آيات : كلميني عن نفسك ي ملك
ملك : تصدقي سؤال حلو مخطرش على بالي .. كلميني عن نفسك ي آيات
آيات : اي السرقه اللي عيني عينك دي انا اللي سألت الأول
ملك : طب جاوبي انتي الأول
آيات : بصي ي ستي معاكي الدكتوره آيات مستقبلا يعني ف رابعه طب وسنجل واخده بالك ، ابقى عمت حضرتك ... ها ف حاجه تاني ولا اي
ملك : اتشرفنا ي دكتور
آيات دورك ي حلوه
ملك : بس تصدقي عمر اتاخر
آيات :اه فعلا دا كله بيصلي طب لما يجلي.. أي دا خدي هنا انتي بتهربي م السؤال لي ها كلميني عنك واتجوزتي انتي وعمر ازاي احكيلي
ملك:اقولك اي ولا اي بس ي آيات انا اصلا معرفش انا اجوزت اخوكي ازاي هوا المفروض ان جوازنا كان بالطريقه التقليدية زي اي جواز بس انا من جوايا مش حاسه كدا.. انا اول مره شفت اخوكي كان صدفه وبصراحه ساعتها أعجبت بشكله ووسوماته بس مجاش ف بالي اني هتجوزه وطلع ف الاخر مدرس عليا وهوا اللي بيديني جيولوجيا تخيلي مدرس اتجوز طالبه عنده
آيات وهيا بتحاول تستوعب بجد انتي طالبه عند عمر ي ابن الذينه ي عمر بش شكله واقع واقع يعني
ملك :تقصدي اي مش فاهمه
آيات:اي اللي يخلي مدرس يتجوز طالبه عنده إلا إذا كان وقع ف حبها من اول نظره
ملك :مظنش
آيات :لا اسمعي مني بس وعلى فكره اخويا عمر م النوع اللي لما بيحب بيحب بإخلاص بس أدى لنفسك فرصه معاه وانتي هتحبيه
ملك : هحاول وان شاء الله كله خير
..
عمر ويوسف روحوا بس عمر طلع فوق ف اوضتهم ملقهاش دور عليها ف البيت كله كان عايز يوريها الهدوم ملقهاش.... عمر لنفسه اروح اشوفها ف الجنين الخلفيه يمكن تكون هناك مع اني أشك لأنها متعرفش أن ف جنينه
عمر: ينهار ابيض انتي هنا وانا قالب عليكي البيت كله وسايبه فونك فوق لي رنيت عليكي فوق العشرين مره
ملك كانت لسه هتتكلم قطعتها آيات
آيات :مابراحه عليها ي عم وبعدين هيا لحقت توحشك ولا اي وراحت غمز*اله
عمر وهوا بيحاول يكتم الضحكه: ي بت تحترمي نفسك.. وبعدين انا بس قلقت عليها مش أكتر وكنت عايز أوريها الهدوم اللي انا جبتهلها
ملك بفرحه: بجد جبتي لي هدوم طب وريني
عمر :سبتهم فوق ف الاوضه تعالى واريهم لك ونتقي منهم اللي عاجبك عشان تلبسيه واحنا رايحين النادي
ملك بفرحه : ماشي يلا
آيات بضحك : الله يسهلو ي عم
عمر : طب ماشي حسابك بعدين ي آيات الكلب اما افضالك بس
- ملك بفرحه : اي الدريسات الجميله دي.. دي كلها ليا دي جميله اوي زوق حضرتك جامد فعلا
عمر : زوق وحضرتك ف جمله واحده ... انا رأي نشيل الرسميات احسن ولا انتي اي رأيك
ملك : زوقك حلو ي عمر
عمر : طالع منك حلو اوي اسمي... بصي نقي منهم واحد والبسيه ويلا عشان نروح النادي بقى
ملك :حاضر
-ملك لبست الدريس البيبي بلو وعليه خمار سكري كدا ولبست كوتش ابيض ونزلت، ملك و هيا نازله ع السلم كان شبه الاميره بفستانها عمر اول ما شافها انبهر من جمالها
