ادم بزعيق: والنبي مانا سيبك تعالي.
انا بجري: فوزي عيب احنا اهل والله ما قصد او اقصد عادشي.
ادم بيجري وانا نزلت تحت الكنبه وهو بيحاول يمسكني: يارررربيييي ضفدعه يا ناس مش هسييسبببكككككك.
انا ببراءة: يراضيك ابات في القسم.
ادم اعد علي الكنبه ومسك دماغه: مش قادر هنشل منك يا شيخه روحي.
انا بحل الكوتشي بتاعه وببرطه في بعض: يا بني حصل ايه مش اتهدت يعني.
ادم: اه لما اي حد بيعدي من تحت البيت تنلي كيس مياه وتحدفي عليه وتستخبي يبقا ايه لا وتلبسيها في المسكين الصغير وياكل علقة تمام والهانم تقول بذاكر صح.
انا: الاه احمد ربك انها مياه بط 😂.
ادم بزعيق: كمان لا وايه تطلعي تقعدي علي ام الدولاب و تقولي اصل بلقط واي فاي زياده اززززااااي وانتي جنب امك الرواتر تبعدي عنه وتقولي بلقط زياده.
انا: لاقته بيتكسف مني قولت ابعد عنه يا فوزي الاه 🙂.
ادم: لا وكمان تروحي تقولي لخطيبة حسام انك واحدة حشريه وتخينه ومتكبرة ومغرورة وتمسكيها من شعرها و تدلوقي عليها قشر الليمون .
انا: علي فكرة كلامي صح هي مغروره وانا مش بطقها اصلا وبشنب كمان 🙂.
ادم: ياميييرررراااا ارحمي امي شويه وعمك يلي جاي من السفر رايحه تحطي له مولين يا مفتريه الراجل بات في الحمام 😓.
انا: يستاهل مش جاب ليا كيس الشيبسي وهو جاي ابو 5 ج شطه 🙂.
ادم بيلطم: كل ده عشان كيس شيبسي اااه هموت منك 😭😭.
انا بخبث : اي ادم ايدي اتعورت بص 😭😭.
ادم قام بخضه و لسه بيتعدل وقع: ااااه ضهرررري يا بنت المفتريه.
انا بضحك: شكلك رهيب 😂.
ادم: اااه مش قادر انتي مفتريه زي امك يلي بتخليني اغسل المواعين.
انا ببراءة: بقاا في حد بيقول كده علي مامته.
ادم: اه انا.
انا: طب بص ورك كده 😂.
ماما: انا مفتريه يا محترم.
ادم بخضه : يالهوي ماما لا مقصدش اقصد ميرا والله مش انتي انتي قلبي من جوا.
انا بطلع من تحت الكنبه: يا كذاب قال يا مامتشي انتي سمعتي.
ماما بتمسك الشبشب: اه سمعت تعالوا انتم الاتنين.
ادم مش عارف يقوم وانا: انا برأيه مش عملت حاجه.
ماما: دا انتي البلاوي كلها بقا رايحه تحطي شطه علي الشرابات يا بنت الكلب تعالي.
بابا من وراها: تشكري يا محترمه 🙂.
انا بتسحب وادم بيمشي علي بطنه عشان الحرب يلي هتقوم دلوقتي 😂😂.
بابا: استني يا ميرا عندك لسه حسابك كبير 😡.
ادم هرب بن المحظوظه وانا بقا لا يمكن اضرب.
انا بهمس لبابا: هقول لماما انك كسرت الطقم بتاع فرحها و سلمت علي خالت ام محمد و كسرت الساعه فاكر 🙂.
بابا: احم لا وعلي ايه الطيب احسن.
انا: ايوا خرجني منها عشان الوليه مراتك هتنفخني 🙂.
بابا: احم خلاص يا نور سبيها انا هحسابها امشي يا ميرا دلوقتي.
ماما: لا يمكن لازم تتربي.
بابا: انا قولت كلمه.
انا بضحك: حنفي 😂.
بابا: تنزل ايه امشي يا بنت الجزمة من هنا.
ماما: انا جزمة 😳.
انا: طب استاذن انا عشان اسلم علي طنط ام محمد زي ما بابا قالي
إنتهي
تعليقات
إرسال تعليق