صحيت سهي من النوم لقت نفسها في أوضه كبيره طلعت منها بتبص لقت إنها في فيله كبيره.. نزلت تحت لقت واحده من الخدم
سهي: لو سمحتي
الخدامه بإستغراب: What (إيه؟)
سهي: Can you help me؟ (تقدري تساعديني)
الخدامه: Of Course ( طبعا)
سهيI Want food Please (أنا عايزه أكل أرجوكي)
الخدامه: Okay ( ماشي)
قعدت سهي علي الكنبه لقت شهاب نازل جريت عليه
سهي: شهاب... أنا إيه اللي جابني هنا
شهاب: أنا اللي جبتك
سهي: ليه؟
شهاب: مزاجي
سهي: شهاااااب قول بقا
شهاب شدها ليه وقال
شهاب بسرحان: عشان بحبك... عشان مقدرش أشوفك مع عمر أو مع حد غيري
سهي بصتله بصدمه
سهي بتوتر: ب.. بس هو أكيد.. هيلاقينا
شهاب: كلمه واحده بس لو سمعتها منك هخليه يركع تحت رجلك ويقولك آسف
سهي: هي إيه
شهاب: بحبك
سهي: هاا
شهاب: لما تحسي بالكلمه دي فعلا وتحسي إن إنتي بتحبيني وتديني الحق إني أدافع عنك... وعد مني وقتها هخليه يركع تحت رجلك ويترجاكي تسامحيه
سهي حست بالخجل وبعدين قالت
سهي: طب أنا هقعد هنا لوحدي
شهاب: لا أنا ولمار معاكي
سهي: تمام
دخلت سهي المطبخ لقت الخدامه بتجهز أكل غريب ف صرخت بصوت عالي
سهي: شهاااااااااااب
شهاب: إيه... حد يصوت كدا
سهي: إيه اللي هي بتعمله دا
شهاب: دا أكل أمريكي
سهي: لا أنا عايزه أكل مصري
شهاب طلب من الخدامه تعمل لها أكل مصري وبعدين راح الشركه
"عند عمر"
عمر بصريخ: فين سهيييي
والد سهي: مش عارف بابني والله
والدة سهي: أكيد هربت
دخل حد من رجالة عمر وقال
....: مفيش أي أثر ليها يا باشا... قلبنا عليها إسكندريه كلها
عمر بصوت عالي: إقلبو عليها مصر كلها.. عايزها تكون عندي حالاً فاهمين
....: فاهمين يا باشا
كل دا حصل تحت أنظار ضحي وعليتها
طلع عمر وقعد في مكان لوحده وفضل يفكر لحد ما خطرت في باله فكره
راح ل وجدي قاله علي الخطه
وجدي: اللي تشوفه... بس أنا عايزك تفضل جامد
عمر وبان عليه الحزن: كان نفسي الجمدان دا يظهر قدامها
وجدي بزعل: خلاص يا عمر.. وبعدين ما إنت إتجوزتها
عمر: بس مش بتحبني يا وجدي
وجدي: ومش هتحبك يا عمر
عمر: عارف.. عارف إني عذبتها وعزبت أختها ساره معايا بس إنت عارف إني كنت مجبر علي كده
وجدي: عارف والله إن إنت كنت متهدد عشان تعمل في ضحي وأختها كل دا
عمر: يا ريتها كانت حبتني
وجدي: ناوي تعمل إيه..
عمر: هنفذ الخطه اللي قولتلك عليها... هطلق ضحي
وجدي: بس إنت بتحبها يا عمر
عمر: وجدي... أنا بحب ضحي من كل قلبي بس هي مبتحبنيش مش هقدر أجبرها إنها تحبني أكتر من كده
وجدي: ماشي يا عمر
قاطهم صوت حاجه بتتكسر.. ومجرد ما لفو وشهم
عمر بصدمه: ضحي
"عند روان"
دخلت البيت ونظفته وبعدين قعدت علي الكرسي ترتاح فجأه لقت الجيران دخلو عليها
إمرآه 1: روان.. إيه اللي جابك هنا بعد السنين دي كلها
إمرآه 2: مش إتجوزتي ل جاسر الدمنهوري
روان: إتطلقت منه وهرجع لبيتي تاني وأبدأ أعيش حياتي من جديد
إمرآه1: طلقك إزاي يا بنتي دا إنتو كنتو بتحبو بعض
روان حكتلهم كل حاجه
إمرآه 2 بصدمه: .........
تعليقات
إرسال تعليق