هعوضكم بجزئين وده تعبيرا أني بحبكم جدا وبتمني تكونو معايا دائما كلكم انا حافظه كل حد فيكم بأكونتانكم حابه اقولكم ف اليوم ده اللي انا مبأمنش بيه لكن بمناسبه ومن غير مناسبه بحبكم اوي والله
القط عمل حاجه مكنتش ابدا سمر تتوقعها
بصلها ف عينها
حست للحظه أنها عيون بني ادم
مش جني ولا شيطان
عيون زرق واسعين
بص ف عينها
وراحت ف ثبات عميق
محستش بنفسها غير الصبح
قامت وحسه بوجع شديد ف جسمها
اتخض
وقامت تجري
مش فاكره اي حاجه غير اللحظه الاخيره
خافت يكون عمل فيها حاجه
حتي مقلتش لحد صباح الخير وطلعت تجري ع المستوصف
طلبت الدكتوره بتاعت النسا تكشف عليها
لكن رفضوا قالولها روحي عياده خاصه
راحت جري قطعت كشف
عشان تتطمن
قالت للدكتوره أنها وقعت واقعه جامده
وكانت ف المستشفي وجالها نزيف
ودلوقتي جايه تطمن هاي نفسها
طبعا الدكاتره مبيخلش عليهم الكلام
ده
والدكتوره طمنتها انها بنت بنوت كويسه مفيهاش حاجه
اتطمنت وقتها
وهي خارجه شافت واحده جارتهم لكن حشريه اوي
بتحب تخش البيوت تجيب اسرار الخلق
تفضحكهم
طبعا سلمت عليها سمر
والوليه عشان حشريه سألتها جايه ليه
لكن سمر مدتهاش عقاد نافع
دخلت الوليه للدكتوره وحاولت تدحلب ف الكلام بمكر
لكن مخدتش منها عقاد نافع
اللي حكي الحكايه
الممرضه اللي كانت واقفه مع الدكتوره
لما خرجت
والاتنين لتاتين
فهمتها من باب الكلام يعني
والممرضه حبشت حابه من عندها
وطبعا صحبتنا دي متوصتش
كلبشت ف أيدها تلاتين جنيه للممرضه
ومشيت
بمعلومات تودي بلد بحالها ف ستين داهيه
لو اتفهمت غلط
وطبعا راحت حكت لجارتها ام فلان وام فلان حكت لام علان
وكل واحد حبش حبه من عنده
مع علمها أنها بنت
لكن نقلت الكلام للناس علي انها ماشيه مثلا مع واحد
وفي بينهم حاجه
ويعني حصل حاجه وراحت تطمن علي نفسها
او كلام كتير تاني
محدش فرض النيه الطيبه
لبنت زي دي
مع أنهم شافوها وهي خارجه من المستشفي
والفلاحين الخبر بينتشر زي الصاروخ
اسرع م الفيس والواتس
كل واحد خد الكلام وحط التاتش بتاعه
وقالت لجوزها
وجوزها قال لعم محمد الفلاح
والفلاح قال للقهوجي
والقهوجي اتوصي
وبقت لبانه علي كل لسان
البت مشها بطال
اه ده العلام ف مصر بوظها
واللي قال يمكن الممرضه بتكدب
ومش عاوزه تفضحها
دي اكيد حامل
واللي قال اه وامها عارفه
واللي قال اه البت دي بشوفها ماشيه تتقصع وتتغامز وتتلامذ
وكلام كتير ملوش معني
والام يا عيني ملاحظه ان الناس عينها عليها وعلي عيالها ف الراحه والجايه
لكن مش عارفه في اي
حتي جرانها اخدو جمب
مكنش في غير جارتها ام سعيد
اللي راحت تفهمها
اللي حصل وتنورها
خبطت ودخلت
قعدت وام سمر ضايفتها
قالت ..
