بعدما انتهى الليل فى زعل البعض وهدؤء البعض الاخر اجى الصباح حامل معه بعض النسمات الجديده
فى الصعيد
الكل نزل عشان الفطار
الجد:عقبال الباقى الغايبين
طه:ان شاء الله عن قريب الكل يتجمع
الجد:يارب واشوفكوا كلكوا قدامى
ليث:انا هسافر النهارده على مصر يا جدى
الجد:ليه يا بنى
ليث:عندى قضيه والموكل بتاعى هناك وفى دليل جديد معاه وخايف انو يجى هنا يشكك حد فيه
طه:هى القضيه عن ايه يا ابني
ليث:عن قضيه قتل
زيدان:ربنا يوفقك يا بني ،بس هتروح لحالك
ليث:مش عارف عزيز، فهد ماتيجوا معايا على الاقل تونسونى بدل مااروح وارجع لحالى
عزيز:والله انا فاضي موريش حاجه النهارده فممكن اجى معاك
ليث:طب وانت يا فهد
فهد:مواريش حاجه بس هقضي اليوم نوم
الجد:بلاش كسل روح معاهم فك عن نفسك
روح:وانا يا جدو
فهد:لا يا روح خليكى هنا
روح :قولهم ياجدو انا مبطلعش بره البلد خالص ،ليث يشوف موكله واحنا نتفسح،عشان خاطرى يا فهد
الجد:خلاص يا فهد خدها معاك بقالها كتير مظغوطه فى كليتها
فهد:القرار قرار ليث احنا رايحين معاه يعنى هو يوافق او يرفض
ليث:مش مشكله يافهد على الاقل لما تخرج معانا احسن ماتخرج من ورانا
روح بغيظ:ليث اي تخرج من ورانا دى انا من امتى عملتها
ليث بمشاكسه:ومتقدريش اصلا تعمليها
روح:بص يا بابا رخامته انا غيرت رايي مش عاوزه
ليث:نعم ياروح امك هى لعبه عاوزاها اومش عوزاهم
اميمه:دا اهبل انت كده مبتغلطش فيها بتغلط فيا انا
ليث:اسف يا خالتى بس بنتك اللى عصبتنى
الجد:خلصنا بقي بطل تضايقها وهى متعصبكش ،عموما روحى يا روح البسي خليكوا تروحى معاهم
روح بفرحه:حاضر، طلعت على اوضتها
الجد:بلاش اسلوب العند يا ليث اخرته وحشه
ليث:وانا كنت عملت ايه
الجد وهو بيفطر :انت ادري ،اجهزوا عشان ترحوا وترجعوا
بدري
روح:انا جاهزه يالا يافهد ،عاوزاك تفسحنى وتلففنى كتير
فهد:انتى تؤموري ياروحى
ليث بهمس لفهد:لم روحك يابن عمى دى روحى انا
فهد بخبث:لالا ماهو انت لسه متجوزتهاش وغير كده انا حبيبها الاول
ليث بغيظ:فهد روح طول عمرها روحى من وهيا صغيره
فااحترم نفسك لانى غيرتي وحشه
فهد بإبتسامه:طب يالا هتتأخر على ميعادك
ليث بغيظ:بارد ومستفز ربنا يعينها اللى هتبقي معاك
فهد وتغيرت معالم وجهه :طب يالا احسنلك
وبعد فتره جهزوا وركبوا عربيتهم فى طريقهم للقاهره★
*************************************
فى نفس الوقت فى القاهره
امجد:يالا ي بنات اصحوا بقي اتأخرتوا على الشغل
ليان بنوم:صباح الخير ي حبيبي
امجد: صباح النوم ي قلبي يالا صحى لين وانا هنزل عشان هتأخر على المحاضره وانتى صحيها وانزلوا مع بعض
ليان :حاضر توصل بالسلامه
امجد:الله يسلمك ،يلا سلام ،خرج راح شغله
ليان:يالا يالو اصحى بقي اتأخرنا على الشغل
لين بنوم:صباح الخير
ليان:صباحو ورد يالا بقي قومى
لين:بابا صحى ولا ايه
