اسكريبت كامل ❤️
=ورد يا بنتي ... انتي يا بت قومي هتتاخري ... انتي يا زفتتته
_ اي يا تيتا في أي ... هي الساعه كام
= ١٢ الضهر و حضرتك لسه مصلتيش ... قومي فوقي يا ورد عشان هتنزلي يا قلبي تجيبيلي حجات
_ حاضر يا قلب ورد ... بس ونبي كوبايه الشاي بنعناع بتاعتي ونبي
= حاضر يا قلب تيتا
_ يا روحي تسلميلي
ستوب
دي ورد ... بنوته هاديه و جميله عينها البني و شعرها الأسود القصير ورد عايشه مع جدتها من سنتين بالظبط لما أهلها اتوفوا في حادثه ورد فاتحه محل ورد او مشتل زهور
نرجع
قمت من النوم و لبست هدوم الخروج بتاعتي الي كانت من فستان رصاصي غامق و عليه شال و سيبت شعري و حطيت كحل ... احنا في جو شتوي و حاجه كدا جاااامده و طلعت لتيتا لقيتها قاعده في البلكونه بتغني لفيروز
_ اي يا قمر يا رايق انت
= اي يا وردتي
_ والله انا ما في حد بيقولي وردتي زيك و قمر كدا يا قمر انت
= بس يا بت ... هتنزلي تروحي تجيبيلي الدوا من الصيدليه تمم و هتجيبي حاجه عشان نتغدي بقا وانتي الي هتعملي الغدا النهارده عشان انا تعبانه
_ حاضر يا تيتا ... حاجه تاني
= هتتاخري ؟
_ بما أن النهارده اجازه و كدا فا مش هفتح المحل فااااا ... ورايا مشوار علي السريع
= و هتروحي فين
_ اشتري شويه كتب مثلا ايدك بقا علي ميه جنيه تانيين
= كتب تاني يا ورد مش عندك يا بنتي
_ يووو منا خلصتهم و بعدين يا توتا تغلي عليا
= لا يا حبيبتي
_ اشتا سلام بقا
= هو انا قدك يا هبله انتي تكلميني كدا
بعت لها بوسه في الهوا _ سلامات يا مزه
ضحكت جدتها = والله مخبوله
نزلت و روحت جبت شويه خضار عشان هعمل شوربه خضار لتيتا و جبت لنفسي اندومي خضار نيهاهاها .. تيتا هترميني بره البيت ... جبت كتب بتاعتي و بعد كدا روحت قبل العصر كدا
_ تيتا ... يا توتي ... انتي يا حجه فينك ...
سمعت صوت تيتا بتضحك ... هي بتكلم مين ؟؟ دخلت الصالون لقيتها قاعده مع واحد غريب انا حقيقي اول مرة اشوفوا في حياتي
_ تيتا فينك كنت بدور عليكي ... مين حضرتك لا مؤاخذه ؟؟!
= ورد دا ..
اتكلم هو = عن ازنك يا تيتا انا هروح دلوقتي و وشكرا علي الوقت اللطيف الي قضيتوا معاكي هعدي عليكي بكرة وانا رايح الشغل ... فرصه سعيده يا انسه عن ازنكوا
بصيتلو و هو خارج مين البني ادم المستفز ده ؟؟ بصيت لتيتا باستغراب لقيتها بتضحك علي شكلي
_ اي الي يضحك يعني مين داااااا
= دا جارنا الجديد شاب كده في سنك بس عسل و انا حبيتوا اوي
ابتسمت _ انتي طيبه يا تيتا .. عن ازنك .. الدوا اهو هغير و انتي قطعي الخضار لغايه ما اجي ..
لقيتها بصالي بشك = بت يا ورد انتي جايبه البتاع الي بتاكلو دا اسمو .. اسمو اه اندومي
_ ااا .. مين قال كدا يا حياتشي ... دا دا دا كتب يا تيتا
= بتتت
_ اه اه اندومي .. مليش مزاج اكل خضار والله بكره بقا ابقي اكلها اوك
بقله حيله = عيال اخر زمن ما بتفهمش .. يا بنتي بيجيب سرطان
ضحكت _ قديمه اوي انتي يا تيتا هروح اغير
دخلت الاوضه غيرت هدومي و لبست بيجامه رصاصي و حطيت الزنط علي دماغي و طلعت لتيتا لقيتها ولعت علي الاكل ... وات ؟؟؟
_ تيتا هو انا اتأخرت ولا اي
= لا ابدا بقالك نص ساعه جوه
_ احلفي ...
