——————روايـــه الــمــخــفــي—————
في الظلام تجري بنت حامله بين ذراعيها حقيبه بيضاء وترتدي تونيك طويل تحت الركبه لونه كحلي على بنطال ابيض وحجاب بالون الابيض منقوش بدوائر كحليه والحجاب منزلق من على شعرها..تجري بكل سرعتها خائفه ومرعوبه من ما عشاته.
"مايا"
بنت جميله رقيقه جدا وفقدت امها و ابيها مؤخراً … عمرها 25 عام بيضاء البشره وخدودها ورديه شعرها طويل و كثيف لونه بني يُلَون في الشمس بالون الذهبي لها عيون زرقاء غامقه وفاتحه في نفس الوقت كزرقان البحر حواجبها كثيفه وكأنها مرسومه..انفها صغيره ومنصوبه طولها ليست طويله او قصيره جسمها ممشوق وممتلئ ولكنها تداري جسمها بلبسها الواسع والجميل وتداري شعرها الرائع بالحجاب.
————————————————————
"في المطار عند بوابه الخروج"
ايمن : يااااه واخيراً وصلنا مصر يارجاله.
فارس يرد بأبتسامه: فعلاً الواحد مصر وحشته.
سيف كان ينظر لهم بأبتسامه وتعب.
"سيف"
سيف يتيم الام والاب منذ الصِغر كان عمره ٧ سنوات ..توفيا اثناء سفرهما بسبب وقوع الطائره بسبب خلل فيها سيف شاب رزين في نفسه و وسيم عمره 30 عام ويعتبر فارس و ايمن اصدقائه وليس ابناء اعمامه و لكن فارس ال Best friend بالنسبه له ..يمتلك ابتسامه ساحره جدا هو ذو قامه طويله جسمه رياضي جدا لديه Six pack ... خمري البشره عينيه ضيقه حاده لونها اسود شعره ناعم واسود لديه لحيه خفيفه انفه مستقيمه دمه خفيف ويحب المزاح ولكن في نفس الوقت جاد يعمل مهندس ديكور مع فارس وايمن و ورث شركه DAA للديكور له نصف الشركه والنصف الاخر لفارس.
————————————————————
خرجوا من المطار وبدأو بوضع الحقائب في حقيبه السياره.
ايمن يوجه كلامه لسيف : بقولك اي صح انا وفارس هنرَوح بعربيتي وانت رَوح بعربيتك.
"ايمن"
شاب اقل وسامه من سيف وفارس ولكن شكله جميل ومقبول هو اصغر من سيف وفارس بعام عمره 29 قمحاوي البشره عينيه سوداء وانفه منصوبه وشعره بني غامق كيرلي طويل وجسمه رياضي جاد ويحب المزاح ولكن غامض بعض الشئ ويعمل مع سيف وفارس في الشركه ولكن غير منظبط في عمله والده رامي يمتلك مستشفى ويعمل بها ..ومعجب ب ليلى اخت فارس ولكن في السر.
————————————————————
سيف بهدوء : طيب وانت يا فارس مجبتش عربيتك ليه؟!
فارس : عشان مش قادر اسوق خاالص بقا.
سيف : والله يبني ولا انا..يلا ربنا يستر بقا... وبعدين ما تيجي تركب معايا انت ندل يلا !
فارس : ما ايمن قالي تعالى معايا عشان تونسني وما ينامش في الطريق.
سيف : وانا اولع يعني!!خلاص طز فيك اركب معاه.
فارس : معلش يسطا.
ايمن يوجه كلامه لهما هما الاثنين : انا حاسس ان انا مهزق سيكا!! ما خلصنا يا عم سيف مش هتموت لوحدك يعني.
سيف : طيب ما تقول لنفسك .
فارس بأبتسامه وغرور : خلاص يا جماعه متتخانقوش عليا.
سيف وايمن بصوت واحد : يا عم اتنيل من حلاوتك.
فارس بإحراج : حبايبي تسلمولي.