عمر بإعجاب : الدريس كان جميل وانا بشتريه بس انتي زديته جمال ع جماله
ملك وهيا مكسوفه : شكرا ي عمر
عمر فضل باصص ليها ومركز ف شكلها جامد
ملك بإحراج طب يلا ولا اي مش هنتاخر ع النادي
عمر : دا انا نسيت دا هما اصلا بره ف العربيات وبعتوني اناديك عشان أتاخرتي . يلا يلا
آيات : كل دا بتنا لها ولا رحت قعدن جنبها
يوسف بضحك : ي اخي أتقي الله دا احنا لسه ف عز النهار
عمر :ولا شكلك نفسك ف عقله عشان تظبط
يوسف : لا لا وعلي اي مش مستاهله انا هسبق انا وآيات وماما وبابا سبقونا ويلا حصلونا انتم كمان
عمر : طيب يلا
عمر لملك :اركبي يلا
-ملك راحه تفتح العربيه و تركب ورا .. عمر مسك ايديها وقالها؛ انتي راحه فين
ملك؛ هركب
عمر وتركبي ورا لي هوا حد قالك اني السواق بتاعك اركبي قدام ي ملك يلا
ملك من غير كلام ركبت
وراحوا النادي
$___________$
احمد :مش دي فيلا عمر الرفاعي
الحارس : ايوا هيا ي فندم
احمد :انا اخو المدام ملك مراته عايزه ادخل ليها
الحارس؛ هما مش موجودين ي فندم خرجوا
احمد بعصبيه؛ خرجوا راحوا فين
الحارس؛ النادي بتاعهم ي فندم
احمد :اديني العنوان
الحارس :نادي ال ****
_احمد سابه ومشى وراح ليهم ع هناك
&________&
-نروح عند النادي
كلهم وصلوا قبل عمر
ونزل عمر وملك م العربيه وملك ماشيه مش عارفه تروح فين ولا تيجي منين اول مره تروح مكان زي
عمر :مالك حاسك مش على بعضك كدا
ملك : لا انا تمام
-عمر مسك ايدها وشدها جنبه لأنها كانت ماشيه بعيد عنه وقالها :متأكده ان كله تمام
ملك :اكيد لو ف حاجه مش هخبي عليكي
عمر؛ اتمنى
-أول لما ملك وعمر وصلوا للمكان اللي كل العيله بتقعد فيه لقوا...
#بتبع
صدفه ولكن .. ❤️🌸
Part13
- أول لما وصلوا لقوا مريم موجوده ملك متعرفهاش ولا تج٠عرف مين دي ف ابتسمت ليها بتلقائيه
-مريم ابتسمت ليها بس من تحت سنانها
عمر بعصبيه : ممكن افهم حضرتك جايه لي
مريم : دا بدل ما تقولي منوره ي مريومه ي حبيبتي
عمر بعصبيه :انا هاخد مراتي وراوح اقعد ف مكان تاني
ملك : لا انا عايزه اقعد مع آيات و ماما فاطمه واتعرف على مريم
-عمر كان لسه هيزعق لملك ابوه قاطعته
محمود :عمر اقعد وماتعملش حوار هيا دي اول مره مريم تقعد معانا م كل جمعه بنقعد نفس القاعده ومريم بتبقى معانا ... دا حتى طلعت اخويا كان المفروض يجي بس ملوش نفس يشوفك
-عمر مردش عليه وبص لملك بعصبيه : قدامي ي ملك من غير ولا كلمه
-ملك متكلمتش لأن كانت خايفه منه وقامت معاه
آيات خافت على ملك من عصبيه عمر قالت لهم :طب انا هاجي انا والواد جو نتمشي معاكوا
يوسف : انا مش قادر اما نتغدي الأول
آيات :ولا قوم وانت ساكت يلا
يوسف :هوا انا ملطشه ف البيت دا الكل بيهزقني
ينفع كدا ي ماما
فاطمه؛ ولا امشي من وشي الحق اخوك وحاول تهدي عصبيته دي
يوسف مشي وراهم....
