الفصل النصيب الجميل الفصل الرابع

 

في منزل حنان الباب بيخبط 

والده حنان (نجوي ) وهي امراه حنونه وطيبه جدا تبلغ من العمر 40 سنه 

 : طيب يلي علي الباب جايه

* فتحت الباب 

نجوي : ايه ده يااخواتي القمر عندنا 

عهد ووعد : حبييتي ياخالتو تسلمي يارب 

عهد : هي حنان فين 

نجوي : جوه ياحبيبتي حبت عين امها تعبانه من ساعه مااخدت الزفته دي ادخلولها الاوضه جوه 

عهد ووعد :  طيب ياخالتو عن اذنك 

الباب بيخبط بتاع اوضه حنان 

*حنان ادخل

عهد  : حنون ياروحي الف سلامه عليكي ياحبيبتي

حنان :  الله يسلمك ياعهد مايحرمنيش منك يارب

عهد لوعد :  وانتي مش هتقولي حاجه

وعد : تستاهل مين قلها تاخد اللقاح هو احنا في الجامعه طيب بتوع الجامعه مساكين مش هيدخلو غير بورقه تثبت انهم خدوه واحنا في مدرسه مالنا ومال الخازوق ده😓😥

عهد : ايوة صح ياحنان كلام وعد دي حتي اول مرة تقول حاجه صح 😂😂

*وعد بصتلها بغضب ولسه هتتخانق 

حنان : بااااس  الزفته رنا هي اللي اخدتني وكانت مقدمالي معاها وهي زي الجن ولا حصلتلها حاجه

*فجاه الباب اتفتح 

 رنا : انا سامعه اسمي خير ولا شر 

*رنا الاخت الكبري لحنان متوسطه الطول وفاتحه البشرة وجميله الشكل والمظهر في الصف الثاني بكليه التربيه قسم اللغه العربيه تبلغ 19 عاما 

*نوصف حنان : حنان فتاه مرحه ذو بشرا قمحاويه وعيون بنيه وطويله ولديها غمزات تسحر من يراهم في الصف الاول الثانوي تبلغ 15 عاما الصديقه المقربه ل عهد ووعد

حنان : شر طبعا يامخ العنزة انتي 

وعد : تكاد تموت من الضحك هههههههههه مخ العنزززه بتقوليلها مخ العنزة ليه ياحنون

حنان : انا بقولها كده من زمان تستاهل انتي عارفه كانت تقولي ايه زمان 

عهد : وكانت تقولك ايه بقي يااستاذه حنان 

حنان : طريقي الي النار قال انت طريق الي النار 

وعد : لا يارنا غلطانه هي الطريق الي جهنم الحمرا 😂😂

رنا بضحك : ههههه احسن علشان تحترميني ده انا اكبر منك بااربع سنين 

وعد : معلش يامخ العن قصدي يارنا يارنا المسامح كريم

رنا بضحك : طيب يامجنونه هسيبكم انا اشربو الكولا علشان ماتسخنش وانا هااروح اذاكر 

عهد : ايه ده هو انتو بتذاكرو في الكليه 

رنا : يابنتي لازم الكليه يذاكرولها ده انتو هتتنفخو ثم قالت بصوت هامس انا بقول رايحه اذاكر بس مش هذاكر يعني هو الكلام بفلوس

عهد بضحك : ربنا يوفقك يارب

رنا بصوت عالي : يارب ياعهد يارب وخرجت من الغرفه 

حنان  : كان ايه اول يوم في المدرسه 

وعد :  كان يوم بارد وزحمه جدا ومااخدناش غير حصتين العاب والله احسن انك ماجتيش

حنان :  الحمدلله 

وعد : مش يلا ياعهد اتاخرنا وبعدين خايفه من حمزة اوي 

حنان : ليه انتو ماقلتلهوش انكم خارجين 

وعد بحزن : اصل مكانش قاعد في البيت

وفجاه سمعوا صوت بالخارج 

*فخرجو ثلاثتهم 

 _وقفت وعد مصدومه واقف قدامها بتفكر هو ازاي جيه وعرف عنوان حنان منين وبعدين قالت بصوت : ربنا يسترها هموت لامفر

نجوي :  عهد انتي ووعد الشاب ده بيقول انه قريبكم وجاي ياخدكم 

عهد : اه ياخالتو قريبنا نستأذن احنا بقي 

نجوي: نورتونا يا حبايبي يبقي تعالو 

عهد :  باذن الله ياخالتو وقالت لوعد يلا ياوعد

* وعد بتبص لحنان بخوف

 حنان بنظرة اطمئنان وصوت غير مسموع : متخافيش

حمزة لنجوي : طيب عن اذن حضرتك 

نجوي : اتفضل يابني خلي بالك منهم 

حمزة باايماء : حاضر 

      *مشيو وركبو العربيه وعد من الامام وعهد من الخلف ساكتين ومافيش حد فيهم بيتكلم او ينطق بحرف ووعد هتووت من الخوف 

*وحمزه كل شويه يخبط علي الدريكسيون ويبتنفس بصوت 

*وصلو اخيرا البيت ونزلت وعد وعهد داخل العمارة وعد لسه هتجري حمزة بزعيق : استني هنا 

حمزة : اطلعي انتي فوق ياعهد وهي شويه وهتحصلك 

عهد :حاضر 

وعد باارتعاش  وصوت خائف : ا ا انا عايزة اطلع 

حمزه بصراخ وهو يقف امامها : كام مرة اقول مافيش خروج من الزفت البيت من غير ماتقولي

*وعد لسه هتتكلم 

حمزة بزغيق : ولا كلمه مش عايز اسمع صوتك

وعد ببكاء شديد : و والله ن ن ن نزلت عند خالتو جميله ومش لقيتك 

حمزة : يبقي ماتخرجيش ولا انا كلامي مش بيتسمع وبعدين افرض حصلت معاكم حاجه

وعد  : م م مااحنا قولنا لبابا 

حمزه بزعيق اكتر : بابا وانا 

وعد :  اااانت ماكنتش قاعد 

زعق حمزة اكتر : يبقي مش مرزوع خلاص مافيش خروج 

"وفجاه بيبص لقي وعد واقعه علي الارض

حمزه:  بدموووع  وعدددد

الفصل الخامس من هنا