ليان:اه من بدري وراح على الجامعه يالا قومى البسي ،على ماالبس انا كمان
لين وهى بتقوم:حاضر ،دخلت تلبس
بعد فتره قصيره خرجوا الاتنين وهما جاهزين فى العربيه
لين :ليان انا والبنات هنخرج نتغدي بره ماتيجى تتغدى معانا ليان وهى بتسوق:ما بلاش انا وانتى عارفه انو احنا مش اصحاب اوى وبسترخم وجودى
لين:والله هما بيحبوكى وعلطول بيقولولي انو تخرجي معانا ليان: يمكن ،عموما خلاص تمام شوفوا هتتغدوا فين وابقي بلغينى انا اصلا معنديش شغل كتير النهارده
لين:احنا هنروح نتمشي فى المول بعد ما نخلص اجتماع تعالينا على الساعه ١٢ونص كده هنتغدى فى المطعم اللى هناك
ليان وهى بتوقف العربيه: خلاص تمام وانا بردوا هكون خلصت شغل هبقي هناك ١٢ونص بالظبط
لين:اوك يالا سلام ، نزلت
*************************************
فى العربيه عند ليث
روح:هو لسه فاضل كتير
ليث:لا فاضل تقريبا ساعه
روح:طب احنا هنروح فين
ليث:انا هقابل العميل فى مول.....تقريبا نص ساعه واخلص معاه ممكن نتغدى هناك ونرجع
روح بزعل:يعنى المشوار دا كله عشان نتغدى
ليث بحنان:عاوزه ايه يا روحى وانا اعملوا
فهد وهو بيضربه فى كتفه :اتلم يالا مش قاعد انا كيس جوافه
ليث:تصدق انك بارد صحيح
فهد بتجاهل لليث:عاوزه ايه يا روح وانا اعملهولك
روح:طالما ليث عنده اجتماع فممكن احنا نلف فى المول وكمان اشتري هدوم جديده
فهد:انتى تؤموري ،خلاص ياليث انت اطلع شوف العميل بتاعك وانا وروح وعزيز نلف شويه ولما تخلص تيجى معانا
ليث:تمام ماشي
وقعدوا يتكلموا شويه لحد ماوصلوا
بعد فتره دخل كلا منهم
روح بإعجاب :واو المكان جميل اوى يا جماعه ولا شايفين الناس هنا عاملين ازاى
ليث: مش لدرجادى يعنى ياروح مكان عادى زى اي مكان دا غير ان المكان هنا غالى جدا فى كل حاجه لانه غالبا ماركات ومستورد
روح:لا المكان تحفه انا اول مره اجى منطقه شبه دى
فهد: واديكى جيتي اهوه ،وان انشاء الله تتبسطى معانا يا حبيبتى
ليث بعد ماخلص مع عميله فى التليفون :لسه فاضل ساعه
على ما تيجى شكل هلف معاكوا لحد الميعاد وانزل المطعم اقابله
عزيز :خلاص تمام
فى الوقت دا باب الاسانسير انفتح ودخلوا وقبل انغلاق الاسانسير دخلت ٣بنات ايضا وانغلق باب الاسانسير
فضل الشباب من غير كلام اما البنات فضلوا يتكلموا مع بعض على صعيدى
لين بضيق :ياسو بطلى بقي انتى انتى شايفه انو على اخرى اصلا
مها:ي بنتى مش مستاهله الزعل دا
ياسو بمقاطعه:لا مستاهله ي مها حياتها هتبقي جحيم انتى مبتشوفيش الصعايده اللى بيطلعوه فى الافلام والمسلسلات
لين:معاها حق ،ناس منعرفهاش ،متحكمين ،دا غير حاجات تانيه كتير
ياسو:انتى جوازك منه اجباري صح
ليه:اه لاهو لاحد من العائله التانيه ،لاقولى حل بقي
مها:لين طب ماتسلمى ،على فكره الافلام والمسلسلات ممكن تكون مسوءه سمعتهم زى ماهى مسوءه سمعه مصممين