بصي ياختي انا عارفه انك ملكيش علم باللي بيدور ف البلد اليومين دول
- خير ياختي وغوشتيني
- البت بنتك اسم النبي حارصها وصاينها
من خبثهم ولؤمهم
كانت عند الدكتوره بتاعت النسا اللي قرب المركز
قوم اي
الوليه بدار اللتاته دي شافتها
وهي خارجه
طبعا انتي عارفاها مبتسبش حد ف حاله
الممرضه قالتلها أن بنتك كانت بتكشف عشان تطمن لامؤاخذه إذا كانت يعني
بنت بنوت ولا لا
وطلعت فل صاغ سليم
اه ياختي ده اللي تقال انا مقولش الا الحق
المهم يعني
جت ونقلت الكلام
وانتي عارفه الناس كل واحد بيحب يحبش من عنده شويه
جوزي لما لاقا الحال كده وقفلهم
وبعتني للبت الممرضه بنفسي
وفضحتها
بصي جرستها وانقطع عيشها
ولما لاحظت انك متعرفيش ابو سعيد قالي لابد نقولها
ونقطع ألسنتهم
وهو ف ضهرك
عشان ميصحش يجورو علي بت يتيمه زي دي
الام اتخرست ونزل عليها سهم الله
وطبعا سمر
سمعت الكلام كله
لفت طارحه وعبايه
ونطت طيران علي بره
وامها طلعت تصوط وتجري وراها
راحت سمر علي بيت البت بدريه
الموضوع وصل لحد الشرف مش هزار
خبطت برزع ع الباب وبعلو الصوت نادت ...
انتي يا وليه يا بنت .....
ياللي اسمك بدريه اطلعيلي هنا يا وليه
يا زباله
طلعت بدريه اللي كانت شرشوحه من الدرجه الاولي
ووقفو قصاد بعض وطبعا أمها لحقتها
وجت تحوشها
لكن سمر مرضتش تتحرك
ووقفت سمر بصوتها ف وسط الشارع والناس اتلمت
قالت ...
بقي انتي بتجيبي ف شرفي وعرضي يا وليه يا حيذبونه يلي ربنا هيعلقك ف جهنم من لسانك
- متلمي نفسك يا بت يا فاجره
روحي يا بت شوفي اللي كنتي بتطمني عليه ضيعتيه مع مين
- اه يا وليا يا زباله يا حقيره
مانتي لو ليكي راجل يشكمك مكنش سابك كده داخله خارجه تجيبي ف سيره الناس لكن اللي وراكي ده خروف
طالع زي الجحش وقال ..ظ
متلمي بنتك يا وليه الله
ردت سمر ...
لم نفسك انت يابوكرش يا أذعر
متلم مراتك يا راجل
ده لو كنت راجل اصلا
- راجل وسيد الرجاله ياعين امك
لكن نقول اي فاجره وتعملي اكتر من كده
ما البلد دي لو فيها رجاله كانت رمتك بره انتي وامك يا عالم يا .....
لكن اقول اي
مفيش نخوه
وطبعا خرفان البلد اتحمقو
ودخلو بصدر واسع
وعاوزين يدوسو علي البت وأمها
وطبعا ولايه محدش بيحاملهم
واتكاترو عليهم
واشتد الكلام
وبدل ما كانت جارتهم للشرشوحه هي اللي بترد
الرجاله بالحريم بقو يدو لسمر وامها
واللي يحاميلها اوحش كلام
وسمر واقفه مش مصدقه اللي بيحصل
ودموعها هتنزل بالكسره لكن حياشها
وف وسط الناس والزحمه
زي ما تكون لحظه صمت
اتوقفت كل الساعات
اللحظه وقفت ومفيش حركه
والدنيا اسودت
مبقتش شايفه حاجه
غير قطها الاسود
واقف وف عنيه بصت شر
وهي بتبصله ودموعها بتحاول تتماسك م الكسره
القط واقف بعيد
لكن هي حاساه سند
كانت واقفه تبصله بصه غريبه لا إراديه
ورجع الزمن ف ثواني
استقوت سمر بيه
وردت عليهم بكلمه واحده
حقيقي انتو ناس خسيسه
وهتاخد أمها وتمشي
قامت جارتهم الحيزبونه مسكت ف أمها
وسمر جايه تحوش وهتضرب
راجل هجم علي سمر
بملو الدراع وحاوطها
سمر اتخضت وصرخت بعلو الصوت
قطعت صراخها صوت صراخ الراجل اللي كان ماسكها
بدون سبب كان بيصرخ
وانحني ع الأرض
وبقي يتمرمغ
وصوت عضامه كأنها بتتكسر.....
رواية القطة السوداء
الجزء الثامن
الكاتبه مي علي
عشر ملصقات وهكمل
الراجل وقع ع الأرض زي ما تكون بتتكسر عضامه
وبيتلوي ف الأرض بيصرخ م الوجع
الناس وقفت تبحلق محدش عرف الراجل ماله
جريو عليه
نقلوه ع المستشفي
مكنش عارف يفرد ضهرو
كان زي اللي متني من النص
الدكتور قال إنه كسر ف العمود الفقري أو انزلاق
الناس استغربت
ازاي ده الراجل كان كويس وتمام
فجأه كده وقع
طبعا كانت سمر وأمها
رجعو البيت
سمر دخلت قوضتها من سكات وهي مش مستوعبه
بقي هو اللي عمل في الراجل كده عشان يحميها
فضلت راحه جايه ف الأوضه فجأه لقت القط
واقف ع الشباك
اول ما شافته جريت عليه
كانت بتكلمه بصيغة الانثي وأنها قطه
مش قط
بصتلها وقالت ...