مريم كانت بتمثل انها بتعيط وبتقول؛ هوا انا عملت ليه اي ي عمو عشان يتعصب لما يشوفني كدا بعدين هوا نهى ارتباطنا من غير مايحصل اي مشاكل بينا هو انا لعبه ف ايد ابنك ي عمو
محمود وهوا بيحضنها وبيطبط عليها : معلش ي حبيبتي انا هجبلك حقك وهخليه يطلق العيله اللي متجورها دي ونديها قرشين وتحل عنه واخليه يتجوزك ي مريومه
مريم بفرحه وقد اختفت دموعها اللي تكاد تكون مكنتش موجوده اصلا : بجد ي عمو انا بحبك اوي وهقول لبابا كمان انك ادخلت وحليت الموضوع لأنه بصراحه كان ناوي يكلم عمر بنفسه
محمود : تمام.. سيبي بس الموضوع دا عليا وهيا مسالت وقت مش أكتر
فاطمه :كانت هترد ع الكلام اللي هوا بيقوله دا بس هيا عارفه ان عمر لما بيعمل حاجه محدش بيقدر يوقفه واصلا هيا مش طايقه مريم ف اكتفت بالصمت
$___________$
يوسف؛ روق كدا ي عم عمر ف اي
عمر؛ مش عارف اي اللي حصلي اول ما شوفتها انا مش عارف هيا عايزه مني اي
آيات :يعم فكك منها احنا اصلا جينا لاقينها انا وعمر قولنا كملت كدا
ملك : ممكن اسال سؤال
يوسف: دا انتي تامري
باصله عمر بغضب يوسف سكت
آيات اتكلمت هيا وقالت : اسألي ي ملك
ملك؛ هيا مين دي
آيات : دي خطيبه عمر
ملك؛ نعم خطيبته اومااال انا ابقى اي
يوسف بضحك: تبقى حرمه المصون
آيات؛ سابقا ي ملك هيا ف الأساس بنت عمنا اصلا
يوسف : جدعان فككوا من مريم وتعالوا نعمل حاجه مفيده اقولكوا تعالوا ناكل
آيات :يلا
اول لما وصلوا شافوا أحمد واقف هناك
ملك بصدمه : أحمد
عمر راح ناحيته بكل شر وضربه بالبونيه ف وشه وقاله :هيا ناقصاك انت كمان اي اللي جابك ي ابن ال *****
احمد وهوا بيتف الدم من بوقه :جاي ي اخد ملك
عمر اداله بونيه تاني وقاله :اسم مراتي ما يجيش على لسانك يلا
عمر بصله بشر ولسه هيضربه.. يوسف بحركه سريعه مسك ايده ولفها ورا ضهره وقاله عايز تضرب اخويا وانا واقف ونزل فيه ضرب
عمر؛ سيبه ي يوسف... يوسف سابه وبعدين أحمد قاله : طب انا هاخدها ومش هعمل مشاكل وراح ناحيت ملك.. ملك بسرعه استخبت ورا عمر ومسكت فيه جامد
عمر بعصبيه؛ ملك دلوقتي تبقى مراتي وامشي من قدامي بدل ما اعملك مشاكل انت مش قدها
احمد؛ طب اسألها هيا عايزه مين فينا
عمر : ردي ي ملك
يوسف :انت لسه هتاخد وتتدي مع الأشكال دي سيبني بس عليه
عمر : استنى انت ي يوسف.. ردي ي ملك
ملك : عايزاك ي عمر
عمر :أظن سمعت بنفسك هيا اختارت مين فينا ف اتفضل بالأدب كدا
احمد وهوا بيمسك عمر من هدومه بكل عصبيه وعايز يمسك ف خناقه :هاخدها ملك دي بتاعتي انا وبس عمر بحركه سريعه ضربه بالروسيه ف دماغه أحمد ساب هدوم عمر اللي كان ماسكها ومسك دماغه... عمر نادي للأمن وقالهم طلعوه بره..... ياريت ما شوفكش قدامي تاني لان ساعتها مش هيحصل طيب
-الأمن خادوا أحمد ومشيوا ومريم قالتهم: طب عن اذنكوا هروح الحمام
-عمر لاقي ملك بتعيط وخايفه، عمر وبدون أي مقدمات راح حضنها وطبط عليها ملك كانت بتعيط ومش واخده بالها انها ف حضن عمر وان الكل شايفهم وكانت بتقول بكرههه ... بكهرهه