"فارس"
هو ابن احمد عم سيف و ايمن توفى والده مع اخوه ادهم ابو سيف و مع زوجه اخوه جوليا ام سيف في الطائره اثناء الذهاب للعمل وهو في نفس عمر سيف 30 عام وشاب وسيم جدا ويعتبر سيف وايمن اصدقائه وليس ابناء اعمامه ولكن هو مقرب من سيف اكثر من ايمن و سيف هو ال Best friend و هو قمحاوي البشره طويل في نفس طول سيف جسمه رياضي جداً وله ابتسامه جذابه عينيه حاده بنيه وانفه حاده وشعره ناعم وبني غامق عنده لحيه خفيفه تزيد جماله يحب المزاح ولكن جاد في العمل وله النصف الاخر من شركه الذي ورثها من ابوه وكان لديه حبيبه ولاكن حصل خلاف بينهما وافترقوا مؤخراً.
————————————————————
ايمن : طيب يلا نتقابل في البيت بقا عشان هموت وانام.
صعدوا جميعاً الى السياره واتجهو نحو الڤيلا
اتجه ايمن وبجانبه فارس في الطريق المعروف للڤيلا..اما سيف فأتجه في طريق مختصر للڤيلا..
"في الڤيلا"
لين تركض بسرعه مجنونه وتنهج وفتحت باب غرفه امها نجلاء فجأه:
لين بصوت متحمس: ماااماااا !! انتي فيين!؟
نجلاء بفزع:اييي يا لين في اي خضتيني!؟
لين بصوت سعيد وعالي: ماما فارس وايمن وسيف رجعوا من فرنسااااا.
نجلاء : اي!! انتي بتهزري صح!!
لين : لا والله بجد هما وصلوا مصر من نص ساعه كده زمانهم جايين.
نجلاء : ربنا يوصلهم بالسلامه يا رب يا حبيبي يا بني اخيراً هشوفك اجري بسرعه..بسرعه روحي قولي لـ سميحه و نوره (الخدامات) يجهزوا العشا ويعملوا حلويات وعصاير يلا اجري.
لين بحماس:حاضر حاضر.
"لين"
بنت جميله وطيبه وهيا اخت ايمن و مرحه جدا عمرها 25 عام خمريه البشره شعرها لونه بني وطويل عينيها عسليه فاتحه جميله و عينيها ليست واسعه وليست ضيقه انفها صغير جسمها ممتلئ وممشوق ليست قصيره او طويله ومعجبه بفارس في السر وهيا مقربه من ليلى جداً.
————————————————————
"في سياره سيف"
سيف يقود السياره بنعاس واوشك على النوم اثناء القياده ..وفجأه فتح عينيه على صوت صريخ بنت تظهر امام سيارته لما يراها وبدأ في الفرمله بصوت عاالي والبنت متسمره في مكانها.
.....................................................……………..
Flash back:تركض مايا بسرعه في الظلام خائفه وتبكي بكل قلبها .. خائفه من الظلام وخائفه من ما رأته وغير مستوعبه وفجأه تظهر امامها سياره مسرعه تضيئ بالون الاحمر ..صرخت مايا بصوت عالي فسمعت صوت فرمله عاليه وتسمرت في مكانها اكثر وفجأه لما تشعر بشئ.
.....................................................................
نزل سيف مفزوع من السياره ونظر على الملقاه في الارض (مايا).
سيف : هااار اسود ومنيل عليا وعلى ايامي السوووده مين دييي!!.
نزل سيف على ركبتيه وبدأ بقلب مايا على ظهرها رأى بنت بوجه ملائكي مليئ بالدموع وخصله من شعرها البني على وجهها وشعرها مفرود على الارض والحجاب بجانبها ملقي على الارض والحقيبه بجانبه..نظر لها سيف غير مصدق هذا الجمال والحزين بدء في إفاقتها بالطبطبه على خدها.
سيف : انتي كويسه!! سمعاني !!! ينهار اسود..عشان خاطري اصحى .
بعد خصله شعرها عن وجهها .. ثم نهض و جلب زجاجه ماء من السياره وبدء برش الماء على وجهها ثم تركها على الارض ونهض للأتصال بالاسعاف كتب رقم الاسعاف وكان على وشك الاتصال حتى سمع انينها.