انتي كنتي فين بس
وحضنتها حضن جامد
والقط زي ما يكون كان بيبادلها الحضن وبيطبطب عليها
الام ف اللحظه دي دخلت
وهي مستغربه
وقالت ...
الوضع ده لا يمكن يتسكت عليه
ارمي القط ده بره وحالا
ناويه يحصل فينا اي تاني يا سمر
- يا امي اهدي
معملش حاجه اي ذنبه
يا أمي خلاص موضوع وعدي
بقي واهو اخد جزاءه
الام بصت لسمر
وعينها جت ناحية القط
حست أنه بيبتسم
جسمها اشعر وقالت ...
بسم الله الرحمن الرحيم
وخرجت جري
من الاوضه
طبعا بعد اللي حصل ف الراجل
الناس قالو دي مخاويه وعليها عفريت
بالذات لما الوليه جارتهم اللي كانو سألوها عن الشيخ سعدون
وقعت بلسانها وهلفطت بالكلام م الخوف
وقالت ...
يبقي صح الكلام ده عليها بسم الله الرحمن الرحيم
وهنا خرجوا من نقره وقعوا ف دوحديره
طبعا الناس مسكتوش ع حاجه زي كده
اهل البلد عاوزين ينتقمو من البت وأمها
علي منظرهم قدام الناس
وطبعا ده بفعل بداره اللي مهديتش ولا انطفت نارها
ومحستش بنشوة لانتصار وأنها اخدت حقها
ولعت الكلام من تاني لكن بكلام جديد
واتجمعو الرجاله وسابو الراجل ف المستشفي
وراحو كلهم روباطيه علي بيت ام سمر
وخبط واحد منهم بشكل همجي
لكن ام سمر رفضت تطلع
قال ...
ويمين الله لو مطلعتي يا وليه هنا
لكون مولع البيت باللي فيه
وتموتي انتي وعيالك وبنتك الملبوسه
طبعا في حاله من الرعب والخوف
ولايا ملهمش راجل
خرج جوز أم سعيد وقال ...
مش عيب عليك انت وهو يا رجاله يا عرر
بدل متحمو الوليه الارمله
وعيالها اليتامي
تقومو تخرجوا زي الكلاب الصعرانه عليهم كده
زقو واحد وقال ...
وانت مالك انت يا ابو سعيد
اركن علي جمب
- لا بقولك اييييي يا حمدان
مش كل الطير اللي يتاكل لحمه
أنا واقفلك هنا
وابقي هوب ناحيه كمان ناحية البيت
ووريني هتعمل اي
قول عليا كمان عشان بحمي الوليه اني مرافقها ولا عيني منها
مخلاص كل واحد عاوز يقوله كلمه
حايشها ف بوقه وقرفاه يقولها بقي
رد حمدان ..
والله مش بعيد عليك
مين عاشر القوم
وليه فاجره هي وبنتها
وكمان بيتهم والعياذ بالله مسكون
يعني نجاسه وقرف
واحنا بقي مش هنسكت غير لما الوليه دي وبنتها يخرجو من هنا
عشان وعزة جلال الله
لو مخرجو بالذوق ليخرجوا بفضيحه
يلا يا خلق هدو البيت ديه ع اللي فيه واضرطدو الاوباش دول م البلد
- حسك عينك تقدم خطوه والله لاندهلك الحكومه
يا عرة الرجاله
ومعيبتها
وسع كده من قصادي
خرجت سمر شايله القطه
وبصتلهم وقالت ...
عاوزين اي
رد وقال ...
يلا يا بنت انتي خدي امك يا ملبوسه وأخواتك وامشي
احسن مش هيحصل طيب
ردت سمر بكل برود وقالت ...
هتعمل اي يعني
الراجل بيتكلم وبص للقط
اللي كان واقف جنبها
زي راجل له هيبه يسد عين الشمس
الراجل اتجلجل ولسانه لف حوالين بعضه
قالت ..
مردتش عليا هتعمل اي يعني
احسنلك تمشي من هنا
وبالذوق وبالادب
وانا حذرت
ف الله اما بلغت اللهم فاشهد
بصت وقالت ...