=بتتتت
_صلي علي النبي خلاص
= علي الصلاه و السلام ... هتاكلي امتي
_ مش دلوقتي انا هعمل كوبايه قهوه اصل الدنيا مغيمه و بتشتي و هطلع البلكونه
دخلت البلكونه بتاعتي و سقيت الزرع بتاعي و و شغلت ام كلثوم و قعدت اقرا روايه
= بتقري اي
_ مين حضرتك ؟؟ و ازاي تقتحم خلوتي كدا انت انسان عديم الزوق علي فكره
= خلبالك انتي الي معليه صوت الإغاني علي الاخر و بما اني بحب ام كلثوم فا حبيت اطلع اقعد معاكي ... ينفع ؟؟
_ لااااااا
دخلت و قفلت البلكونه بني ادم مستفز و عديم الزوق بيقتحم خلوتي بنفسي لي البني ادم البارد دهههع
= ورد حبيتي انتي اجنيتي بتكلمي نفسك
_ اااا .. تيتا اكلتي عشان علاجك ؟؟
= اه باكل بس سمعت صوتك بتزعقي في حاجه
_ اه ... لا ... يوووه مفيش انا بس جعانه هروح اكل روحي كلي و خدي علاجك يلا
طلعت و دخلت المطبخ و عملت الاندومي و دخلت اوضتي اتفرج علي فيلم لطشيف ..... تخيلوا اي .. تخيلتوا .. خلاص انا هقولكوا توم و جيري ..
= انتي يا بنتي اتجنيتي علي كبر ؟
_ لي يا تيتا بتقولي كده
=يا حبيبتي في حد في سنك يتفرج علي كارتون
_ اه يا تيتا انا ... هي الساعه كام
= ١١ بليل يا بنتي
_ نعم ... لي بقالي اد اي سرحانه دي مكنتش حلقه
= ربنا يهديكي يا ورد يا بنت بنتي .. انا هنام تصبحي علي خير
_ و نتي من أهل الخير !
دخلت البلكونه و لقيت الغريب ده واقف
= مساء الخير
_ مساء النور ... اي الي مصحيك لغايه دلوقتي ..
= مش جايلي نوم مثلا ...
سندت راسي علي كف ايدي _ زي برضوا
الدنيا بدأت تمطر ف سقيت الزرع
= هو انتي اسمك اي ؟
_ ورد .. اسمي ورد
= اسمك حلو
_ ربنا يخليك ..
= ولا يهمك انا اسمي عز
خبطت ايدي علي راسي _ بنسي اسال علي الاسماء وآلله
= عادي ... بتحبي الزرع بقا ؟
_ ييييي جدا
= و انتي عايشه مع تيتا لي
_ اهلي اتوفوا من سنتين وانا عايشه مع تيتا و مليش غيرها و نت عايش لوحدك لي ؟
= اهلي متوفين من خمس سنين
_ ربنا يرحمهم ... انا هدخل انام تصبح علي خير
= وانتي من اهل الخير
تاني يوم الصبح
_ صباح الخير يا توتي
= صباح الفل يا ورده تعالي
_ اي قلب ورده
= نازله الشغل ؟
_ اه يا حبيبتي عايزة حاجه
= سلامتك .. مش هتفطري
_ هفطر في...
قطع كلامي رنه الجرس قمت فتحت و لقيت عز واقف
= صباح الخير
ابتسمت _ صباح النور ... تيتا جوه .. عن ازنك
نزلت و روحت المشتل كان في زباين كتير النهارده و قبل العصر بشويه كنت بقرا روايه و معايا كوبايه قهوه و مشغله فيروز في المحل ... حاجه جمدان ... و لقيت حد دخل
= اهلااا بالراااايق
_ عز ؟؟
= بشحموا و لحموا
_ نعم .. عايز اي ؟
= جاي اقعد معاكي شويه عادي ... اي رايك نبقي صحاب .. بما اننا جيران و كدة وانا معنديش صحاب و تيتا قالتلي أنك برضوا معندكيش صحاب غير قطتك
_ اه اه .. ده يشرفني
= هتقفلي امتي المحل ؟؟
بصيت في الساعه بعد كده بصتلو و ابتسمت _ نص ساعه و قابلني في محل البن الي في محطه الرمل
= لا رايقه رايقه ... هستناكي ..
مشي من المحل بعد ما اخد ورده ... هو انا ببتسم لي .. هو المتخلف الي جوا ده بيدق لي ... اي الهبل الي بيحصل ده ... خلصت الشغل الي ورايا و قفلت المحل و روحت و لقيتوا مستنيني أول ما شافني ابتسم
= هاي
شديت الشال عليا و انا بشم ريحه البن _ هاي
= اي كميه السلام الي انتي فيها دي ... ربعها يارب
ابتسمت _ متصالحه مع نفسي مش اكتر ريحه القهوه مع الشتا بتحسسني بدفا ... و الراحه
= رد مقنع ... انتي علطول هاديه كدا
_ اه علطول ... أو ساعات
= عندك قطه
_ قصدك بيلا ... دي اعز ما املك دي
= للدرجاتي ؟!
