الارض واخدت واحده :ايه رايك فيها كان نفسي اعاديك فى نفس اليوم بس النصيب بقي كل سنه وانتى طيبه
ليان بصدمه:يعنى شنطه الهدايا دى بتاعتك
روح بخبث:لا الهديه دى بس اللى بتاعتى اما الباقى زيزو اللى بعتهالك واه دا زوج المستقبل
ليان بخجل:هاااحلوه هديتك
روح بضحك: خلاص اهدى اهدى انا بهزر معاكى مش مستدعيه انو يكون وشك احمر كده
ليان بضحك:شكلك غلسه زى البت لولو بس شكلنا هنبقى اصحاب
روح بتمثيل:ليه الشرف يامولاتى ،يالا بقي عشان زمان المأذون على وصول
ليان بصدمه: مأذون ايه وفين لين
(يعنى على البت ليان كل شويه صدمه 😂😂براحه شويه ياروح)
روح حكتلها اللى حصل واللى لين عملته
ليان:هتفضل متهوره علطول بس ليه السرعه دى
روح:والله ماعارفه بس انا لو مكان لين كان زمانى طربقتها
فرد فعلها طبيعى ،اسيبك بقي عشان تجهزي
ليان:لا مش لازم خليكى فى الاوضه هنا فيها حمام هدخل اجهز واجيلك متطلعيش انا مبتأخرش
روح :خلاص تمام
************************************
فى الصالون
امجد كان قاعد مع اخواته وولادهم والجد بعد ماطلع من عند لين
امجد:بجد نورتونى يا شباب
ليث:ربنا يخليك ياعمى
الجد بضحك: يعنى هما بس اللى منورينك
امجد بضحك: لا طبعا ربنا يعلم انا مبسوط قد ايه بزيارتكوا دى وكان نفسي تحصل من زمان
طه:واهى حصلت وبقينا نسايب مش اخوات بس
امجد:فعلا ،فهد،عزيز مش عاوز اوصيكوا على بناتى دول روحى
عزيز فعنينا ياعمى متقلقش
امجد: ليان سهل انك تتعامل معاها ياعزيز طباعها مش صعبه بس مشكلتها انها حساسه وبتاخد على خاطرها بسرعه
عزيز:فى عنيا ياعمى ووعد منى عمري مازعلها
امجد بإبتسامه: جدع ياعزيز ،وانت يافهد عارف ان لين طباعها صعبه وعنديه بس بجد عمري ماقبلت حد فى قلبها اوقات كتير بحسها طفله عارف لو محصلش الموضوع دا كنت خليت لين جمبي لانى واثق انو محدش هيتحمل
طباعها الصعبه ودا هيخليها تنجرح كتير
فهد كان بيسمع بفضول:لحد ماقال متقلش ياعمى فى عنيا ...وفى سره (بجد مش عارف اذا كان اللى انا فيه دا صح ولا بس لازم اعترف انها اول واحده تشد اهتمامي ولما زعلت من شويه حسيت ان قلبي موجوع يارب انا مش عاوز كده مش عاوز يجى اليوم اللى تبقي فيه نقطه ضعفى بسبب قلبي مش عاوز احبها)
........(يبقي بتحبها يا عبيط)......
وفى نفس اللحظه رن جرس الباب وفاق فهد من سرحانه وراح امجد يفتح الباب لاقى المأذون فدخلوا
وقعدوا وطبعا البنات فى الاوضه وكان بيرحلهم الدفتر عشان
يمضوا ودا بعد ماالمأذون طلبهم بس الجد قاله انهم عيله محافظه وكده وانهم هيمضوا من الاوضه وبعد فتره خلص المأذون من ال٣بنات واخد فلوسه ومشي
الجد بإبتسامه: الف مبروك ياولاد دلوقتى قوم للبنات ياامجد انهم يلموا هدومهم عشان يجوا معانا البلد لازم تعلن فى البلد انهم اجوزوا عشان نسعى للصلح من غير جواز
امجد بقلق:وكده خلاص مفيش حاجه هتأذي بناتي
فهد بضيق:ياعمى انت مجوزها لرجاله يعنى محدش يقدر يمس شعره منهم
امجد :انا واثق فيكوا ياولاد والا مكنتش اديتكوا بناتى بس انا عارف انكوا رجاله مش ضهر رجاله
زيدان:متقلش ياامجد بناتك فى عنينا ويوم لما حد من ولادنا يزعلهم احنا هنقف لهم مش انت
امجد :ماانتوا الخير والبركه ،عموما انا كده مليش مكان هنا من غير بناتى فهرجع البلد بعد اذنك ياحاج
الجد: انت مش محتاج اذنى كنت مستنيك من زمان انت ومراتك وعيالك بس انتى اللى كرامتك كانت ناقحه عليك. ،عموما ملهوشلازمه نفتح فى القديم
طه : خلاص ياجماعه اللى فات مات ،قوم ياامجد استعجل البنات