ياعم ابو سعيد خش بيتك واقفل بابك ونام
ويوريني هيعمل اي بسلامته سبع البرومبه
دخلت ورزعت الباب ف وشهم
اهل البلد ...
هتسكتلها ولا اي يا حمدان
حمدان مبينطقش
وفجأة لاقوه خارج من وسطهم
واخد ف سكته وماشي
الناس استغربت
فضلو مش فاهمين حاجه
لوقت طويل
لكن كل واحد ف النهايه روح علي بيته
وطبعا وصلت المشاكل لسه منتهتش
تاني يوم الصبح صحيو علي ترزيع
نسوان البلد
علي رأسهم بداره ومرات الراجل اللي ف المستشفي
القط كان غاب
لكن سمر اول ما قامت لقته قصادها
شالته وقالت ...
تعالي يا حبيبتي خليكي معايا متسبينيش
وقبل ما يوصلو للباب
القطه نزلت من علي دراع سمر
جربت ع الباب زي ما تكون بتمنعم يفتحو الباب
سمر منعت أمها تفتح
وشويه وسمعو صوات الحريم مش عارفين في اي بره
بصت سمر بسرعه م الشباك
وطلع القط قعد وهو منسجم
واربع شوحطه من رجالة البلد
اللي كانو واقفين بيهددوها امبارح
قالعين ملط زي المجانين
ودايرين يجرو ورا الحريم ف الشارع
سمر بقت تبص وتضحك
والام تبص للقط
وتضحك وتستعيذ كان في حاله هستيريا
وكلو جري علي بيته
والاحلي بقي أن الرجاله دي
معادتش فاكره حاجه
كلهم خدو جمب
كل واحد اتهد ف بيته
خافو أنهم يقربولها
ماعدا بداره
اللي قالت ...
انتو بتصدقو ف الكلام ده
جني اي وشيطان اي
أنا هروح اقلعم بنفسي
بره البلد كلها
ده البت المفعوصه هانتني يا جدعان
ولسه جايه تخرج من باب البيت
وعيالها كلهم كانو بره
وجوزها كان ف الشغل
كانت قاعده بس هي وواحده جارتها سوو
زيها
لسه هيخرجو من الباب
الباب اتقفل
وف غمضة عين
محدش شاف منين
البيت قاد النار
واللي جوه تسوط
واللي بره يسوطو
والبلد اتلمت
واتصلو بالمطافي
طبعا سمر عارفه مين ورا اللي بيحصل
لكن القط كان غاب ومش موجود
دورت عليه لكن مفيش
جت المطافي طفت الحرايق
خرجت جارتها سليمه
بس بداره خرجت من الحريق
بشوية حروق
وبتها بقي سوا الأرض
والمفاجأة كانت ف أن لسانها
لقوه مقطوع
قالو بلعته من الخطه
مش موجود
مفيش له أثر
الناس اترعبت
بس اتعظت
محدش يقرب من باب بيت سمر
ولا حد يأذيهم
وعدي علي الحكايه حبه
كل واحد كانن ف حاله
بيضربولهم تعظيم سلام
محدش يدوس لهم علي طرف
أما سمر والام حبو القط جدا
زي ما يكون كائن مستأنث عندهم
وكالعادة الشيخ كان علي درايه بكل حاجه بتحصل
مكنش فاضل غير شويه حاجات طلبها من سمر
وهي أنها تقرأ قرءان والقط موجود
هي تعوده
سمر كانت بتاخده القوضه وتقفل الشباك
وتختار صوت لشيخ يقرأ
او تقرأ بنفسها
القط كتير كان بيحاول يمنعها
وأوقات القرءان يطفي لوحدة
ف بقت تقرأ من القرءان اللي حفظاه بصوت
هادي
وكالعادة كان بيزوم
ولاكتر من شهر بتحاول
وتنتهي بيها المحاوله بمجرد ما يقرب لها
تروح ف نوم عميق
وتصحي متلقيهوش
وعارفه أنها بتأذيه
لحد ما ف مره
كانت يئست
بس قالت تحاول مره كمان
قامت اتوضت وصلت
والقط قاعد قصادها يبص
مش عارفه تصلي وبتتلغبط
لكن كانت بتحاول تثبت
مره في مره
عملت نفس الحركه
وقلة الثبات كانت بتقل
كانت بتتعمد تعلي صوتها وهي بتقرا
وف يوم وكالعادة وهي محاوطاه
قعدت تقرأ قرءان بصوتها
غمضت عينها واندمجت
محستش بالوقت
وفجأة الفجر أذن
وكانت المفاجأة ...القصه كامله هنا
تعليقات
إرسال تعليق