الازياء
لين:ممكن ي مها لو بصينا فى مجالنا هنلاقي ان معظم
الاشاعات صح
ياسو:طب واللى يجبلكوا الحل
لين،مها :قولى ي فيلسوفه
ياسو:مع انكو متستهلوش ،بصي ي ستى انا اسمع انو الصعيدى لما بيحب بيعمل المستحيل طبعا هيكون فى شد بينكوا فى اول ايام عشان تتجاوزيها ممكن تحطيلوا مهدات او مخدر خفيف هيكون هادى معاكى وتقدري تمثلى انك
اعجبتى فيه وتخليه يحبك
كان يقف خلفهم فهد وعزيز وليث وروح والعصبيه ارتسمت على وجه فهد وكان عزيز وليث ماسكينه عشان ميقتلهمش
لين:لاطبعا ي ياسو انا مستحيل اعمل كده هو اه انا مخنوقه من الموقف بس مهما وصلت لا يمكن اوصل للمستوى دا دى اسمها خيانه وغدر فى حقه ، وغير كده انا عمري مااعملها فى اعدائى اعملها فى قريبى
مها:انتى صح متسمعيش كلامها الغدر وحش والخيانه مش بس مع واحد او اوحده لا بالمواقف بقي كمان انتى كده جدعه
ياسو:ماشي ي ست مبادئ ،شوفى بقي هتتصرفي ازاى لما
يديكى بالجزمه ولايجى اول يوم يطلب يشوف شرفك شوفى هتتصرفي ازاى
لين بخوف:مظنش انها تحصل متوصلش للدرجادى
مها:بطلى بقي ي ياسو انتى كده بتخوفيها اللى يحصل يحصل بقي هى هتعمل ايه متقدموش الشر يمكن يطلع خير وكويس مش زى ماانتو مفكرين
ياسو: انا مش مثلا عنديه ومش هتسمحى بحاجه تحصل غصب عنك اما ليان اختك بسكوته ومش بتعرف تقول لا
لين بضيق: يمكن مش عارفه خلاص قفلوا على الموضوع دا
انا كل ما بيتفتح بيتحرق دمى وخلاص ، وبالمناسبه ليان هتتغدا معانا
مها:بجد هنتبسط مع بعض ،طب هتيجى على امتى
لين:على ١٢ونص هتكون فى المطعم فوق فخلونا نستغل الساعه دى فى اللف عاوزه اشتري زينه وهدايا لليان عيد ميلادها بكره واحنا بنحتفل بيه بعد الساعه١٢ وهاخد بكره اجازه عشان اكون معاها انا وبابا
ياسو:الله عليكى طب ما نعملها احتفال وخلاص
لين:هى ما بتحبش الزحمه ولا الاختلاط عشان كده كل سنه بنحتفل فى البيت على عكسي طبعا
مها بضحك:انتى هتقوليلى دا احتفال ميلادك بيبقي اسطوره كل سنه ،بس هى مش هتشك فى الاكياس
لين:لا انا قايلاها انو هشتري هدوم ، وبعدين انتوا مش ملاحظين انو بقالنا كتير في الاسانسير
ياسو بضحك:اقولك الصراحه اصلا الاسانسير كان عطلان وانا عارفه انو عندك فوبيا فشغلاناكى فى الكلام
لين بخضه :قولتكوا نطلع على السلم وانتوا اللى اصريتوا
مها بضحك:خلاص ي بنتى الاسانسير وقف اصلا يلا
نطلع ،سابقتهم بالخروج
لين بضحك:تصدقوا انكم اندال ، استنونى ، خرجت
روح :يالا يافهد خلينا نطلع
ليث:اهدى يافهد بلاش العصبيه دى
فهد وهو بيخرج:نتكلم بعدين،يالا
وخرج الكل وابتدوا بقفوا فى المحلات ،والبنات مستمرين فى شراء اللازم وروح مستمره فى اللف والشراء واستأذن منهم ليث عشان يقابل عميله وبعد فتره لحقوه وبعد فتره راحت البنات على نفس المطعم عشان يقابلوا ليان ويتغدوا
تعليقات
إرسال تعليق