أتساءل دائما؟ لماذا لم يخترعوا إلي الان إبر للنسيان علنا نحقن بها أورده الذاكره !
قفلت كتابي وأنا بفكر في بابا مش قادره أنساه مر علي وفاته ٩ سنين وأنا دلوقتي ١٨ سنه يعني وقت وفاته كان عندي ٩ تقريبا مكنتش مستوعبه قوي يعني ايه مات هتقولولي ٩ سنين يعني طفله فاهمه ازاي مش مستوعبه
قبل ما يموت بابا كنت البنت المتدلعه بصفتي اول فرحتهم ولأن بابا كمان كان بيحب البنات وخاصه لاني شبه جدتي مامته يعني فكنت شايفه ان الحياه حلوه وجميله وساهله قوي وكل الي بطلبه لا دا الي بفكر فيه مجاب وفات بابا كانت صدمه وقتها كنت في المدرسه
Flash Back :
كان عندي حفله في المدرسه وحضرتها وكنت مبسوطه زي اي طفله وخاصه ان قدمت عرض راقص وكان يجنن لما رجعت البيت شفت بابا كان قاعد بيتكلم مع اخويا الصغير ( نسيت ما اقولكم انا معايا اخ واحد محمد اصغر مني ب٣ سنين ) وبيلعب معاه وياكله كنت في اوضتي علي السرير وماما بترتبلي دولابي وبعدين سمعت محمد بيصرخ جريت ماما وانا متحركتش معرفش ليه سمعت ماما بتقول أن بابا وقع وبتساعده يوقف وبتقومه وانا مش فاهمه علي ايه وكمان مش قادره اتحرك بقيت صنم مبتحركش بسمع بس هو انا ايه الي بيحصلي قعدت اسمع الكلام بس بعد فتره قدرت اتحرك واطلع اقعد جنب بابا وأدركت وقتها أن بابا وقع ومش قادر يوقف ولا يتكلم شويه شويه وبوقه بيتلوي وماما بتبكي وانا ببص بس ومحمد سابنا ودخل يلعب طفل مش فاهم إذ كان انا مش فاهمه شويه وماما رنت علي عمو ياسر اخو بابا وبتقوله وهيا منهاره وبتبكي عمو ياسر جيه بسرعه واخد بابا وراح بيه المستشفي
تسارع في الأحداث :
بابا خلاص خارج انهارده انا زورته في المستشفي مرتين بيقولوا أنه اتحسن بس انا شفته نايم مبيتكلمش بس المهم أنه كويس كنت قاعده طول الفتره دي عند عمي وبابا في المستشفي وماما معاه وعمي كمان وانا ومحمد قاعدين مع مرات عمي وابنها احمد اكبر مني ب سنتين كانت طيبه جدا وابنها مش طيب قوي بيغير مني ساعات بس مرات عمي كانت بتقدر تهدينا وتخلينا نحب بعض
ريم في التليفون : ماما بابا خارج انهارده
سلمي : ايوا ياريم ان شاء الله هيخرج بابا بقي كويس
بعد ٣ ايام
بابا خرج من ٣ ايام ومحدش كلمني وعمتي بطلت ما تتكلم معايا وأنا وأحمد مشاكلنا زادت ومبقيناش بنطيق بعض .
