قلبي بين يديكّ
بارت ٨ البارت قبل الأخيررر
ياسمين :بصراحه ياآسر أنا مش قادره أحبك
بصلها آسر بصدمه
آسر:مش قادر تحبيني !يعني اييه
ياسمين:جوازنا كان غلطه ولازم تتصلح
آسر:غلطة اييه أنا بقولك بحبك
ياسمين:وأنا رافضه الحب ده عشان كدا بطلب منك تطلقني لو سمحت ....عن اذنك
سابته ياسمين في صدمته وخرجت من الغرفه
______
خرجت ياسمين من عنده وهي بتتنهد براحه
ياسمين:أنا حي!..أنا حي!...مش مصدقه انه سابني بعد الي قولته ده ياتري هو عامل اييه دلوقتي .....
خرجت ياسمين بره في الجنينه وقعدت علي الكرسي وهي بتفكر
____
مر فترة طويله
نامت ياسمين مكانها علي الكرسي لغاية ماجات شكريه
شكريه:ست ياسمين ياست ياسمين
ياسمين:ايه في ايييه
شكريه:بخبط علي آسر بيه عشان يتغدي بس مش بيرد
ياسمين:ازاي ده ليكون تعب ولا حاجه تعالي نشوفه
وقبل مايطلعوا كان آسر نزل لوحده وواضح جدا انه خارج
ياسمين:هو إنت خارج ولا اييه
مردش عليها
شكريه:مش هتتغدي يابيه
آسر:لا
ياسمين:طب ماانت بترد أهو أمال مردتش عليا ليه
بصلها آسر ومردش عليها ومشي
ياسمين:انت يابني أدم تصدق أنا غلطانه اني عايزه اتطمن عليك روح في داهيه هاااه
وطلعت غرفتها وهي متعصبه
_______
بعد عدة ساعات
كانت ياسمين في غرفتها بتفكر
شكريه وهي بتخبط علي الباب:ست ياسمين!
ياسمين:نعم
شكريه:آسر بيه وصل وعايز حضرتك تحت
ياسمين:هو شرف البيه ! طيب أنا نزلاله
خرجت ياسمين من غرفتها ونزلت الدور الأول لقت آسر واقف مستنيها وواقفه جمبه أختها نرجس
جرت عليها ياسمين بفرحه وحضنتها
ياسمين:جوجو حبيبتي وحشتيني!
نرجس:ياسمين انتي كويسه أهو الحمد لله الحمد لله
نرجس:شكرا جدا ياأستاذ أسر
بعدت ياسمين عن نرجس وبصت لآسر
آسر لياسمين:كلها كام يوم واجبلك ورقة طلاقك وننهي القصه دي
ياسمين:أحسن برده
بصلها بحزن وسابهم ودخل غرفة المكتب
نرجع باستفسار:طلاق اييه!
ياسمين:تعالي وأنا أحكيلك علي كل حاجه
طلعوا بره في الجنينه وقعدوا
حكت ياسمين لنرجس كل حكايتها مع آسر
نرجس:ياااه كل ده حصلك
ياسمين:شوفتي بقي أختك الغلبانه حصلها اييه
نرجس:سيبك م الهبل ده وقوليلي انتي بجد مش بتحبي آسر
ياسمين:أه..لا لا طبعا
نرجس:ياااااسمين!...أنا أختك وحفظاكي كويس قوليلي الحقيقه
ياسمين بصدق:أيوه بحبه
نرجس:وكدبتي عليه ليه
ياسمين:أنا عايزاه يتغير يبقي انسان كويس
نرجس:غبيه!
ياسمين :بتشتميني لييه طااااه
نرجس:المفروض تكوني انتي الطريق الي يوصل آسر لإنه يبقي بني أدم كويس لكن باالي عملتيه ده انتي قفلتي الباب في وشه خلتيه يقتنع انه كان غلطان لما فكر انه يحب... سيادتك بالطريقه دي قضيتي علي أي أمل ليه في التغيير يامتخلفه
ياسمين:أنا مفكرتش في كل ده
نرجس:مش قولتلك انك غبيه!
ياسمين:طب والعمل؟
نرجس:الحل عندك انتي أنا مش هقدر أقولك حاجه
فكرت ياسمين شويه وبعدين قامت من علي الكرسي
ياسمين:عندك حق أنا الي لازم أحل الموضوع ده
نرجس:أيوه كده جدعه
ياسمين:أعمل اييه بقي
نرجس:ياخررراااابيييي انتي عايزه تشليني!