_ للدرجاتي .. بحبها اكتر من البشر والله
طلبنا قهوه و بشربها و بصيت للشباك برة الدنيا كانت بتمطر خفيف ... انا بعشق الجو ده ...
= مش متاخره علي تيتا
بصيت في الساعه _ لسه ساعتين ... و هروح منا قفلت بدري النهارده
= هو المحل بتاعك ؟
_ اه بتاعي انا الي فتحاه خلصت دراسه و فتحتوا
= خريجه اي ؟؟
_ السن و نت شغال اي و عندك كام سنه عرفني عنك يا عم انا قاعده بحكي عن نفسي
= بسي يا ستي اسمي عز الدين احمد و مهندس و عندي ٢٥ سنه و شغال في شركتي وارثها من بابا
_ وااو .. شي جميل
= انتي خريجه السن كنتي تقدري تشتغللي في شركه
_ من صغري وانا بحب الزرع و الورد و الحجات دي هوايه يعني ... و اللغات كانت هوايتي برضوا .. بس بحس براحه اكتر وانا في المكان ده مع الزرع
= و مين سماكي .. اسمك حلو اوي
بصيت للشارع الدنيا مبطلتش شتا _ ماما ..... انت مش هتروح
ضحك ... ينهار ابيض اي الضحكه القمر دي = زهقتي مني ولا اي
_ لا لا مقصدش
= يعني عايزة تروحي طب .. انتي لابسه خفيف لي
_ مكنتش اعرف انها هتمطر .. هي مش بتشتي جامد كده كده ...انا هتمشي علي البحر
طلعت من المحل و هو طلع ورايا ...وصلنا البحر و و كان في هوا جامد و شعري كان عمال يطير من الهوا لقيتوا قلع الجاكيت و عطاهولي ... ابتسمتلو
_ شكرا يا عز
= عفوا ... تحبي تأكلي حاجه
_ لا انا هروح اكل مع تيتا .. تيتا عامله محشيييي
= اممم ...
_ مالك
= مفيش ...
_ متاكد
ابتسملي = متاكد يا ورد
لفيت الجاكيت علي جسمي جامد و اتاملت البحر شويه ... و المفروض دلوقتي اروح ... لقيتو واقف بالعربيه بتاعتو
= اركبي
_ لا .. هروح لوحدي
= ورد انا مش بعزم عليكي اركبي
_ طيب متزعقش مش بحب الصوت العالي
اتنهدت = اسف .. انا مدايق شويه
_ مالك
= مليش ...
و احنا ماشيين كنا ساكتين و صلنا و طلعنا ووقفني صوتوا
= شكرا علي الخروجه الحلوه دي ... بقالي كتير مخرجتش خروجه حلوه كده
ابتسمت _ عفوا ... تعالي اتغدي معانا
= لا شكرا
قلدت نبرتوا _ عز انا مش بعزم عليك تعالي كل معانا
دخلنا و اتغدينا مع بعض و هو روح ...
الساعه بقت ١٢ بليل ... عملت كوبايه شاي بلبن و حطيت الشال بتاع ماما علي كتفي و طلعت البلكونه
_ اعوذ بالله ... انت واقف من أمتي
= من زمان .. من ساعه ... كانت بتمطر خفيف
بطفوليه _ الله بجددد
= ورد انتي بتحبي الشتا كدا لي
ابتسمت _ ماما وانا صغيرة كنت بشوفها واقفه في البلكونه و بتندن و بابا واقف معاها كنت بروح اقعد معاها و ماما تحكيلي قصه و انام في حضنها ... فضلنا علي الحال ده دايما في الشتا لغايه ما ... ما اتوفوا
كملت بلهفه _ مالك يا عز انت كويس
اتنهدت بحزن = انهارده السنويه بتاعت اهلي
_ انا اسفه اوي .. ربنا يرحمهم
كمل بمرح = ما تديني كوبايه الشاي دي انا سقعان
ابتسمت _ اتفضل متغلاش عليك
= تيتا نامت
_ اخدت العلاج و نامت
= عندك شغل بكرة
_ امممم مش عارفه ... المفروض انزل ..
= خلاص ماشي .. انا هدخل انام
_ تصبح علي خير يا عز
= ونتي من أهلو يا وردتي
ابتسمت أما سمعت اللقب ده .. حلو اوي بجد
دخلت الاوضه و انا ببتسم و قلبي بيدق جامد حطيت ايدي علي قلبي و روحت للجاكيت بتاعو الي نساه معايا ... ريحتوا فيها .. البرفيوم بتاعو حلو اوي ... روحت نمت و انا مبتسمه ..
