قلبي بين يديكِ
بارت ٩ والأخيرررررر
نادر بأسف:شدي حيلك ياياسمين نادر الله يرحمه
ياسمين بصدمه:إ..إنت بتهزر صح قول إنك بتهزر والنبي لامش ممكن آسر يسيبني لاااا آسااااار
وبعدين آغمي عليها
_____
بعد مرور عدة أيام
في بيت نادر
نادر:آساااار
آسر:ايه يابني هتفضحنا
نادر:بنادي عليك بقالي ساعه مبتردش أعملك اييه
آسر:معلشي حست بالتعب فنمت شويه المهم قولي ياسمين عامله اييه
نادر:خرجت من المستشفي بس حالتها صعبه قوي ياآسر حرام عليك الي بتعمله فيها ده
آسر:ماانت عارف انه غصب عني أعمل اييه يعني
نادر:وبعدين هتفضل سايبها كدا فاهمه انك ميت لحد امتي؟
آسر:لغاية ماألاقي شريف مدكور وأخلص عليه...
فلاش باك
بعد مرور يوم واحد من دخول آسر وياسمين المستشفي
قدام غرفة آسر كان نادر بيتكلم مع الدكتور لغاية مااتفجأوا ان الممرضه جايه بتجري
الممرضه:المريض فاق يادكتور
دخل نادر والدكتور الغرفه
آسر:ياسمين ياسمين فين
نادر:اسر انت كويس!
آسر:ياسمين
الدكتور:الأستاذه ياسمين كويسه هي صحيح لسه مفاقتش بس هي حالتها مستقره
آسر:الحمد لله
نادر:مين الي عمل فيكوا كدا
آسر: شريف...شريف مدكور أنا شوفته عيني جات ف عينه...لازم يندم علي الي عمله ده لازم
نادر:ازاي واحنا مش عارفين طريقه
آسر بعد تفكير:مين هنا يعرف اني فوقت
نادر:أنا والدكتور والممرضه بس
آسر:كويس جدا
نادر:بتفكر في اييه؟
آسر:انشر خبر بيقول إني مت
نادر:إييه إلي بتقوله ده؟لا طبعا
آسر:اسمعني يانادر هي دي الطريقه الوحيده الي هتطمن شريف بإنه نجح في انتقامه وتبعده عن ياسمين لغاية ماتخف لإن طول منا عايش هو هيحاول ينتقم مني وساعتها ياسمين هي كمان هتتأذي لكن لما يتأكد اني مت مش هيقربلها تاني وساعتها بقي أنا هجيبه وهحاسبه كويس قوي فهمت؟
نادر:أيوه فهمت
باك
آسر :بقولك اييه يانادر أنا عايز أشوف ياسمين
نادر:تشوفها ازاي يعني؟
آسر:معرفش اتصرف بس لازم أشوفها ومن غير ماهي تشوفني
نادر:ماشي ياسيدي أما نشوف أخرتها معاك إي
_______
أقنعت نرجس ياسمين انها تخرج تغير جو
كانت ياسمين قاعده قدام النيل في مكانها المفضل ودموعها علي خدها
من بعيد كان واقف نادر وآسر
آسر بحزن:سامحيني ياحببتي والله غصب عني
نادر:يلا ياآسر بقي
آسر:ثانيه كمان يانادر انت...
رن تليفون آسر فرد
آسر:ألو ....لقيتوه....تمام قوي ....نفذ الي قولتلك عليك وأنا جايلك حالا
وقفل الخط
نادر:خلاص لقوه
آسر:أيوه....
وبعدين بص لياسمين:هانت ياحببتي هانت....يلا يانادر
ركبوا العربيه ومشيوا
نادر:هو انت هتقتله بجد؟
آسر:دلوقتي تشوف أنا هعمل فيه ايه متستعجلش
______
في نفس المكان الي ياسمين اتخطفت فيه قبل كدا
كان شريف مدكور مرمي علي الأرض متكتف وحواليه ٣رجاله بيحرسوه عشان ميهربش
وصل آسر ونادر
نادر:مش ده المكان الي ....
آسر مقاطعا:أيوه هو
آسر :شريف حبيبي والله وليك وحشه
شريف بصدمه:آسر الراوي ...ازاي انت مش مت؟
آسر:حبيت أعملهالك مفجأه اييه رأيك؟
شريف:انت عايز مني اييه
آسر :ياراجل بقي خطفت مراتي ودفنتها بالحيا وحاولت تقتلني أنا وهي مرتين وبتسألني عايز منك ايييه!!!!! معقوله ده أنا حتي أعرف انك زكي....
بص هناك كدا
بص شريف مكان ماآسر شاور لقي تابوت (هو نفس التابوت الي كانت فيه ياسمين)
شريف بخوف:انت هتعمل اييه؟
آسر:هتعرف دلوقتي....
وأشار لرجالته يلا
شالوا شريف وحطوه في التابوت وقفلوا عليه
شريف:لا ياآسر والنبي لاااااا لاااااا
فضل شريف يصرخ جوه التابوت لفتره من الوقت
شريف:خرجوووونيييي من هناااااا ياآساااار خرجونييييي بموووووت
آسر:خرجوه
خرج شريف وهو هيموت من الرعب
قرب آسر ناحيته
آسر:مستحملتش تقعد جوه ١٠ دقايق تخيل بقي هي كان شعورها ايييه
قالها وهو بيضرب شريف بالقلم علي وشه
آسر:كل يوم بسمع صراخها بالليل وهو قايمه من النور مفزوعه من الكوابيس الي بتجيلها بسبب الي عملته فيها
وضربه تاني
آسر:واحد زيك يستحق الموت ألف مره ...