ياسمين:بهزر معاكي ياجوحو أنا فعلا عرفت أنا لازم أعمل اييه أستأذنك بقي أروح أحل الموضوع ده وأرجعلك بس أمانه عليكي والنبي ابقي طلي عليا ليقتلني ولا حاااجه الوداع
نرجس:طول عمرك مجنونه
_____
وقفت ياسمين قدام باب غرفة المكتب وهي بتفكر هتبدأ الكلام ازاي لغاية ماجتلها فكره
فتحت الباب بطريقه مفاجأه وهي بتصرخ
ياسمين:آساااااارررررر
طبعا آسر اتفزع
آسر:ايه في ايييه؟
ياسمين:عايزه أتكلم معاك
آسر:اخرجي بره واقفلي الباب أنا مش عايز أتكلم مع حد
ياسمين:بس أنا مش أي حد أنا حبيبتك
بصلها باستغراب
ياسمين:مستغرب ليه مش انت الي قولتلي انك بتحبني
آسر:كدب كان كله كدب اتفضلي اخرجي بقا
ياسمين:أنا أعرف ان فيك صفات كتير زي الزفت بس مفيش فيهم الكدب
آسر:انتي جايه تهزقيني ولا اييه؟
ياسمين:لا أنا بوضحلك بس
آسر:اطلعي بره لو سمحتي
ياسمين:بجد أنا عايزه أتكلم معاك ومتقلقش مش هعطلك
آسر بقلة حيله:اتفضلي اتكلمي بس بسرعه
ياسمين:أنا بحبك....عن اذنك
ولسه هتمشي قام آسر من علي الكرسي
آسر:استني هنا يامجنونه
وقف آسر قدامها
آسر:انتي قولتي اييه؟
ياسمين:الي سمعته
آسر:معلشي اتعبي نفسك وقوليه تاني
ياسمين:بحبك
آسر:بس انتي قولتيلي فوق انك...
قاطعته ياسمين:كنت بكدب عليك
آسر:ليه
ياسمين:لأني مش عايزاك كدا
آسر:مش فاهم
ياسمين:الإنسان الي أحبه لازم يكون كويس حياته كلها مبنيه علي الصح كل الي حواليه بيحبوه أنا عايزه انسان قلبه أبيض ونضيف ميبقاش كله تفكيره في العداوات والصفقات وازاي يدمر ده وازاي يسجن ده لا أنا عايزاه يفكر ازاي يعمل حاجه مفيده للناس ويساعدهم عايزاك تتخلي عن الجبروت الي انت فيه ده وتبقي بني أدم كويس فهمتني ولا لا
بصلها آسر لفترة وبعدين اتكلم:يعني انتي عايزاني أتغير
ياسمين:أيوه ا..
قاطعها أسر:وأنا موافق
ياسمين:بالسرعه دي
آسر:أنا طول عمري بشوف الدنيا بعيون والدي يوسف بيه الراوي علمني ان الدنيا دي مفيش فيها رحمه كان دايما يقولي يابني الحب يضعفك لازم تموت قلبك عشان ميتكسرش عشت بأفكاره وأسلوبه حتي بعد مامات مقدرتش أتغير لغاية ماشوفتك من أول مقاله كتبتيها عني وأنا مراقبك كنت بفكر ازاي أكسرك وأهدك لكني من غير ماأحس حبيتك بقيت بحميكي حتي من نفسي ولما عرفت ان في حد بيخطط يأذيكي من الناس الي كنتي بتفضحيهم قررت أتجوزك عشان أحميكي حتي أختك نفسها كنت بحميها عشان خاطرك انتي بقيتي حياتي كلها انتي عارفه لما اتخطفتي حسيت بالضياع مقدرتش أتخيل ان حد يأذيكي أبدا انتي روحي ياياسمين ومفيش انسان مهما كان يقدر يعيش من غير روحه
ياسمين:يااااه كل ده جواك وساكت
آسر:الي جوايا أكتر بكتير من انه يتوصف بأي كلام
فضلت باصين لبعض فترة طويله
ياسمين بتوهان:ه..هو احنا كنا بنتكلم ف اييه
آسر:إني هتغير
ياسمين:أيوه صح إنت لازم تتغير وإلا مش هينفع نكمل سوا
آسر:انتي فقدتي الذاكره ولا اييه منا لسه موافق من شويه
ياسمين:أه صحيح ده انت وافقت طب أستأذنك بقي أروح أخد حبايه من دوا القلب بتاع نرجس لأني حاسه ان قلبي هيقف من الي سمعته ده ث...
قبل ماتكمل شدها آسر لحضنه
ياسمين:لا لا كدا كتير عليا قوي هيغمي عليا وساعتها انت الي هتدفع مصاريف المستشفي أنا بقولك أهو انت حر
آسر:باااس بقي يامجنونه
دخلت شكريه
شكريه:آسر بيه
بعدت ياسمين عن آسر بحرج
آسر:نعم
شكريه:أنا جهزت العشا
آسر:طب روحي واحنا جايين وراكي
مشت شكريه
ياسمين بحرج:عاجبك كدا!
آسر:انتي مراتي علي فكره...ويلا بقي عشان نتعشي
_______
وقفت ياسمين جمب آسر لغاية ماقدرت تغيره صحيح الموضوع كان صعب لكنها نجحت وفعلا بقي آسر الراوي شخص جديد جدا
_____
عدا شهر وزاد الحب بين آسر وياسمين أكتر من الأول
في يوم من الايام
في الشركه
في مكتب آسر كان قاعد علي مكتبه بيشتغل وعلي الكرسي الي قدامه كانت ياسمين قاعده بتتاوب (😅😅)
آسر:ايه يابنتي نيمتيني جمبك
ياسمين:أنا زهقت بقي مش هنمشي!