عدت الايام و انا و عز بقينا صحاب و اتقربنا من بعض جامد و تيتا حبت اوي عز و بقا كل يوم عندنا بيسلم عليها و في الايام الي عدت دي .. اتاكدت اني .. احم احم .. بقيت عصفور ولهان .. انا بقول اي .. اه اه انا بحب عز يا جدعان
فلاش باك ...
= وردتي
_ اي يا عز في أي
بصلي بحزن جامد = انا ماشي
ضحكت _ ماشي ازاي يعني
= انا هسافر عندي شغل في القاهره و لازم امشي
بصتلو بصدمه _ انت بتهزر صح يا عز .. و نبي قول انك بتهزر
بصلي بحزن و اتنهدت = للاسف السفريه دي مهمه يا وردتي
بصيت بعيد عنو و عيني بدأت تدمع جامد يعني اي .. بعد ما اتعودت علي يسيبني و يمشي ...
بصتلو و في عيني دموع _ هتسبني يا عز ... اهون عليك
= غصب عني ... مش هتاخر انا مقدرش ابعد عنك
_ هتفضل معايا علطول يا عز
= علطول يا وردتي ...
دخلت وانا بعيط جامد و دخلت لتيتا لقيتها قاعده بتقرا قران اتفجعت لما شافتني و أخدتني في حضنها
= ورد .. ورده مالك بتعيطي لي يا حبيبتي
_ هيمشي يا تيتا هيمشي ... هيمشي و يسيبني وانا اتعودت عليه خلاص بصتلي بابتسامه = بتحبيه يا ورده
_ أوي يا تيتا بحبو اوي اوي يا تيتا و هو هيمشي خلاص
= ششششش خلاااااص ... اهدي
الباب خبط و لقيتوا واقف ...و في ايدو الشال بتاع ماما مسحت دموعي و بصتلو
_ أيوة يا عز انت كويس
= الشال بتاعك طار ... انا مسافر بكرة
بدأت اعيط بس مسكت نفسي _ هتسبني يعني
= غصب عني ... بس خليكي عارفه اني مش هبعد عنك.... ابدا يا ورد
_ يعني مش هتنساني
= عمري ما انساكي انا انسي نفسي منسكيش انتي يا وردتي
كنت واقفه عند البحر ... عدي بالظبط علي غيابك يا عز خمس شهور .. خمس شهور عدو عليا بوجعهم .. ووجعهم زاد لما تيتا ماتت كل حاجه في حياتي بحبها راحت تيتا .. وانت .. افتكرت كلامك انك عمرك ما هتنساني و بدأت اعيط ... حضنت الجاكيت بتاعك جامد و عيط .. ريحتك لسه فيه ..
= كنت عارف اني هلاقيكي هنا يا ورده
لفيت بفزع لقتوا هو هو ... بس دقنو طولت زي ما هو حلو و ابتسامتو علي وشو
_......
= وحشتيني يا ورده
_ انت ... انت
= مش قلتلك عمري ما انساكي يا ورده
عيط _ وورده عمرها ما هتنساك يا عز ... هتنسي نفسها بس عمرها ما هتنساك
بصلي بأسف = وحشتيني ... انا اسف
عيط اكتر وانا بحضن الجاكيت _ هونت عليك .. طولت اوي يا عز .. اوي اوي بجد انت مشيت و بعديك مشيت كل حاجه حلوه و بقيت لوحدي ...
= انا اسف ... اوعدك مش هبعد عنك يا ورده
_ ابدا يا عز
ابتسم = ابدا يا وردتي
بعد خمس سنين
بقي عندي بنوته اسمها تاج من عز .. منا و عز اتجوزنا ... كنت قاعده في البلكونه انا و بنتي تاج
= ماما .. هو انتي بتحبي بابا
ابتسمت بحب _ بحبو .. انا بحب بابا اوي يا تاج .. بابا دا حاجه حلوه اوي .. وانا بحبو اوووي بجد
= الله يا ماما انا نفسي اتجوز واحد زي بابا
_ بت عيب كدا ... و يلا عشان تنامي بكرة اول يوم مدرسه يا تيتي
= تصبحي علي خير
_ بوسه ماما
باستني و دخلت تنام وانا واقفه لقيت حد مسكني و لفني لي
_ عز خضتني
= و عز بيموت فيكي مش بيحبك
ابتسمت بحب _ بحبك يا عز
باس جبيني و حضني = و عز بيعشق وردتوا
ليلو و هواه و نجومو و انت 💙
أكتمل
تعليقات
إرسال تعليق