عمر :ايوا ي اختي اللي هزقتيه ومسحتي بكرامته الأرض يبقى المستر ..... المستر اللي هيعرفك ازاي تطولي لسانك ع حد أكبر منك و ويعلمك تحترمي الناس كلها سواء اللي تعرفيه أو اللي متعرفهوش
عمر نبره صوته كانت عاليه جدا وبيتكلم وعينه كلها شر
ملك فضلت تعيط و كانت ماسكه ف ايد ساره جامد...
_عمر سكت للحظه وبعدها سألها : اسمك اي ي بت انتي؟
ملك حاولت تبطل عياط وتهدأ وبعد كدا قالت......
_اولا انا مش اسمي بت انا اسمي ملك والمفروض تكلمني باحترام شويه قاطعها عمر وهو ف قمة الغضب _مش عيله زيك هيا اللي هتعلمني اتكلم ازاي واقول اي ومقولش اي متتعديش حدودك وتنسى إن انا مدرس وانتي طالبه فاحترمي نفسك وع العموم انا هعرف ازاي اخد حقي كويس اوي........
نبدأ حصتنا بقى.... قالها عمر بعد ما خلص كلامه مع ملك.
_معاكو استاذ عمر الرفاعي مدرس الجيولوجيا عايزين نبقى محترمين بقى مع بعضنا عشان نعدي السنه دي على خير و..............
فضل عمر يكمل كلامه وبعد كدا دخل ف الشرح، وكل دا وملك بتحاول تستوعب ان هوا زعق ليها وجراحها قدام زمايلها البنات والولاد لحد م الحصه خلصت وعمر خرج...
ساره : يااااه اخيرا خرج دا كانت حصه ممله بشكل استاذ مغرور وشايف نفسه ع الفاضي دا انا حاسه ان هوا كرهني في الجيولوجيا من قبل ما ناخدها.... أي بت ي ملك سرحانه ف اي متردي
ملك :هاا ولا سرحانه ولا حاجه
ساره: انتي مش غلطانه ي بت ولا يهمك كلامه دا فكك منه، (ساره لنفسها مع انك هزقتيه وغلطي ي ملك بس لازم اقولك انك مش غلطانه عشان مبحبش اشوفك زعلانه)
ملك :تفتكري كدا
ساره : كدا وابو كدا، بصي احنا لسه ف بدايه تالته ثانوي ودا المفروض اول يوم لينا ف المدرسه مش عايزين المود بتاعتنا يقفل عشان استاذ مغرور زي دا
ملك : عندك حق
خلصوا كل الحصص بتاعتهم وملك قررت انها مش هتفكر ف اي حاجه حصلت...... وهما مروحين بقى
ساره بتقولها : ماتيجي نتمشي ف اي مكان كدا
ملك : اي رايك ع البحر
ساره :شكلك فاهم ي نصه 😂 كنت هقول كدا بالظبط يلا بينا ع البحر
اتمشوا كتير وكان الجو حلو والبحر هادي واتصورا صور جميله....
ملك :الساعه بقت٥ ي ساره احنا اتاخرنا اوي
ساره : يلهووي يلا ي اختي دا احنا الوقت سرقنا جامد يلا
ومشيوا وكل واحده روحت بيتها
ملك اول ما وصلت.....
عفاف : مابدري ي اختي كنتي اتاخري شويه كمان
ملك بصتلها بقرف
عفاف :كنتي فين ي بت؟
ملك : وانتي مالك انتي عايزه مني اي مش انا خلصت لك كل شغل البيت قبل ما اروح المدرسه عايزه مني اي تاني سبيني ادخل اذاكر اللي خدته بقى
عفاف : يعني كنتي بتلفي فين بردوه
ملك :وانتي مالك انتي ما تسيبني ف حالي..... ملك خلصت كلامها من هنا ولقت اللي على وشها صفعه قويه من عفاف ألقت بها أرضا وانهالت عليها عفاف بالضرب كالعاده ولكن هذه المره لم تكن ك كل مره.....
عفاف : عشان تبقى تحترمي نفسك وانتي بتتكلمي معايا
ملك : لما بابا يجي هقوله على كل اللي بتعمليه فيا دا
عفاف بضحك :اما نشوف هيصدقك ولا هيصدقني انا زي كل مره
ملك قالتها :منك لله ي مرات ابويا
دخلت اوضتها وفضلت تعيط وهي ماسكه صورة امها وبتقولها : سبتيني ومشيتي لي.... وفضلت تكلم الصوره...
