ذهب مراد ناحية دولاب الملفات واخذ يبحث ثم نظر لها بغضب : انتي ازاي تعملي كدا
سارة بثقة في نفسها : انا معملتش حاجة ومتأكدة
مراد بغضب : ده انتي بجحه كمان
سارة بصوت عالي : انا ما اسمحلكش تغلط فيا شايف اني غلطانه حولني للتحقيق لكن هتغلط وتقل ادبك عليا هرفع عليك قضية سب و قذف وافضحك
مراد بعصبية : انت بتعلي صوتك عليا
سارة ببرود : آه
مراد بنرفزة : ده يومك مش معدي معايا ....ماجد هتلي السي ڤي بتاع المدام فوراً
ماجد : ثواني ويكون عند حضرتك
نظرت له سارة بلا مبالاة ونظر لها مراد بتحدي دقائق وكان الملف الخاص بها بين يديه
مراد بشماته : زي ما كنت متوقع مطلقة ما اهو مستحيل واحد عاقل هيستحمل واحدة زيك
هل سمعتم ذلك الصوت ان صوت انكسار قلبها
سارة : اظن دي حاجة تخصني
مراد : فعلا حياتك السخصية تخصك لكن شغلك هنا يخصني
سارة والمعنى
مراد : انا عينتك مدير قسم التصميمات في الشركة
سارة بتوجس : وده عقاب ولا ايه اكيد الحكاية فيها ان
مراد : لا ان ولا سوف ...انا اول ما شوفت التصميم بتاعك انبهرت بصراحة و متوقعتش ان شغل ده من بنت فقولت لازم اشتغلك عشان اعرف اذا كان شغلك فعلا ولا شغل حد تاني وانتي نسبتيه لنفسك بس ثقتك في نفسك اكدتلي انه اكيد شغلك
سارة في نفسها : ياااه عالتفاهه كل ده عشان تعرف شغلي ولا لأ كنت سألتني
سارة : انا مستحيل اخد حاجة مش بتاعتي وانسبها لنفسي
مراد : تمام تقدري تتستلمي شغلك الجديد من بكرة
سارة : تمام بعد اذنك
مراد : اتفضلي ....مدام سارة
سارة : افندم
مراد : بلاش تفكري بصوت عالي
سارة بحرج : احم حاضر
في المكتب عند طارق
طارق بقلق : يا ترى ايه اللي حصل اتأخرت كدا ليه
رنيم : ربنا يستر شكله كان متعصب اوي
طارق : انا هتجن هو خلانا نمشي ليه
رنيم بتعجب : وانت قلقان عليها كدا ليه
طارق : ها لا ولا حاجة هي بس زميلتنا واكيد ما اتمناش لها حاجة وحشة
رنيم : آه هي فعلا سارة شكلها طيبة
تنفست الصعداء فور خروجها من مكتبه وذهبت لمكتبها
سارة بحزن : السلام عليكم
طارق بلهفة : ايه اللي حصل اتأخرتي كدا ليه
رنيم : طمنينا يا سارة
سارة : للاسف ده اخر يوم شغل ليا هنا
رنيم بزعل : ليه ايه اللي حصل لكل ده
سردت لهم سارة ما حدث : بس وطلع اختبار و رقاني مدير ورئيس قسم التصميمات
رنيم بفرحة : بجد الف مبروووك تستاهلي يا قلبي والله
طارق : يعني مش هنشوفك تاني
سارة : ازاي ده هقرفكوا كل يوم واللي مش هيشتغل كويس هخصمله انا بقول اهو
رنيم : لا يا ماما انتي تخصمي للي في قسم هنا احنا قسم تاني
سارة : لا ما انا هاخد المدير الشرير اللي بيعذب موظفينه
رنيم : علي نفسك يا ماما
مراد : هنقضيها رغي كتير
سارة بخضة : سلام قولا من رب رحيم مش تخبط يا اخ
مراد : اخ؟!! ده على اساس انك قاعدة في بيتكوا
سارة : يعني انت عايز ايه
مراد : على فكرة انا صاحب الشركة والمدير هنا
سارة ' وبعدين
مراد : يا بنتي احترميني مش كدا
سارة : حاضر عايز ايه بقا
مراد : اشتغلوا
سارة : حاضر
خرج مراد وهو يضرب كف بالاخر
علاء ( صديق مراد ) : مالك يا ابني بتضرب كف على كف ليه
مراد : موظفة يا عم بترد عليا الكلمة بعشرة ولا كأني المدير
علاء : المفروض تحترمك ده صاحب الشركة
مراد : ولا بتحترمني كصاحب مطعم حتى
علاء : هههههه معلش
مراد وهو يركب السيارة : اضحك اضحك
علاء : اكيد رفدتها طبعا
مراد : لا خليتها تمسك قسم التصميمات
علاء : يا راااااجل بجد
مراد : اه والله بصراحة شوفت تصميمتها موهوبة فعلا كانت راسمة حاجات تحفة لو نزلت السوق هتاكل السوق كله
علاء بصدمة : ايه ده
مراد : ايه
علاء : مراد بذات نفسه بيمدح حد تاني مش مصدق بصراحة