عمر : خلاص اهدي انا معاكي اهو وبيطبطب عليها
يوسف : اي ي عم نحن هنا
-ملك خدت بالها وبعدت عن عمر وعمر سابها بعد ماكان ماسكها ومتبت فيها
آيات :فصيل ي واد ي چو قطعت عليهم اللحظه
يوسف؛ لحظه اي وبتاع اي انا عايز اكل فين الاكل ي ماما
رحمه : انت ي واد ي طفس مش همك غير على بطنك عشر دقايق والاكل اللي طالبناه هايجي
&____________&
-مريم طلعت بره ونادت على أحمد
احمد : عايزه مني اي انتي كمان عمر إللي باعتك مش كدا
مريم : اولا عايزاك تعرف ان مش عمر اللي باعتني.. أما بقى عايزه منك اي هتعرفه بعدين اللي عايزاك تعرفه دلوقتي أن مصلحتنا واحده وقريب اوي هتفهم قصدي دا رقمي وهستني منك مكالمه وصدقني لو اتحدنا سوا ملك هترجع لك ف أسرع وقت
احمد وقد لمعت عيناه : بجد هترجعلي
مريم :اكيد بس انت تسمع كلامي
احمد وانا اي اللي يضمني
مريم :ما قولتلك مصلحتنا واحده ... هستني منك مكالمه وسابته ودخلت ليهم
مريم :اي دا انتوا اتغديتوا من غيري
يوسف : تخيلي بقى احنا قولنا نلحق نتغدا قبل ما الجو يكتم تاني بس للأسف كتم بسرعه
-ايات وعمر فاهمين قصده فضلوا يضحكوا
محمود :لا ي حبيبتي احنا مستنيتك اقعدي يلا كلي
يوسف :انا مكنتش مستني حد والحمدلله شبعت
عمر:وانا وملك كمان شبعنا... احنا هنسبقكم بقى عشان عندنا مشوار... يلا ي ملك
آيات :خذوني معاكوا والنبي
يوسف :وانا كمان
عمر : طب يلا ي تلم. منك ليها ومشيوا
مريم انغاظت جدا وقالت لنفسها صدقوني فرحتكوا دي مش هتدوم كتير وبكره تعرفوا مين مريم
مريم : طب انا هروح ي عمو عشان بابا رن علياوعايزني
محمود :طب استنى نوصلك ف طريقنا
مريم :لا انا معايا عربيتي
محمود : ماشي ي مريومه براحتك وبلغي سلامي لطلعت وقوليله عمي وعديني انه هيحل الموضوع
مريم :ماشي ي عمو سلام
&____________&
-مريم روحت وأول لمَ شافت ابوه فضلت تحكيله وتقوله كلام محصلش وان عمر فضل يضايقها وقعدوا يلقحوا عليها... وكلام كدب كتير
طلعت بعصبيه : هوا عمل كل دا ومحمود اخويا مدخلش
مريم : لا ي بابا عمي كان ساكت حتى طنط فاطمه كانت ساكته انا اصلا مكنتش راحه ليهم انا كنت راحه النادي عادي بس شوفتهم وقولت اعمل باصلي واسلم عليهم بس هما هانوني أوي ي بابا وجرحوني ومثلت العياط وراحت حضنت ابوها
طلعت؛ طب اهدي ي مريم وان ما جبتلك حقك مبقاش انا طلعت الرفاعي خلاص بطلي عياط واطلعي اوضتك غيري ويلا عشان نتعشا سوا
مريم : مليش نفس عن اذنك ي بابا
طلعت لنفسه والله لااوريك ي عمر ع اللي انت بتعمله ف بنتي دا هوا
&_______&
ف اوضه مريم
مريم : كنت متأكده انك هترن عليا
احمد :هتعرفي تساعديني ولا هوا كلام وخلاص
مريم :هتشوف بنفسك
احمد : واي مصلحتك
مريم :انا عايزه عمر وانت عايز ملك بيقي مصلحتنا واحده وبعدين مسمعتش المثل اللي بيقول عدو عدوى صديقي
احمد : خلاص ماشي شوفي اي خطه ترجعلي ملك وانا من ايدك دي ل ايدك دي
مريم: اسمع بقى ي سيدي.....
تعليقات
إرسال تعليق