آسر:قربت أخلص أهو انتي بس بطلي تتاوبي كتير والا هنام وساعتها مش هنخلص وهنبات هنا
ياسمين:طب يلا بقاااا
آسر:حاااضر
عدت ساعه وأخيرا آسر خلص شغل
آسر:خلاص ياستي خلصت
ياسمين:افرررراج أخيراااا...نروح بقي
آسر:لا طبعا مش هنروح دلوقتي
ياسمين بصوت عالي:نااااااعممم
آسر:باس اقفلي الزماره دي هنتعشي بره الأول
ياسمين:أيوه كدا هو ده آسوره حبيبي
آسر: لا بقولك اييه أنا صحيح اتغيرت بس مش لدرجة آسوره أنا كدا هبقي مهزأ
ياسمين:خلاص نخليها صاصا!
آسر بغيظ:ياااااسميييين!
ياسمين:خلاص منزعلش قوي كدا واضح انك واخد علي الدلع الغربي فاكر(يابيبييي!)
آسر بخبث:قصدك جرمين!...الله يمسيها بالخير كانت قمر
ياسمين بغضب:وحياة خالتك!
آسر :أيوه كدا خلي الغيره تبان
ياسمين :أنا لا يمكن أغير أبدا قال أغير قال
آسر:ماشي ياسو هنعرف اذا كنتي بتغيري ولا لأ...يلا بينا
خرج آسر وياسمين بره المكتب لقوا السكرتيره بره
آسر باستغراب:انتي لسه ممشتيش
السكرتيره: كان ورايا شغل كتير ولسه مخلصاه حالا
آسر:أيوه بس هتروحي ازاي بالليل كدا مش معقول واحده جميله زيك تمشي لوحدها
خبطته ياسمين في رجله
اتألم آسر وضحكت السكرتيرة
السكرتيرة :خطيبي هيجي ياخدني يافندم
آسر:يااابخته
بصتله ياسمين بغضب
السكرتيرة بسرعه:ألحق أمشي أنا بقي ربنا يكون في عون حضرتك
مشت السكرتيرة وفضل آسر وياسمين الي عنيها بتطق شرار
آسر:في حاجه ياروحي!
ياسمين:ماكنت تاخدها بالحضن بالمره
آسر:ياريت والله
ياسمين بغضب:آساااارررر
آسر:اعترفي انك بتغيري
ياسمين:أيوه بغير ولوكررت الموقف ده تاني هقرقشك بسناني انت فااااهم
آسر وهو بيمثل الخوف:احنا آسفين ياأبو صلاح
ياسمين:أيوه كدا اتعدل
آسر:طب يلا بقي عشان متتأخرش
______
قدام الشركه
آسر:قولت لا يعني لأ
ياسمين:والنبي ياآسر أنا عايزه أسوق
آسر:ليه ياحببتي مافيه سواق أهو
ياسمين بطفوله:مليش دعوه أنا عايزه أسوق أنا
آسر:أنا متجوز طفله!
ياسمين:أيوه هات المفاتيح بقي
آسر :امسكي ....ربنا يستر ومتلبسيناش في عمود نور ولا حاجه
ياسمين:لا طبعا ده أنا البريمو
آسر:أما نشوف
ركبوا العربيه ومشيوا وهم ف طريقهم انفجرت عربية الحراسه الي كانت وراهم وظهرت قدامهم عربية سودا خرج منها اتنين في ايديهم مسدسات وبدأوا يضربوا نار علي عربية آسر
وبعدين هربوا بسرعه
اتدمر ازاز العربيه تماما
كان آسر بيتألم لكنه مكنش خايف علي نفسه كان خايف علي ياسمين حبيبته
بص آسر لياسمين الي غرقانه في دمها
آسر بصوت متقطع:يا..سم..ين...فضل ينادي عليها لغاية ماأغمي عليه
_____
بعد مرور عدة أيام
فتحت ياسمين عنيها ببطء
ياسمين:آسر آسر ...
جرت نرجس عليها
نرجس بفرحه:انتي فوقتي ياحببتي حمد لله علي سلامتك
ياسمين:آسر...فين آسر
نرجس:هروح أجيب الدكتور واجي
رجعت نرجس ومعاها الدكتور الي كشف علي ياسمين ومشي
جه نادر
نادر:حمد لله علي سلامتك
ياسمين:الله يسلمك ...أنا عايزه أتطمن علي آسر
بص نادر ونرجس لبعض
ياسمين:بتبصوا لبعض كدا ليه انت ا مخبيين عليا حاجه ماتتكلمواااا
نادر بأسف:شدي حيلك ياياسمين آسر الله يرحمه .......
تعليقات
إرسال تعليق