مراد : عادي يعم في ايه
علاء بخبث : وعلى كدا حلوه
مراد بسرحان : جميلة فوق الوصف
علاء بمرح : دي الصنارة غمزت وهتلعب
مراد : بس يا رخم ايه صنارة وسمكة كلام الشوارع ده
علاء : طب احلف كدا انك منجذبتش ليها
مراد : من غير ما احلف ليها ليه دي مجرد موظفة
علاء : اسكت مش بقيت رئيسة قسم ومش اي قسم ده اهم قسم في الشركة كلها
مراد : انزل يلا بيتك اهو يلا ما اشوفش وشك تاني
علاء بضحك : ماشي ابقى اعزمني عالفرح
مراد : لا
دخل علاء بنياته وذهب مراد ليجلس في مكانه المفضل
اما عند سارة
رنيم : ههه يخربيتك كل ما افتكر طريقة كلامك مع المدير اموت من الضحك
سارة : بصي مبحبش حد يشوف نفسه عليا
رنيم : بس ده المدير
سارة : على نفسه
رنيم : والله انتي مش هترتاحي غير لما تترفضي
سارة بلا مبالاة : يا ستي الارزاق على الله
رنيم : ونعم بالله يلا انا ماشية بقا
سارة : خديني معاكي
طارق : وانا هفضل واحدي خدوني معاكوا
سارة : هي رحله احنا مروحين وكل واحدة هتمشي من طريق
طارق : طب ما انا معايا عربية ممكن اوصلكوا
سارة : لا شكرا انا طلبت اوبر
رنيم : وانا بابا هيجي ياخدني
طارق : احسن وفرتوا بنزين
عاد كلا لمنزله
سارة : ماماااااا
سمية : نعم
سارة : انا جيت
سمية : حمد الله عالسلامة يا اختي ده الشارع اللي ورانا عرف جيتي
سارة : المهم طابخة ايه
سمية : بسلة وزر بشعرية ولحمة
سارة : كويس خلصتي طب ولا اساعدك
سمية : لا خلصت روحي غيري وتعالي عشان تاكل مع بابا واحمد
سارة : حاضر
دخلت غرفتها وابدلت ملابسها ثم ذهبت للمطبخ
سمية : اهل رحمة كلموا باباكي
سارة : بجد وبعدين
سمية : قالوا انهم موافقين وعايزينا نروح بكرة نتفق على كل حاجة
سارة بفرحة : بجد والله فرحت اووي احمد طيب ويستاهل والله واضح ان الاخبار الحلوة بتيجي مع بعض
سمية : في حاجة تاني ولا ايه
سارة : في خبر حلو هقوله على العشا
سمية بحماس : يا رب اللي يكون اللي في بالي
سمية باحباط : ليه اذا هو بيحبك ونفسه يرجعلك ده حتى كلم باباكي تاني النهارده
سارة : ماما لو سمحتي بلاش تكسري فرحتي بالخبر الجديد اللي عندي
سمية : ماشي بس على فكرة باباكي موافق وعايزك ترجعي لجوزك
سارة : ربنا يسهل
جلسوا على السفرة
سارة : مبروك ياض احمد ربنا يتمملك بخير
احمد : يا بنتي احترميني ده انا اخوكي الكبير
سارة : يادي النيلة هو كل اللي يشوفني يقولي احترميني حد قالكوا اني قليلة الادب
عبدالله : ايه اللي مزعلك اوي كدا
سارة : المدير يقولي احترميني واحمد نفس الكلام اعملهم ايه دول
عبدالله : معلش
سمية : ايه بقا الخبر الحلو اللي عندك
عبدالله : خبر ايه
سارة : انا اترقيت وبقين مدير قسم التصميمات في الشركة
عبدالله : ما شاء الله ربنا يعليكي
سمية : الف مبروك يا قلب امك عقبال كمان
احمد : الف مبروك يا صرصور
نظرت لها سارة بغضب
احمد : خلاص خلاص الف مبروك
عبدالله : طب بالمناسبة الحلوه دي في موضوع عايز اكلمك فيه
سارة وهي تعلم الموضوع : خير يا بابا
عبدالله : عصام كلمني النهارده وعايز يردك لعصمته
نظرت سارة لاحمد برجاء
احمد : احنا مش قفلنا الموضوع ده من زمان
عبدالله : واتفتح تاني وانا شايف انها ترجع لبيتها وجوزها احسن من قعدتها كدا
سارة : بس انا قولت قراري يا بابا من زمان
عبدالله : طب فكري مرة تانية
سارة : مفيش داعي انا فكرت كتير انا مستحيل ارجعله
عبدالله : وانا اديته كلمة جاي بكرة
سارة بغضب : بابا ازاي تعمل كدا من ما تاخد رأي
عبدالله : والله عال كمان هاخد اذنك قبل ما اتصرف
سارة : انا مقولتش كدا بس
عبدالله : مفيش بس انا عندي قولته وهيتنفذ
سارة :****
تعليقات
إرسال تعليق