مايا بتألم: اااااه رااسي.
سيف ترك الهاتف وركض إليها.
سيف : انتي كويسه!!؟انا اسف والله ما خدت بالي انا ..انا هطلبلك الاسعاف استني.
مايا : لا لا لا متعملش حاجه .
مايا استعادت وعيها وتذكرت متى اتت هنا وما سبب توجدها في هذا الطريق المقطوع.نهضت بسرعه وعلى وجهها علامات التعب والتألم شعرها كان ناعم لدرجه كأنها ممشطاه للتو ولها قصه طويله وشكلها جميل.
كان سيف ينظر لها وهو سرحان في جمال شعرها وفيها ..فاق من سرحانه على صوتها .
مايا : انت سامعني؟
سيف : ايه! اااه سامعك تعالي طيب اوصلك انتي ساكنه فين! وبتعملي اي هنا دلوقتي لوحدك في المكان ده؟
مايا ببكاء: لا يا شيخ اضحك عليا واعمل نفسك مش عايز تخطفني ولما اركب معاك تخطفني ..ابعد عناااي.
سيف : بس يا بنت المجنونه بتصرخي ليه! انتي فيكي حيل ده انتي لسه عامله حادثه..وبعدين اخطفك ليه انا ! من جمالك!؟
مايا ببكاء وحزن: عشان خاطري سبني وهديك الفلوس اول ما اخد المرتب والله بجد خليك احسن منهم.
سيف بأستغراب : بتعيطي ليه اهدي بس فلوس اي واسيبك اي يا بنتي حد كلمك انتي كويسه؟اهدي انا مش هعملك حاجه.
مايا وهيا تمسح دموعها: بجد!؟
سيف بأبتسامه صادقه : بجد. انتي بتعملي اي هنا!حد عملك حاجه!
مايا وهيا تنظر لإبتسامته الساحره وضحكت مع ابتسامته رغماً عنها : انا ...انااا ع عايزه امشي من هنا. عن اذنك.
واخذت حجابها ووضعته على شعرها بحكمه ووضعت حقيبتها على ظهرها وتحركت بتعرج بسبب الخبطه.
سيف كان يستوعب ما يحدث ثم ركض خلفها ومسك معصمها: انتي رايحه فين وكمان ماشيه بتعرجي.. تعالي اوصلك البيت.
مايا : وهيا تبعد يدها عن يده : بعرج عشان انت السبب في الخبطه و ابعد كده انا همشي لوحدي.
سيف : لا طبعاً مش هسيبك في مكان زي ده لوحدك.
مايا : يبقا انت واحد منهم طلاما مصمم اوي كده.
سيف : انا نفسي اعرف هما مين دول اللي انا منهم!!وبعدين لو انا عصابه كنت هطلبلك الاسعاف ! كنت هفضل اتكلم لحد دلوقتي ومادخلكيش في العربيه بالعافيه!
مايا بحزن: عندك حق انا اسفه بس سيبني لو سمحت.
سيف : يا بنتي متتعبنيش بقاااا ..انتي اسمك اي صح؟
مايا : عايز تعرف ليه؟
سيف : اومال اناديكي ازاي انا؟
مايا : وانت هتناديني ليه مش هتشوفني تاني اصلاً.
سيف : معلش انا بحب اعرف اسامي الناس اللي مش هشوفها تاني .هااا اسمك اي بقا!؟
مايا : اسمي مايا... مايا احمد.
سيف : عاشت الاسامي يا مايا.
مايا : تسلم.
سيف طيب مش عايزه تعرفي اسمي؟
مايا : اسمك اي؟
سيف : اسمي سيف .. سيف خفاجي.
مايا : اسم بباك خفاجي!!
سيف : اي ده في اي هنبتديها تنمر بقا ! لا يا ستي ده اسم العيله وبعدين انتي متعرفيش عيله خفاجي!؟
مايا بعدم مبالاه ونظره تكبر : مخدتش بالي.