امجد:حاضر ،ولسه كان هيقوم لاقي البنات جايين ومعاهم شنطه هدومهم كانت ليان وروح فى الاول امالين كانت وراهم وباين عليها الضيق
الجد:اهو البنات جم لوحدهم دلوقتى اناوزيدان وطه وامجد هنركب فى عربيه واحده وفيه عربيه ليث وعربيه فهد هتقسموا بعض ازاى
فهد بغضب وغيره خفيه:انا ومراتى واختى هنركب مع بعض
ليث بضيق:بطل يافهد روح مراتى دلوقتى يعنى بلاش شغل العيال دا
فهد:اللى عندى قولتوا وانت ياعزيز هتركب مع مراتك فين
عزيز:بص خلينى انا وليان وروح مع ليث وانت روح مع مراتك
فهد بغضب😡:لا ياعزيز اختى هتبقي معايا
زيدان :فهد خلاص ليث دلوقتى بقي جوزها مكانها جمبه مش جمبك فعزيز رايه صح
امجد خلاص بقي يا جماعه علشان نلحق نروح يالا ،وقفلوا الشقه ونزلوا وهما على السلم عزيز اخد شنطه ليان وشاورلها على العربيه بتاعت ليث
اما فهد ولين لين بتحاول تنزل شنطتها راح فهد شد شنطتها بإيد ومسكها بالايد التانيه وبهمس غاضب :لينا حساب على لبسك ومكياجك يالا
لين بعند : انت بتشد حمار ابعد ايدك كده
فهد بغيره خفيه:بصي انتى تسكتى خالص احسن هتشوفى منى حاجه متعجبكيش ...وبزعيق يالا وراح يحط الشنط فى شنطه العربيه وهى وقفتنبص على هدومها :ماهم حلوين ومش ضيقين امال متعصب نفسه ليه ،كانت هتركب وراء
(دا اللى كانت لابساه لين)
فهد وهو بيركب مكان السائق:مش سواق ابوكى انا اركبي قدام من غير كلام
لين بتأفاف:اوف دا انت رخم ياباي عليك ،وركبت جمبه ،وهو مش بعربيته ولحقته عربيه ليث
#######################
فى عربيه ليث
ركب ليث وعزيز قدام وروح وليان وراء
ليث بإستغراب:هو فهد مشي بسرعه ليه
عزيز بضيق خفى :مش عارف....وفى نفسه(اكيد بسبب هدومهم طب هما لوحدهم يعنى سهل يتعاتبو اما انا فهضظر اسكت عشان ليث وروح بس بردو هموت من غيظى بسبب لبسها بس مقدرش اتكلم )
ليث بزعيق:انت يابنى رحت فين
عزيز:هالا ولاحاجه ،كنت بتقول ايه
ليث:بقولك احنا كلنا مفطرناش فأقرب كافتيريا هتبقي بعد نص ساعه فكلم فهد وقولوا يوقف هناك عشان نجيب فطار
عزيز :تمام ،اتصل على فهد وبلغه
ليث:هاا يابنات تشوفوا عاوزين ايه عشان لما نقف نجيبلكوا اللى هتحتاجوه
روح:تمام ياليث هتطلبي ايه ياليان
ليان بحرج:اي حاجه مش فارقه
عزيز مهدأ:ملهوش لازمه الحرج دا ياليان شوفى انتى تحبي ايه وانا اجبهولك
ليان:تسلم ممكن تجيبلي اي حاجه بس ياريت تجيبلي قهوه معاك
عزيز بإبتسامه: انتى تؤموري
ليان ابتسمت وسكتت
روح :الا صحيح اساميكوا مش مشهوره اوى مين اللى سماكوا
ليان بإبتسامه: ماما من اصل لبنانى فاالاسمامى دى هناك زى محمد واحمد هنا فهى اللى اختارت اسامينا
ليث:بس حلوه اساميكوا ،يعنى انتو كنتوا عايشين فى لبنان
ليان بخجل:تسلم ،يعنى قعدنا شويه فى لبنان بس لين انولدت فى تركياعند جدتى وقضت هناك فتره ورجعت لبنان تانى عندنا قضت ثانويتها وسافرت باريس للجامعه وبقيت حياتها اكتريتها سفر اما انا كنت ما بين لبنان والقاهره
روح:ماانا عارفه اصل انا من معجبين لين شخصيتها جريئه اوى
ليان بزعل خفى:اه فعلا ان كنت من معجبينها ذات نفسي
وقعدوا يتكلموا واتصاحبوا جدا وليث وعزيز نادرا على ما كانوا يتكلموا معاهم بس ليان اتعودت على ليث وعزيز وكانت بتتكلم معاهم بعد فتره قصيره
ليث:كده وصلنا الكافتيريا هننزل نجبلكم حاجات بس انتو خليكوا هنا متنزلوش من العربيه
روح:حاضر ياليث بس متتأخرش
ليث بإعجاب:يحضرلك الخير ياروحى ♥♥
روح اتكسفت وبصت فى الارض وليان ضحكت عليها
عزيز بضحك: يالا ياخويا مش وقت نحنحه 😂😂
ليث بهزار يالا ياهادم الملذات
تعليقات
إرسال تعليق