_______________________________________________________
في صباح يوم جديد استيقظت نور وعملت روتينها ولبست دريس زيتي وطرحه اوف وايت وفطرت واتصلت على فريدة
نور:انتي لسه مجتيش لي اتأخرنا ع الكليه
فريدة:حاضر والله نازلة اهو وجيالك بس انزلي استنيني تحت
نور:ماشي انا نازلة اهو يلا باي
فريدة:باي
قفلت نور مع فريدة ونزلت تستناها تحت ...بعد ربع ساعه وصلت فريدة عند نور وراحوا الكليه
_______________________________________________________
عند زين صحى من النوم واخد شاور وادى فرضه ولبس بنطلون بنطلون اسود على قميص زيتي(هو ونور مش مطقمين تؤتؤ😂 دي صدفه)
ونزل يفطر مع اسرته
زين:صباح الخير
الكل:صباح النور يا حبيبي
زين:اومال تيتى فين
توفيق: فطرت وطلعت تشم هوا برة شوية ..انت هتروح الشركة بدري كده لي يا زين
زين:عشان السكرتيرة اللي عندي عندها كلية وهتيجي متأخرة شوية فهروح اراجع الشغل اللي ورايا
توفيق:ماشي يا حبيبي ربنا يوفقك
زين::يارب يا بابا...الحمدلله خلصت هتيجي يلا يا منه
منه:ايوة جايه معاك اهو
زين:يلا مع السلامه
توفيق:مع السلامه
خرج زين ومنه واتجهوا إلى سيارة زين وركبوا ووصلها الكليه وبعدين راح ع الشركه
_______________________________________________________
عند نور وفريدة وصلوا الكليه وحضروا المحاضرات المهمه وخلصوا وراحوا ع الشركه علطول عشان متأخرين..... في الشركه
وصلت نور وفريدة وكل واحده راحت ع مكتبها......عند نور راحت ع مكتب زين وخبطت وزين اذن ليها بالدخول
نور:السلام عليكم
زين:وعليكم السلام ورحمة الله وبركاته
نور:مستر زين بعتذر عن التأخير عشان كان عندي محاضرات مهمه جدا وكان لازم أحضرها عشان الامتحانات قربت وكده
زين:عادي ولا يهمك كده كده الملفات اللي كانت عندك انا خلصتها بس باقي تلف شركة أكمل العزبزي عايزك تراجعيه وتجبهولي علطول
نور:تمام يا فندم في حاجه تانيه
زين:لا مفيش بس لما ييجي ادهم خليه يدخلي
نور:ماشي
خرجت نور من عند زين وقعدت تراجع الملف اللي قالها عليه
_______________________________________________________
عند فريدة راحت ع مكتب ادهم وخبطت بس ملقتش صوت ففتحت لقيته لسه مجاش فرجعت مكتبها تاني تشوف اي شغل وراها
_______________________________________________________
عند سيلين واقفه هي وسوزي قدام شركة زين
سيلين:بصي يا سوزي انا هطلع دلوقت فوق عند زين واكيد هلاقي اللي اسمها نور برة هشوف اي ملف على مكتبها ولا لأ ولو لقيت هقولها اني عايزاها في موضوع ضروري جدا بس مينفعش في الشركة فهاخدها وننزل الكافيه اللي تحت في الشركه
سوزي:طب لو هي مرضتش تيجي معاكي هتعملي اي
سيلين:هقولها اني عاوزاها ١٠ دقايق بالكتير ولما ننزل الكافيه هبعتلك ماسدج انك تطلعي عند مكتب نور وتاخدي ملف وتنزلي علطول تستنيني في العربيه وتبعتيلي ماسدج انك خلصتي وفي حالة اني ملقيش اي ملف وده من سابع المستحيلات فهنبقى نيجي مرة
تعليقات
إرسال تعليق