وجه كلامه لرجالته:
هاتوه
دخلوه جوه البيت المهجور
وربطوه ف الكرسي بنفس الطريقه الي كان آسر وياسمين مربوطين بيها
شريف:ه..هتعمل فيا اييه تاني!
آسر:ولا حاجه دي لعبه بسيطه جدا بتعتمد علي الحظ لوكان حظك حلو هسيبك....شايف المسدس ده ده مسدس قديم فيه مكان لست رصاصات أنا حاطط فيه رصاصه واحده بس هضرب تلت مرات في دماغك والتلاته التانين في الهوا وانت وحظك يااما تبقي نحس والرصاصه تيجي فيك ونخلص منك يااما تبقي محظوظ والرصاصه تيجي في الهوا
شريف:لا والنبي ياآسر بلاش كدا والنبي
آسر باستفزاز:متخافش دي لعبه مسليه جدا حتي شوف
وضرب أول طلقه في الهوا وطلعت فاضيه
آسر:أووووه ياخساره طلعت فاضيه نجرب كدا حظك اييه
ووجه المسدس ناحية دماغ شريف
شريف بصراخ:لا...لا..لاااااا
ضرب آسر تاني رصاصه طلعت فاضيه
آسر:شوفت انها سهله ازاي انت بس الي جبان
ضرب آسر تالت مره في الهوا طلعت فاضيه
فوجه مسدسه ناحية شريف الي كان بيموت من الرعب
شريف:كفااااايه
ضرب آسر رابع مره طلعت الرصاصه فاضيه
آسر:ياحظك ياأخي ياحظك ....أخر اتنين أما نشوف
ضرب آسر للمره الخامسه طلعت فاضيه
آسر :أوبسسسس والله وحظك طلع وحش ياشريف معلشي بقي سامحني
ووجه المسدس ناحية شريف
شريف:أبوس رجلك ياآسر أبوس رجلللللك كفاااايه
ضرب آسر للمره الأخيره طلعت فاضيه (😂😂)
المسدس أصلا كان فاضي ومفيش فيه رصاص
بصله شريف بصدمه
طلع آسر الرصاصه من جيبه وقرب لشريف
آسر :تعرف لولا مراتي الي انت خطفتها دي قسما بالله أنا كنت قتلتك دلوقتي لكني وعدتها اني أتغير شوف بقي حكمة ربنا ياأخي إن إلي تنقذ حياتك هي الست إلي إنت خطفتها وحاولت تقتلها مرتييين .....أنا بلغت البوليس عشان ترجع السجن تاني أنا عارف أكيد زمايلك هناك وحشوك أقابلك في جهنم ....بااااي
سابه آسر مربوط ومشي هو ورجالته وبعد شويه جه البوليس وقبض عليه
______
الدنيا ضلمت وكانت ياسمين لسه قاعده في مكانها المفضل
صوت آسر جمب ودنها:وحشتيني
بصت ياسمين لمصدر الصوت لقت آسر قدامها جرت عليه وحضنته
ياسمين:آسر ...إ..إنت لسه عايش صح أنا مش بحلم مش كدا
آسر:لأ مش بتحلمي أنا قدامك أهو سليم ومعافي
بصتله ياسمين بحب وبعدين رزعته بالقلم علي وشه
آسر بألم:أاااه يابنت المجنونه
ياسمين بتعب وهي بتبكي:عملت فيا كدا لييه انت مش عارف اني كان ممكن أموت فيها
آسر:تعالي بس أقعدي عشان انتي لسه تعبانه
قعدوا الاتنين وآسر مسح دموعها
آسر:بطلعي عياط هحكيلك علي كل حاجه
وفعلا قالها آسر علي كل الي حصل
ياسمين:برده مكنش ينفع تعمل فيا كده
آسر:أنا أسف حقك عليا
ياسمين بطفوله:لا مليش دعوه لازم تتعاقب
آسر:حددي العقاب المناسب ليكي وأنا هنفذه
ياسمين بمزاح:هاتلي هديه حلوه
آسر:بقي أنا إديتك قلبي كله بين إديكي مش هعرف أجبلك هديه حلوه!
ياسمين بابتسامه:غلبتني
آسر:أنا بحبك قوي ياسو
ياسمين:وأنا كمان
حضنها آسر جامد
آسر:أوعدك إني مش هسيبك أبدا
الدنيا بدأت تمطر جامد
بعدت ياسمين عن آسر
ياسمين بفرحه:الله مطر أنا بحب المطر قوي
وقامت ياسمين تجري تحت المطر زي الأطفال
آسر:انتي يامجنونه انتي لسه تعبانه
جرت ياسمين عليه وشدته عشان يجري معاها
ياسمين:تعالي بس ده الجو حلو قوي تعالي
فتحت ياسمين تليفونها وشغلت الأغنيه الي بتحبها
ياسمين:أنا بحب الأغنيه دي قوي تعالي نرقص عليها
واشتغلت الأغنيه وبدا آسر وياسمين بالرقص سوا وهما فرحانين
(🎶عايشه حالة حب معاك وخداني وصعب انها تتكرر تاني وبعيشها لو انت بعيد أو قدامي🎶
🎶أخيرا الأيام رضيو عليا وأخيرا جه ياحبيبي يوم ليا أرتاح من قسوة أيامي🎶)
النهايه❤
تعليقات
إرسال تعليق