تاني يوم الصبح استيقظوا مستعدين ليوم جديد مليء بالسعادة 😍
_______________________________________________________
عند نور عملت روتينها المعتاد واتصلت على فريدة
نور:ايوة يا فريدة انا مش هروح الكليه النهارده
فريدة:كنت هتصل عليكي دلوقتي اقولك ان انا كمان مش رايحه عشان مفيش محاضرات مهمه
نور:ماشي ااه صحيح الشركه اتصلت بيكي ولا ايه
فريدة:لا لسه لو اتصلوا هبلغك ان كانوا وافقوا علينا ولا لأ
نور:تمام يلا عشان الحق افطر وأزاكر شوية
فريدة:تمام يلا سلام
نور:سلام
نور قفلت مع فريدة ودخلت تحضر لنفسها فطار وفريدة كذلك
_______________________________________________________
عند زين عمل روتينه وبدل ملابسه إلى بنطلون جينز وقميص ابيض ووضع برفانه الخاص وصفف شعره ونزل راح الشركه ودخل مكتبه واتصل على فريدة
زين:السلام عليكم انسه فريدة معايا
فريدة:ايوة انا فريدة مين معايا
زين:انا زين المنشاوي كنت ببلغك انك تيجي الشركه انتي وانسه نور تستلموا الشغل من بكرة الساعه ٨ ومش عايزين تأخير
فريدة:تمام يا فندم ٧ونص ان شاء الله هنكون موجودين
زين:تمام كده سلام
فريدة:سلام يا فندم
بعد ما زين كلم فريدة قعد يراجع الشغل اللي وراه ودخل عليه ادهم
ادهم:ها يا زين اتصلت بالسكرتاريا الجداد
زين:ايوة وقولتلهم ييجوا بكرة الساعه ٨
ادهم:تمام يلا هروح ع مكتبي اخلص شغل و اجيلك
زين:ماشي
نسبهم يخلصوا شغل ونروح لفريده
_______________________________________________________
عند فريدة اول مخلصت كلام مع زين اتصلت ع نور
فريدة : اتقبلنا يا نور وهنروح بكرة
نور:هااااااااي الحمدلله بس يارب الشغل يكون سهل مع الكليه
فريدة:إن شا الله هيكون سهل
نور:طب احنا هنعمل ايه مع الكليه و هنروح الشركه ازاي
فريدة:تصدقي انا كنت ناسيه موضوع الكليه ده خالص
نور:طب بصي احنا الكليه هنروح في المحاضرات المهمه جدا وكده كده انا وانتي كنا بناخد امتيازات في السنين اللي فاتت وهنقول لاي واحده معانا في المحاضرة تنقلنا المحاضرات
فريدة:وهنعمل اي مع الشغل
نور:احنا اصلا بقيلنا ترم واحد وهنبقى نقول لزين بيه ع مواعيد الكليه ونبقى نظبط المواعيد بكرة صحيح هنروح الساعه كام
فريدة:المفروض نوصل هناك ع الساعه ٨ بس احنا هنطلع من هنا ٧ ونوصل هناك ع ٧ ونص
نور:تمام انا هقوم دلوقتي اظبط لبسي
فريدة:ماشي بقولك متيجي تباتي معايا النهاردة ونبقى نمشي بكرة من عندي
نور:ماشي هقوم اظبط لبسي و اجيلك
فريدة:اعملي حسابك ان احنا هنذاكر
نور:حاضر يلا باي
فريدة:باي
عند نور خلصت مع فريدة كلام ودخلت تشوف هتلبس اي بكرة طلعت دريس اسود ع طرحه حمراء ولبست وراحت لفريده
_______________________________________________________عند فريدة اول ما خلصت مكالمه راحت لمامتها
فريدة ازيك يا ست الكل عامله ايه
هبه(مامتها):ازيك ي حبيبتي الحمدلله كويسه
فريدة:الشركه قبلتني انا ونور وهنروح من بكرة ان شاء الله
هبه:الحمدلله ي بنتي
فريدة:ماما انا قولت لنور تيجي تبات معايا النهارده عشان نمشي مع بعض احنا الاتنين من هنا
هبه:تنور يا حبيبتي
فريدة:طب انا هدخل اجهز الغدا لحد ما هي تيجي
هبه:خليكي انتي ي بنتي وانا هعمله انا وروحي انتي زاكري شوية
فريدة :لا ي ست الكل انا هدخل انا اعمله وانتي اقعدي ارتاحي ولما نور تيجي هنزاكر انا وهي
هبه:ماشي يا حبيبتي اللي يريحك
فريدة قعدت تعمل الغدا لحد مانور تيجي وخلصت نص الغدا لقت الجرس بيرن لبست طرحتها بسرعه وراحت تفتح لقت نور
فريدة:ادخلي ادخلي اتاخرتي كده لي
نور:معلش عما طلعت لبسي وجبت حاجتي وجيتلك علطول
فريدة:طب يلا ادخلي وسبقيني ع المطبخ
نور:حاضر اومال هوبا فين
هبه:انا اهو يا نونو تعالي
نور:وحشاني والله يا هوبا
هبه:وانتي اكتر يا عيون هوبا وحشاني جدا
فريده:خلصتوا وصلة السلامات دي يلا يا ست نور عالمطبخ يلا
نور فريدة دخلوا المطبخ حضروا الغدا وقعدوا ياكلوا وبعدين زاكروا شويه
_______________________________________________________في مكان تاني اول مرة نروحه
سيلين:ي بابي قولتلوا قبل كده كتير اني بحبه وهو يقولي انا مش بتاع حب
عزت:زني عليه اكتر ي حبيبتي زين بقى معاه فلوس كتير جدا ولازم تحاولي تخليه يحبك عشان يثق فيكي
سيلين:هحاول والله يابابي
عزت:ماشي يروح بابي انتي خارجه
سيلين:ايوة رايحه البيوتي سنتر مع صافي صحبتي
عزت:اوكي يا روحي يلا باي
سيلين:باي
عزت فنفسه:والله يا زين لهاخد فلوسك كلها بس اصبر عليا
الفصل الخامس من هنا
تعليقات
إرسال تعليق