وبعد شويه كان ابوها جه وطبعا عفاف ما اتوصتش فضلت تألف كلام مش كويس على ملك لحد م ابوها اتعصب جامد ودخل عند ملك الاوضه
ابوها بكل غضب وهوا بيفتح الباب مللللك
ملك لسه جايه تتكلم لقت ابوها مسكها من شعرها جامد وبيقولها صحيح اللي بتقوله عفاف..... انطقي كنتي بتلفي فين بعد المدرسه ي بت ها انطقي عايزه تعملي فيا اي تاني وكان عمال يتكلم وبيلوي دراعها جامد وكل دا وملك بتعيط وتقوله والله ما عملت حاجه دي بتكدب عليك وهوا ولا كأنها بتقوله حاجه مستمر ف ضربها و فجاءه حس بتقل جسمها وبص عليها بغضب وقالها انتي بتمثلي وفضل يضربها بالقلم وهيا ولا حول ليها ولا قوه ابوها نادي لعفاف بسرعه لأنه مكانش عارف يعمل اي خصوصا لما شاف دماغها بتنزف
عفاف بصدمة انت عملت فيها أي؟ وحست أن ضميرها انبها وديها المستشفى بسرعه.... شالها سامي ونزل بيها ع المستشفى الدكاتره هناك عملوا ليها اللازم وخيطوا دمغها وحبست دراعها اللي سامي كسره... وبعد فتره دخل ليها سامي كانت فاقت وقالها : عامله اي دلوقتي
ملك بصت له بعتاب وقالت : الحمدلله ي بابا( ملك بتحبه رغم كل اللي بيعمله معاها، لأن هيا اتحرمت من حنان الأم وكان ابوها بيعاملها احسن معامله بمعنى الكلمه وكان حنين عليها جامد لحد ما عفاف جت)
سامي : طب يلا جهزي نفسك عشان هتخرجي النهارده مفيش بيات ف المستشفيات يلا وانا هروح ادفع الحساب واخلص ورق الخروج
ملك:حاضر... وبعدين الممرضه ساعدتها انها تقوم وروحت هيا وسامي، اول ما خلوا عفاف بتمثيل :خضتيني عليكي ي ملك سلامتك اي اللي حصل الف سلامه مكنش يصح برده ي سامي تعمل فيها كدا....
ملك مردتش عليها مع انها كان هاين عليها تقولها ما كله بسببك بس فضلت ساكته
دخلت اوضتها وفضلت تعيط وهيا حاضنه صورة امها لحد ماراحت ف النوم..........
تاني يوم صحيت ملك على أذان الفجر قامت وحاولت تساعد نفسها وبدأت تتوضأ وتصلي وتدعي ربنا انه ياخد لها حقها من عفاف اللي عمرها ما كانت حنينه عليها ولا بتعاملها زي ولادها التانين ومشغلاها خدامه ليها ول ولادها بعد كدا فضلت تخلص كل شغل البيت بالرغم من دراعها متجبس الا انها كانت خايفه من عفاف لأنها بتقول لابوها كلام غلط وتخليه يضربها وكانت دايما بتهددها انها لو مسمعتش كلامه هتخلي ابوها يقعدها م المدرسه ويجوزها ( ومش هيجوزها اي حد دا هيجوزها الصايع ابن اخو عفاف لأن هوا كان عينه منها) ف ملك بتسمع كلامها مضطره
خلصت اللي وراها وقاطع تفكيرها تليفون من ساره
ساره: يلا ي ملك عشان منتأخرش هستناكي قدام البيت
ملك تمام
قدام بيت ساره.....
ملك: اتاخرت عليكي؟
ساره :لا ف معادك وبعدها قالت بصدمه :اي اللي عمل فيكي كدا
ملك : مرات ابويا منها لله
ساره : عشان اي
ملك : عشان اتاخرنا امبارح بعد المدرسه
ساره : عشان كدا بس
ملك : ما انتي عارفه انها بتتلكك يلا عشان منتاخرش ع المدرسه
ساره : يلا ي ملك بس خليكي واثقه أن ربنا اكيد هيعوضك ومش هتفضلي كدا هانت ي ملك بكرا نخلص الثانويه والكليه وتحققي كل أحلامك وتخلصي من عفاف دي
ملك : يارب ي ساره
وصلوا المدرسه وخدوا الحصه الاولى وجت الحصه التانيه وكان الأستاذ عمر هوا اللي عليهم دخل عمر الفصل وبعدها......
عمر : السلام عليكم.... بعد كدا عينه بدأت تدور ع ملك لأنه قرر انه يعتزر لها لأنه حس انه اهانها جامد قدام زملائها وبعدها... ..
عمر بصدمه : اي اللي عمل فيكي كدا ومال دراعك.؟! .
ملك :انا...
تعليقات
إرسال تعليق