سيف : طيب اانا عايز اروح لاني لسه راجع من السفر مش شايف قدامي ف انتي شوفي رايحه فين بقا ااا قصدي تعالي اوصلك عشان اروح انا.
مايا : انااا انا مش عارفه اروح فين.!
سيف : مااالك!!
مايا بحزن شديد ودموع : قصدي بيتي مبقاش بيتي ..اتاخد مني .
سيف بحزن على حالها: يا عين امك يا بنتي.. طيب وانتي هتروحي فين دلوقتي هتعيشي فين ؟
مايا ببكاء : معرفش ااااه انا تعبت والله العظيم.
سيف : بس بس خلاص اهدي يا مايا متعيطيش اي اللي حصل مين اللي خد بيتك؟
مايا وهيا تمسح دموعها : انا مش عايزه اتكلم في حاجه بعد اذنك.
سيف : خلاص براحتك..طيب بصي..انا ساكن في بيت عيله مع جدتي وعمي وعندي بنات اعمام ومراتات اعمامي تعالي باتي عندنا النهارده في اوضه بنت عمي وبكره ابقي شوفي هتعملي اي؟
"في الڤيلا"
كان الجميع عند باب الاستقبال ينتظرون سيف وايمن وفارس.جدتهم عائشه وعمهم رامي ابو ايمن و نجلاء ام ايمن وعمتهم ريم ام فارس ولين اخت ايمن وليلى اخت فارس.
"ليلى"
بنت بسيطه وجمالها في بساطتها خمريه البشره في نفس عمر لين عمرها 25 ومقربه من لين جداً لها عيون عسليه غامقه ومسحوبه شعرها طويل وشديد السواد ورثته من والدتها قصيره ولاكن قصرها جميل جسمها ممشوق ومتناسق مع طولها .
————————————————————
"في سياره ايمن"
ايمن : هو سيف مش كان ورانا راح فين!!
فارس بنعاس : اي ده هو مش ورانا!؟؟ويلتفت لينظر الى الوراء.
ايمن : طيب رن عليه يا فارس كده.
فارس : ماشي استنى . اخرج فارس هاتفه من جيبه وبحث عن اسم Saif .. ثم رن عليه.
فارس : موبايله مغلق.
ايمن : يا حلاااوه الواد عمل حادثه ولا اي!
فارس بغضب بسبب قربه لسيف : يخربيت فالك اخرس يلا تلاقيه راح في طريق تاني في كذا طريق للڤيلا على فكره.
ايمن : طيب اهدا علينا يا وحش مكنش توقع.
فارس : طيب اتنيل ركز في السواقه .
"عند سيف ومايا"
سيف : يلا اركبي.
مايا : ايييي انت قررتلي وخلاص !!
سيف : اي المشكله مش فاهم.
مايا : المشكله اني مش بروح بيوت معرفهاش وكمان مع شخص غريب مين انتي عشان اركب معاك وانا متطمنه يعني.
سيف : ما انا قولتلك عندي بنات اعمام في اي بقا!؟
مايا : خلصانه هاجي معاك؟ انت عبيط يبني انا ايش ضمني انك مش بتكدب عليا.
سيف بنظره حاده وهو رافع حاجب : عبيط!!! بت متخلنيش اقلب عليكي هتتنيلي تركبي ولا امشي؟!
مايا بخوف من نظرته : ااا امشي انت هتخوفني يعني.
سيف : طيب تمام اوي انا ماشي .. سلام.
مايا وهيا تنظر حولها وكانت تريد الركوب معه بسبب خوفها من خطفها مره اخرى : سس سلام.
سيف ركب سيارته ودورها ومشى ولكن كان يبطئ لعلمه انها سوف توقفه وتركب ..كان يقود ببطئ وينظر عليها من المرآه ويراها تدور حول نفسها.
مايا بدموع : هعمل اي انا بقا دلوقتي اكيد هيدوروا عليا دول زمانهم جايين هنا.
وفجأه قالت بصدمه ورعب : يلهوي اي دههه!!؟
الفصل الثاني من هنا
تعليقات
إرسال تعليق