رن التليفون بتاع هند مرات عمي وبعدين جهزت شنطه هدوم ليا ولاحمد وليها ولما سالتها رايحين فين قالتلي البيت فرحت وقالتلي أن بابا خف كنت مبسوطه جدا
وصلنا البيت وكنت اول واحده ادخل من الباب وانا بنط لقيت الباب مفتوح وناس كتييييره كلها ستات لابسين اسود زي بعض زي ما انا وصحابي كنا لابسين زي بعض في الحفله طفله ومش فاهمه حسيت بحاجه غريبه هو انا اه مش فاهمه دا ليه بس اتخضيت وكان القران شغال شفت ماما من بعيد قاعده في الأرض اه اصلي مفيش اي حاجه في البيت كل الناس قاعده علي الارض وصوت القران مالي البيت وماما ماسكه مصحف وبتبكي قربت منها وانا خايفه حاسه في حاجه مش طبيعيه
ريم : ماما في ايه وفين بابا
سلمي : بابا كويس
ريم : هو فين
سلمي : جاي
وبعدين ماما بكيت وبصتلي وقالتلي
سلمي : بابا ماااات يا ريم بابا خلاااااص مات بابا مش راجع تاني
ولفتني المصحف اقرا فيه المره دي حسيت متصدمتش زي لما تعب بكيت قعدت ابكي
اكتشفت أن ده اليوم ٣ علي وفاه بابا وانا مشوفتهوش بابا مات وانا مشفتهوش
at this moment
استغفرت ربنا وقريت لبابا الفاتحه زي ما متعوده لا وكمان انا اتعودت اقرهاله قبل ما انام كل يوم
سلمي : ريييم لسا نايمه معاكي درس يلااااااااا
ريم : لا يا ماما صحيت هصلي والبس
سلمي : طايب يلا
صليت ولبست ونزلت انا سلمي يحيي في ٣ ث خلاص فاضلي امتحان واخلص من الكابوس دا حلمي ادخل تجاره وانجلش كمان علي شان اشتغل مع عمي في شركاتنا ليا فتره مشوفتش عمي ليا ٣ سنين كان دايما بييجي يشوفني كل فتره علي شان احنا سافرنا القاهره من بعد وفاه بابا بسنتين
كان عندي امل دايما أن احمد ييجي ولو مره مع عمي عادي يعني ما اهو ابن عمي ووو مش عارفه عادي يعني مريم صحبتي دايما بتتريق عليها لاني دايما بتكلم عنه وعن مشاكلنا زمان 🤦🤦
تسارع في الأحداث :
ريم :ايوا يا ماما انا حضرت الشنطه و كلمت عمي كمان
سلمي : ريم انا قلبي مش مرتاح
ريم : لي بس يا ماما انا نفسي اروح هناك ومش هطول كلها شهر وهرجع قبل الكليه كمان
سلمي : ربنا معاكي يا حبيبتي
٠٠٠٠٠٠٠٠٠٠٠٠٠/
في المطار
ريم : ازي حضرتك يا عمي
ياسر : ازيك يا بت اخوي
ريم : انا تمام الحمدلله
ياسر : شوفي بقا دا البشمهندس عادل يبقا ابن خالت احمد
ريم : اهلا وسهلا
عادل بنظرات : يا اهلا بيكي
ريم بصتله باستغراب أصله كان غريب في تصرفاته وبيبصلها كتير
ريم : هو احمد فين يا عمي
عادل : اصلي الشغل انهارده كتييير في الشركه ومينفعش كلنا نسيبه فقعد هو هيخلص وييجي
استغربت أن هو الي رد قبل عمي عيل تبت كدا في نفسه 😕
ياسر : يلا بينا علي البيت مرت عمك هند عملالك تاكلي صوابعك وراه
ريم : بس بقا يا راجل جوعتني 😂
ياسر : وه وه والله واشتقت لهزارك تعالي تعالي
وصلت البيت وموصفلكومش كميه الترحيب الي حصلت عليها من مرات عمي والبيت كان جنان هو اه نفس بيت عمي لكن اتجدد ماشاء الله اتغديت وعمي قالي اطلع ارتاح
الخدامه : دي اوضه حضرتك المدام هند قالتلي اطلعلك الشنطه ووريكي الاوضه حاجه تاني يا ست هانم
ريم :تسلمي بس طلب صوغير قد كدا 🤏
الخدامه : انت تامري يا ست هانم
ريم : ما بلاش بقا يا نينه روحيه ست وانسه دي انا ريم أو البت ريم
روحيه : انت تامري يا اميره والله يا بنتي انا حبيتك من اول ما شوفتك
ريم : ربنا يخليكي يا نينه ممكن بقا كمان كام ساعه تصحيني لاني ممكن انام من هنا للسنه الجايه غيبوبه يعني 😂
روحيه : من عنيا يلا اسيبك تنامي
٠٠٠٠٠٠
حتي ما هان عليه يسلم علي بنت عمه ولا يستناها في المطار شغل ايه الي يخليه ميجيش وانا مضايقه ليه ما يغور 😂
كلمت ماما وطمنتها عليا شغلت اغاني علي التليفون وحطيت السماعات وقولت هرتب هدومي قبل ما انام وبحط هدومي والأغنية فصلت وجاتني رساله ازيك يا جميل انا عادل اكيد فكراني قولت اطمن عليكي محبيتش ارن لحسن تكوني وسط العيله لما تبقي لوحدك هكلمك هرن عليكي الساعه ٣
ريم : يادي النيله الحيوان دا انا كنت شاكه فيه و٣ يا زباله و...
باب الاوضه اتفتح مره واحده مع زعيق احمد
ريم : عااااااااااااا
تعليقات
إرسال تعليق